ايهما اكثر تعبيرا

[المستشار]

جبتلكم بيت من الشعر الفصيح ومعه بيت من الابوذيه اريد اعرف حسب رايكم ايهما اكثر تعبيرا

الفصيح للشاعر صفي الدين الحلي

قال:

(انا لقوم ابت اخلاقنا شرفا ** ان نبتدي بالاذى من ليس يؤذينا)

و يباريه شاعر الابوذيه بقوله:

الدهر ما سل عليَ سيفه ولا حد

اصيل و ثابت برايي و لا حد

ابــت اخلاقنـــه نـــــآذي و لاحــد

الَـــه اللي بده ويــانه بأذيــه

تقبلو تحياتي

[قطر الندى]

شكرا المستشار على الكلام الجميل والروعة

عاشت ايدك

تقبل مني اجمل وارق التحية

[المستشار]

تسلمين عيوني قطر الندى على مرورك الجميل
وتواجدك نور صفحتي
الك مني كل التحيه

[الاميرة الراوية]

شكرا علاوي على المشاركة الحلوة

اني برايي الشعر الفصيح احسة اكثر تعبيرا

تحياتي

[ابن الانبار الوفي]

صباح الورد حياتم سان علاوي .

شكرا اعيوني على هذه المشاركه الجميله منك .
وبالنسبه الي ارى انو بيت الابوذيه ومعذرة لا اقصد
قصر البيت الفصيح او الانتقاص من الشاعر الكبير صفي الدين الحلي .
بس اشوفها كلماته تداعب الحس مال اني هههههههههه.
ابيات الشعر الشعبي جميله ويصير تحسسها بسهوله.

ممنون منك يا غالي وطيب .


ابن الانبار الوفي

[عمر أبو فله]

واني اگول بيت الشعر الفصيح يعبر اكثر تقبل مروري وتحياتي للجميع

[المستشار]

مشكورين يالغالين على مروركم
ولكم مني اطيب التحيه

اني ممنون منكم

[مأسآةشاعر]

مشكووور أخي الغالي والله الاثنين بيهم معنى لكن البيت الفصيح اله معنى أكثر وآني امشي على الكلام الي يرددونه اهل الحكمة هو { خير الكلام ماقل ودل } واهنا الشعر الفصيح هو أصل اللغة العربيه وكل كلمة تمر لها معانٍ كثيرة بالأضافة الى اعراب البيت الشعر لكن الابوذية حره وطفيها اربع ابيات ومابيها اعراب لكن نفس الللحضة يعني الابوذيه معانيها في الكلمات المتشابهه ولكن معناها يختلف

وعذرا عالاطاله

تحياتي الك وننتظر مزيدك أخي

مأسآة شاعر

[المستشار]

مشكور اخويه الغالي مأساة شاعر على مرورك اللطيف
نورتنه حبيبي
واشكرك على نقدك البناء ويا رب انكون عد حسن الظن
الك مني كل التحيه

[نور البدر]

أخي المستشار والأخوه الي ردو
اقول الشعر الفصيح له متذوقية ولكن الغالبية لاتفهم معاني الكلمات
لكن الأغلب الأعم يفهم الشعر الشعبي لأنه قريب على احساسهم ومشاعرهم
تحياتي ألك ومشكور على هذا الموضوع
تقبل مروري

[عاشقة تراب العراق]

اولا :شكرا اخوي على الاشعار

وثانيا :اني اشوف ثنينهم معبرين بس الابوذية احلى

تقبل مروري

[المستشار]

شكرا عيني عاشقة تراب الوطن على مرورك الجميل

وشكرا لذوقك اللطيف

ونورتينه بالمنتدى

كل الهلا بيج

[المغرم]

عاشت ايدك موضوع جميل
بس الشاعر صفي الدين الحلي
يعبر بصوره اسهل
والشعر الفصيح بأمكان الجميع استيعابه أما الابو ذيه لاتفهمه جميع الناس
تقبل مروري
مع تحياتي

[it is not]

كلاهما تعبيره واضح