تتامل ام تتعتقد ام تتاكد ان العراق سوف يرجع

[علا الساهر]

السلام عليكم

اخواني ربما ان يكون الموضوع وطني اريد اشوف اراء حول اقتراحي


تعتقدون ان العراق يرجع مزدهر بامانه واستقلاله وحفاظا على حرمته وكرامته ومن الذله والاهانة


بما ان شارع ابي نوأس تسكنه الغالبيه الصماء

وبما ان شارع المتنبي بدلا من ان ييبع كتب الشعراء يضحي باارواح

وبما ان الملاعب تسكنها نباح الكلاب

وبما ان الجسور تنهدم

وبما وبما


وبما

وبما

وبما .........

اريد اتناقش لماذا تلك القلاع البغيضة تمكنت من حجب توام بهجة الجمال والسرور لماذا اغلبت علينا المتارس المتوحشه ولماذا جعلنا حاجز الانانية سدا للفرح والمودة ويستحوذ عليه المتناوبين على الكرسي السلطان يدفعه الواحد الاخر قاضمين حق الناس ومحاصرين الشط وتباعدت وتلونت عناوينهم

تاركين النهر حبيس انانيتهم والناس سجناء الغصة والشوق ان يعود العراق بمعناه

والامل معقود بالعودة

ويااخواني صحيح ونعم بالله واملنا بالواحد الحد

اذا الاهداف لم تغير والوضع قبل خمس سنوات يزداد سوءا يوما بعد يوما

دعونا نقبل بالواقع ولم نرضى بالخيال والوهم

تحياتي

[عمر الساهر]

رائع جدا ً ..موضوع يستحق التثبيت و بتميز ..
احسنت ِ الاختيار اختي ..
مهما كان الوضع صعب جدا ً ..فمن يقرأ تأريخنا , يجده حافل بالانجازات و البطولات ..
اذن ..الامل موجود ...مسألة وقت لا غير ..
المحتل خارج هو و من معه باذن الله ..

لي عودة اخرى..

مع التقدير

[تــ على الراس ــاج]

مشكورة غاليتي
موضوع رائع وطرح اروع

ولكن العراق وكما عهدنا .. بلد الحضارة
بلد نبوخذ نصر .. وصلاح الدين .. ووو ... الخ

وصدكيني يجي يوم وهذه الغمة هتنزاح عن بلدنه
وعن قريب باذن الله ..

تقبلي فائق احترامي

[انوشة]

اولا مشكووووووووووووووووووووورة على الموضوع الرائع رائع

واحيج على هذة الوطنية الحللوة و بارك اللة بيج اختي العزيزة

طبعا احنا لازم انخلي عدنا امل بان انرجع وطنا مرة ثانية يزدهر بجمالة و حضاراتة و مجدة

لان اذا محينا لامل من داخلنا راح يركبنا اليأس يجب علينا كلنا ان يكون عندنا امل و امل كبيييييييييييييييييير

و ندعي من رب الكون ايرجع بلدنا يا رب

تحيااتي الج اختي العزيزة

[علا الساهر]

شكرا ياعمر على الرد الجميل واكييد بلد االانجازات تحياتي لكي يااخي العزيز

تاج راسي شكررا على ردج الجميل وعزيزتي ولابد تزيح الغمة

انوشه عزيزتي شكرا على الرد الجميل واكييد ما نمحي الامل

تحياتي الكم جميعا

يعني انتم الاعضاء الثلاثة تأملون ان يرجع العراق
شكرا على اراكم

[sura]

السلام عليكم
والله تريدون الصدك اني عندي احساس راح يجي اليوم الي راح ترجع بي بغداد مثل ماكانت تزهر بالامان والسلام بس شوكت مااعرف .ماكو شي بعيد على الله

[عمر الساهر]

اختي العزيزة ... على الجميع ان يشعر باليقين ...بان للعراق عودة ..



اعضاءنا الاعزاء ...يرجى التفاعل بشكل اكبر
لاهمية الموضوع ... لماذا نجد التفاعل فقط في مواضيع الحب ..؟!!

لي عودة ...


تحياتي

[علا الساهر]

شكرا سرى على رايج

وصحيح عمر اريد تفاعل اكثؤوشكرا على تفاعلك بمشاركة لان هذا اقتراح مهم


تحياتي

[تــ على الراس ــاج]

خوية عمر ياريت التفاعل يقتصر بمواضيع الحب
بس مع الاسف تلكه الكل متجمهرين بالاقسام التحشيشة
منكول غير اللهم ثبتنا على عقلنا وديننا

ولي عودة

[حسوني]

السلام عليكم .. طبعاً ما اخفي عليكم اني شفت الموضوع من اول ما نزل .. بس ما رديت عليه لعدة اسباب ،، اهم سبب مع ان الموضوع وطني و الاعضاء واعين و الحمد لله .. بس اخاف ياخذ غير مسار ..
و اعتقد انتو اتعرفون قوانين المنتدى .. لهذا راح انتظر الاخت طفولة بريئة تجي تشوف الموضوع
و نتفق اني وياها حوله ..
مواضيع الحب احسن من اي موضوع يفرق العراقيين .. لو الحب موجود مصار الي ديصير ..
تحياتي ..

[sura]

مع احترامي لرأيك حسوني مااعتقد الي دايصير بالعراق سببه عدم وجود الحب بين العراقيين وانما سببه ناس مجرمين غير محسوبين علينا

[عمر الساهر]

السلام عليكم .. طبعاً ما اخفي عليكم اني شفت الموضوع من اول ما نزل .. بس ما رديت عليه لعدة اسباب ،، اهم سبب مع ان الموضوع وطني و الاعضاء واعين و الحمد لله .. بس اخاف ياخذ غير مسار ..
و اعتقد انتو اتعرفون قوانين المنتدى .. لهذا راح انتظر الاخت طفولة بريئة تجي تشوف الموضوع
و نتفق اني وياها حوله ..
مواضيع الحب احسن من اي موضوع يفرق العراقيين .. لو الحب موجود مصار الي ديصير ..
تحياتي ..


اخي حسوني ..
هذا الموضوع يجمع العراقيين مو يفرقهم ..
و البقاء على مواضيع الحب يحدد العقول و مجالات التفكير ..
و هذا ينافي و يخالف فكرة وجود اي منتدى بشكل عام ..
الذي هو مصدر للثقافة ( هذا المفروض طبعا ً ..بس حاليا مو بقيد التنفيذ ) ..
ارجو عدم حذفه ..

تحياتي

[علا الساهر]

اختي تاج راسي نورتي موضوعي واريد رأيج بعد اكثر

حسوني اخويه اني ماجايه اكتب موضع طائفي ولا ارهابي ولا يزعزع وحدة العراق وبما اني عراقية فاعرف انتقي المراضيع بصورة صائبه واريد اعرف راي العراقيين عندهم امل لو لا واخي اذا انت عايش بالعراق انت التحكم وشوف ديصير والحمد الله اكو قلوب وجدانية وطنية كثيرة وموجدة الامال والاستمرارية والعزيمة

وصحيح شخص لشخصيته نوع من اقسام المنتدى ايحب اثبت بيهه واعتقد بردك هذا السلبي راح ازعزع بالموضوع

سرى /عزيزتي شكرا على تفاعلك واريد بعد مناقشة حول الردود الجديدة

عمر /الف شكر الك على تفاعلك وعلى روحك الوطنية العالي

وحسوني خوية اشكرك على ردك وانتم عراقيين تاج راسي

وامل من طفولة بريئة اذا اشوف غلط اني [انقسام الوحدة] بالموضوع مو مشكلة ان تحذفة

بس مااعتبر غلط اريد اشوف اراء عراقيتنه اشلونهها والنتيجة اكو عزيمة واستمرار

تحياتي كل من شارك

[ايهاب السنجاري]

سلمت يداك على طرحك الجميل الواقعي...لكن اختي الغاليه ان الكلمة التي تقال الان تأخذ بمأخذ اخر..واللبيب بالاشارة يفهم...والكل يفهم ويعرف الواقع ...

شكرا لك مرة اخرى..دمت بتألق

تحياتي

ايهاب

[غسق]

السلام عليكم ورحمة الله وبركاته

الصراحة علا احنا كلنة نسال نفسنة يومية يرجع العراق لو لا ؟
بس عدنة امل برب العالمين انو يرجع البلد
فنسال نفسنة مرة لخ ...شوكت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
5 سنين مرت علىالعراق وهو من سيء الى اسوا والقادم اسوا
زين اذا العراق نكول ان شالله يرجع لازم اول شي يرجع الامان زين الامان شكد يرادلة وكت علما يرجع ؟؟؟؟؟؟؟؟؟؟
اني طولت بالرد على الموضوع بس احب اسالج اختي شكد صارلج خارج العراق ؟

[علا الساهر]

شكر اخي العزيز ايهاب على رايك وعزيمتك

وشكرا عزيزتي غسق على رايج والاستمرارية الوطنية

تحياتي