بنات اليوم ارجو التثبيت رجاءاً

[ايهم البغدادي]

كتلك لا تامن ذني غدارات ....
واطلع من اسولف والله عن طوري...

ولا تسئل بعد عافتك ليش اشلون ...
جي شافتك زوج وضربتك بوري ..

البنات بهل وكت لا ما يعرفن عيب ..
وصلفات وجذب ومن كال يرردن ..

واذا ما صدكت خل اني اضل جذاب ...
يجي يوم اعلى عقلك لابد يضحكن ..

ومن يمشن سوه قمة شرف واخلاق ..
واتشوف المصيبه اهناك لو بردن ..

شكم شاب ومراهق ما ينام الليل ..
وبحال الشباب اشلعبن اشسون ..

شلعبن بل شباب افلام يابو افلام ..
يضربنهم بواري وجذب ينضربن ..

وخطيه الي يحب عباله وفايات ..
طلع نصهن خيانه وابد مايوفن ..

اذا تحجي بغرام وكله حب واقلام ..
واشكال الكلام من الغزل كتبن....

تكلك مو احبك لا اموت اعليك ..
تغدرك لو تصير من الذهب اثمن ..

وما اصدك جذب منا لحد اهنا ..
تعلمني بحجيهن نصهن ايجذبن ..

لهيب الروح هذا امنين اجانه اليوم . ..
انا من كربلا لا تضل تصفن ..

اجي لشط العرب من مايه امحي اهموم ....
واحجيله ابهمومي واخليهن ايطلعن...

واسولف كل الي يجي ابالي وابد ما اضم ..
ولا اقصد شخص بس شنو اقصد من ..

تدرون البشر لابد تجي حسبات ..
ويتغير كلامه لسوء لو احسن

واعذروني اذا اتجاوز عل بنيات ..
لان بيهن مصايب والكلب دخن..

خل نرجع بعد خل انضوج الحليوات ..
وانا ادري الحبايب راحن يزعلن ..

عرايس خاف اكلك واضلم العرسان ..
يكثرن بل صبغ لو رادن يطلعن ..

من الاخضر والاصفر ابد مو بانصاف ..
واشكال الصبغ هل كامن يحطن ..

جنت امشي وره امي مستحي وخجلان ..
وهنه ويه الولد بل شارع يضحكن ..

وحتى اعيونهن ما ضل عليهن لون ..
كلساعه شكل فد لون ينكلبن ..

واضافرهن لزك وارموشهن تركيب ..
وعطر فاح بشعرهن راح يتجنن ..

مو بس علبشر لعبن بنات اليوم ..
حتى بخلقة الله كامن يلعبن ..

كبل جان الشباب اهواي اليصجمون ..
واهواي من المواقف عل ولد ثبتن..

انكلبت الايه وهسه البنيات ..
لبسن بنطرون وكامن يصجمن ..

بس اطيور ما حطن بسطح البيت ..
بس هسه بدجاج السطح يتعلمن ..

يجي يوم البنات تسوق دراجات ..
وساعات الفراغ بتكسي يشتغلن ..

على باب الله حكهن العيشه صعبه اهواي ..
وعلى جيبك تريد اعيونهن يبقن ..

واذا انته جيوبك افرغ من الريح ..
يعيننك احزام اضهر يتحولن ..

بس موكلهن سوه .لا البنات اشكال ..
لا نضلم بختنه وبل شرف نطعن ..

اكوبيهن اشراف وتاج فوك الراس ..
واكو بيهن حشاك انعال ما يسون ...




http://up.graaam.com/p10ic/11a60f13f7.jpg (http://www.graaam.com/)

[نور البدر]

:006::006::006:
أخوي ايهم البغدادي
مو كل اصابيعك سوه
بس أنت ماكتبت منو كاتب القصيده

والي كتب القصيده أكيد جان مضروب بوري معدل ههههههههههههههه

[مأسآةشاعر]

هههههههههه أخي أيهم اول شي الي اتشوف هالوجه الحلو متضربه بوري بالعكس يمكن انته تضربها بوري الصراحه آني ردت أحذف هاي القصيده لكن تحجي واقع اكثر شبابنا المساكين بس أخي اصابعك مو سوه يعني ترى أكثر الشباب ايحب بس يتمتع بعلاقة ويه بنات العالم وبعدها مو بوري يضربها لا يضربها جلاق أهوووووووت يعني شلون نكلبها نقاش جاد :014w: وعاش من كتب هاي القصيده لكن انته خليت موضوع القصيده على كل البنات فالرجاء اذا تنقلون قصيده لاتخلي عنوانها يحكي غير موضوعها ومشكووورة نور عالرد الصريح


تحياتي الك يا ايهم

مأسآة شاعر

http://www.m5zn.com/uploads/483a8e66c3.jpg (http://www.m5zn.com)

[زورو العراقي]

هههههههههههههههه
مشكور خيي ايهم على هاي القصيده
بس الله عليك كم بوري مضروب من البنات حتى كتبت هاي القصيده :36::36:

[سماء العراق]

ههههههههههههههههه
هاي شنو هاي ليش ايهم هلكد متحمل على البنات مو احنا خطيه والله :s(1)::s(1):
ثاني شي انتو تكدروزن تعيشون بدونه :crazy2::crazy2:حياتكم تعاسه في تعاسه :(25)::(25):
وثالث شي على اساس انتو الشباب كل الصفات الحلوه بيكم من الاخلاص والوفى والصدق :(29)::(29):
رابع شي تقبل تحيات سموئه

[ايهم البغدادي]

شاعر حبي كامك صح لوبيدي بعد وبعد احجي تحياتي الك
اخوك ايهم

[ايهم البغدادي]

بس موكلهن سوه .لا البنات اشكال ..
لا نضلم بختنه وبل شرف نطعن ..

نور عيني اني مجمعت الكل
تحياتي الج نور اخوج
ايهم

[ايهم البغدادي]

زورو حبي اني مال مضروب بوري والله صح بس مره وحده بس اتمنيت الموت
حبي منور
اخوك ايهم

[ايهم البغدادي]

عيني سماء منوره وربي
وداعتج انتي لو بيدي اقاطع كل بنيه والله
لوبيدي اعزلكم بمدينه لوحدكم حتى تعرفون شنو الولد

تحياتي الج
اخوج
ايهم

[طفولة بريئة]

يامن تكول جذابات
وتشيع علينه
من عشك الولد والله ملينه
كل عذاب حصلينه
من كال احنه الي نخون
احنه بالوفه تربينه
يامن تكول علينه
دور تلكه الي بينه
احنه شمعه تنور دربكم
احنه دمعه لايام حزنكم
لاتكول جذابات
احنه من العشك ملينه
كول وين صدكم
كول وين عهدكم
يالي نستو الوفه
شكم دوب نعلمكم

شكرا على الكلمات اخي العزيز
تحياتي
طفولة بريئة

[انمار علي الدليمي]

قصيده حلوه بيهه نوع من التحشيش وبيهه نوع من الالفاظ الغير مقبوله ..
ومكانها الاصلي يالشعر التحشيشي مو هنا ..

شكرا اخويه العزيز واسمحلي ان انقلها الى الشعر التحشيشي ..

[بزونه حنونه]

ههههههههههههههه هاي شنو ايهم اني راح اصير وياك اذا هاي صفاتنه ليش متمسكين بينه ومتكدرون تستغنون عنه ولو يوم واحد شنو يوم لحظه بدونه متكدرون صح كلامي لو اني غلطانه تقبل تحياتي بزونه حنونه

[ابن العراق الوكيح]

هههههههههههههههه
مشكور خيي ايهم على هاي القصيده