أبوذيات جميلة

[نور البدر]

السلام عليكم
شلونكم جميعاً
عساكم بصحة وعافية
وراح أكتبلكم هاي الأبيات

مثل أبرة وخيط الوكت للظيم
دكت أهمومك وأحجية للظيم
آنه برجلي رحت ومشيت للظيم
شفت الظيم يركض جاي أليه


بيادر شوك أصيرن لونه منك
وحبيبي الورد ياخذ لونه منك
شفايف هيج عندي لونه منك
ابيع الربع بوسه ب خمس ميه ((منقول))


زرع شامات بخدودك شح الشام
وشح المس شح البوس شح الشام
آنه من أرد أبوكنك شح الشام
الأحشمه بشوفتك ينهد عليه


أجن تاجك طلع منت جنه
وشسولف بيك كلي منت جنه
تعرف شيصير بينه منت جنه
نطلع البيت وندخلك هدية


تحياتي ألكم وأنشاء الله تنال أعجابكم

[MR.MSTAFA AL7SENE]

ابداع
شكراً نور على الابوذيات
وعلى النقل الموفق دائماً
تحياتي

[الدكتور فلاح الزيدي]

جميل جدا يا اخت نور

والضاهر انتي قاريه اهوايه

او سامعه اهوايه

لذلك كاعد الاحظ ان هاي القرايه جايبه نتيجه

طيبه

[نور البدر]

جميل جدا يا اخت نور

والضاهر انتي قاريه اهوايه

او سامعه اهوايه

لذلك كاعد الاحظ ان هاي القرايه جايبه نتيجه

طيبه



الدكتور الشاعر فلاح الزيدي

منورررررررررررررررررر
بهذا المرور الجميل
تحياتي ألك
والله يسعدني وجودك دائماً في صفحاتي

يا استاذي

[نور البدر]

ابداع
شكراً نور على الابوذيات
وعلى النقل الموفق دائماً
تحياتي


أخوي مصطفى
أشكرك على هذا المرور الرائع
تحياتي ألك وأنشاء أشوف ابداعك أنت

[الشاعر عبدالقادر الخلف]

والله احنا مو قدك يا نور البدر الله يعطيكي العافية ودايم للافضل

[نور البدر]

والله احنا مو قدك يا نور البدر الله يعطيكي العافية ودايم للافضل

أشكرك أخوي عبد القادر
مشكور على هذا المرور

[الدكتور فلاح الزيدي]

اخت نور اكو شغله

ارد اكلج اياهه

شنو يابه انتي امزاعله اعضاء المنتدى لو شنو

اشو كلما انريد اندز رساله

الج داخل المنتدى

ايكول نور بدر لاتسمح باستقبال الرسائل الخاصه

او ما ادري شنو الفلم

هههههههههههههههههه

تحياتي

[نور البدر]

اخت نور اكو شغله

ارد اكلج اياهه

شنو يابه انتي امزاعله اعضاء المنتدى لو شنو

اشو كلما انريد اندز رساله

الج داخل المنتدى

ايكول نور بدر لاتسمح باستقبال الرسائل الخاصه

او ما ادري شنو الفلم

هههههههههههههههههه

تحياتي



دكتور سبحان الله
والله العظيم هسه
أني كتبت ألك رسالة خاصه بس طلعتي رسالة تكلي لم يتم العثور على هذا العضو
فدز أستاذي
براحتك