علي محمدالبابلي
11-07-2007, 06:45 PM
جزت منّ التمني وكلمة الكون
وبعد يا صاح كلشي من الله ماريد
عله قصر النظر علّمت العيون
أمدّ الشوك لحد ما توصل الإيد
يمر العيد والوادم يعيدون
وانه محتار ... شلبس ؟ ألبس العيد
ما أحسد وأغار شماتلبسون
آنه هواي البست سئلو التجانيد
عشت ما مستقر ضد اليئيدون
كل ساعه بسكن مثل المطاريد
ومتت ردت اندفن بس اليدفنون
رجعوني لأن ما عندي تأييد
شريف الما يبدّل لا تبدلون
الوطن مجبور لون الخاكي ميريد
كل حل وي حلّه يعيش مامون
وأنه وي الحرب نفس المواليد
دجاج الماي يضحك عل يصيدون
يبيض بالتفك لو آنه ما صيد
أنه امربّي الفشك وملبسه العيون
يندل بالهدف ما حاجه تسديد
ما ذب بنهر شصي الا مضمون
وهضيمه اخسر طعم بي كلشي ما صيد
يعرفني العنب ما اتعب المتون
تشوف السلّة وتطيح العناكيد
حذروا طيوركم لتدوس الغصون
تصير أقواسهن باجر مصاييد
وجزت ما حط بعد للعكرب اعيون
لن ظل يتشلبه عله العرابيد
ولا خلّي الفقاعه اتصير بالون
لأن كافي السمه انترست مناطيد
ولا تلكه اليميز اللون عل اللون
ويكلّك هاي كفره وذاك تجويد
منو اليدفع يسد باب الينقدون
ورّق والنقيق ايصير تغريد
شسدّد وانه عله البيبان مديون
بعت بيبان بيتي بليّه تسديد
ومثل حيرة الشارب ماكو بالكون
يكصره الدين وتطوّله التقاليد
دخيل الله ودخلكم لا تحكمون
مو ناصي الكمر لا كلشي بعيد
جنت احلم مثلكم جنّي مجنون
كلت لهواي ازرع جنّه بالعيد
وكلت خيط الفجر يلضملي نبتون
وأعلكه وي النجوم كلاده عالجيد
وكلت ما يفترك عن موسى هارون
ولا عن روح ربك مريم تهيد
وجزت من البواجي عله اليروحون
لأن صار الدمع عل وجنه تقليد
اليثق بالصيف تمطر ماهو مجنون
مجنون اليثق باهل المواعيد
ارجو ان تنال رضاكم يارب لاتحرمونه الردود
وبعد يا صاح كلشي من الله ماريد
عله قصر النظر علّمت العيون
أمدّ الشوك لحد ما توصل الإيد
يمر العيد والوادم يعيدون
وانه محتار ... شلبس ؟ ألبس العيد
ما أحسد وأغار شماتلبسون
آنه هواي البست سئلو التجانيد
عشت ما مستقر ضد اليئيدون
كل ساعه بسكن مثل المطاريد
ومتت ردت اندفن بس اليدفنون
رجعوني لأن ما عندي تأييد
شريف الما يبدّل لا تبدلون
الوطن مجبور لون الخاكي ميريد
كل حل وي حلّه يعيش مامون
وأنه وي الحرب نفس المواليد
دجاج الماي يضحك عل يصيدون
يبيض بالتفك لو آنه ما صيد
أنه امربّي الفشك وملبسه العيون
يندل بالهدف ما حاجه تسديد
ما ذب بنهر شصي الا مضمون
وهضيمه اخسر طعم بي كلشي ما صيد
يعرفني العنب ما اتعب المتون
تشوف السلّة وتطيح العناكيد
حذروا طيوركم لتدوس الغصون
تصير أقواسهن باجر مصاييد
وجزت ما حط بعد للعكرب اعيون
لن ظل يتشلبه عله العرابيد
ولا خلّي الفقاعه اتصير بالون
لأن كافي السمه انترست مناطيد
ولا تلكه اليميز اللون عل اللون
ويكلّك هاي كفره وذاك تجويد
منو اليدفع يسد باب الينقدون
ورّق والنقيق ايصير تغريد
شسدّد وانه عله البيبان مديون
بعت بيبان بيتي بليّه تسديد
ومثل حيرة الشارب ماكو بالكون
يكصره الدين وتطوّله التقاليد
دخيل الله ودخلكم لا تحكمون
مو ناصي الكمر لا كلشي بعيد
جنت احلم مثلكم جنّي مجنون
كلت لهواي ازرع جنّه بالعيد
وكلت خيط الفجر يلضملي نبتون
وأعلكه وي النجوم كلاده عالجيد
وكلت ما يفترك عن موسى هارون
ولا عن روح ربك مريم تهيد
وجزت من البواجي عله اليروحون
لأن صار الدمع عل وجنه تقليد
اليثق بالصيف تمطر ماهو مجنون
مجنون اليثق باهل المواعيد
ارجو ان تنال رضاكم يارب لاتحرمونه الردود