يوميات العراقي

[امورة وحلوة وكتكوتة]

يوميات العراقي :Iraq:


ام البيت :
اكو نوعين

أ) الام الكسلانه :
هاي كل يوم تكعد الصبح بال7تسوي الريوك لباقي العائله من ورا خشمها يعني اتحط خشمها و توكف وراه و تسوي الريوك

تكعد والنومه بعينها و متغسل وجهها حته ترجع للنوم و تغفه من اول ثانيه تشوف شعرها مكفوش من الصباحيات و عبالك مضروبه بوكس ((حشا امهاتنا طبعن)) تسوي الريوك ع السريع وترجع للنوم ((حامض)) ومتكعد لل3ظهر تفتح الثلاجه و تطلع التمن البايت من الليل و تحمي ع السريع قبل لا يجي صكارها من الدوام و بالنسبه للتنظيف بلا حس الصكار تجيب منظفه تجي تنظف كل اسبوع مرة وتخمط حسابها من المكرود

ما اطولها عليكم ورة الغدا تفتح التلفزيون على روتانا سينما او على ميلودي افلام او ام بي سي تو وتظل على هل حطه لليل

من يصير وقت العشاء دز الحب مالتها يجيب اكل من برة و حسب الميزانيه ((اذا بديه شهر يجيب همبركر و كص واذا راس شهر يجيب فلافل او يجيب توم))
ورة العشاء تروح تترتب و تسوي اضافرها و تكعد تكلب بالموبايل مال رجلها اخاف اكو رقم غريب او مسج مال سكرتيرة شي وفنه اذا لكت شي اسبوع ياخذ رجلها اقامه ع الرصيف يبات هناك


وراها اكيد تلف راسها و تنام



ب) المرة الشاطرة :
هاي الله يساعدها تشوفهه مسلوعه و ما باقي بيها شي صاحي
تكعد من السبعه صبح تسوي ريوك للعائله و تكعد اتنظف طول النهار و تطبخ و من يجي الرجال يشوفها صايرة اكسباير يكعد يتغده وياها و كبل يولي ع المخدة يسوقها للعصر

وراها تكعد تشوف الجهال ودروسهم ومن يصير امتحان اتكول هيه الي عدهه امتحان مو الجاهل كله سج للستار

وتسوي العشا ويمه ع العشا يجنن اله مو طبيعي وراها يشوفون اخبار ع الشرقيه ويشبعون قهر وينامون





يوميات الرجال

هذا اكو 3 انواع


أ) واحد

يشتغل خوش شغل و تلكاه من يجي للبيت مبوم و ماله علاقه بالدنيه وبالشغل سبورتي مو طبيعي // هذا حاط المسؤليه مال بيت للمرة وحدها وماله علاقه هو باي شي غير توفير الفليسات

هذا يصبغ شعرة على طول حته يخفي شيباته ع السكرتيرة


ب ) واللاخ

يشتغل بس شغله متعب وفلوسه قليله وكاعد طووووووووووووول اليوم يدور على شغلات اقتصاديه حته يقلل من صرفيات البيت

كل تفكيرة كهرباء مولدات ماي وماطور يشغله يمصمص بي كل شويه حته يسحب من الأبي ويركب باصات وياخذ وياه لفه جبن للشغل و شايل هموم الدنيه كلها وعلى طول يعلق ع السياسه وعندة اراء مو طبيعيه يكول والله لو اني ماكن فلان وزير جان سويت كذا وكذا وكذا بس يحلم وتشوفه يطلع من مشكله ويطب بالثانيه

هذا شايب و ميمشط وشعرة يزين كل شهرين مرة



ج) هذا الاخير

تشوفه كاعد ومصفط بس يدردم و يبجي بوج الله لاشغل ولا عمل حديقه
يكعد يدور ورة الكل انت ليش و انتي ليش معاجبه احد و بس هو الصح

شعرة مهتم بي كلش هوايه لان ما عنده شغل عمل كاعد ويرتب بيه


انواع الابناء


الولد

اكو نوعين

الاول :
محمض كلش ربه دينه معتقده فد شي اسمه كتاب ياكله بالريوك وبالغدا والعشا

تلكاه لابس نظارات طبيه من هو بطن امه و ميحجي ويه البنات ابد وينقبل عادة كليه بغداد و يدخل بكليه الطب ومعدله 110 استعماله للحاسبه بس يفتحها يسحب بحوث من الانترنت ويسج ليل نهار واذا طفت الكهرباء يستعمل لاله و اذا ماكو لاله عنده الابهام الايسر يطلع ضوء بي شحن ساعتين تكفيه يقرا المرشحات

هذا لو ميمشط لو يمشط بلا جل و يسوي قسمه ام الصفح



ثاني واحد :
هذا دااااااااااااااااااااااااااااااااااااااااااااااااا ااااااااااااااااايح كلشي ميفيد ومحد يوصي على شي بالبيت لانه يخرب كلشي و يجفون شرة

عمرة ما لزم كتاب ولا يعرف شنو قلم تلكاه يدور بلوتوثات وفديو مال((***))جزء من النص مفقود وتشوفه يدخن قبل ان يطلع من الشركه و يوكف عادة مقابيل اقرب عمارة من بيته يكصكص بالحتيت من يمرون ويحدق عليهم ويدخل هذا كلية ادارة واقتصاد

شعرة يكون حسب الموده على طول و هسه تشوفه سبايكي


الاخير :
تشوفه يدرس شويه ويلعب شويتين و يوميه اهله يتعاركون وياه يكولوله انت مقصر بدروسك بس هو اني اعرفه كدهه بنهايه السنه يسوي مشاكل و هذا يدخل هندسة بالواصطه
و يومياته انه شويه درس و من يبطل دراسه ينكرب بشغل البيت وي الوالد لو ينام جوة السيارة لو ينظف الزوليه لو ينفس الماطور مال مي لو يربط الواير مال خط المولده ويوميه واكع لو يدزة كراوي تعبانه و من يرجع يخمط باقي الفلوس ويكوللها للماما قفصت عليكم اريد رجال يحجي

شعرة يكون عاااادي يحط جل ويمشط طبيعي



انواع البنات

اول نوع

المدللله:
هاي اهلها علموهه ع الدلال والسبب اكو بس سببين
اما اكو بس ولد وعلى غفله جتي بنيه فتكون مدللله او شنو تكون امها محرومه من الدلال وتريد تعوض النقص مال دلالها ببنتها


هاي المدللله كل شي متسوي ولا تعرف شي اسمه غسيل صحون او مسح الكاشي ولا تعرف شي بالطبخ و من داوم بالمدرسه تشوف كله مدرسين خصوصي و سايق خاص بيها يوديها للدوام و بدي كارد اذا ابوها طاك
تشوفها تكبل وي الفايخين بس لانه تحتاج واحد يصرف صرف مال ولد الوزراء((يايابه شلون بسمار))
هاي مهتمه بشكلها اكثر من غير شي و يوميه شعرها لون ولبسها اني هم مدري منين


تنقبل رافدين او منصور



ثاني نوع

الفقيرة :
هاي ماكو هيج هلكد مو فقيرة انت هم تستحي تحجي وياهه اخاف تجفص وتجرح مشاعرها اووووووووووووووووووووووووووو تموت متنجرع لان هسه زمن مو مال فقرة هسه الكل مشعنن

تشتغل بالبيت بلا ما احد يوصيها على طول تخترع شي حته تشتغله

هاي تدرس كوووومه وتتفرج بس ام بي سي فور

هاي تكون شكلها عااااااااادي ماكو اي شي فيكه وتهتم بشكلها بس شي خفيف جدا وماكو مكياج
وتنقبل هندسه انتاج ومعادن


ثالث نوع

نص ونص :
هاي عادي تشتغل منيه و شي خفيف يا دوبك تغسل ماعونها و تمسح التراب و بوقت الدراسه محد يكلفها شي
تدخل جات على الحشاشه ساعه وحده الظهر لي وقت الغدا
وبعدين ترجع تدخل من العصر لل8ونص ليل

هاي تهتم بشكلها بس بوقت الامتحانات تصير تخرع :(25):

هاي تنقبل علوم حاسبات

:a037:




اشكركم على طول بالكم


:010: