(...(HaMoDe)...)
08-02-2007, 07:48 PM
إلى أمي
إلى امي ..
مع حبي وحناني ..
ييمه وداعتچ ..
گصر زماني ..
الگلب مايحمل اوداع ..
وبلياچ العمر ضاع ..
ومنين آنه ادور ..
عمر ثاني ..
تذكرتچ ييمة بأول الليل ..
وتمنيتچ صبر ..
من خلص الحيل ..
ييمة الدنيا بعدچ ..
گامت تعيل ..
وآنه بلا صبر ..
والهم اجاني ..
إلى أمي ..
منو يوصل سلامي ؟
ومنو اللي يجيب ..
طيف امي بمنامي ..؟
كون تشوفني ..
وتسمع كلامي ..
وتعرف من بعدهه ..
اشگد اعاني ..
تحياتي ..
إلى امي الحبيبة ..
إلى من زرعت ..
بكل عمري طيبة ..
ييمة الروح ..
من بعدچ غريبة ..
ياريت ابسفر ..
حتى ابقى اتاني ..
الى والدي
يالزارع صبر ..
بأيامك الوكحات ..
يالذبلت عمرك ..
ورگةٍ ورگة ..
بخيت وثوب صبرك ..
ما نزعته ابيوم ..
وادري الوكت منك ..
رايد ايشگه ..
گالوا ننسى رسمك ..
من تمر الايام ..
طبع ينسى البشر ..
لو طالت الفرگة ..
بس بوية وحياتك ..
صورتك للحين ..
وسط الروح صدّگ ..
هيه متعلگة ..
يمتعب الزمن ..
من اجل ضحكة بيت ..
وين المثل گلبك ..
هسه ما نلگه ..
وندور وين .. مثلك ..؟
مو هذيچ الناس ..
صفه هسه الحرامي ..
يطالب بحگه ..
وندور وين مثلك ..
عنده گلب اچبير ..
يبث بينه الحنان ..
ابساعه الحرگه ..
ما نلگه احنه مثلك ..
يا وسيع البال ..
ضلينا ابغيابك ..
روح مختنگه ..
گبل لمن نجيك ..
ابشبگتك نرتاح ..
اجيناك احنه هسه ..
ابعازة الشبگه ..
طالت غيبتك ..
مر مرة لو بالطيف ..
مر بينه ..
ترانه ابحاجة اطيوفك ..
ندري ابصحوه ماظن تلتگيك العين ..
امبارك بالحلم ..
خل عيننا اتشوفك ..
علمنه الزمن ..
نصبر .. نعوف اهواي ..
بس كلشي نعوفه ..
وانت منعوفك ..
يا شايل جمر ..
جبت العمر تعبان ..
ومن تفتح اديك ..
الخير بچفوفك ..
يا بويه اعله بختك ..
هالگلب محتام ..
بعدنه اصغار بوية ..
ونرجه معروفك ..
گبل تتلگه ضيفك ..
بالهله من الباب ..
هسه الگبر ..
هم بي باب لضيوفك ..؟؟
للشاعر المبدع محمد رحيمه الطائي
تحياتيالكم حمودي
إلى امي ..
مع حبي وحناني ..
ييمه وداعتچ ..
گصر زماني ..
الگلب مايحمل اوداع ..
وبلياچ العمر ضاع ..
ومنين آنه ادور ..
عمر ثاني ..
تذكرتچ ييمة بأول الليل ..
وتمنيتچ صبر ..
من خلص الحيل ..
ييمة الدنيا بعدچ ..
گامت تعيل ..
وآنه بلا صبر ..
والهم اجاني ..
إلى أمي ..
منو يوصل سلامي ؟
ومنو اللي يجيب ..
طيف امي بمنامي ..؟
كون تشوفني ..
وتسمع كلامي ..
وتعرف من بعدهه ..
اشگد اعاني ..
تحياتي ..
إلى امي الحبيبة ..
إلى من زرعت ..
بكل عمري طيبة ..
ييمة الروح ..
من بعدچ غريبة ..
ياريت ابسفر ..
حتى ابقى اتاني ..
الى والدي
يالزارع صبر ..
بأيامك الوكحات ..
يالذبلت عمرك ..
ورگةٍ ورگة ..
بخيت وثوب صبرك ..
ما نزعته ابيوم ..
وادري الوكت منك ..
رايد ايشگه ..
گالوا ننسى رسمك ..
من تمر الايام ..
طبع ينسى البشر ..
لو طالت الفرگة ..
بس بوية وحياتك ..
صورتك للحين ..
وسط الروح صدّگ ..
هيه متعلگة ..
يمتعب الزمن ..
من اجل ضحكة بيت ..
وين المثل گلبك ..
هسه ما نلگه ..
وندور وين .. مثلك ..؟
مو هذيچ الناس ..
صفه هسه الحرامي ..
يطالب بحگه ..
وندور وين مثلك ..
عنده گلب اچبير ..
يبث بينه الحنان ..
ابساعه الحرگه ..
ما نلگه احنه مثلك ..
يا وسيع البال ..
ضلينا ابغيابك ..
روح مختنگه ..
گبل لمن نجيك ..
ابشبگتك نرتاح ..
اجيناك احنه هسه ..
ابعازة الشبگه ..
طالت غيبتك ..
مر مرة لو بالطيف ..
مر بينه ..
ترانه ابحاجة اطيوفك ..
ندري ابصحوه ماظن تلتگيك العين ..
امبارك بالحلم ..
خل عيننا اتشوفك ..
علمنه الزمن ..
نصبر .. نعوف اهواي ..
بس كلشي نعوفه ..
وانت منعوفك ..
يا شايل جمر ..
جبت العمر تعبان ..
ومن تفتح اديك ..
الخير بچفوفك ..
يا بويه اعله بختك ..
هالگلب محتام ..
بعدنه اصغار بوية ..
ونرجه معروفك ..
گبل تتلگه ضيفك ..
بالهله من الباب ..
هسه الگبر ..
هم بي باب لضيوفك ..؟؟
للشاعر المبدع محمد رحيمه الطائي
تحياتيالكم حمودي