بين ضلال الابو ذيه [الأرشيف] - منتديات عراق السلام

مشاهدة النسخة كاملة : بين ضلال الابو ذيه

سـفـيـر ـالأحـزـآن

11-01-2007, 03:25 PM

بين ظلال الابوذية

مو نمشي مشي نزحف ونصلك
بس نهاب نظراتك ونصلك
الشجاعه لعنتره نصها ونصلك
ويوسف من جماله انطاك ميه

جگاره انت صرت بيدي والف بيك
توالفنه ولگت روحي ولف بيك
اشيلنك على متوني والف بيك
واشربك ماي من تعطش بديه

يشك بيه وتگله الناس حلفه
نساني وگام يمشي براي حلفه
طلع زرعي الزرعته وياك حلفه
ثمر مابيه بس بيه الاذيه

الگلب ما يجفي عن بالك وناديك
اذا انت صگر يسمر وانا ديك
اذن مو عيب ارمشلك واناديك
ولو خايف رصيدي يخون بيه

الدهر يعرف سجيتنه وجدنه
ابونه الزرع بينه الحب وجدنه
اذا بينا استغاث الحر وجدنه
بيارغ تخفق بعلو الثرية

يحادي العيس بالله اعليك مرهم
تراهم للجرح كل حين مرهم
حبايبنه بحلات العسل مرهم
والك منهم اخذ لهلك هديه

اخوكم سفير الاحزان

نور البدر

11-01-2007, 03:30 PM

سفير الاحزان عاشت ايدك على هذا الأختيار المميز للكلام الجميل
والمشاركه الأحلى نورت اخوي
تقبل مروري أختك نور البدر

MARIA

11-01-2007, 03:34 PM

يحادي العيس بالله اعليك مرهم
تراهم للجرح كل حين مرهم
حبايبنه بحلات العسل مرهم
والك منهم اخذ لهلك هديه

عاشت ايدك اخويه مشاركة رائعة واختيار موفق

سـفـيـر ـالأحـزـآن

11-01-2007, 09:00 PM

حبايبي اشكركم على مروركم الجميل

وتقبلو تحياتي

بس عتبي على الاخ الي مسح المواضيع مالتي الباقيه

واني مراجع القوانين كولش زين وما اعتقد اني اجاوزت

ولا اسئت الادب بكلامي بس يالله تبقى اخ عزيز عليه

تقبلو تحياتي

سفير الاحزان

علي ابو الحسن

11-02-2007, 08:37 PM

جگاره انت صرت بيدي والف بيك
توالفنه ولگت روحي ولف بيك
اشيلنك على متوني والف بيك
واشربك ماي من تعطش بديه
عاشت الايادي

سـفـيـر ـالأحـزـآن

11-04-2007, 12:36 PM

حبيبي علاوي اشكرك جزيل الشكر على مرورك الجميل

واهدي الك هايه الابو ذيه

انه بكيفك تردني ما تردني
وجبتني الدار غربه ما تردني
ومن كضيت ردني مات ردني
واموتن كلي لو كضيت اديه

سفير الاحزان

Iraqi Dragon

11-04-2007, 09:33 PM

مو نمشي مشي نزحف ونصلك
بس نهاب نظراتك ونصلك
الشجاعه لعنتره نصها ونصلك
ويوسف من جماله انطاك ميه

روعة روعة بالاختيار
الف شكر حبي سفير

سـفـيـر ـالأحـزـآن

11-05-2007, 01:47 PM

مشكور حبي عراقي على مرورك الجميل واهدي الك هايه الابو ذيه

بصفحات الكرامه من شراني
وما صرت الصديقي من شراني
الزمن من راد بيعي من شراني
بربع سعري ابخلو ربعي عليه

تحياتي الك حبي

سفير الاحزان

ثعلب الصحراء

11-05-2007, 01:53 PM

عاشت الايادي سفير

والله صدك كلمات روعة

تقبل مروري

سـفـيـر ـالأحـزـآن

11-05-2007, 11:13 PM

انت الروعه حبي ثعلب ومشكور على المرور الجميل

سفير الاحزان