بنت ديالى
10-03-2007, 03:55 PM
هلو اعزائي المغتربين
او بالاحرى اعضاء الجاليات العراقية المحترمون
طبعا كلنا مشتاقين للمات الحبايب بالعراق
و ميعوضها اي شئ
و بكل دولة متواجدين كثير عراقيين
و هم هم يسوون لمات حبايب عل كد الحال(جاي بدون هيل محيبس بدون زلابية رمضان بدون شوربة ماش الخ)
اني حبيت اعرف من الاخوة المغتربين شلون تصير عدهم هاي لمات الحبايب
اني راح ابدي احجيلكم عن جماعتنا هنا بتركيا
طبعا عدنا يوم الاحد عطلة و الكل بأيام الصيف تروح للحدائق و المتنزهات و العراقيين يتجمعون بحديقة (هنا يكولوله بارك) كل يوم احد و يسوون تكة و كباب (يعني ميجوزون من عاداتهم هههههههه) و جاي عل منقلة بس مثل ما كلت ما بي هيل
و هذه الحديقة معروفة بأسم حديقة العراقيين من قبل كثير من اهل المدينة و الحجي عربي و كردي بفلس الي يشوفهم يكول كاعدين بالزوراء :):):):):)
بالشتاء ايضا يصير التجمع ايام الاحد و الاكلة المفضلة بالنسبة للرجال تشريب باكلة و باجة و طبعا الثريد و الدليمية و النسوان يفضلون الدولمة والكبة
قبل رمضان يسوون طرشي و ويوزعون عل كل طبعا العزايم شي عادي كل يوم ببيت واحد و يلعبون محيبس
و النسوان يكعدون بالمطبخ و يسولفون ويستذكرون ايام الخير الي قضوها بالعراق (كل دمعة بفلس طبعا)
طبعا هسة لان رمضان الكل مشتهية شي زلابية و الدهينة مالت النجف و البرمة و الشوربة مالت الماش و التمر التازة الي هستوة حايشي و خبز العباس و زنود الست و الفلافل و العمبة و بعد و بعد....
قبل العيد هم الكل يتجمعون يسوون كليجة(بس اكثر الاحيان بدون تمر) و اول يوم العيد تصير لمة عل ريوك الكل يعيد سوة و يروحون للجامع سنة وشيعة بصف واحد يصلون سوة و كذلك ايام الجمعة
ايام عاشوراء همين سنة وشيعة يسوون هريسة و تتوزع عل كل اني اريد اكلهم اهلي و ناسي و ونسي في غربتي
ايام الافراح والاحزان همات الكل يتجمع ويشارك و يقوم بالواجب الشي الحلو انه نضحك سوة و نبجي سوة
و من يجي واحد من العراق الكل يسأل عل وضع و يبدون يحققون ويا من زاخو للبصرة و ميشبعون من الحجي عل عراق
بعدين هذا الشخص اكيد جايب تمر و هيل و كاري و كركم(لا تضحكون هنا ماكو هيجي اشياء و الطبخ العراقي مبي طعم الا بالبهارات)
و اكو قسم يطلبون اشياء عجيبة غريبة و من تجيهم يضلون يبجون عليها(مثلا اني طلبت دبة ماي من نهر ديالى و ضليت ابجي عليه فد واحد طلب علم و هم بجة عليه كومة وحدة طلبت تراب بغداد و خلته يم راسها كل ليلة تبوسة و تنام الخ و بعد كومة اشياء تكطع الكلب)
يلا عيوني و جعت راسكم بسوالفي
هسة اجا دوركم احجولي دشوف انتوا شتسوون و يا اهلكم العراقيين بغربتكم
انتظر ردودكم
تحياتي للجميع
او بالاحرى اعضاء الجاليات العراقية المحترمون
طبعا كلنا مشتاقين للمات الحبايب بالعراق
و ميعوضها اي شئ
و بكل دولة متواجدين كثير عراقيين
و هم هم يسوون لمات حبايب عل كد الحال(جاي بدون هيل محيبس بدون زلابية رمضان بدون شوربة ماش الخ)
اني حبيت اعرف من الاخوة المغتربين شلون تصير عدهم هاي لمات الحبايب
اني راح ابدي احجيلكم عن جماعتنا هنا بتركيا
طبعا عدنا يوم الاحد عطلة و الكل بأيام الصيف تروح للحدائق و المتنزهات و العراقيين يتجمعون بحديقة (هنا يكولوله بارك) كل يوم احد و يسوون تكة و كباب (يعني ميجوزون من عاداتهم هههههههه) و جاي عل منقلة بس مثل ما كلت ما بي هيل
و هذه الحديقة معروفة بأسم حديقة العراقيين من قبل كثير من اهل المدينة و الحجي عربي و كردي بفلس الي يشوفهم يكول كاعدين بالزوراء :):):):):)
بالشتاء ايضا يصير التجمع ايام الاحد و الاكلة المفضلة بالنسبة للرجال تشريب باكلة و باجة و طبعا الثريد و الدليمية و النسوان يفضلون الدولمة والكبة
قبل رمضان يسوون طرشي و ويوزعون عل كل طبعا العزايم شي عادي كل يوم ببيت واحد و يلعبون محيبس
و النسوان يكعدون بالمطبخ و يسولفون ويستذكرون ايام الخير الي قضوها بالعراق (كل دمعة بفلس طبعا)
طبعا هسة لان رمضان الكل مشتهية شي زلابية و الدهينة مالت النجف و البرمة و الشوربة مالت الماش و التمر التازة الي هستوة حايشي و خبز العباس و زنود الست و الفلافل و العمبة و بعد و بعد....
قبل العيد هم الكل يتجمعون يسوون كليجة(بس اكثر الاحيان بدون تمر) و اول يوم العيد تصير لمة عل ريوك الكل يعيد سوة و يروحون للجامع سنة وشيعة بصف واحد يصلون سوة و كذلك ايام الجمعة
ايام عاشوراء همين سنة وشيعة يسوون هريسة و تتوزع عل كل اني اريد اكلهم اهلي و ناسي و ونسي في غربتي
ايام الافراح والاحزان همات الكل يتجمع ويشارك و يقوم بالواجب الشي الحلو انه نضحك سوة و نبجي سوة
و من يجي واحد من العراق الكل يسأل عل وضع و يبدون يحققون ويا من زاخو للبصرة و ميشبعون من الحجي عل عراق
بعدين هذا الشخص اكيد جايب تمر و هيل و كاري و كركم(لا تضحكون هنا ماكو هيجي اشياء و الطبخ العراقي مبي طعم الا بالبهارات)
و اكو قسم يطلبون اشياء عجيبة غريبة و من تجيهم يضلون يبجون عليها(مثلا اني طلبت دبة ماي من نهر ديالى و ضليت ابجي عليه فد واحد طلب علم و هم بجة عليه كومة وحدة طلبت تراب بغداد و خلته يم راسها كل ليلة تبوسة و تنام الخ و بعد كومة اشياء تكطع الكلب)
يلا عيوني و جعت راسكم بسوالفي
هسة اجا دوركم احجولي دشوف انتوا شتسوون و يا اهلكم العراقيين بغربتكم
انتظر ردودكم
تحياتي للجميع