((.,.,. تفضل وناقش الي بعدك بسؤال.,.,.)) ارجو التثبيت [الأرشيف] - الصفحة 2

البرنسيسسه

09-25-2007, 11:59 PM

http://www.iraqup.com/uploads/OUi1b-82kJ82745.jpg (http://www.iraqup.com/viewer.php?id=OUi1b-82kJ82745.jpg)
مرحبااااا :a040:
طبعا اختي فراشه مو كل الرجال يحبون
المضاهر انما اكو نساء ايضا يهتمون بس بالمظهر
واني حسب اعتقادي الرجال يحبون الوظفيه والمال
ويعتبروهم الشي لاساسي ليش . اني اكلج لان بالفوس
ومن تصير عنده فلوس راح يبدي الغرور لي مينجرع بس طبعا
مو كل الرجال هيج يعني الاغلب :Rose:

وسؤالي للي بعدي يكووول
ليش دائما الولد من تخونه بنيه
يتعتقد انو كل لبنات خاينات
ويبدي يكرهم ؟؟؟؟ :s(3):
تفكير غلط :s(19)::s(10):
بس مو الكل

تــ على الراس ــاج

09-26-2007, 01:10 AM

الطبيعي كل انسان اذا خانه شخص عزيز عليه هيتعقد
اذا كان حبيب لو حبيبه او صديق او صديقة
لان هيحس ان الدنيا مابيه امان
لان انخان من اقرب الناس اله
وطبعا هو تفكير غلط لان مو كل لاصابع متساوية ولا كل البشر هم
بس هذا شي بالفطرة مو بيد الشخص

وللبعدي نفس السؤال واتمنى يكون شاب حتى يوفي بالاجابه

تقبلو فائق احترامي

السفير الحزين

09-26-2007, 01:49 AM

طبعا الوم حبيبتي لان الحب هوة الذي يولد العتاب

ومن حبي الها رح اعاتبها ورح افقد شي ثمين بحياتي

هوة قلب رحل عن قلب

وابقى احبة لانالحب مو كلمة تنكال وتروح بتغير الوقت

الا اذا جان حب غير صادق او حب مادي او حب اشباع الرغبة

واكيد رح الظروف رح تسمح لاي شخص اني يتقابلون بغير علم

ورح يعرف اسباب السفر والهجرة عن حبيبة وهوة همين رح يكون بداخلة حافز

انو يرجع للحب الحقيقي الي جان يحبه

=============================

السؤال

الكذب شئ مذموم ولكن اذا حبك شخص حب حقيقي وعنده هذه الحالة هل

تكملين مشوراك وياه ام تتركيه

ابن الانبار الوفي

09-26-2007, 02:25 AM

هلو من جديد اشلونكم اعيوني ... انا دخولي يكون بالسنه
حسنه لهذا الموضوع ههههههه.. حسب الحاجه :20:.

بالنسبه لسؤالكم اشوف انو الموضوع مشترك بين الاثنين يعني مو بس
الشباب هيج موقف ايصير عدهم .. بالعكس اشوف انو البنات اكثر تاثرا
بهذي المواقف ويكون الحكم منها عاما ..انا لستُ ممن يرون هذا الامر صحيح حتى وان وجد لدى الشباب فلا يصح ان نحكم على الاخرين بخطا شخص من الناس فالتعميم بهذي الامور يجانب الصواب ويكون فيه الظلم كبير ...

ابن الانبار الوفي

هنو

09-26-2007, 10:36 AM

وين السؤال
مهند

حبيب قلبي انووو

09-26-2007, 05:14 PM

؟؟؟؟؟؟سؤالي

ماهي الاسباب الي تخلي اطفالنه وهمه بعمر صغير يشربون جكاير وهذه الظاهره انتشرت
بأيكم اسبابها عدم التربيه او

السفير الحزين

09-26-2007, 06:57 PM

مشكورة عيوني حبيب قلبي انوو على هذا السؤال

وهاي الظاهرة ظاهرة غير مرغوب بيها وانو الاطفال يشربون السكائر في عمر صغير

وهذا يرجع الى اول الاشياء انو السبب الرئيسي من العائلة ونو احد افراد العائلة مدخن

والسبب الثاني اهمالهم للطفل رح ايولد عندة الانفلات والتجمع في تجمعات شبابية

تحث على شرب السكائر ويعتقدون انه رح ايكون رجل وهة يشرب السم القاتل

وبعد ما يتشبع بالنيكوتين الدم ما رح يكدر هذا الطفل انو يترك هذا السم بالعكس رح ايزيد

والشي الثالث من كثر الكلام الي يسمع عن السكائر انها تريح البال وتذهب العصبية

لهذا انلاحظ ميولهم الها في ابسط الامور الي تحصل بيه

واترك السؤال للي بعدي ياخذ حقة من الاراء والاجابات

تــ على الراس ــاج

09-27-2007, 02:10 AM

طبعا ومع الاسف هذه عادة سيئة
ولكن كلام الاخ اسد جان صح 100%
ولننسى اهمال الاهل وبعدهم عن ابنائهم يجعل منهم ضعفاء النفوس
ينجرفون لاقرب طريق حتى لو كان خطا لانهم لايجدون النصح والارشاد من احد
وطبعا اكو شي ثاني واهم حتى لو جانو الاهل محافظين على ابنهم
بس ميحترموا فيضطر يسلك هذا الطريق حتى يحس هو كبير
ويعتقد بهذه الطريق الناس هيحترموا
واني انصح الاهل على احترام ابنائهم واقول لهم كبروهم يكبرون صغروهم يصغرون

ونفس السؤال للي بعدي

تقبلو فائق احترامي

عصفورة قلبي

09-27-2007, 03:07 AM

مرحبـــــا كلكم شلووونكم أول شي يسلمو ع المضوع الحلوو
وثاني شي يسلمو حبيبة قلبي انو ع سؤالج
أحب أوضح ان سبب هاي المشكلة مو الاولاد السبب الرئيسي هو الاهل وخاصة الاب مو قصة تربية بس قصة اهمال الاهل والاب خصوصا مثل مكلت لآبنة ...وعدم فهم ابنة بالشكل الصحيح وتوبيخة ع اي شغلة غلط يسويها ...اتصور من الفظاعة تعامل الاهل بهذا الشكل مع الابناء ...تقبلوا مروري
وسؤااااااااااااااااالي هو ..مارأيك بضرب الآب لآبنة او الام لبنتها؟؟؟؟؟؟؟؟؟؟

حبيب قلبي انووو

09-27-2007, 01:13 PM

مارأيك بضرب الآب لآبنة او الام لبنتها؟؟؟؟؟؟؟؟؟؟

طبعا هذا خطأ لان يولد الكره بداخل البنت او الولد وبذالك يدعوه الى عدم المبالات وعدم خوفه منه او احترامه لان بالضرب راح يخليه شخص ميشعر سوى بالالم ولهذا مراح يفرق عنده حتى لو والده قطعه
وانصح جميع الاخوه على عدم ضرب حتى اخوانهم الاصغر منهم

شكرا للسؤال
واتركه نفسه لأن يستحق النقاش

omar moon

09-27-2007, 07:06 PM

موضوع حميل صراحه وسؤال اله اكثر من نظرية ...
وتبقى صراحه على البيئة الي يتربى بيها الطفل ... بس مطلوب بيها
ان ينظرب الطفل ولا .... بس مو يوميه يعني كتله شكل ... لان راح يتولد عنده تشبع
وبعد ميخاف من يكبر ... واحلى شي هو الاحترام ........ والصداقة بين الاباء والابناء ....
اني عن نفسي صراحة اتذكر صح يمكن اكثر من مرة انضربت واني صغير ... بس ما اتصور تركت اي اثر سلبي بداخلي
وهسة علاقتي بابوية اعتقد اكثر من صديق اتصوروا ياخذ ارقام تلفونات صديقاتي هههههههههههه لا كذب الاخيره ...
تحياتي على الموضوع الروعه ....

سؤال هسة يكوول ... شنو احلى صفة تملكها بداخلك ؟؟؟ وشنو الصفة السلبية دائما متواجده عندك ؟

شوق الاماكن

09-27-2007, 08:29 PM

السلام عليكم
سؤال هسة يكوول ... شنو احلى صفة تملكها بداخلك ؟؟؟ وشنو الصفة السلبية دائما متواجده عندك ؟

بالنسبة لسؤالك اخوية
ان شاء الله اجاوبك عليه
احلى صفة املكها بصراحة ماادري
بس اكدر اكولك الصفة السلبية اللي دائما موجودة
الصفة هي الفضول الزايد لان احيانا ادخل باشياء متعنيني لا من قريب ولا من بعيد
شكرا على السؤال

هنو

09-27-2007, 09:46 PM

سؤال ... شنو احلى صفة تملكها بداخلك ؟؟؟ طيبة القلب والرقه
وشنو الصفة السلبية دائما متواجده عندك ؟ الحساسيه الزايده وام دميعه بسرعه ابچي ههههه

نفس السؤال

@علاوي@

09-28-2007, 12:18 PM

الجواب بهل زمن كلشي يصيرى اسد واريد اشكر تاج عل راس شكرآ اختي شكرآ جزيلآ نفس السؤال

السفير الحزين

09-28-2007, 05:24 PM

احلى صفة قلبي حنون والصفة السلبيه

عصبي بس مو بكل الامور

الي بعدي

هل انت محب للاخرين مثل ما تحب لنفسك ؟اذا جان جوابك نعم اذكر شخص قدمتلة انت هذا الشي واذا جان لا اذكرنا الاسباب

omar moon

09-28-2007, 05:35 PM

هل انت محب للاخرين مثل ما تحب لنفسك ؟اذا جان جوابك نعم اذكر شخص قدمتلة انت هذا الشي واذا جان لا اذكرنا الاسباب

بالبداية السلام عليكم ...

سؤال جميل اخ اسد ... بس الصارحة يعني مو كل شخص نحب نقدمله مثل منقدم لنفسنه يعني
مرات الامور تطلب نتفاوت .... يعني مثل الاهل وخاصة الام .. مرات نريد نقدملها اكثر من ما نقدم لنفسنه
او الحبيبه او الصديق مرات نفضله على نفسنه ... وتبقى امور مرات نقدم نفسنه عليها .. وحسب الاراء بعد
مراح اسأل انتظر رأ]ي باقي سلامي ..

انوشة

09-28-2007, 08:39 PM

مساء الخير على الجميع

بالبداية مشكور اخ اسد على سؤالك

و اني بالنسبة الي اكو اشخاص عزيزين علية اهواااية و قدمتلهم اشياء اهوااية يمكن ما اقدمهة الى نفسي

بالمناسبة اني بية صفة و هي انو احمل هم غيري خصوصا اذا كان شخص غالي علية و اذا كان هو بمحنة او مشكلة

و الشخص الي احبة اكثر من نفسي هي امي

السؤال للي بعدي و يمكن اني سألتة قبل فترة و احب انو ارجع اسئلة لان محصلت على جواب كافي

اذا كان عندك انسان عزيز عليك و غالي و غدر بيك اولا شنو راح اتكون ردت فعلك يعني اتروح اصارحة بالي سواة لو تعوفة و تنهي الي بينك و بينة ؟؟؟؟؟؟و لو هو حس بغلطة و اجة و اعتذرلك ممكن اتسامحة لو لا ؟؟؟؟؟؟؟

تحيااااااااااتي

omar moon

09-29-2007, 06:06 AM

السؤال للي بعدي و يمكن اني سألتة قبل فترة و احب انو ارجع اسئلة لان محصلت على جواب كافي

اذا كان عندك انسان عزيز عليك و غالي و غدر بيك اولا شنو راح اتكون ردت فعلك يعني اتروح اصارحة بالي سواة لو تعوفة و تنهي الي بينك و بينة ؟؟؟؟؟؟و لو هو حس بغلطة و اجة و اعتذرلك ممكن اتسامحة لو لا ؟؟؟؟؟؟؟

ا

السلام عليكم .. اخت انوشه كيف الصحه ويارب تكونين بخير ...
بالنسبه لسؤالك يعني عن الخيانه ... وراح اجاوبك على اسئلتك باختصار ,,,
شنو راح اتكون رده فعلك ؟؟ صراحه رد فعلي اكيد راح تكون قوية ... واني مرات صراحه من اتفاجأة بموقف
اول شي اسوي ابتسم .. لان يمر عليه لحضات هذا الشخص شنو كان يعنيلي و شنو الي سواه !!
واكيد راح اصارحه بالموضوع وانطي الدليل اذا نكر الموضوع ... اما شغله ان انهي الي بيني وبينه فما اعتقد
لان كل انسان يغلط .. بس بنفس الوقت اذا جرحه عميق بداخلي مراح اكدر اسامح لان عندي مبدأ يكول الي يحب ميغلط لهذا راح ابقى على اتصال وياه بس مراح يكون بحجم ماكان سابقاً عليه ... وتبقى شغله المسامحه
اذا مثلا انسانه احبها وخانتني فأكيد اسامحها واعتبرها صديقة واذا صديق او صديقه فاكيد بمرور الايام راح انسى الموضوع ويجوز علاقتنا تقوى اكثر ........ واعتذر للاطاله .......

سؤالي للي بعدي .... تعقيب على الموضوع طبعاً .....
هل يتحول الحب الى صداقه ؟ يلا انتظر الجواب ..

حبيب قلبي انووو

09-29-2007, 06:19 AM

طبعا لا مستحيل بس اذا الشخص كذاب فراح يكول للشخص المقابل بانه كان صداقه وليس بقلبه حب يعني يتهرب منه
بس ممكن العكس يعني الصداقه الى حب

وسؤالي

هل المسافه تعيق قلوب المحبين

omar moon

09-29-2007, 11:55 AM

صباح الخير على كل الطيبين في هذا المنتدى
وفي كل بقعه من وطنا العزيز ... نونه شلونج شخبارج ؟؟
بالنسبه لموضوع الصداقه والحب وهل يتحول الحب الى صداقه ؟؟
صراحه اني بالنت هواية مرت عليه هاي الحاله ويتحول بيها الحب الى صداقه وما اعرف يعد ..!!

وهسة نجي لسؤالج ... هل المسافه تعيق قلوب المحبين ؟؟
جوابي اكيد تعيق قلوبهم بس انتي كلتي المحبين يعني حددتيها فالمحب ما اتصور يعيقة شي عن محبوبته
بس الي خلقه والموت .... وبعد ما اعرف ,,, تحياتي الك ...

هسة سؤالي للي بعدي ........ ما نسبه نجاح حب النت بالنسبه الك ؟؟

هنو

09-29-2007, 12:06 PM

10%

سؤالى للبعدي هوه

شنو عند بلبيبت حاسبه لو لابتوب
خلي نغير شوي

حبيب قلبي انووو

09-29-2007, 12:11 PM

حاسبه ولا بتوب اثنينهن

شنو نوعيه جهازك و شتتمنه تغيره لشنو

omar moon

09-29-2007, 12:13 PM

نوعيه جهاز قصدك شنو نونه وضحي السؤال ؟؟؟ :h035::h035::h035:

حبيب قلبي انووو

09-29-2007, 12:19 PM

اني زعلت ليش مجاوبت على سؤااااااالي لويش

المهم

اعيده اعيده

شنو نوعيه جهازك الموبايل و شتتمنه تغيره لشنو

حبيب قلبي انووو

09-29-2007, 12:20 PM

وصدك اني مااعرف اطبخ زين لهذا مااحب ادخل التجربه ههههههه

لــؤلــؤة بــغــداد

09-29-2007, 12:24 PM

الجواب هذا لمنو موجه لـ عاشــق ..؟؟ صح

اللي بعــــدي
تحــب وشنو الحب بالنسبـــة الك ..؟؟

عراقيه بالفطره

09-29-2007, 12:39 PM

أحب أذا قصدك الحب بأوجهه المتعدده وأذا قصدك حب بين شخصين أثنين يمكن أحب.....
والحب: أسمى عطفه خلقت بين الناس ولا يوجد كائن ما يحب حتى لو بين غير ذالك أما الغرام وهو من عائلة الحب فهو أحلاه وأكثره عطاءا الحب بالمختصر عطاء بلا حدود أحساس يكسر كل القيود لأن الي يحب ما يعرف حبيبه من أي طبقه ولا من أي مكان ولا شنو لونه ووضعه بس يحبه لأن القلب خفق لمن شاف فمافيه أي أسس أو قواعد بنظري تحياتي وسؤالي...نفس سؤال حبيب قلبي أنو لأن ما كو أحد جاوب عليه ...شنو نو جهازك الموبايل ولشنو تحب تغيره؟

omar moon

09-29-2007, 01:10 PM

جوابي على سؤال حبيب قلبي انووو هو
جهازي نوكيا 3250 الجيل الثالث يعني انتظر 300 سنه يلا الكه برامجه وثيماته ....
وصراحه ما احب اغيره لان ملكيت احسن منه ... :a062: :a062: :a062:

سؤالي للي بعدي ....... شنو اكثر شي يعجبك خلال شهر رمضان ؟؟ :h035:

انوشة

09-29-2007, 03:10 PM

اكثر شي يعجبني بشهر رمضان هو تجمعنا على سفرة و حدة

و برامجة كلش تعجبني

للي بعدي اكثر شي ايعجبك بالنت ؟؟؟؟؟؟؟؟؟؟؟؟؟؟

السفير الحزين

09-29-2007, 05:42 PM

التعارف والصداقة لان احب التواصل دائما

للي بعدي

اكثر شي تحب ان اتسوية بهاي الدنية وما كدرت انو اتسوية لسبب محرج

حبيب قلبي انووو

09-29-2007, 06:38 PM

اكثر شي تحب ان اتسوية بهاي الدنية وما كدرت انو اتسوية لسبب محرج

بنفسي لمه احب اكول للناس كلها اني احب هذا وبنفس الوقت مااريد الناس تلومني على الي كلته

نفس سؤالك اخي

ابن الانبار الوفي

09-30-2007, 08:42 AM

roza

09-30-2007, 09:03 AM

اول شي الحمد لله طلعنا من الاسئله الحب وهل السوالف
يلا المهم راح اجاوب على مهند

اول شي العمل مو عيب
العيب انو الانسان يكعد ويمد ايده للناس ...
او يحصل على المال بطريقه تغضب رب العالمين
بس هنا انلوم المجتمع ؛؛
لان لو المجتمع متحضر ما ينظر للعمل انو هذا العمل حلو و ذاك مخجل
وماكو عمل يقوم به الانسان الا وله مردود على المجتمع
يعني عامل البلديه عَمله الناس تشمئز منه
بس لو نجي على الواقع لو مو هذا الانسان منو يقوم بالعمل الي يقوم بي؟!!!
ان شاء الله يكون جوابي واضح

وشكراااااا على السؤال
والسؤال نفسه حتى نعطيه حقه
تحياتي

omar moon

09-30-2007, 10:01 AM

سؤالي هو ..

انسان لا يجد ما يسد رمق عياله ولديه من الابناء والبنات منهم من وصل
في مرحله متقدمه كأن يكون كليات او غيرها ..
المهم سؤالي اذا توفرت لهذاا الرجل شغلة في مكان يستثقل كل الناس العمل فيه
يعني عمل خلي انكون واقعيين صعب واحد يعمل بيه ...شنو رأيك انت او انتِ
لو كان هذا هو الواقع الذي تعيشون فيه ... ؟؟

السلام عليكم ... شلونك حبي مهند شخبارك ؟؟ ولو صارلنه فترة ممسولفين ...
هسة نجي لسؤالك ...... حبي هنا الموضوع خلي نكون واقعين بيه وجدين شوية وراح نفرض واقعنه
بالعراق الشغل الي هسة ممنوع بالعراق هو ان تضع ايدك بايد المحتل مو صح ؟ وهذا مال حرام شلون راح
نعيش منه اهلنه او اطفالنا ؟؟؟ يبقى الشغل العادي فالشغل مابي اي ثقل على اي انسان شريف يكسب
معاشقة من تعب جبينه وهذا رب العالمين يبارك بيه ويرزقه من اوسع ابوابه .... وتحياتي الك .....

سؤالي للي بعدي ؟؟ ما هو رأيك برمضان الحالي في العراق ؟؟ وهل يوجد فرق في السابق ؟

roza

09-30-2007, 10:15 PM

سؤالي للي بعدي ؟؟ ما هو رأيك برمضان الحالي في العراق ؟؟ وهل يوجد فرق في السابق ؟
اهلا عاشق
رمضان الحالي يشبه كل رمضان بس الا ختلاف انو كنا انصوم رمضان وكان الخير والامن يعم
وحاليا ماكو امان
هذا الفرق الي اشوفه
السؤال نفسه للبعدي

السفير الحزين

10-01-2007, 12:58 AM

مشكورين على السؤال

وبصراحة اني اشوف رمضان هاي السنة والي قبلها

مو رمضان في بغداد وعلى مشاهدتي للواقع

ما احس بيه رمضان بسبب كثرة المطاعم المفتوحة

كثرة الباعة المتجولين وكثرة الي يجون عليهم وياكلون

ظاهرة التدخين السائرة الي كثر الكلام عليها ويكولون مو محرمة

تخريب جوامع عديدة في بغداد كثرة ما نسمع من القتل واتمنى اني

انو يرجع رمضان مثل قبل ونحس بطعم رمضان

=========================

الموت حق على كل انسان

هل انت تخاف من الموت ؟وشنو الاسباب ؟واذا متخاف هل انت متاكد من نفسك خالي من الذنوب

تــ على الراس ــاج

10-01-2007, 04:44 AM

الموت حق على كل انسان

هل انت تخاف من الموت ؟وشنو الاسباب ؟واذا متخاف هل انت متاكد من نفسك خالي من الذنوب

لا لا اخاف من الموت لاني مؤمنه بالقضاء والقدر ..
طبعا مستحيل احكم انني خاليه من الذنوب
لانه لايعلم مابالقلوب الا الله سبحانه وتعالى

احمد الغريب

10-01-2007, 04:54 AM

هلو اعيوني .. رمضان الخير عليكم ..
عمي اشبيكم نازلين دك على الحب وطلايبه فكو اشويه وغيروا هههههههههه
الي ايشوفكم ايكول مكسرين على روسهم كل بواري الحب والمصايب هههه.

جوابي على سؤال اسودي الغالي .. بصراحه احب انو البس اهدوم عتيكه
وانزل وي الناس التعبانين واتعايش وياهم ههههههههههه..على اسا اني الزعيم
ههههههههههههه اصلا اجدد قميص عندي صارله سنه ..

سؤالي هو ..

انسان لا يجد ما يسد رمق عياله ولديه من الابناء والبنات منهم من وصل
في مرحله متقدمه كأن يكون كليات او غيرها ..
المهم سؤالي اذا توفرت لهذاا الرجل شغلة في مكان يستثقل كل الناس العمل فيه
يعني عمل خلي انكون واقعيين صعب واحد يعمل بيه ...شنو رأيك انت او انتِ
لو كان هذا هو الواقع الذي تعيشون فيه ...

ارجو ان يكون الجواب صادق وبدون اي مثاليه ..

لكم مني كل الود اعيوني واغاتي
ابن الانبار الوفي

احب اولا اشكر حبيبي الغالي مهند على هذا السؤال الرائع

ان العمل لهو شيء مقدس وانه عبادة ايضا ....ولكن ان لسوء فهم مجتمعنا اللامتحضر هو وصل المفهوم هذا الينا (((العيب)))هل العيب ان نمد يدنا للناس ام العيب ان ندخل في مداخل لا حل لها كالسرقة والمحرمات الاخرى

ان الانسان هو حر بطبيعته فاليشوفه صحيح يعملة
ولكن انا رايي هو انه ليس عيب ولا حرام ان يشتغل لتوفير لقمة العيش
تقبل تحياتي حبيبي الغالي

انوشة

10-01-2007, 12:05 PM

اني ما شفت اي سؤال حتى اجاوب علية لكن راح اجاوب على سؤال
اخوية ابن الانبار......

طبعا مثل مذكروا الاخوة و الاعضاء قبلي الشغل ما بي عيب اذا كان شغل حرام
العيب من يحي و يمد ايدة للناس هذا هو العيب برئي
مشكككككور على سؤالك
.................................

سؤالي للي بعدي شنو رايك بالزواج المبكر ؟؟؟؟؟؟و هل انت من مشجعي هذا الزواج؟؟؟؟؟و الاسباب

omar moon

10-01-2007, 01:20 PM

سؤالي للي بعدي شنو رايك بالزواج المبكر ؟؟؟؟؟؟و هل انت من مشجعي هذا الزواج؟؟؟؟؟و الاسباب

سؤال حلووو صراحه ... راح اجاوب بحكم تجربه ,,,
اني اتزوجت من قبل سنتين واشهر تقريبا .... واني هسة عمري قرب الخمسة وعشرين
يعني بعدني صغير ... زواجي مدام اكثر من 3 اشهر ... اذن ؟؟ الزواج المبكر ما اشجع عليه ابد ..
وذلك لاسباب ان العقل مناضج والزواج مو علاقة عادية ... فمراح يكون اي تفاهم بينك وبين شريك حياتك ..
بكل الامور طبعاً ...لهذا الزواج المبكر 70% فاشل .... وشكراُ للسؤال ...

اترك السؤال نفسه حتى نشوف رأي باقي الاعضاء ...

sura

10-01-2007, 02:44 PM

اني شخصيا ما اشجع الزواج المبكر وانما يكون بعمر معقول يعني من سن ال25سنة فما فوق وخاصة بالنسبة لرجل سؤالي للبعدي شنو رايك برامج لواقع مثل (ستار اكادمي وقسمة ونصيب وغيرها)

احمد الغريب

10-01-2007, 02:58 PM

اني شخصيا ما اشجع الزواج المبكر وانما يكون بعمر معقول يعني من سن ال25سنة فما فوق وخاصة بالنسبة لرجل سؤالي للبعدي شنو رايك برامج لواقع مثل (ستار اكادمي وقسمة ونصيب وغيرها)

اشكرك خيتو على هالمشاركة
واحب اجاوب على سؤالك واقول انها برامج جميلة ومسليه وهي من اجمل الاشياء
وانا لم افوت برنامج ستار اكاديمي فهو برنامجي المفضل بس برنامج قسمة ونصيب لم يعجبني لانه الانسان اذا لم يعاشر البنت اللي يريدها ويحبها والبنت يجب ان تكون من عائله معروفة فهذا من تعاليم القرآن الكريم

احب اسأل اللي بعدي واقول له
لو انت تمشي في شارع ولقيت مبلغ من المال وانت في امس الحاجة اليه هل تأخذه ام تعطيه للجامع او اي ماكن لرجوعه الى اهله؟؟؟؟؟؟
ارجو الجواب بصراحه وشكرا تقبلوا تحياتي

ثعلب الصحراء

10-01-2007, 07:47 PM

مشكور اخوية

جوابي هو

انت مو كل اصابعك سوة

اكو شخص ممحتاج المبلغ الي يلكي

بس مع الاسف ياخذة

واكو لو كلش محتاج هذا المبلغ

مياخذة لان يخاف الله

ولو ينطي الصاحب المبلغ او ينطي الاقرب جامع

واني بالنسبة الي انطي الصاحبه او الاقرب جامع

وشكرا

سؤالي هو

ليش ماكو بهذا الوقت ثقة وحب صادق بين شخصين

مثلا

تلكة ثنين علساس هم حبايب او بيناتهم علاقة حب

بس ماكو ثقة بيناتهم وحبهم مزيف

واقل مشكلة تصير بيناتهم

تلكاهم واحد عاف الثاني بكل سهولةوشكرا

ثعلب الصحراءhttp://www.arabsys.net/pic/bsm/18.gif (http://www.arabsys.net/pic/index.php)

انوشة

10-02-2007, 12:28 AM

طبعا مو اصابعنا سوة ........اكو الزين و الوفي و اكو المو زين

بصراحة اني لحد الان ممريت بهذة الحالة و اتمنى ما امر بيها

لكن هيج نوع من الاعلاقات اسميها علاقات مزيفة يعني من برة بس

اتمنى محد ميمر بهيج علاقة لان هيج علاقات حرام انسميها صداقة

مشكووووووووور على سؤالك

سؤالي للي بعدي شنو رايك بالحب و التضحية من طرف واحد؟؟؟؟؟؟هل الانسان الي اتحبة اتروح و اتكلة ؟؟؟؟؟او شنو اسوي ؟؟؟؟على اساس انو ميدري بحبك الة

لــؤلــؤة بــغــداد

10-02-2007, 02:49 AM

حب من طرف واحد ..؟؟
لا مااعتقـد هذا صح هذا مو حب طول مـ الطرف ثاني مو حاس بحبك !!
احــــاول ابين الـهـ على كد مااقـدر
مو عيب الانسـان من يحب واحد وبيبن حبه للطرف الثاني
امــــا التضحيـة ..
اسـاس الحب هو التضحيـــة ..
اذا ا نتـي او انتـهـ متضحون بالحــــب ..
ليش حبيتــو ..؟؟
الحـب لازم بيه تصير مشاكل وماكو حب من غيـر مشاكل
بس نحاول نضحي ونسوي المستحيل لجل نسعـد الحبيب او الحبيبة !!

.. سـؤال
شنـو رئيــــك بـ مشرفيــــن المنتــــدى ,..؟؟

احمد الغريب

10-02-2007, 03:13 AM

والله كلهم مامقصرين والله يعطيهم العافية وآني جدا اشكرهم وخاصة انت يا احلى لؤلؤة
تقبلي تحياتي

احب اسأل اللي بعدي واقول له
لو انت تمشي في شارع ولقيت مبلغ من المال وانت في امس الحاجة اليه هل تأخذه ام تعطيه للجامع او اي ماكن لرجوعه الى اهله؟؟؟؟؟؟
ارجو الجواب بصراحه وشكرا تقبلوا تحياتي

__________________

ابن الانبار الوفي

10-03-2007, 08:38 PM

احب اسأل اللي بعدي واقول له
لو انت تمشي في شارع ولقيت مبلغ من المال وانت في امس الحاجة اليه هل تأخذه ام تعطيه للجامع او اي ماكن لرجوعه الى اهله؟؟؟؟؟؟
ارجو الجواب بصراحه وشكرا تقبلوا تحياتي

هلو اعيوني اشلونكم ورمضان الخير عليكم ..

بالنسبه لسؤالك حبيبي ابو شهاب ..بصراحه انا ما استطيع ان اخذه
رغم الحاجه الي يمكن اكون بيها لانو هذا مو حقي ..
قبل مده اخويه الزغير عثر على 7000 دينار بالشارع المهم بصراحه لو باقيات
عنده يعلسهن لانو جليل حيا :(20):.. اخذتهم وسالت على صاحبهن ماكو
وبالاخير وديتهم للجامع وراح يجي ثواب لصاحب المال هههههه.
شكرا على السؤال حمودي وتسلم يا ورده ..
--------------------
سؤال للي بعدي ...
اشلونك او اشلونج ههههههههه خوما جوعان ؟ههههههه
شنو رايك بالمدرسه وهسه هي بدت ..شنو الي تكره وشنو الي اتحبه بيها ؟؟

===============

ابن الانبار الوفي

هنو

10-03-2007, 09:03 PM

بلنسبه لسؤالك اني احب المردسه واحب اعمل اي شيئ
وطبعاا التدريس رسااله واحب ان اكون نافعه في حياتي وبعد مماتي

هاا وبعدني ما دااومت وره العيد ااداوم
سؤالي للي بعدي هوه

هل تبكي على طول او ناادرا؟

انوشة

10-03-2007, 11:38 PM

مشكورة هنو على سؤالج

واللة مو سوة يعني مو دائما ابجي و لا نادر اتدكرين اتكولين وسط

يعني باوقات و اوقات حسب

بس اني بية طبيعة اضم بكلبي بس من ابجي شوية ارتاح

سؤالي للي بعدي اصعب موقف مريت بي؟؟؟؟؟؟

ابن النهرين

10-04-2007, 02:42 AM

والله مجاي اتذكر عود من تذكر وعد اكلج اياه

نفس السؤال للبعدي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فراشة البصرة

10-04-2007, 05:29 PM

اصعب موقف مريت بيه
هو البارحه
خيانه صديقه الي عبر النت
بس كلش تفأجت بيهه
سؤال اللي بعدي
شنو موقفك او موقفج من الحب

ثعلب الصحراء

10-04-2007, 07:26 PM

شكرا فراشة

جوابي

ماكو حب هسة والخيانة صارت شي عادي

وطبعا واحد مو بيدة اذا حب شخص بس

اني انصح الابتعاد عن اي طريق يؤدي للحب

او التعلق بشخص حتى لينضرب بوري

سؤالي للي بعدي

شنو رايك تكعد الصبح وتلكة اهلك جايبيلك عروسة

وكلولك الا تزوجهة

ثعلب لبصحراء

http://www.arabsys.net/pic/bsm/18.gif (http://www.arabsys.net/pic/index.php)

فراشة البصرة

10-04-2007, 11:16 PM

اول شي اشكرك ثعلب على التعليق
وثاني شي عادي اذا عريس هههههههههه
انا من رايي اذا جان رجل خلوق اخلاقه عاليه
شخصيته حلوه
ولو هالايام الزواج التقليدي صار موديل قديم
بس وربي احلى
بس لازم اول شي اشوفه يناسبني
يصلحلي كزوج اقبل بيه ليش لا
ويسلموا عالسؤال الحلو

حسوني

10-05-2007, 02:28 AM

بما انو فراشة مسألت ... راح اجاوب على نفس سؤال ثعلب ..
يعني اذا جابولي عروسة اكوم ابوسهم على راسهم .. و اقبل ليش لا و اكون فرحان تدري ليش ؟
لان اهلي مراح يجيبون غير البنية الي احبها .. و مستحيل يجيبون بنية على ذوقهم ..
تحياتي ..

حسوني

10-05-2007, 02:29 AM

طبعا نفس السؤال للبعدي .. هااا مو تكولون ما سأل هههه

ثعلب الصحراء

10-05-2007, 07:44 PM

اسمحولي اجاوب على سؤالي واكول

ليش هيج تردون تزوجوني وتخلصون مني

اني هاي البنية معاجبتني وماريد اتزوجهة

لان ماافكر هسة بالزواج

هههههههههههههههههههههههه

شكرا على ردودكم

واسال الي بعدي واكول

تحب تشرب بيبسي هواي

ههههههههههههههههههه

وشكرا

ثعلب الصحراء

http://www.arabsys.net/pic/bsm/18.gif (http://www.arabsys.net/pic/index.php)

هنو

10-05-2007, 09:56 PM

ايييييييييييييييييي

اموت على البيبسي

اسأل الي بعدي

تحب الكنااافه

انمار علي الدليمي

10-05-2007, 10:43 PM

امووووووووووووووووت عليها .. بس محروم منهه صار هواي ..

الي بعدي وين رح تقضي العيد ؟؟

تــ على الراس ــاج

10-05-2007, 10:49 PM

راح اقضي مع عائلتي بمدينة سياحية معروفة بمصر

والي بعدي نفس السؤال

هنو

10-05-2007, 10:51 PM

بلبيت هههههههههه
همه خلو مكاان خاطر نروح له

الي بعدي
تحب الهمبركر

تــ على الراس ــاج

10-05-2007, 10:54 PM

اي كلش احبه

شنو اكثر شي حلو بالدنيا

يوسف التكريتي

10-05-2007, 10:59 PM

اكيد العراق

شنو الشي الي تحبه بس متريده ؟؟؟؟

تــ على الراس ــاج

10-06-2007, 05:57 AM

الحب

نفس السؤال للي بعدي

ابن النهرين

10-06-2007, 10:40 PM

صراحة نفس الجواب الحب......
اجمل لحظة بعمرك تتمناه ؟؟؟؟؟؟؟؟؟؟؟؟؟؟؟؟؟؟؟؟؟؟

احلى عراقية

10-06-2007, 11:14 PM

لحظة ما اشوف وطني حبيبي روحي وعمري العراق
وابوس ترابه
والله البارحة حلمت انه اني رجعت
ااااااااااااااااااااااااااااااااااه
البعدي
نفس السؤال ؟؟
والله مقهورة مابيه حيل اكتب سؤال جديد

عصفورة قلبي

10-07-2007, 03:50 PM

أرجــــع لبغدااااااااااااااااد واكعد بيتنه وأعيش بين الي أحبهم
ســـــــؤالي هو ( فد يوم شعرت بحياتك انت ضايع)؟؟؟؟

ابن النهرين

10-07-2007, 06:47 PM

اي والله من انقلت لغير كلية ومحد اعرفه ولغة اشوية صعبة يعني حسيت روحي تايه
للي بعدي نفس السؤال؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي

حسوني

10-07-2007, 09:32 PM

اي طبعاً .. بس بلحظات قليلة .. و بسرعة اكدر استعيد توازني بمساعدة الناس القريبة مني .. حب الناس نعمة من الله .. و طول ما اكو ناس تحيط بيه اتحبني ما اضيع و لا حتى افقد التوازن ..

شكرا عصفورة قلبي على السؤال ..

سؤالي للبعدي ،

ما هي صفات العضو الناجح ؟ (طبعا اقصد عضو في منتدى)

انمار علي الدليمي

10-07-2007, 10:25 PM

ان تكون الصراحه اساس عمله..
عدم المجامله بالردود ..
الحرص على الاتيان بمواضيع تترك اثرا وصدى واسع داخل المنتدى .
الابتعاد عن التكبر ومساعدة بقية الاعضاء ان استوجب ذلك...

هذا عدا صفات كثيره تختلف مع اختلاف العضو ..

هذا رأي ونقاشي ولكم مني فائق الحب والتقدير...

ثعلب الصحراء

10-08-2007, 01:45 PM

ماهي المواصفات التي تتمناها في شريك حياتك

وشكرا ثعلب الصحراء

http://www.arabsys.net/pic/bsm/18.gif (http://www.arabsys.net/pic/index.php)

انوشة

10-09-2007, 12:51 PM

اكيد هية اشياء اهوااية اتمناة

بس اهم شي طيبة القلب و الصراحة و ان يكون محب للكل صادق اول شي وية نفسة حتى ايكون صادق وياية

و اكيد انو ايحبني مو كلش عصبي يعني هذة بصورة عامة

و اكو امور ثانوية ايضا

للي بعدي لحظة صعبة مريت بيها و متتمنى اي احد ايمر بيها ؟؟؟؟؟؟؟؟؟؟

ابن النهرين

10-09-2007, 01:23 PM

الوحدة حيل صعبة سنة كاملة وماتمنى احد يكضيها.................
للي بعدي نفس السؤال ؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي

ثعلب الصحراء

10-09-2007, 09:52 PM

فقدان شخص عزيز عليك الى الابد

سؤالي للي بعدي

هل انت راضي عن نفسك
http://www.arabsys.net/pic/bsm/18.gif (http://www.arabsys.net/pic/index.php)
ثعلب الصحراء

roza

10-10-2007, 01:25 AM

الحمد لله والشكر راضيه عن نفسي
السؤال
ماذا شعورك وبعد ثلاثه ايام وينتهي رمضان؟؟؟؟؟

ابن الانبار الوفي

10-10-2007, 01:16 PM

الحمد لله والشكر راضيه عن نفسي
السؤال
ماذا شعورك وبعد ثلاثه ايام وينتهي رمضان؟؟؟؟؟

يا هلا ويا مرحبا ..مرحبا بالجميع ..
جوابي على سؤال وردة المنتدى روزا هو :.

بصراحه هو شعور اي انسان راح ايفارق فد ضيف تعايش معه شهر كامل باجمل اللحظات اسعدها واخيرها وابركها ..تمنياتنا انو ربنا سبحانه يتقبل منا اعمالنا وصيامنا وان يبارك لنا في بقية
الشهور وكلها لله سبحانه ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سؤالي للي بعدي وبصراحه .
هل في بالك اناس انت متخاصم معهم كم عددهم؟
وهل قررت الصفح عنهم
ومصالحتهم في عيد الفطر المبارك ؟؟؟
00000000000000000000

ابن الانبار الوفي

دمعة العامرية

10-10-2007, 01:24 PM

الحمد الله ما متخاصمة مع احد

السؤال هو:
شكد تحب الوطن وماذا تفعل للكي تساعد الوطن

عيوني انت هبيبي

10-10-2007, 01:46 PM

شكد احب الوطن اكثر من انو اتخيل حبي اله بصراحة اني جنت عايشة عمري كله برا الوطن ومن اجيت تأذيت كلش وكرهته بسبب عدم تعودي ومن هالامور ولكن هسه من اسافر ماا اعرف شلون تخلص السفرة بس اريد ارجع اتنفس هوا بغداد اللي لو بيدي افديها بروحي وبأهلي وبناسي كلها لأن تستاهل ارضنا ارواحنا ويستاهلون العراقيين كل تفدية
للي بعدي تحس انك تحب شخص ومتعلق بيه كلش بس جرحته بيوم من الأيام بقصد أو بدون قصد المهم انه انجرح منك شتسوي علمود يعرف بشعورك ؟؟

ابن الانبار الوفي

10-10-2007, 02:18 PM

للي بعدي تحس انك تحب شخص ومتعلق بيه كلش بس جرحته بيوم من الأيام بقصد أو بدون قصد المهم انه انجرح منك شتسوي علمود يعرف بشعورك ؟؟

0000000000000000000000
اهلا فيكم اعيوني ويا كل المرحبا ..
اولا اهنيكش يا عيوني انت هبيبي على هذه المشاعر الجميله
والصادقه تجاه بلدكِ واهلك ..حماكِ الله وحفظكِ واهلكِ ..

جوابي على سؤالك
لا اجد طريقا غير الاعتذار وطلب الصفح من الانسان المقابل الذي سببنا له الجرح ويبقى هو حر في قبول الاعتذار او لا لانه صعب ان ينسى الانسان جرحا تسبب به اناس كان يعزهم ولهم في قلبه المكان الكبير .

تصليح الخطأ واجب على من ارتكبه والجرح الذي سببناه لانسان ما لا يندمل بالسهوله يحتاج الى شجاعة الموقف وشخصية الاعتذار ومصداقيته. هذا ما اراه وهو رأي يحتمل الخطا والصواب
------------------------
يبقى السؤال كما هو لتأخذ الاخت عيوني
فكره عن الاجوبه وتتكون لديها الفكره .

ابن الانبار الوفي

عيوني انت هبيبي

10-11-2007, 09:40 AM

ض29 اشكرك ابن الانبار بس خيووو سؤالي واضح يعني الطرف الثاني ميدري انك تحبه وخصوصا انو انجرح منك مو مرة مرتين ض2

ابن النهرين

10-11-2007, 01:38 PM

عيوني انت هبيبي وين السؤال؟؟؟؟؟؟؟؟؟؟؟؟؟؟؟؟؟؟؟
يلا مو اشكال اني حسال :اذا واحد\ة انتقدك\ج يعني كدامك\ج تزعل\ين منه كبل لو تلزم\ين نفسك\ج وتعبري\نه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي

عيوني انت هبيبي

10-12-2007, 11:07 AM

ابن النهرين مو جنت طارحة سؤال وابن الانبار ما انطاني جواب وانتظرت منك الرد ض2 المهم خيوو جوابي على سؤالك لا ما ازعل بالعكس اعتبر النقد شي يخليني اقدم الأحسن والأفضل
للي بعدي شيعنيلك العيد والعراق بهالحال؟؟؟

حبيب قلبي انووو

10-12-2007, 01:35 PM

والله العيد لاشيء كنت اتمنى امشي بوسط العراق وبوسط منطقتي واني مرتاحه البال بس هسه بهذا الوضع اني حته مااكدر اطلع راسي من الباب
كنت اتمنى ارجع واشوفها جنه
بس شفت ديالى صايره هوسه وكلها ميته
الله يرجعها ونرجع نفرح بالعيد مره ثانيه

نفس سؤال الاخت العزيزه

ابن الانبار الوفي

10-12-2007, 01:55 PM

يا هلا ويا مرحبا ..
للي عيدو اليوم كل عام وانتو بخير وسلامه وينعاد عليكم بالافراح
وللي راح ايعدون باجر ايامكم سعيده ويا ربي العيد القادم نفرح بيوم واحد وتصير فرحت كل العراقيين من الشمال للجنوب وحده وعيد واحد ..
منوره يا خيتو انو والحمدلله على السلامه ..
جوابي هو .. رغم كل الجراح والالم وما يحل ببلدنا الان الا اننا نظهر ولو شيء بسيط من الفرح الاقوياء هم من يبتسمون رغم الجراح ..... بصراحه الاوضاع تعبانه يعني مو مال واحد ياخذ اهله ويطلع خارج المدينه او لمحافظه اخرى .. كل بيت وعنده فد واحد استشهد ومن الصبح واول يوم اليعد النساوين رايحات للقبور هذي الاشياء تنسينا فرحة العيد .والله ما اعرف شكول غير حسبي الله ونعم الوكيل .حرام هيج العراقين يتعذبون عمرهم ما شافو الراحه الحمدلله على كل حال والله كريم اتهون ان شاء الله.

عيد باية حال عدت يا عيد *بما مضى ام لامر فيك تجديد
اما الاحبة فالبيداء دونهم *فليت دونك بيد دونها بيد

يبقى السؤال مستمرا .

ابن الانبار الوفي

roza

10-12-2007, 10:59 PM

2004 ماشفا عيد او بتعبير اصح ما حسينا بعيد
لان كل عيد يجي الوضع يتدهور اكثر
بس احنا انضل نتامل الخير يعم على بلدنا ويرجع العراق
هسه نغير السؤال
وين راح تقضون العيد؟؟؟؟

ابن الانبار الوفي

10-13-2007, 12:05 AM

2004
هسه نغير السؤال
وين راح تقضون العيد؟؟؟؟

اولا كل عام وانتي يا وردة المنتدى بخير وتحقيق الاماني يا ربي .

بالنسبه لجوابي على السؤال
بصراحه ماكو مكان الواحد ايروحله هسه الكعده بالبيت
لو نطلع للشارع نفتر ونتمشى وي الاصدقاء ومن انجوع نرجع
هههههههههه هذا الروتين المتعارف عليه ..
هذا بالنسبه الي ما اعرف الباقين
يمكن عدهم مدينة العاب هههه .

السؤال باقي نفسه ...:D

ابن الانبار الوفي

roza

10-13-2007, 12:46 AM

لا اني مكعد بالبت ابد
كلها بالمدن السياحيه الي يمنا هههههههههههه

اني اطلع ازور الاقارب كلهم يعني مخلي احد مزوره
طول العيد
وبهاي الفتره ماكو اكل بالنسبه الي
لان كل بيت ندخله لازم ببسي وبقلاوه وحلويات ويصعد عندي السكر هههههههههههه
وهاي الفقره الي اضوج منها
هذا البرنامج بالعيد يمي
السؤال نفسه يلا وين تروحون بالعيد

ثعلب الصحراء

10-13-2007, 01:27 AM

السلام عليكم

والله بصراحة

هسة بالوقت الحاضر

خاصة بالعراق ماكو لذة او طعم لاي شي

يعني ماكو طعم لا للعيد ولا حتى لرمضان

صحيح لو لا

بس احنه شنسوي هذي هي الدنيه ماشية

واحنه وياهة والله كريم

والسؤال يبقى نفسه
ثعلب الصحراءhttp://www.arabsys.net/pic/bsm/18.gif (http://www.arabsys.net/pic/index.php)

spartcos

10-13-2007, 05:36 AM

ههههههههههههههاااااااااااااي اروح للنادي
وين الروح هو ضل علينه حال احنه العراقين
هااااااا اذكرت اروح لبو المولده اكله ايشغله
السوال نفسه

عيوني انت هبيبي

10-13-2007, 09:32 AM

ههههههههههههههههههههههههههه شنو هالنزهة السعيدة هو ابو المولدة هم كاعد ينتظركم
اني اكعد بالبيت شي أكيد لأن بغداد الحبيبة مو مال واحد يطلع بيها بسبب الظروف ولكن أكيد زيارة الاقارب والمعارف يخفف عنا وشي الاكيد انو مدا نحس بلذة العيد مادري لو كبرنا هواية لو بعد فرحة ماكو اني بالنسبة الي يوم العيد احسه اتعس من باقي الايام مادري ليش مو معقدة او شي ولكن اكو حسرة عالعراق متخلي الواحد يفرح بالعيد طولت عليكم نفس السؤال للي بعدي

حسوني

10-13-2007, 01:10 PM

بالعيد ؟ يا عيد هههههه
اروح اول يوم لبيت جدووو .. كالعادة طبعاً .. و يجوز اطلع العصر ويه اصدقائي نروح ع الكورنيش ، و نفرفر بالجزائر
بس ادعولي ما تطك عليه مفخخة هههه .. و الله هو لا عيد ولا شي كاعد بالبيت انتظر الكلية تبدي داتحضر للدراسة
و الله كريم ..
نفس السؤال للبعدي .. وين تفرفر بالعيد ههههه ؟

omar moon

10-13-2007, 02:19 PM

ههههههه كل عام وانت بخير ... حسوني وتركتلك تهنئه بالاميل لتلح ...

وبالنسبه للسؤال وين اروح وين اروح تريد الصدك الاوضاع يمنه مانعه كلشي يمنه

بس الحمد لله رغم معرفتي القليله بسكان المنطقه بس الطيبه الحلوة كان اول يوم يوم حلووووو

و واحد عايد الثاني وباقي الايام الي هسة مستمره هي تلفزيون و نت وبس ...

نفس السؤال هههههه .. اشلون ما اشوف يبقى لنهاية العيد ..

دلع روحي

10-13-2007, 10:21 PM

كــــــــــــــــــــــــل عام وانتم بالف خير يربي
وين فرفرت والله اول يوم العيد بيت خالي وخالتي
ثاني يوم بيت جدووو وبيت خالي وهاهية هههههههه

الي بعدي منو نطاك عيديه وشكد صمدت لحد هسة
خخخخخخخخخخخخ

السفير الحزين

10-14-2007, 01:38 AM

والله محد انطاني :s(9): اني وزعت عيادي

نهبوني نهيبة ههه

السؤال للي بعدي

كم واحد سلمت علية اول يوم العيد

tears of the sun

10-14-2007, 02:52 AM

اوووووووووه هواي كلش ...............يعني تقريبا .................. 10 ههههههههههههههه مشكور على الموضوع المفيد

الي بعدي احلى عيد بحياتك؟؟؟؟؟؟؟؟؟

ريحانه

10-14-2007, 03:10 AM

ميغسي بوكو على هذا الموضوع الجميل
احلى عيد يوم جانت العوائل كلها تنجمع اول ايام العيد
لكن هذا العيد اسوء عيد (اسم الله عليكم) لان............
ايييييييييييييييييييييييييييييييه
ما اريد احزنكم بس انتو راح اتعرفون ليش من خلال دعوتي الكم
كل عام وانتو بالف الف خير
وانشاء الله ياربي كلمن يرجع البيته سالم ولا تحرم اخت من اخوها
او ام من ابنها الخ.......
والسؤال للي بعدي اذا كانت ولد او بنت احجلي على هدوم العيد( ششتريت ويا لون)