عن العراق العظيم .. للشاعر جيجان

[حبيب قلبي انووو]

البارحة شفت الوطن بالطيف اجاني البارحه ..

كتله هلا ومية هلا يابو الخيول الجامحه ..

مديت اديه تسالمه شفت القلب قبل الجفوف يصافحه ....

شلونك قلت ياموطني وظنوني ظلت سارحه ..

وانقطع وسطي من الخجل من الخجل وعيوني ظلت شابحه ..

قال اطمأن ياولدي كفتنا هي الراجحه ..

قلته الْيِرد ياموطني لحضنك الدافي تسامحه !! ..

قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..

بس الْيِخون اُمّيِتهْ ما يستحق نقرا على روحه الفاتحه ..

قلته يبه ياموطني عندي حجي بغزر الدموع المالحه ..

قال احجي قول شما قلت طبع الوطن مثل الابو واجب عليك تصارحه ..

قتله يبه ياموطني ليش انت من دون الدول صاحت عليك الصايحه ؟؟

وليش انت من دون الدول اطفالك الحلوين بالدم سابحه ؟؟

وليش انت من دون الدول بكل بيت عندك نايحه ؟؟

وليش انت من دون الدول ناسك إتْصبّح نازحه ؟؟

وليش انت من دون الدول جيرانه كلها تواقحه ؟؟

وليش انت من دون الدول يا ثور بالعالم قوي تركض عليه تناطحه ؟؟

متْقلي منهو الْخبلك يا بو العقول الراجحه !! ..

شفته ضحك .. شفته ابتسم لمن حِجى و جاوب اجابه واضحه ..

يبقى الوطن هو الاصل والناس هي الرايحه ..

كفكف دموعك ياولد ادري بغريب الدار شوقه الجارحه ..

وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه ..

وحتى النخيل إلها وطن ما تنشتل إلا بأرضنا المالحه ..

بس إحنا نبقى لِشْ وقت يا موطني نحلم وطنا نصافحه ؟؟ ..

وخلاف الوطن تبقى البشر مثل البهايم دايحه ..

والبارحه شفت الوطن بالطيف أجاني البارحه ..

[مأسآةشاعر]

وخلاف الوطن تبقى البشر مثل البهايم دايحه ..

والبارحه شفت الوطن بالطيف أجاني البارحه

مشكووورة يا حبيب قلبي ع النقل المميز للشاعر عباس جيجان عاشت ايدِك وارجو منك ان تبقي بهذا القسم اتنزلين من الاشعار الشعبيه الحلوه


تحياتي الِك

مأسآة شاعر

[حبيب قلبي انووو]

شكرا لك اخي على المرور

واسعدني تواجد
تحياتي لك

[شمس بغداد]

شكرااااااااااا على القصيده

[حبيب قلبي انووو]

منوره حبيبتي

[لــؤلــؤة بــغــداد]

مشكورة ياوردة ياغالية موضوع رووووعة

[حبيب قلبي انووو]

العفو عمري

[تامر حسني]

شكرا عالقصيدة الرائعة

[الامير الوسيم]

شكرا حبيبي على القصيدة الراقية

[فراشة كركوك]

مشكوره حبيب قلبي على النقل المميز
وهذا الشعر غناه حسام الرسام

تحياتي

[قمر مضيء]

شكراً على الاختيار الرائع...
الله يحفظ العراق ...
تحياااااااااااتي...