الشاعر ضرغام العراقي
11-08-2007, 04:20 AM
الهواجس ... وفاءً الى رحيم المالكي
واهس بالشعر ما يشغل البال
من يوم الرحت مكسور واهس
وهاجس ما بقه عندي ولاحساس
بعدك ما بقت يابو الهواجس
شتظن اقتنع لو أقبل بهاي
ماشوفك بعد ما طب مجالس
يا فارس قصيده بعدك شلون
نقراهه يتيمه ابلايه فارس
ليش بلا ذنب وختارك الموت
صار الموت مختص بالنوارس
طلاّب الشعر تتعلم منين
من الحاقد اغتال المدارس
صح عدنه سمير وعدنه جبّار
وبنك حيدره باچر ينافس
بس المشكله بيت الشعر راد
شاعر للقوافي تصير حارس
....
ومن أجل الوطن طبعاً فقدناك
وطبعاً تفتخر بيك الشهاده
يا أجرء قلم في ساحة الخوف
يعني الموت في رأيك ولاده
شحچيلك شكلك كلهه بحزان
هم يرتاح الحتلوا بلاده
لازم ننتفض ونعيد شعلان
نفس المشهد ونكتب اعاده
ولو عاده الغدر عند اليحقدون
ناخذ ثارنه هم عدنه عاده
ما نقبل بعد يومّيه عنوان
نتأسف عليه نعلن حداده
خل نقسم قسم من هسّه والله
وشاهد عالقسم رب العباده
كل احنه رحيم بدون اللقاب
وكل احنه فخر يوم الشهاده
وكل احنه فخر يوم الشهاده
الشاعر
ضرغام العراقي
واهس بالشعر ما يشغل البال
من يوم الرحت مكسور واهس
وهاجس ما بقه عندي ولاحساس
بعدك ما بقت يابو الهواجس
شتظن اقتنع لو أقبل بهاي
ماشوفك بعد ما طب مجالس
يا فارس قصيده بعدك شلون
نقراهه يتيمه ابلايه فارس
ليش بلا ذنب وختارك الموت
صار الموت مختص بالنوارس
طلاّب الشعر تتعلم منين
من الحاقد اغتال المدارس
صح عدنه سمير وعدنه جبّار
وبنك حيدره باچر ينافس
بس المشكله بيت الشعر راد
شاعر للقوافي تصير حارس
....
ومن أجل الوطن طبعاً فقدناك
وطبعاً تفتخر بيك الشهاده
يا أجرء قلم في ساحة الخوف
يعني الموت في رأيك ولاده
شحچيلك شكلك كلهه بحزان
هم يرتاح الحتلوا بلاده
لازم ننتفض ونعيد شعلان
نفس المشهد ونكتب اعاده
ولو عاده الغدر عند اليحقدون
ناخذ ثارنه هم عدنه عاده
ما نقبل بعد يومّيه عنوان
نتأسف عليه نعلن حداده
خل نقسم قسم من هسّه والله
وشاهد عالقسم رب العباده
كل احنه رحيم بدون اللقاب
وكل احنه فخر يوم الشهاده
وكل احنه فخر يوم الشهاده
الشاعر
ضرغام العراقي