للمغتربين عن بغداد الحبيبه

[سماء العراق]

السلام عليكم ورحمه الله وبركاته

أعزائي المغتربين تعالو خلونه نسولف شويه عن الغربة ..وعن العـــراق ونعرف منو الاعضاء المغتربين بهذا المنتدى

وين جان بيتكم أبغداد وهسه وين بيتكم ..!!
أوصفلنه بيتكم ومنطقتكم وشنو احلى شي بالمنطقة ..!!
شنو أكثر شي بالعراق أشتاقيتله ..!!
شنو احلى ذكرى تركتها بالعراق والي متروح من بالك ..!!
وين اكثر مناطق جنت تروحلها بالعراق ..!!
شنو الأغنيه الي تذكرك بالعراق .. غنيلنه موال على ذوقك وأهديه لشخص معين ..!!
كَوللنه شعر على العراق من هذا الي يهز الجبال والي دائماً يذكرك بالعراق.!!
تعال وسولفلنه عن الغربه وشعلمتك الغربة ..!!
من دتودع العراق شنو جان أحساسك وشسويت ...!!
لو يخيروك هسه ترجع للعراق شنو أول مكان تروحله ..!! ومنو الشخص الي تريد تشوفه ..!!
من دتودع أصدقائك وبيتكم أبغداد شكَتلهم بوكتها وشلون جان شعورك أوصفليا..!!
أفتح قلبك وكَوللنه وسولفلنه

أعزائي المغتربين أضعكم مع تلك الحروف
فبعثروا حروفكم فوق سطوري ولنصنع أجمل لوحة
ونطلق عليها أسم

فُــصول في حياة مغترب ...
واتمنى رجوع كل عراقي الى بلدنا الحبيب ويلتم شمل العراقيين تحت سماء العراق مو اني سماء العراق الاصليه

[* مشتاقه يابغداد *]

الله ياسماء مووضع راااائع والله

يخلينا نفتح قلوبنا ونعبر عن مشاعرنا اشكرج والله

اني ومع الاسف مغتربه في مصر

خرجت من بغداد حبيبت قلبي 1\7\2005 وكانت عيني غارقه في دموعها الي تحرق الخدود
ودعت جيراني وصديقاتي وكانت العبره تخنقني كنت اكابر كي لا ابكي واحزنهم وكنت اقول لهم سوف اعود لكم

كانت حياتي جميله جدااا اجمل بكثير من الآن كان لي بيتي واهلي وجيراني وغرفتي الجميله وصديقاتي الاجمل
كنت لا احس بالخوف ابدا رغم الانفجارات والمفخخات
كنت مرتاحه جدا رغم كل هذا عكس الان طبعا
كنت ادرس في الكليه وكانت ايامي كليئه بالفرح والسرور بجانب احبابي واصحابي
اما الان فانا غريبه غريبة الاهل والدار والارض الناس مو ناسي الارض مو ارضي حته الهوه الي اشتمه مو هواي
والغربه يومه تقتلني الف مره ولحد هسه اتمنه ارجع لبغداد والله
بس الاهل طبعا ميقبلون
اه اه لو تعلمون كم اشتاق الى بلدي
الله يحرس العراق واهل العراق يارب
ويرجع كل مغترب لبلده

تحياتي
واسفه على الاطاله

اكتب هذه الكلمات وقلبي تملأه الحسرات وعيوني غارقه بالدموع

ورغم كل هذا وذاك اختم كلامي ب ( الحمد لله )

[بغداد يانور العين]

اشكرج حبيبتي اخت سمااء انتى فتحتى الجروح المسدود
انى مرح اكول شى غير انو انى كلش متعذبه بسسب الغربه واتمنى بس ارجع لبغداد ولو ساااعه
الله يفرجها علينا ان شاااء الله
انى اخت مشتاااقه والمعلومات الى موجوده فوك هى نفسها مالتى
ما احب اطول عليكم
واريد اكول انو اكثر اغنيه تبجيني كل ما اسمعها
اغنية مااجد المهندس وهذا مقطع منها (حبيبي ياعراق باهلك انت باقى احس كل جزء مني ينادي ياعراااقي)
واغنية حسااام سمعت بغداد

مشكووووره حبيبتي على كلماتج وموضوعج الحلووو
.................................................. ...........

تحياتي الج

[سماء العراق]

شكرا لمروكم مشتاقه يابغداد وبغداد يانور العين وهذه اول مره اعرف بانه انتو خوات وهذه من فوائد الموضوع
وتقبلوا تحياتي

[شيرين البغدادية]

الله موضوع روعة عاشت الانامل على هاذا الموضوع الرائع
تقبلو مروري على صفحتكم الكريمة
تحياااااااااااااااااااااااااتي
شيـــــــــــــــــــــــــــــــــــــــرين

http://www.iraq-x.com/up/uploads/1b8c257a12.gif (http://www.iraq-x.com/up)

http://www.iraq-x.com/up/uploads/9bc49e3706.gif (http://www.iraq-x.com/up)

http://www.iraq-x.com/up/uploads/98d9b48282.gif (http://www.iraq-x.com/up)

[سماء العراق]

تسلمين لمرورج الرائع حبي شيري

[الفنكوش الاسود]

وين جان بيتكم أبغداد وهسه وين بيتكم ..!!

ج/جنه بمنطقة الخضراء

أوصفلنه بيتكم ومنطقتكم وشنو احلى شي بالمنطقة ..!!

ج/ احلى شي النيتورك والمدرسة وابو البلي ستيشن وابو الفلافل?????????????????

شنو أكثر شي بالعراق أشتاقيتله ..!!

ج/ بيتنا

شنو احلى ذكرى تركتها بالعراق والي متروح من بالك ..!!

ج/ المدرسة جنت من اروح الها اكيف عبالك اروح ونسه هسه صرت اتمنى ماروح للمدرسة

وين اكثر مناطق جنت تروحلها بالعراق ..!!

ج/الغزالية و زيونة و العرصات و الكرادة

شنو الأغنيه الي تذكرك بالعراق .. غنيلنه موال على ذوقك وأهديه لشخص معين ..!!

ج/ ياناس رجعوني لبلادي (هيثم يوسف)

كَوللنه شعر على العراق من هذا الي يهز الجبال والي دائماً يذكرك بالعراق.!!

ج/ والله حافظ بس مدا أذكر هسه

تعال وسولفلنه عن الغربه وشعلمتك الغربة ..!!

ج/ الغربة تعلمك انه محد يفيدك ويحبك مثل اهلك ووطنك

من دتودع العراق شنو جان أحساسك وشسويت ...!!

ج/ بجيت دم على بيتنا وخومه اصدقائي ورمت عيونهم من البجي !!!!!!!!

لو يخيروك هسه ترجع للعراق شنو أول مكان تروحله ..!! ومنو الشخص الي تريد تشوفه ..!!

ج/ اروح لبيتنا واول شخص اوح اشوفه هوه صاحبي وأخوية بشار

من دتودع أصدقائك وبيتكم أبغداد شكَتلهم بوكتها وشلون جان شعورك أوصفليا..!!

ج/ ماكدر اوصفه ابدا ابدا

وشكرا لصاحب الموضوع الجميل جدا

[سماء العراق]

شكرا لمرورك الرائع ياالفنكوش الاسود
ويارب يرجع كل عراقي مغترب الى بلدنا الغالي
وتقبل تحياتي ]

[روميـــــو ـالعرـاقيـ]

شكرااااااااااااا عيوني سماء على الموضوع الروعة واني اكول الف الحمد لله والشكر بعدني ببغداد الحبيبة

واني ما اطلع من بغداد ومن العراق الغالي مهما يكون واني اريد اموت بالعراق حتى لو بالانفجارات وما اريد اكوت واني بعيد عن بلدي ولهذا الشي ما اريد اعوف بغداد الغالية

شكرا مرة اخرى على الموضوع الرائع

تحياتي الج عيوني سماء وتقبلي مروري

[سماء العراق]

مشكور ياروميو على مرورك
ان شاء الله تبقى بالعراق الغالي وما تطلع منه ابد وسلامتك من الموت يارب واتمنالك العمر الطويل
وتقبل تحياتي

[عاشقه ترابك ياعراق]

وين جان بيتكم أبغداد وهسه وين بيتكم ..!!

بيتنا جان باليرموك وهسه بمصر ض22

أوصفلنه بيتكم ومنطقتكم وشنو احلى شي بالمنطقة ..!!
احله شي بالمنطقه لما كلنا نجتمع احباب واخوه واللي هسه دانفتقده وندعي من الله نرجع لهاالايام الحلوه

شنو أكثر شي بالعراق أشتاقيتله ..!!
بيتنا وخاصه غرفتيييي اهئ اهئ اهئ ض22
شنو احلى ذكرى تركتها بالعراق والي متروح من بالك ..!!
العراق نفسه هوه احلى ذكرى بحياتي ياربي نرجع كلنا للبلدنا لان والله الغربه مذله والله الغربه دماااااار

وين اكثر مناطق جنت تروحلها بالعراق ..!! المنصور العامريه وزيونه والحارثيه تقريبا جنت اروح لكل المناطق اللي بغداد ض1
شنو الأغنيه الي تذكرك بالعراق .. غنيلنه موال على ذوقك وأهديه لشخص معين ..!!
كل الاغاني الوطنيه تذكرني ببلدي الحبيب ولووو العراق دووم ببالي من غير اغاني او شي
بس اكثر مقطع احبه ( ياناس اخذوني لبلادي مااكدر على الفرااك كلبي جرح وينادي وينك ياوطن مشتاااااااااااك )

كَوللنه شعر على العراق من هذا الي يهز الجبال والي دائماً يذكرك بالعراق.!!
ياعراااق ياشمس ليس لنورها نهايه ياارض حتى في جرحها نتبض حبا لشعبها ورعايه


تعال وسولفلنه عن الغربه وشعلمتك الغربة ..!!
الغربه هدت حيلنا والله مهما تحدثت وكلت ماراح اوصف شعور المتغرب عن اهله وبلده وخاصه اذا كنا متغربين عن بلد جريح مانعر شوكت تلتم جراحه ويرجع مثل قبل بس ماعدنه غير الله ومانكول غير الطف بين يارب العالمين
من دتودع العراق شنو جان أحساسك وشسويت ...!!
احساسي مااكدر اوصفه بيومهه حسيت بطعم الوحده وبطعم الفراق الله يبعدكم عنه

لو يخيروك هسه ترجع للعراق شنو أول مكان تروحله ..!! ومنو الشخص الي تريد تشوفه ..!!
ارجع طبعا لمنطقتي لليرموك واروح للمنصور لان بيهه احلى ذكريات مستحيل انساهه

من دتودع أصدقائك وبيتكم أبغداد شكَتلهم بوكتها وشلون جان شعورك أوصفليا..!!
كلتلهم راجعتلكم وبيومهه لما ارجع راح يرجع العراق مثل ماكان واحسن وشعوري مااكدر اوصفه لان طبعا شعور صعب انو انته تودع احبابك واصحابك عصبن عنم

أفتح قلبك وكَوللنه وسولفلنه
هاي فتحت قلبي وسولفت ض1

أعزائي المغتربين أضعكم مع تلك الحروف
فبعثروا حروفكم فوق سطوري ولنصنع أجمل لوحة
ونطلق عليها أسم

فُــصول في حياة مغترب ...
واتمنى رجوع كل عراقي الى بلدنا الحبيب ويلتم شمل العراقيين تحت سماء العراق مو اني سماء العراق الاصليه

مشكوره حبيبتي سماء لان خليتينا نعبر عن مشاعرنا ونفضفض جزء من احزانا اللي سببهه البعد عن العراق الحبيب اشكرج مره ثانيه وتحياتي الج حب

[سماء العراق]

تسلمين على الرد الرائع ياعاشقه ترابك ياعراق
ووصفتي ما يشعر به كل عراقي مغترب عاشت الايادي

[كــــ بغداديه تكــــوته]

وين جان بيتكم أبغداد وهسه وين بيتكم ..!! جان بالمنصور هسه مو بيت شقه بلاذقيه بسوريا
أوصفلنه بيتكم ومنطقتكم وشنو احلى شي بالمنطقة ..!!بيتنه ببغداد شلون اوصفلج ايا ايجنن غير بيتنا اكيد حلو منطقتنه حي المتنبي كلش حلوة جيرانه
شنو أكثر شي بالعراق أشتاقيتله ..!!كل بغداد اشتقيتله لو يكلولي جنه الغربه لو نار العراق اختار العراق بناره والله بس الظروف متساعدني
شنو احلى ذكرى تركتها بالعراق والي متروح من بالك ..!!جلبتي وبيتنا وصديقاتي
وين اكثر مناطق جنت تروحلها بالعراق ..!! الحارثيه والمنصور والغزاليه والجادريه
شنو الأغنيه الي تذكرك بالعراق .. غنيلنه موال على ذوقك وأهديه لشخص معين ..!! كل اغاني كاظم وفيروز الي تكول بيها بغداد والشعراء...........ما اكدر اغني صوتي رايح ههههههههه
كَوللنه شعر على العراق من هذا الي يهز الجبال والي دائماً يذكرك بالعراق.!!شعر اني مو هلكد ويه الشعر بس اكيد اي شعر على العرق حلو
تعال وسولفلنه عن الغربه وشعلمتك الغربة ..!!شسولف عيني الله ليوريكم اياها علمتني الصبر وعلمتني الي يطلع من بيته يحمل اكل الخرة
من دتودع العراق شنو جان أحساسك وشسويت ...!!والله جنت صغيرة وجنت بس اريد اطلع علمود الظروف بس على الطريق بجيت بجي بس الله يعلم بيه
لو يخيروك هسه ترجع للعراق شنو أول مكان تروحله ..!! ومنو الشخص الي تريد تشوفه ..!!ما اريد انام افر العراق كله لحد ما اتطلع قهري واول شخص اريد اشوفه اخواني وبيت خالتي
من دتودع أصدقائك وبيتكم أبغداد شكَتلهم بوكتها وشلون جان شعورك أوصفليا..!!شلون شعوري كلنه جنت صغيرة حزنت انو رح اترك بيتي واصدقائي جيرانه
مع تحياتي

[دلوعه العرصات]

شكرااااااااااااااااااا جزيلا على الموضوع الجميل
وااااااااااااااااااخ من الغربه موتتنه
تحياتي