*¤®§(*§الحدود في علاقات الحب!!§*)§®¤* أريد جواب من الكل !!

[عيوني انت هبيبي]

السلام عليكم
الحب من أجمل وأصدق وانبل ما قد يمر به الانسان نستعد فور حبنا لأن نبدأ بالتنازل والتضحية كما نستعد
للوفاء والالتزام والصدق ولكن أعود للتنازل: أكيد اليحب يتنازل للطرف الثاني عن كبرياءه .. عن بعض قواعده بالحياة لأجل الحبيب عن اشياء كثيرة تدخل في عالم المعقول.. موضوعي اللي احب اناقشكم بيه أمر واقعي لا بد ان نسأله يوما ما وترددت أن اطرحه ولكن شيء لابد منه بما انو الحب أخذ حاليا سياق آخر يتجه إلى التفكير الغير صحيح بالطرف المقابل سؤالي : انت شخص تحب فتاة وهي تحبك تصارحها وتصارحك بهالمسألة وتبدأون بالتعرف وبوضع أساسات لهذه العلاقة اللي ممكن تفشل او العكس
عادة الشباب ينجرفون بمشاعرهم إلى اللانهاية وينسى انو بكل علاقة يوجد المقبول والغير مقبول بمعنى ان الكلام لا يأخذ الطريق الذي ممكن أن أن يمس حبيبته بالتعدي عن حدود الاحترام بحجة ان لا حواجز بين المحبين هذه مسألة منتشرة بكثرة وتشوه علاقة الحب وبحاجة للرد من الشباب قبل البنات :
هل الفتاة التي تضع حدود للعلاقة ولا تقبل بالتجاوز عن هذه الخطوط الحمراء هي فتاة معقدة ومتعبة بنظرك ؟؟!! أم انها تكبر بعينك بتمسكها بمبادئ وتقاليد وأخلاق تربت عليها وأهم شي التزامها بمسألة خطوط حمرة في العلاقة لعدم الانجراف الى الحرام بالنهاية
موضوع جريء ترددت اطرحه ولكن اتمنى نكون واقعيين وعقلانيين ونفتح عيوننا على هالمسألة واريد تفاعلكم

[* توتة *]

هل الفتاة التي تضع حدود للعلاقة ولا تقبل بالتجاوز عن هذه الخطوط الحمراء هي فتاة معقدة ومتعبة بنظرك ؟؟!! أم انها تكبر بعينك بتمسكها بمبادئ وتقاليد وأخلاق تربت عليها وأهم شي التزامها بمسألة خطوط حمرة في العلاقة لعدم الانجراف الى الحرام بالنهاية

اني رأيي انو اكو شغلات يعني عادي تكون مجرد كلام عابر بس مو مال يتعدى الحدود ...
كل شي اله حدود وبالعكس البنية اللي تخلي حدود هاي بنية نادراً ماتلكة مثلهة ...

ولازم تكون حدود بالعلاقة بس مو مال فد مرة يصير الحبيب حاله حال الغريب ...
بس العلاقة الناجحة اساسها الاحترام واذا صار كلام اتعدى حدود الاحترام المفروض الحبيب ميقبل يكولهة على حبيبته اذا كان حب صادق ومرح يكولهة نهائيا ... والبنية نفس الشي...

واني سامعه علاقات بدون حدود ونهايتهة كانت الفشل...
وبالاول والاخير الاحترام شي اساسي بالعلاقة ولابأس بكلام الشقة ومثل مكلت بحدود ...


اني هذا رأيي...
وسوري عالاطاله حبي ...


http://www.openiu.com/upload/071101/1051669219472a0dad4b2cb.gif تقبلي اطيب تحية http://www.openiu.com/upload/071101/1051669219472a0dad4b2cb.gif





http://www.openiu.com/upload/071102/1980669165472ad0cd45b3e.gif

[عيوني انت هبيبي]

لازم تكون حدود بالعلاقة بس مو مال فد مرة يصير الحبيب حاله حال الغريب ...
بس العلاقة الناجحة اساسها الاحترام واذا صار كلام اتعدى حدود الاحترام المفروض الحبيب ميقبل يكولهة على حبيبته اذا كان حب صادق ومرح يكولهة نهائيا ... والبنية نفس الشي...ض55
هلا بيج توته واني هذا اللي اقصده وكلامج درر واحب اسمع رأي الاعضاء الباقيين
مشكورة حياتي لمرورج ونورتي برأيج الصحيح والحلو

[طفولة بريئة]

رغم جراءة الموضوع الا انه مهم
وخصوصا في زمننا هذا الذي انتشرت فيه علاقات النت والموبايلات وغيرها
وكل هذه العلاقات غير مضمونه
يعني مانكدر نكول عليه حب ميه بالميه
والضحيه دائما البنت
تضحي وتضحي ولكن النتيجه ......
يقول لها مع الف سلامه انتي لاتصلحين اما لاطفالي
وهي المسكينه تضحي من اجل الحب والحبيب
ان الشريعه الاسلاميه وضعت حدود لتصرفات البنت
ووضعت ضوابط لتصرفات
والمفروض مانتجاوز هذه الضوابط
لان في حالة انها تفارق من احبت راح تكون صدمه كبيره اله
وراح تفقد الثقه حتى بنفسه
واكيد بالنسبه للولد لازم يخلي اخته بنفس الموقف ويصرف على هذا الاساس
حتى يخاف عليه مثل مايخاف على اخته
الحب شيء جميل
بس لازم مايتحول الى مأساة في حالة الفراق
فأي تنازل من البنت راح يسبب اله احباط ويجوز يبقى يهدده بصوره او تسجيل صوت او ماشابه ذالك
عذرا للأطاله
تحياتي
طفولة بريئة

[عيوني انت هبيبي]

طفطف هالفكرة اللي احاول اوصلها للشباب كل شاب هنا عنده اخوات يخاف عليهن واكيد مشاعره تجاه الحبيبة تختلف ولكن بالنهاية هي مسألة غيرة على عرض الفتاة آسفة على هالكلام ولكن هذا هو واقع وهالشي مرعب عدا انو اسلامنا محرم علينا هالشي كله ولكن بما انو الحب مشاعر تجرفنا من غير تفكير ف أوك اكو كلام ولكن بشرط ميتعدى الحد اكو ناس تكول وين كاعدين احنا بحرب حتى حدود وحواجز وهالامور هاي بالعكس تمنع العلاقة من الخطأ من الانسان يفكر بالحبيبة على انها مستقبله كيف يرضى عليها ان تنساق معه بدوامة الحب اللي ينبني على مبادئ غلط ؟؟ هالامور تأتي بعد الارتباط ولكن ما اشوف الها داعي حتى لو مجرد كلمة قبل الارتباط احنا مجتمع اسلامي عربي عراقي النا تقاليد واسس محافظة مهما تطورنا تبقى هالتقاليد هي اساسنا وما المفروض منا انو نتعدى عليها فهي اللي تحمينا
تحياتي الج طفطف وارجع اعتذر على مو ضوعي الجريء ولكن كما قلت شي لابد منه !!!

[سـفـيـر ـالأحـزـآن]

عاشت ايدج والله موضوع جميل جدا بالنسبه الى الكلام الي حجيتي

وهوه ان البنت اذا ما قبلت تجاوز الخطوط الحمراء بالعلاقه تكون معقده

بالعكس هايه بنت متربيه وتعرف دينهه كلش زين والمفروض من الشاب

اذا لكه هيج بنيه يحمد الله ويشكره ويخليهه تاج على راسه وميفرط بيهه

بس اذا لكه الضعف والاستسلام من البنت يتركهه احسن لان البنت اذا

سوت اشياء خاجه عن تقاليدنه ومجتمعنه فتكدر اسوي ويه غيرك واني

بالنسبه اليه ما اكول على هيج بنت معقده بالعكس

تقبلو مروري


سفير الاحزان

[العاشق البصري]

اني ارى من هذا الموضوع أهلا للنقاش لأني ارى ان تكون الفتاة متزنه وخلوقه افضل من ان تكون منفتحه ومستعده لعبور الخطوط الحمراء لأجل شاب ممكن في لحظه واحده يتركها وانا اشكرك جدا جدا على هذا الموضوع الحساس:004:

[عيوني انت هبيبي]

كلش فرحت بردودكم اللي تدل على وعي وادراك للأمور بالشكل الصحيح اكيد اللي تفتح المجال وياه لهالشي تكدر تفتحه لغيره واني ممنونة الكم شباب لجوابكم وحسن تفكيركم واتمنى اعرف رأي الباقيين هو الموضوع حساس بس يرادله توعية منا وتوصيل فكرة للي يفكر عكس هالتفكير
ممنونة الكم ومشكورين اخواني

[أمير الدلع]

تحياتي عيوني على الموضوع الصريح !!
بس اريد اعرف شنو هي الحدود ؟؟
هل بناء معسكر وقاعدة عسكرية للحب ؟؟
هل الحب في هذا الوقت صار له حدود ؟؟
هل للحب حدود ؟؟
وانتي قلتي في موضوع سابق ان للحدود صروح وتماثيل وووووو !!
واذا قلنا ان للحب حدود .. لماذا الانسان يحب اصلا ويثق بالحبيب او الحبيبة ويتكلم معها بكل صراحة وصدق ...
وبصراحة انني لااعرف حب هذه الايام ..
ولماذا اثق بها واعطيها كل اسراري وقول لها (( أحبك )) وهي تجعل معي حدوداَ لكل شى ولماذا احبها وافكر بالعيش معها طول عمري وافكر بالزواج من فتاه تضع حدودا لكل كلمة احاول قولها ..
ولماذا احب فتاه وهي لاتعرف معنى علاقة الحب ...
ولماذا احب فتاه وهي تتلكم معي بحذر وتقول لي اخاف من (( الحب )) ..
أم انها تكبر بعينك بتمسكها بمبادئ وتقاليد وأخلاق تربت عليها وأهم شي التزامها بمسألة خطوط حمرة في العلاقة لعدم الانجراف الى الحرام بالنهاية
وراح ارد على هذا الكلام ايضا ..
لماذا تحب البنت اصلا اذا هي بالحقيقة تفكر بالتقاليد الاسلامية ونحن نعرف تقاليد الاسلام الدخول من الباب احسن من الشباك يعني من يقول لها احبك اكوا شى اسمة ارتباط واكوا بيت اسمه (( بيت اهلي )) اخطبني واني احبك وليش تنجرف اصلا وهي ببداية النهر وعلى عيني وراسي التمسك بالاخلاق التي تربت عليها ؟؟
حلوو كولش ليش هي من تحب مافكرت باهلهة مافكرت بابوهة من راح يسمع ؟
مافكرت باخوانهة وشلون موقفهم ؟؟
مافكرت بعائلتهة الي يمكن تخسرهم من اجل الحبيب مثل ماتسمونة بكلام الحب ؟؟
وليش الولد فقط يلتزم ليش البنت ماتلتزم ومع العلم الولد لو يصادق مية محد يكدر يكولة ليش !!
بس البنت لا لان البنت (( مثل كأس كرستال اذا انصدع ... انتلف وبان به الاثر )) ..

وهل تتكلمون عن علاقات الحب والحدود وتقولون حرام ؟؟؟
وتتكلم وتقول انه الشرع الاسلامي يحتم علينا ذلك اذن لماذا تحبين يافتاة وانتي تعرفين الاسلام انه العلاقات ممنوعة فيه وهل من تعاشر 3 شباب وعندما تتركه تقول له ارجوك لاتقل لااحد اني كنت معاك هل تسمي هذه حدود تخرج معه في سيارته الخاصة والذهاب معه هل تسمي هذه ايضا حدود ..
هل الانسان عندما تتقرب البنت منه وهو لايطيق الكلام معها لماذا يكون مكروه امامها وتبقة تنتقده بكل شى وهو الشخص الذي تتكلم معه يعرف بانها على علاقات قبله وتاتي له وتقول بانها معجبة فيه وتحب ان تكون على علاقة به والشاب يعرف علاقاتها ويقول لها انا اسف لماذا يصبح غير مرغوب فيه وليش تخلين حدود وتفكرين بسمعة اهلك وسمعتك انتي وفكري ان لاتحبين اصلا لحد مايجي فارس احلامج المرتقب وهو يصلح الحال ..
واسف على الاطالة وعلى صراحتي بالموضوع وتقبلي تحياتي

[ZEZO]

السلام عليكم

شكرا عيوني على الموضوع الجميل............

اول شي اني اشكر الاعضاء على ارأهم الجميله واعتقد كل واحد اعطه رأي بالموضوع واي هم راح اعطي رأي بهذا الموضوع ......؟؟

اول شي ان الحب ليس له حدود بعلاقاته اريد افتهم شنو الحدود بالحب الحدود هو بان لا نحب عن طريق الانترنيت او الموبايل او شنو اذا كان سبب الحب فاشل عن طريق النت او الموبايل فهذا ليس بعذر ايجابي لا اكو من حب عن طريق الانترنيت او الموبايل وكان نهاية الحب الزواج او علاقة مستمره او حتى بان يكون نهاية حبهم علاقه اخويه مو اله علاقه حب او علاقة زواج وثاني شي نترك التقاليد الاسلامي بان تمنع الحب عن طريق هذه الاشياء ....... لا ناخذ التقاليد الاسلاميه او التقاليد اهلنا بان يمنع الحب عن طريق النت او الموبايل فلماذا اذا نعرف بان الحب عن طريق النت او الموبايل سبب رئيسي الى نهاية علاقه لا بالعكس احنا دائما نجي على اخير شي مثلا يعني اذا البنت تعرف بان نهاية علاقة النت علاقة وهميه او علاقه كاذبه ليش تبدي بعلاقه مع انسان وتحبه ويحبها اذا تعرف هذه العلاقه غير صحيحه وتنتهي بفشل وعلى كلام.......... (طفوله برئية) تقول علاقة تنتهي بفشل او علاقة غير صحيحه 100% لا بالعكس .

اذا بدة العلاقة بحب صريح وعلاقة صادقة وصريحه ااكد على صراحة صراحة العلاقه الصريحه بين الطرفين تنتهي بعلاقه سعيدة وقد تنتهي بعلاقة زواج بعض الاحيان اذا كان حبهم مبني على علاقة زواج ..

وارجع واقول اذا البنت تفكر بالتقاليد الاسلاميه او تقاليد اهلنا ليش تفكر بالحب وليش تحجي ويه اكثر من شخص عن طريق الموبايل او الانترنيت مثلا يعني بنت تحجي ويه اكثر من شخص بنفس الوقت وهيه تقول لهم كلمة (احبك) هل هذا صحيح لو لا ليش انخلي السبب الرئيسي لفشل العلاقه الولد لا بالعكس الطرفين هو السبب بفشل العلاقه اذا هيه تحجي ويه غيره وياه اتكله نفس الحجي هل هذا صحيح يعني مو كل نهاية فشل علاقه بين الطرفين سببها الرئيسي الولد لا سببها الرئيسي عدم الصراحه بين الطرفين؟؟؟؟

وعلى كلام اخويه امير الدلع ....مافكرت بعائلتهة الي يمكن تخسرهم من اجل الحبيب مثل ماتسمونة بكلام الحب ؟؟
وليش الولد فقط يلتزم ليش البنت ماتلتزم ومع العلم الولد لو يصادق مية محد يكدر يكولة ليش !!
بس البنت لا لان البنت (( مثل كأس كرستال اذا انصدع ... انتلف وبان به الاثر )) ..

واسف على الاطالة وعلى صراحتي بالموضوع وتقبلي تحياتي

[عيوني انت هبيبي]

تحياتي الك علووش وزيزو الورد ومع احترامي لرأيكم وكل واحد حر برأيه واني مدا افرض قوانين او معسكرات او قواعد اولا
الحب احساس يداهمنا فجأة اكيد اقصد الحب الحقيقي مو الحب اللي حجيتو عنه انو وحدة تلعب بكلمة احبك على عدة اشخاص هذا مو حب ولا اله صلة بالحب المهم الحب الاسلام ما حلله علينه وما حرمه حسب علمي طبعا واني مو مرجع ديني اني ولكن ما اتصور واحد يكدر يتحكم بمشاعره ابدا مهما حصل من ينجرف للحب فيروح ولا يكدر يسيطر كما حال اي انسان يضعف امام شي ولكن كلنا من غير استثناء نوصل لمرحلة بالحب مثلا نشوف انو مو صالحين النا نترك او خانو نترك او بدر شي ونترك يعني بالنهاية البشر يكدر يخلي حد يوصله ويكدر يكول لهنا وبس احنا بشر مو معصومين ورانا الغلط ورانا شئنا ام ابينا بس الغلط اللي نكدر انو نتداركه ونوكفه عن حده نسوي اللي علينه الحب اللي ميدخله الحرام من كلام او فعل وين الغلط اللي بيه اذا كان بريء وصادق هالامور يلحكون عليها وره الارتباط احنا مو عايشين بمجتمع غربي يسمح انو نتكلم كل اللي نحس فيه كلنا عندنا مشاعر بس مثل ما الشاب يمنع اخته عن التطرق لهالمواضيع يفكر بحبيبته اللي يغار عليها ويمنعها هو المفروض عن التكلم بهالشي هالشي رح يزيد احترامه الها واحترامها اله واذا كان صادق النية رح يجمعهم بيت ويحجي اللي يريده من غير لا ولا لتحجي ولا حدود وللعلم يعني كل علاقة الها حدود واني دا اسوي بحث عن هالشي ورح انزله قريب بالمنتدى العام المهم علاقة الاب الام الاخ الاخت الصداقة كلها كلها بيها حد ونوكف احتراما للشخص المقابل ما عدا علاقة الزواج اللي تطير عندها كل الحدود
علوش عيوني اني رأيك على راسي وزيزو هم نفس الشي واني ما احب اسوي نزاع بالآراء هنا بس حبيت اشوف كل عضو ورأيه وانتو كلكم على راسي واحترم كلامكم واني حجيت طبعا بعين بنت ومادري رأي الشباب شنو علمود هيجي نزلت هالموضوع
مشكورين للمرور واني هسه مستعجلة وما دققت بكلامكم مية مية وان شالله لي عودة وان شالله ميحصل زعل بيننا على شي
تحياتي الكم حبايب

[يوسف التكريتي]

بلبدايه مشكوره عيوني على طرحج للموضوع الجرئ

الصراحه قريت كل الردود وكل واحد طبعا واله الرد الخاص ويفكر بي

اني بلنسبه الي على الموضوع

اكيد كل انسان يحب وكلمه حب مثل ما تعرفوها لا اني ولا انتوا نصطنعها لا هاي تجي من احساس بلمقابل عن طريق

الاخلاق وطريقه الكلام وغيرها .....الخ يعني اذا اشوف بنيه قريبه اليه بتصرفاتها واخلاقها هذا ميمنع انه اتقربلها بكل

الوسائل حتى اكسبها كحبيبه ويمكن بلمستقبل كزوجه والصراحه اكيد لبنيه حتى لو حبت انسان واجه صارحها لازم

متنطي نفسها بسهوله لانه تحبه لازم تعرف عنه اشياء هواي وتفكر بمستقبلها والايام الجايه حتى تكدر تكسب

الحبيب للحياه المتبقيه بينهم ....يعني كمثال بسيط الشات يعني كيف اسمح لنفسي انه اكون علاقه ويه بنيه واعرف

صديقي بلشات كان صاحبها ...الصراحه دنشوف الغرائب من الطرفين البنات والشباب بس اكثر شي من البنات

لانه لبنيه اذا فكرت بلحب لازم تفكر بصوره معمقه مو اليوم احب وباجر الله كريم ؟؟؟؟؟

على العموم ملخص كلامي العلاقه الجديه تنبني على شي جدي يعني واقعي تحاول الانسانه انه توصل لقلب

الشاب وتعرف شنو يفكر وبنفس الوقت الشاب ايضا ...

تحياتي لكم جميعا واسف على الاطاله

[السياب]

لكل علاقه شروط ومباديء فمجتمعنا يحرم بعض الامور ومن اهمها الاختلاط فهناك قواعد للاختلاط في مجتمعنا العربي المحافظ
فللاختلاط نظره مريبه جدا مهما كان نوع الاختلاط ولكن يجب ان تضع الفتاة حدود لعلاقتها مع الرجل فليس للخطيئة مغفره من جانب المجتمع العربي وهذا يسسب المشاكل الكثيره للفتاة ومنها كثرة الكلام من حولها مما يحول دون زواجها زواجا مثاليا ويجعلها ترضى بغير استحقاقها
ولكن هناك نوع من العلاقات اللتي ان لم تتم بصوره صحيحه ستؤثر سلبيا على الفتاة وعلى الرجل ايظا وهي العلاقه الطاهره الحقيقيه اللتي لم يكتب لها النهايه السعيده فتلك العلاقه البريئه قد تنعكس سلبيا على المتلقي وتجعله في النهايه يرضى بكل الحلول
تقبلي مروري ورأيي الخاص بي
السياب

[السياب]

لكل علاقه شروط ومباديء فمجتمعنا يحرم بعض الامور ومن اهمها الاختلاط فهناك قواعد للاختلاط في مجتمعنا العربي المحافظ
فللاختلاط نظره مريبه جدا مهما كان نوع الاختلاط ولكن يجب ان تضع الفتاة حدود لعلاقتها مع الرجل فليس للخطيئة مغفره من جانب المجتمع العربي وهذا يسسب المشاكل الكثيره للفتاة ومنها كثرة الكلام من حولها مما يحول دون زواجها زواجا مثاليا ويجعلها ترضى بغير استحقاقها
ولكن هناك نوع من العلاقات اللتي ان لم تتم بصوره صحيحه ستؤثر سلبيا على الفتاة وعلى الرجل ايظا وهي العلاقه الطاهره الحقيقيه اللتي لم يكتب لها النهايه السعيده فتلك العلاقه البريئه قد تنعكس سلبيا على المتلقي وتجعله في النهايه يرضى بكل الحلول
تقبلي مروري ورأيي الخاص بي
السياب

[عيوني انت هبيبي]

لازم

متنطي نفسها بسهوله لانه تحبه لازم تعرف عنه اشياء هواي وتفكر بمستقبلها والايام الجايه حتى تكدر تكسب لحبيب للحياه المتبقيه بينهم


تحياتي الك يوسف اخوية العزيز اني مدا احجي على هالنوع كل ما في الامر الكلام الخارج عن تقاليدنا وإلا فأكيد متنطي نفسها بهالسهولة المهم رأيك ورأي علاوي وزيزو اللي قريته بعد مرة ومرتين كلامهم وكلامك بيه منطق وحلو كلامكم وحلو انو كل واحد ينطي رأيه وبصراحة من غير زعل او تجريح بالنسبة لكلامك يوسف الحب سواء كان بجات او برا الجات او بأي مكان ثاني خارج نطاق النت هو حب واحلى ما بالحب براءته وطهارته ونقاوته وحسن نيته الشباب اللي يدورون خارج هالامور يعرفون وين يتوجهون ولكن من يحبون لابد من فتاة تصون حبه وياه قبل لا وي غيره من تمنع هالكلام معناتها انها اهل للثقة وتملك العفة اللي تخليها تحافظ على حبيبها بكل وقت .. بالنهاية هو موضوع نقاش لا اكثر ولا اقل واحنا ناس متعلمين ودارسين وفاهمين وعدنا وعي انو لتصير حساسية بالموضوع سواء مني او من اللي يردون او حتى من اللي بس يقرون كل واحد يكتب رأيه بالعين اللي يشوف هالشي بيها واني اشكرك يوسف لمرورك وحسن كلامك ورأيكم واحد واحد على راسي انتو اعزاء وغاليين كلكم ربي يديمكم للمنتدى ومننحرم من بعض كلنا
تحياتي واحترامي للجميع

[عيوني انت هبيبي]

السياب كلامك على راسي واني هذا اللي اريد اوصله مع باقي الاراء انو احنا مو بمجتمع غربي وهذا اللي يميزنا ويخلينا صافيين اني اللي اقصده مجرد كلام مو الاختلاط لأن اكيد الاختلاط شي غير مقبول تربينا على هالشي ونحب هالشي بينا كل قصدي الكلام اللي يخرج عن السيطرة من تمنعه البنت ليش الشاب يكول عنها متعبة ؟ على كل حال هو مجرد سؤال طرحته بيه الردود السلبية اللي متفسد للود قضية وبيه الايجابي اللي جوابك منهم واكرر على راسي كلكم ومشكورين وتسلمون لمروركم وحسن ردكم وتفاعلكم
تحياتي واحترامي وحبي للكل

[ادهم العاشق]

اشكرك اختي على هذا الموضوع الجريء

بصراحه اطلعت على جميع اراء الاعضاء وكل شخص اله رئيه الخاص بيه

واني اتفق مع البعض منهم مو كلهم وهو البنت لازم يكون الهه حدود بعلاقتهه

وهذا شي جميل لان اكثر الشباب تستغل حب البنت وظعف شخصيتها ويبدي يستغلها

وصدگيني احنا الشباب بصوره عامه منحب البنيه الي تطي مجال اهوايه للشاب وانكول عليهه

هذي لا تصلح اما لاطفالي يعني تجاوز الخطوط الحمراء والعاقل يفتهم قصدي.

والحب شيء جميل ويجب. على كل شاب او شابه ان يحترم معنى هذه الكلمه

وعذرا للاطاله وشكري واحترامي لك اختي العزيزه.

[عيوني انت هبيبي]

تحياتي الك ادهم العاشق واشكرك على تفهمك وكلامك اللي ينطبق وي رأي الاغلبية
تحياتي الك

[toffee]

طبعا بالبداية شكرا على هل الموضوع الي اشوفة ضروري بهل الوقت ولو هسة حتى لو نحجي بس بوكتهة كلمن ينجرف ورة مشاعرة واهوائة ويخلي كلشي ورة ضهرة
اني نضرتي للحب خاصة حب قبل الزواج( لان بي شوية اختلاف بسيط عن حب الزواج من خلال حدود العلاقة الي تحكمهم )
ف حب قبل الزواج هو حب قائم على الطهارة والشفافية والمصارحة واحترام المقابل بالخصوص وهذا اهم شي بالحب في اي حب كان هو احترام المقابل وتقديره واذا حبيت امراه ف اول واهم شي اخلي بالي هو ان اعاملهة ك امراه وانسانة لها احاسيسها ومشاعرها الذي هو اغلى ما تملكه المراه والتعامل معها يكون على هذا الاساس وان اعاملها ك جوهرة اخاف ان يمسها اي خدش حتى لو من قبلي اذا التزمت بهذا الشي مرح اجاوز لا حدود حمراء ولا صفراء
هذا اذا اني ردت للحب ان يستمر وينجح وتكون نهايتة سعيدة
لكن اذا كان مفهومي للحب هو اشباع رغباتي وعدم وجود حدود واتجاوز كل المحرمات ف اني متاكد على رغم المتعة الوقتية لكن لا يمكن لهذا الحب اي يستمر لفترة طويلة ونهايتة تكون ماسوية على الطرفين
اسف للاطالة ولكن الموضوع جريئ والاجابة اتمنى تكون صريحة

[زهرة النرجس]

مشكوره على مواضيعك الحلوه ياعزيزني

بصراحه هذا الموضوع اكيد يحتاج من الكل ان ينطي رأييه ويناقشه لانه مهم بمثل هذا الوقت وخاصة للشباب ولما نسمع عدهم عن مفهوم الحب والخ...

اكيد ان احلى شي بالحب الي قبل الزواج الي اني لا امانعه ولا اشجعه هو الحدود الي بالعلاقه الحب المتولده بين الاثنين لان حبيي شوفي كل شي مقدس اله حدود واله حرمته واله قدسيته صح؟؟؟ والحب اذا اعتبرناه شي مقدس فأكيد اله حرمته وقدسيته وحدوده وجمال الحب بالصدق والمصارحه مو لو مومو؟؟
وبعديين ترى الحب مو متعه انيه الانسان يحتاجها لا ولا لذة الحب بهاي المتعه الزائله لا الحب حياة اجتماعيه جديده الحب انصهار شخصيين داخل اطار من الاحترام والثقه واهم شي الغيره لاني اذا كنت اغار اني نفسيا مراح اتعدى الحدود الحمراء مثل مسميتيها هاي اولا
وثانيا الديين ويين؟؟؟الاخلاق ويين؟؟؟مااريد احجي على العرف والتقاليد بس احجي على الديين وهو الاهم
ولنفرض ديني ضعيف وشيطاني قوي اني ليش انجرف اصلا ؟؟؟اذا كنت صادق ويه البنت اخطبها وتفض المسأله لا حب ولا جيب ولا ودي هذا رأيي هذه بالنسبه للشطر الاول

اما للشطر الثاني ف التمسك بالديين والعرف والتقاليد بالنسبه للبنت او للولد فهذا يزيد من احترامه واجلاله لهذا الشخص وصدكيني اني كبنت اتمنى الانسان الي ارتبط بي والي راح اسلمله مقاليد حياتي ان ممتعرف على اي بنت قبلي ولا نظره متعدي على بنت هاي واني بنيه عاد الولد؟؟؟

تحياتي الج

[يوسف التكريتي]

اخويه العزيز توفي كلامك صحيح واني وياك بكل كلمه حجيتها اكيد علاقه الحب قبل الزواج اعتبرها هيه الناجحه لانه الثقه والتقرب ومعرفه الواحد للثاني اكثر هو هذا الشي الي يمهد لمرحله الزواج على ان تكون العلاقه محترمه ضمن حدود