انــــساني وانســــــاك

[شاعرة الرافدين]

لا تخابر ولا تسأل ولا تكول كنك ياغالي بغيري مشغول لا تعاتبني بعد ولا تلوم ولاتحط ياحلو راسك براسي...لان تعرف انت مو كد شوكي ولا كد احساسي...هذا في حال عندك احساس يا قاسي...كنت عندي فوك البشر وكنت اغله من كل اهلي وناسي..كنت....وكنت...وكنت وماعاد يفيد فعل الماضي لان الحاظر بعثر اوراقي وخليتني غصب ابدل كلمة احبك واهواك بكلمة انساني وانساك
والله وتريد الصراحة ماعاد تفرق تكون وياي واكون وياك...لان بكل الاحوال ما احس بيك واني وياك...نظرتك...كلامك...وحته ابتسامتك مو مثل ايام زمان مادري لان تغير المكان لو انت صرت غير انسان مادري كنت مخدوعه بيك وعبالي ملاك بس الحقيقة انت شرك يسبق خطاك...كافي عاد تمثيل كافي عاد تلعب عله قلبي ترا اني اتحداك...وما كنت اتصور يجي اليوم الي اتحداك...بس انت الي تغيرت وماعرف الله شبلاك
حتكلي كافي عتاب وملام اسفه حبيبي واوعدك هاي اخر مرة تسمع هالكلام...واوعدك اني حنساك...روح...ولترجعلي ولتخجل نفسك...جنت تغلط ويايه وترجعلي وبكل حب اتلكاك...بس هالمرة ميسعدني ملكاك...هالمرة اتحداك وقبل متنساني حنساك....



مع حبي
شاعرة الرافدين

[العراقي]

كوني قوية ولا تكوني ضعيفة سوف يرى عقائب الحب ان كان يلعب مع الحب . انت اجمل واحلى سوف تبقين كما انت فلا تحزني فلا احد يعرف كلمه الحب ام معني الارتبط . مشكورة على هذا الموضوع انتظري الرد عليه ياشاعرة الرافدين . زميلك العراقي

[شاعرة الرافدين]

الف شكر الك يا العراقي على تشجيعك الي وصدكني ردك الحلو فرحني كلش


مع حبي
شاعرة الرافدين

[عراقي انا]

مشكوره اختي شاعرة الرافدين على موضوعج الجميل والمعبر ارجو منك تقوية تعبير الكلمات

[روح الفؤاد]

مادري كنت مخدوعه بيك وعبالي ملاك بس الحقيقة انت شرك يسبق خطاك..
كلام جميل اختي العزيزه وتعبير صادق واحساس رائع
شكرا جزيلا تقبلي مروري المتواضع في صفحتك الكريمه
اختك روح الفؤاد

[شاعرة الرافدين]

مشكورين جميعا..........شكرا اخويه *عراقي انا *والف شكر عله النصيحه الحلوة وانشاءالله اتبعها
وشكرا اختي العزيزة *روح الفؤاد* عله مرورج الكريم و تعليقج الجميل


مع حبي
شاعرة الرافدين