اللقاء مفاجأة مع احلى وردة بالمنتدى (roza) !! [الأرشيف]

احلى عراقية

11-09-2007, 10:53 AM

http://www.arabsys.net/pic/bsm/77.gif (http://www.arabsys.net/pic/index.php)

بالبداية احب اقدم هاي الوردة
لاحلى ضيفة ويانا
ولمخرجنا
وكل اللي ديقرون الموضوع

http://i121.photobucket.com/albums/o207/bicfomh/gg01/rose/ros015.gif

هاي شكد صارلك تحطلي مكياج
شنو عروس خو ما عروس
يلا بسرعة
شلوني طالعة
اخبل مو ؟
هههههههه

ها جاهزين

اضاءة
صوت
كاميرا
مايك
يلا خمسة ...اربعة ... تلاثة ....اثنين
اكشن (هاي المخرج يكولها مو اني ههههههه)

http://www.arabsys.net/pic/zkarf/1.gif (http://www.arabsys.net/pic/index.php)

هلوووووووووووووووووووووو
اللقاء مفاجأة
اليوم اللقاء غير
ويا ضيفة غير
ومقدمة غير
بس المخرج نفسه هههههه
اليوم يا اعزائي اللقاء مع المقدمة المتألقة والمشرفة المتميزة

http://www.arabsys.net/pic/wrod/13.gif (http://www.arabsys.net/pic/index.php) روزاhttp://www.arabsys.net/pic/wrod/13.gif (http://www.arabsys.net/pic/index.php)

روزا اسم على مسمى
هي وردة يفوح عبيرها في جميع الارجاء
روزا رمز للطيبة والرقة
عهدناها دائما باسلوبها الراقي العذب
وبالرغم من هدوء طلتها
الا انها تجذبكم باسلوبها وكلماتها
روزا وماادراك ما روزا
صاحبة الحس الراقي
والاحساس المرهف
متميزة في هدؤها ....في رقتها...... في طيبتها

متميزة في اسمها الجميل
وحضورها الاسر
لها دور كبير في اثراء المنتدى
بالمواضيع المتميزة والردود الاكثر تميزا
انسانة شفافة عالية الاخلاق تثير انتباه الجميع

http://www.arabsys.net/pic/zkarf/94.gif (http://www.arabsys.net/pic/index.php)

مية هلا بيج حياتي روزا
منورة اللقاء والله
واني يسعدني جدا انه اكون المقدمة للحلقة مالتج

وهاي الاسئلة التعريفية
يعني البطاقة الشخصية
تفضلي
الاسم؟؟
العمر ؟؟
تاريخ الميلاد؟؟
التحصيل العلمي؟؟؟
السكن؟؟
الحالة الاجتماعية؟؟

http://www.arabsys.net/pic/wrod/15.gif (http://www.arabsys.net/pic/index.php)

مع تحيات
المقدمة
احلى عراقية
والمخرج
ابن الانبار الوفي

حسوني

11-09-2007, 11:55 AM

السلام عليكم
شكرا أحلى عراقية على استضافة مشرفة متميزة
يسعدني أن أكون أول من يتشرف بسؤال الأخت روزا
روزا شلونج اخبارج ؟
عندي كم سؤال و أكيد مو صعبين

الأول : منو أول عضو / عضوة اتعرفتي عليه بالمنتدى ؟
الثاني : أكثر قسمين تتواجد بيها روزا ؟
الثالث : روزا بكلمة وحدة أوصفي الأعضاء
فله
دلع روحي
بنت ديالى
أحلى عراقية
باربي الموصل
نوتيلا
الأميرة الراوية

الرابع : عضوة تتمنين تتعرفين عليها ؟
الخامس : نصيحة وجهيها للأعضاء
فله
دلع روحي
بنت ديالى
احلى عراقية
قطر الندى
نوتيلا

تحياتي

طفولة بريئة

11-09-2007, 05:09 PM

هاي شنو اليوم اللقاء منور صدك
هلو احلى عاشت ايدك
شلونك حبي روز
راح اكون رحيمه وماسألك كثير
يله نبدي
1_هل انتي كتومه للسر
2_لو كنتي مسؤولة الموقع شنو اول شي تسويه
3_شنو رأيك بالحب عن طريق النت
4_لو احببتي شخص وقال الك عوفي دراستك هل تعوفيه لاجله
5_شنو برأيك اهم الدراسه او الزواج بالنسبه للبنت
مارأيك بالاعضاء التاليه اسمائهم

ابن الانبار
حسوني
عمر مون
عمر الساهر
فله
تامي
طفولة
لؤلؤة
الاميره الراويه

نكتفي بهذا القدر من الاسئله
ولي عوده مره اخرى
تحياتي
طفولة بريئة

roza

11-09-2007, 07:32 PM

roza

11-09-2007, 07:37 PM

هسه اجاوب على البطاقه الشخصيه الاسم؟؟
ورد
العمر ؟؟
19
تاريخ الميلاد؟؟
16/6/1988
التحصيل العلمي؟؟؟
مرحله اولى اداب
السكن؟؟
الانبار
الحالة الاجتماعية؟؟
عزباء :s(4):

roza

11-09-2007, 07:49 PM

السلام عليكم
وعليكم السلام يا هلا بيك حسوني
شكرا أحلى عراقية على استضافة مشرفة متميزة
يسعدني أن أكون أول من يتشرف بسؤال الأخت روزا
اني سعيده جدا باسئلتك
روزا شلونج اخبارج ؟
بخير الحمد لله انت شخبارك
عندي كم سؤال و أكيد مو صعبين
اكيد...
الأول : منو أول عضو / عضوة اتعرفتي عليه بالمنتدى ؟
اول عضوه ورده الله يخليها
الثاني : أكثر قسمين تتواجد بيها روزا ؟
العام ،،النقاشات،،اللقاءات،،المراه
الثالث : روزا بكلمة وحدة أوصفي الأعضاء
فله : الطيبه
دلع روحي: المزاجيه:s(22):
بنت ديالى: طبيبه المستقبل
أحلى عراقية: مذيعه المستقبل
باربي الموصل: متالقه المنتدى
نوتيلا: ست نوتيلا راح ترسبني بالصف :s(9): صاحبت الطله الجميله
الأميرة الراوية : حبيبتي واختي اميره المنتدى
الرابع : عضوة تتمنين تتعرفين عليها ؟
باربي ،،وام عباس
الخامس : نصيحة وجهيها للأعضاء
فله : تابعي المنتدى العام :s(22):
دلع روحي: ديري بالج على الدراسه
بنت ديالى: معندي معرفه بيها والله حتى انصحها
احلى عراقية: عندج موهبه بالتقديم ادربي عليها
قطر الندى : اقري جغرافيه لانها حلوه والله
نوتيلا: هههههههههههه لا ترسبيني بالصف لان اني خطيه

تحياتي
نورت حسوني
شكرا على الاسئله اللطيفه
تحياتي لك

roza

11-09-2007, 08:04 PM

هاي شنو اليوم اللقاء منور صدك
هلو احلى عاشت ايدك
شلونك حبي روز
بخير الله يسلمج انت شخبارج
راح اكون رحيمه وماسألك كثير
اي انت طيوبه ادري بيج
يله نبدي
اوكي...
1_هل انتي كتومه للسر
الحمد لله ،انت شنو تكولين؟
2_لو كنتي مسؤولة الموقع شنو اول شي تسويه
ههههههههه انطيج باند طفوله حتى ارتاح من نقاشك ههههههه والله مسوي شي اني حبابه تعرفيني
3_شنو رأيك بالحب عن طريق النت
بكل مكان وبكل زمان وبكل الضرف اكو حب واكيد في حب عبر الشبكه العنكبوتيه
4_لو احببتي شخص وقال الك عوفي دراستك هل تعوفيه لاجله
شنو هل الورطه بصراحه لا دراستي اهم
5_شنو برأيك اهم الدراسه او الزواج بالنسبه للبنت
الدراسه حبي مهمه جدا وخاصه للبنت
مارأيك بالاعضاء التاليه اسمائهم

ابن الانبار: شمعه المنتدى راي بي انسان جميل باخلاقه وصفاته حميده
حسوني : انسان واضح انو طيب ولو معرفتي بي متتعدا المواضيع والردود بس واضح يخفي اخلاق حلوه
عمر مون:انسان مثقف ،واعي ،قوي الاراده شخصيته قويه
عمر الساهر: وطني واثق من نفسه ومن الي يسوي وقوي
فله: طيوبه وحنونه انسانه الكل تحبها
تامي:تمتم والله معرفتي بيها سطحيه جدا بس سامعه انو تحمل روح حلوه
طفولة :حبيبتي الحلو ه الطيوبه رغم ان عمرها مو كبير بس تعرف تتصرف
لؤلؤة:لولو نجمه ساطعه في منتديات موقع العراق من خلال الردود
الاميره الراويه: امورتي شوصفها منطيها حقها حنان وطيبه تنصحني دائما ربي يحميج ويخليج

نكتفي بهذا القدر من الاسئله
ولي عوده مره اخرى
تنورين عيوني باي وقت تريدن

تحياتي
طفولة بريئة

احلى عراقية

11-09-2007, 09:12 PM

اشكرج حياتوووو روزا عالاجوبة الجميلة
والكلمات الحلوة
وان شاء الله بعد جم سنة تشوفوني عالشرقية
ههههههههههه
وايضا اشكر حسوني وطفولة عالمرور الحلوووو
تحياتي

احلى عراقية

11-09-2007, 09:21 PM

ورجعنا بعد الفاصل

روزا هاي مجموعة من الحوادث اتخيلي نفسج مريتي بيها واريد اعرف شلون رح تتصرفين بيها
الحادث الاول
وصلتج رسالة من شخص مهم بالمنتدى ويكلج بيها انه هو يحبج ومعجب بيج من زماااااااااان
وجان خايف يكلج بس هسه اجته الشجاعة
فشلون رح تتصرفين

الحادث الثاني
جنتي لابسة الفستان اللي صارلج 3 اشهر تنتظريه ورايحة لعرس بنت عمج ومتانقة وكاشخة
بس اول منزلتي من السيارة
فجاة وكعتي ببركة من الطين
شنو رح تسوين

الحادث الثالث
اذا جان اكو شخص وياج بالكلية وانتي معجبة بيه جدا جدا بس تشوفيه ديقترب من غير بنية
وهو اصلا ميعرف انه انتي تحبيه
فشنو رح تسوين

الحادث الرابع
مرة من المرات جنتي ماشية بالشارع وفجاة شفتي بالكافيه خطيبج كاعد ويا وحدة ولازم ايدها
ودينطيها وردة حمرة
فشلون رح تتصرفين

الحادث الخامس
جنتي تمشين وحدج بالليل وبعدين حسيتي على احد ديلحقج
فشنو رح تسوين

الحادث السادس
اذا احد عاكسج بالشارع وضل لازك يعني مولى بحال سبيله
فشنو رح تسوين

وفاصل ونواصل
ابقوا معنا

roza

11-09-2007, 10:25 PM

ورجعنا بعد الفاصل
نورتي ..
روزا هاي مجموعة من الحوادث اتخيلي نفسج مريتي بيها واريد اعرف شلون رح تتصرفين بيها
الحادث الاول
اوكي شلون حوادث هاي تحفه
وصلتج رسالة من شخص مهم بالمنتدى ويكلج بيها انه هو يحبج ومعجب بيج من زماااااااااان
وجان خايف يكلج بس هسه اجته الشجاعة
فشلون رح تتصرفين
** من شخص مهم بالمنتدى راح اهني على وصوله لهاي الاهميه بالمنتدى واهنيه على شجاعته
وبعدين اذا اني معجبه بشخصيته طبعا افرح واذا لا راح اعرف اوصل بطريقه متحرجه انو شكرا لان انت معجب بيه بس اني لاالحادث الثاني
جنتي لابسة الفستان اللي صارلج 3 اشهر تنتظريه ورايحة لعرس بنت عمج ومتانقة وكاشخة
بس اول منزلتي من السيارة
فجاة وكعتي ببركة من الطين
شنو رح تسوين
:s(7)::s(7): هاي اصعب موقف راح ارجع للبيت ومطب للعرس واعتذر من العروس اكلها كانت حرارتي مرتفعه :s(22):
الحادث الثالث
اذا جان اكو شخص وياج بالكلية وانتي معجبة بيه جدا جدا بس تشوفيه ديقترب من غير بنية
وهو اصلا ميعرف انه انتي تحبيه
فشنو رح تسوين
:s(7): مراح ابين شي واحاول انسه الفكره
الحادث الرابع
مرة من المرات جنتي ماشية بالشارع وفجاة شفتي بالكافيه خطيبج كاعد ويا وحدة ولازم ايدها
ودينطيها وردة حمرة
فشلون رح تتصرفين
هههههههه لا راح اروح واكعد وياهم جا شلون لعد اعوفهم وحدهم واحرك بدمي واكله ممكن اتعرفني بحضرتها
وبعدين اتركه بس مو كدامها هههههه
الحادث الخامس
جنتي تمشين وحدج بالليل وبعدين حسيتي على احد ديلحقج
فشنو رح تسوين
:s(7): والله اني اذا اشوف صرصر بذاك السايد اني اصيح انوب احد يلحقني اصرخ اكيد
الحادث السادس
اذا احد عاكسج بالشارع وضل لازك يعني مولى بحال سبيله
فشنو رح تسوين

مراح اديرله بال وامشي واعوفه بس هاي اذا امشي وحدي لان اخاف امشي وحدي بالشارع او باي مكان

وفاصل ونواصل
تورين عيوني احلى عراقيه باي وقت
ابقوا معنا

احلى عراقية

11-09-2007, 10:54 PM

اشكرج روزا عالاجابة الحلوة
وهسه سؤالي الج
وهو مجرد سؤال
بس اجابته كويلة
اريدج تكليلي جدولج اليومي بالتفصيل الممل
يعني من اول متكعدين من النوم لحد متنامين مرة لخ
ها
بالتفصيل الممل ههههههه
يلا
تحياتي

roza

11-09-2007, 11:27 PM

اوكي احلى عراقيه
راح اشرحلك من اكعد من النور الساعه التاسعه او العاشره والنصف الى
ما انام هاي مكدر احددها لان يوميه بوقت
اكعد الصبح اشغل الحاسبه واخلي اغنيه فيروز ((اي اغنيه ماكو مشكله))
بعدين ارتب البيت واروح وارجع على الحاسبه
اذا جاي على بالي اطبخ ماكو مشكله اطبخ :s(22):
وبعدين يرجعون اهلي من الدوام
يعني طول هاي الفتره اني وحدي لان بعد مبده دوامي
نتغده
واغسل المواعين
وبعدين اكعد على النت الى اذان المغرب اكوم اصلي واتفرج على 3 مسلسلات علىmbc

وبعدين ارجع على النت الى ان انعس واكوم انام :s(22):
وهاي هيه يومياتي
شرحتها بالتفصيل الممل

نوتيلا

11-10-2007, 03:36 AM

السلام عليكم ورحمه الله وبراكاته

شلونج حبيبة قلبي روزة :s(23): :s(23):

هاي ليش هيج ماخذة موقف مني ههههههههههههههههههههه ترةاني مااخوف كلش حبابة :s(22):

بس انتي صيري شاطرة وعقولة :icecream: وبعد مااجيب المسطرة هههههههههههههه

يله حبي ابدي وياج بالاسئلة

1-ماهو افضل يوم بالاسبوع؟

2-ماهي افضل مرحله بحياتك ولماذا هذه المرحله بالذات..؟

3-شنو اخبارك مع المطبخ؟

4-ماهو لون(شعرك..عينيك..بشرتك)؟

5-ماهي الموصفات التي تتمنيها ان تكون في صديقك او صديقتك؟؟

6-اعطوك طفل عمره سنتين ماهو اول شي تزرعه في قلبه مثل(الصدق&الاستئذان...الخ)

7-ماهو البلد الذي تتمنين ان تعيشي فيه؟

8-ما اكثر ماتحبيه في الانترنت؟

9-هل تمارسين الرياضه؟

10-غرق المنتدى ومعك قارب لا يحمل الا ثلاثه من تاخذين معك؟

11-من هو كاتم اسرارك؟

12-ماهو اكثر شي يثير خوفك؟

13-هل ترتدين نظاره طبيه ؟

14-ماهو اكثر شي يثير ضيقك؟

15من المشاهير تتمنين تقابيله وتجلسين انت وياه بكوفي شوب؟؟؟؟؟

16-اشد موقف محرج مر بحياتك؟

17-هل انت جذابة؟

18-انت صريحة ولا لا ؟ مع ذكر السبب.. ..

19-من الاعضاء تتمنين تقابيله؟

20-ماهي بدايتك مع الانترنت؟

21-ماهو النادي الذي تشجعيه؟

22-هل تعيشين قصه حب؟

23-شخصيه كرتونيه تعجبك؟

24-ماهو ترتيبك بين اخوانك؟

25-شنو علاقتك مع الشعر؟

26-كلمه اخيره تهديها لي...

27-كلمه اخيره تهديها للاعضاء

وشــــــــــــــــكـــــــــــــــــــرآ جــــــــــــــــــــــــزيــــــــــــــــلآ

اتمنى مااكون طولت بالاسئلة

يوسف التكريتي

11-10-2007, 11:29 AM

صباح /مسآء النرجس و الورود العاطرة ...

صباح /مسآء قطرات الندى التي تتلاعب على اوراق الزهور..

لتعطي للطبيعة جمالا و رونقا خاصا ...

صباحك/ مسآئك عاطر باجود انوع العود و البخور ...

هانحن نبدأ من جديد على بساط من الاخوة الصادقة نلتقي ......

نلتقي لنجدد عهود الوفاء لمن هم أوفياء لهذا الصرح .......

نعود ونحن نحمل معنا أزاهير روض لم تزل ....

تنشر العبير الفواح و تنور لنا كل زاوية من زوايا منتدانا الرائع .......

شخصية أعتبرها ضمن

لائحة الأقلام المميزة بمعنى

مميـــزة فعلا

شخصيته تتصف باالتواضع و العطاء

تميزت بهدوئها، جديتها،انتقائها للمواضيع القيمة الهادفة

محبة لنشر النافع والمفيد

ومع ذلك لا تكاد تسمع لها همسا رغم تميز قلمها ورقيه،،،

ما زالت نجمة من خلال إبداعاتها وتألق قلمها

الاخت روزا

كم هي سعادتنا جميعنا بهذا التشريف .. الراقي

وكم نتمنى .. ان تطيب نفسك الشجيه .. بــ اسئلتنا وحوارنا.. لكِ

ولــ يسجل اركان هذا الصرح .. حضورك المضيء..

لاستضافتك وتكـوني ضيفه مميزه

يله نتوكل بالله ونبدي /

الكل منا يبحث عن السعاده وقليل جداً من يشعُر بها
أين تكمن السعاده في وجهة نظرك..؟

/عندما تضيق بكِ الدنيا..وتتضائل أمامك الأضواء إلى ان تختفي ويعم السواد..ويختنق الكون وتشعري بالوحده..إلى من تلتجأين بعد الله

برأيك ماهو"المهم" و "الهام" و "الأهم" في حياتك لكِي تشعُري بأنكِ على قيد الحياه..؟

لو قدر لك العيش في كوكباً آخر لايسكنه سواكِ وخيرتي بأن تحملي معك من كل نوع ممايأتي شيئاً واحداً
فقط ..(الرجاء التعليل لكل إختيار)

‘ْ‘كتابْ‘‘ إنسانْ‘‘ ‘ وروود ْ‘‘قصيدهْ‘‘

أيهما يتلاعب أكثر بمشاعر الآخر الشاب أم الفتاة؟؟

/ بإعتقـادك هل من الممكـن أن تكـون ردود العضو ترسم شخصيتـه ؟؟

من ستختاري ليمسح دموعكِ ؟

هل هزمك حزنك في يوما من الايام؟

اغمضي عينيكي دقيقه لو سمحتِي, ماذا خطر على بالك وانتِ مغمضةالعينين ?

ما الذي أعجبك في منتديات العراق وجعلك تقدمين كل هذا العطاء في زمن قياسي ؟
ما سر هذا الحضور وهذا الإبداع وكيف توفقين بين المنتدى وبين بقية أعمالك ؟
شخصية كان لها الأثر في حياتك ولن تنسيها مهما حييتي ؟

بجملة واحدة فقط أكتبي تعريفاً لكل كلمة من الكلمات التالية :
الأم؟
الليل؟
الحب؟
الصمت؟
المراءه؟
الرجل؟

أختارى خمسة أعضاء من المنتدى وامنحيهم ألقابا ؟ً

* الحبر .. الخيانة .. السياسة .. القهوة .. عشق ...

ممكن تكتبي بيتين شعر او خاطره تجمعي فيهم تلك الكلمات ؟

•[• كـم تـقـيــمين نفسك بالــ%؟•]•
•[•العصبية ؟•]•
•[•المزاجيه ؟•]•
•[•الهدووء ؟•]•

•[• شنو يعني لكـِ ـ%؟•]•
•[• البحـر؟•]•
•[• الفجـر؟•]•
•[• الغـروب؟•]•

•[• اذكرى اربع اعضاء يعجبك اختيارهم بطرح المواضيع؟•]•

•[• شــنــو اكـــثــر شــي تـمنيـتيه يــصــيــر فـ الـمــنــتــــدى ؟؟؟ •]•

•[• ما هي اقرب وسيله من وسائل الاعلام ؟وهل برأيك تم استخدامها استخدام ينفع ام يضر في هذه الايام؟ •]•

•[• كلمه تهدينها لجميع من في منتدانا الغالي؟•]•

هسه كملت الاسئله ويمكن اكدر ارجع اذا اكو وكت اتمنه هاي الاسئله القليله تكون خفيفه عليج وتحياتي :s(22)::s(22):

احلى عراقية

11-10-2007, 02:35 PM

هلو بيكم عيوني نوتيلا ويويو منورين
وان شاء الله روزا تجي بعد شوية وترد على اسئلتكم
تحياتي...

احلى عراقية

11-10-2007, 02:46 PM

ورجعنا بعد الفاصل ويا مجموعة اخرى من الاسئلة
نبدي
1_هل حبيتي من قبل؟ واذا الجواب اي هل هذا الحب مستمر ام انتهى واذا انتهى فليش ؟؟ (بصراحة)
واذا متريدين تجاوبين بكيفج حياتي
2-هل تشعرين بالفراغ العاطفي؟وهل تحتاجين لاحد بحياتج يعني هل تشعرين حياتج ناقصة فد احد او فد شي؟؟
3-هل تبحثين عن نصفك الأخر؟لو تكولين بعد وكت ؟؟ وشنو العمر المناسب للزواج برايج؟؟
وشكم جاهل مفكرة تجيبين (هههه)؟؟4-هل أنتي مزاجيه؟
5_هل انتي عصبية ؟؟
6-هل تشعرين بالملل؟
7-هل لديك ذوق بأختيار ملابسك؟
8-هل تحبين شخص بالمنتدى (اكيد لا هههه)؟؟
9-ماذا تصفين شكلك العام؟
10-ما الصفه التي تطلق عليك غالباً؟
11-من هو العضو اللي مزهقك فى المنتدى؟
12-هل أنتي مغروره وشايفه نفسك؟
13-هل أنتي حنونه؟
14-هل انتي انسانة متفائلة؟؟
15-هل ندمتي على قرار أتخذتيه بحياتك؟16-هل تحسين أنك مظلومه؟
17_ شنو الهدف الساسي من دخولج للمنتدى واقصد المنتديات بشكل عام ؟؟
18_هل تدخلين جات واذا اي فشنو السبب وهل تحسين بيه فائدة؟؟
19_ شنو تعنيلج الحياة ؟ وهل انتي راضية عن نفسج ؟؟
20_ اذا رجعتي بحياتج شنو الشي اللي تتمنين تعدليه او متسويه من الاساس؟؟

أميرة الظلام

11-10-2007, 02:51 PM

هلا والله بمشرفتنه الغاليه

عندي كم سؤال :-

نتعرف عليك اكثر
1)ماذا تكرهين

2)ماذا تحبين

3)الشيء الذي يشعركِ بالخوف

4)الشيء الذي يشعركِ بالامان

5)موقف اضحككِ

6)شخصيه اثرت في حياتكِ

7) حكمتكِ المفضله في الحياة

والان كيف تصفين هذه الكلمات .........
8)الموت

9)الحياه

10)التعاون

11)الصداقه

12)الحب

13)الغيره

14)النفاق

15)الصدق

16)الكذب

17)الخيانه

18)المرأه

19)الطفل

20)الرجل

الف شكر مقدما حبيبتي ..........

roza

11-10-2007, 03:54 PM

كل الهلا بكل الي منورين هنا
ان شاء الله راح اجاوبكم
اني حاليا طالعه من البيت بس ارجع اجاوب
ههههههههههههه
اووووووووكي
تحياااااتي

الاميرة الراوية

11-10-2007, 04:10 PM

في البداية ارحب بالوردة((( روزا)))

واريد اسلم عليها لان صار هواية محاجية وياااهااا هههه:s(22):

شلونج عيني ...شلون الصحة

مبروك عليج الاسئلة

يالله وياية مع قافلة الاسئلة مالتي:b045:

1\\ هل تعرضت لموقف في المنتدى اغضبك او جرحك من احد الاعضاء؟

2\\ما هي اصعب المواقف التي وقفت عاجزه امامها ؟

3\\من اقرب الاشخاااص لفكرك في المنتدى؟

4\\ما الموقف الذي تتوقعين ان مر بك من الممكن ان يجرحك طوول عمرك؟

5\\ماذا...تعنيلك هذه الكلمات في حياتك الخاصه..
الحب؟

الخيانه؟

الهدوووووؤ؟

القمر؟

الدمووع؟

الالم؟

الفراق؟

6\\جاوبي بصراحة المن تكولين الكلمات التالية؟

احبك

ابعد عني يا ابن الناس

مكانك خالي

الله ينتقم منك

وين هالغيبة

الأماكن كلها مشتاقة لك

من قال ماحبك من قال مابيك
اشوف الحب مع كل الحبايب خيانة في خيانة ..
مانسيتك ..

أبسئلك هو انااااااااا استاهلك ..

7\\ ثلاثة اعضاء تتمني يكونو معك برحله ..؟

8\\ عضو اعجبك اسلوبة وتتمنى الجلسة والحديث معه ..؟

9\\اخر سؤال

تحبين تكونين ملكة جمال الكون

او تحبين تكونين زوجة؟

او تحبين تكونين ام ؟

زين وبالمنتدى

تحبين تكونين مشرفه عامة بالمنتدى

او مشرفة سوبر

او تبقين برازيلي هههههه اقصد مشرفة اقساام

هسة هاهيه

خاف تطفى الكهرباء

وليي عوووووووووووووودة

:icon_rr:

roza

11-10-2007, 07:18 PM

السلام عليكم ورحمه الله وبراكاته
وعليكم السلام ورحمه الله وبركاته
شلونج حبيبة قلبي روزة
اسال عنج انت اخبارك
هاي ليش هيج ماخذة موقف مني ههههههههههههههههههههه ترةاني مااخوف كلش حبابة
لا انت متخوفين ابد:s(22):
بس انتي صيري شاطرة وعقولة وبعد مااجيب المسطرة هههههههههههههه
ههههههههههه ان شاء الله اني عاقله والله بس انت ماخذه موقف مني
يله حبي ابدي وياج بالاسئلة
اي يلا....1-
ماهو افضل يوم بالاسبوع؟
الخميس
2-ماهي افضل مرحله بحياتك ولماذا هذه المرحله بالذات..؟
الطفوله لان عشت ايام حلوه ومتنعاد اكيد
3-شنو اخبارك مع المطبخ؟
توب اني طباخه
4-ماهو لون(شعرك..عينيك..بشرتك)؟
ليش تريد تخطبيني ؟:s(25):
5-ماهي الموصفات التي تتمنيها ان تكون في صديقك او صديقتك؟؟

الصدق ،،الامانه ،،الوفاء
6-اعطوك طفل عمره سنتين ماهو اول شي تزرعه في قلبه مثل(الصدق&الاستئذان...الخ)
اعلمه الصدق لان الصدق منجا واذا اتعلم الطفل على الصدق كل شي ياتي بعده7-
ماهو البلد الذي تتمنين ان تعيشي فيه؟
العراق بحياتي متمنيت اهيش بغير بلد لان مراح الكه مثله

8-ما اكثر ماتحبيه في الانترنت؟

كل شي بالنت احبه لانه بحر من العلوم والمعرفه
9-هل تمارسين الرياضه؟
لا :s(22):10-
غرق المنتدى ومعك قارب لا يحمل الا ثلاثه من تاخذين معك؟
هههههههه شنو هل الاحراج هسه الكل تزعل عليه بس اكيد منقذج هههههه لان انت تريد اترسبيني
امممممممممم
راح اخذ ابن الانبار ،،اموره ،،طفطوف:s(22):
11-من هو كاتم اسرارك؟
قلبي من يكتم اسراري

12-ماهو اكثر شي يثير خوفك؟
المستقبل
13-هل ترتدين نظاره طبيه ؟
لا بس اذا اروح ادرس جوز البس :s(7):

14-ماهو اكثر شي يثير ضيقك؟
اذا انسان يفهمني غلط ،،واا انسان يضغط عليه

15من المشاهير تتمنين تقابيله وتجلسين انت وياه بكوفي شوب؟؟؟؟؟
كاظم الساهر:s(17)::(33):
16-اشد موقف محرج مر بحياتك؟
هوايه والله محرجه مكدر اذكرها:s(4):
17-هل انت جذابة؟
:s(4): معرف
:s18-انت صريحة ولا لا ؟ مع ذكر السبب.. ..
لا صريحه بس مو على طول

19-من الاعضاء تتمنين تقابيله؟
اقابل اموره ودلع ونوتيلا و ميسو وطفطوف كل البنات اتمنى اشوفهم والله20-
ماهي بدايتك مع الانترنت؟
اول مبديت اتصفح بس ما افتح ما سنجر لان مو سريعه بالكتابه :s(22):21-ماهو النادي الذي تشجعيه؟

مشجع نادي 22-
هل تعيشين قصه حب؟
ممكن ترك

23-شخصيه كرتونيه تعجبك؟

جيري :s(22):24-
ماهو ترتيبك بين اخوانك؟
الكبيره
25-شنو علاقتك مع الشعر؟
احب الشعر هوايه هوايه واحاول اتعلم كتابة الشعر الفصيح

26-كلمه اخيره تهديها لي...
نوتيلا حبي اشكرج على الاسئله اللطيفه والخفيفه والله
تسلميلي27-
كلمه اخيره تهديها للاعضاء
الله يوفقكم

وشــــــــــــــــكـــــــــــــــــــرآ جــــــــــــــــــــــــزيــــــــــــــــلآ
العفــــــــــــــــــــــــــــــــــــــــــــــ ـــــــــــــــــــــــــــــــــــــــــو...

اتمنى مااكون طولت بالاسئلة
لا حبي ابد والله

roza

11-10-2007, 07:23 PM

roza

11-10-2007, 08:38 PM

يله نتوكل بالله ونبدي /
يلا نبدي يوسف ...

الكل منا يبحث عن السعاده وقليل جداً من يشعُر بها
أين تكمن السعاده في وجهة نظرك..؟

ومع اهلي و ومع احبائي/
عندما تضيق بكِ الدنيا..وتتضائل أمامك الأضواء إلى ان تختفي ويعم السواد..ويختنق الكون وتشعري بالوحده..إلى من تلتجأين بعد الله
الى امي الله يخليها الي
برأيك ماهو"المهم" و "الهام" و "الأهم" في حياتك لكِي تشعُري بأنكِ على قيد الحياه..؟

المهم انو اهلي حوليه والهام انو هم اغلى شي عندي والاهم ناطيني كل الحب والحنان
لو قدر لك العيش في كوكباً آخر لايسكنه سواكِ وخيرتي بأن تحملي معك من كل نوع ممايأتي شيئاً واحداً
فقط ..(الرجاء التعليل لكل إختيار)

‘ْ‘كتابْ‘‘ إنسانْ‘‘ ‘ وروود ْ‘‘قصيدهْ‘‘

انسان
لان الكتاب راح اقراه واخلصه والورده راح تذبل وتموت والقصيده امل من اعادتها بينما الانسان كائن حي احدثه ويحدثني
أيهما يتلاعب أكثر بمشاعر الآخر الشاب أم الفتاة؟؟
الشاب

/ بإعتقـادك هل من الممكـن أن تكـون ردود العضو ترسم شخصيتـه ؟؟
مو دائما بس تحاول اتبين ان كان العضو مثقف ام لا
من ستختاري ليمسح دموعكِ ؟
انا من تمسح دموعها بنفسها لاا حب يرى احد دموعي،، لان الدمع ضعف وما احب ابين ضعيفه
هل هزمك حزنك في يوما من الايام؟
لا الحمد لله
اغمضي عينيكي دقيقه لو سمحتِي, ماذا خطر على بالك وانتِ مغمضةالعينين ?
خطر في بالي مستقبلي المستتر خلف الايام
ما الذي أعجبك في منتديات العراق وجعلك تقدمين كل هذا العطاء في زمن قياسي ؟
عجبني لان يظم ناس طيبن من كل انحاء العراق يجمعنا حب العراق وتجمعنا همومه ،،وبالنسبه للوقت مو بوقت قياي اني بالمنتدى من سنه و3 اشهر
ما سر هذا الحضور وهذا الإبداع وكيف توفقين بين المنتدى وبين بقية أعمالك ؟
ماكو سر والله هذا من ذوقك اكيد، يمكن انت تشوفني مبدعه الغير يشوفوني عاديه او ما اقدم اي شيء
كيف اوفق اني عندي النت منتدى موقع العراق والماسنجر وتصفح اي شي ابالي ومن خلال تصفحي اشوف بعض المواضيع واقتبس الفكر منها واخليها بصياغه تخصني
شخصية كان لها الأثر في حياتك ولن تنسيها مهما حييتي ؟
امي الله يخليها ويطول بعمرها

بجملة واحدة فقط أكتبي تعريفاً لكل كلمة من الكلمات التالية :
الأم؟: سبب وجودي وسعادتي بالنظر في عينيها
الليل؟ الهدوء السكون والخوف
الحب؟ عام كبير فيه من يخرج منه منتصر وفيه من يخرج منكسر
الصمت؟ جميل لانه من ذهب
المراءه؟ سبب سعاده الكون وسر الوجود
الرجل؟ القوه والتحمل والعطاء
أختارى خمسة أعضاء من المنتدى وامنحيهم ألقابا ؟ً
ابن الانبار : محبوب الجماهير
الاميره الراويه : اميرة المنتدى
طفوله بريئه : البارعه
عمر الساهر : ابن العراق الاصيل
يوسف التكريتي : المتميز

* الحبر .. الخيانة .. السياسة .. القهوة .. عشق ...

ممكن تكتبي بيتين شعر او خاطره تجمعي فيهم تلك الكلمات ؟
ايا حبرا انسكبت على اوراقي ،
اوصف مافي قلبي من خيانة العشاقي ،
ودون همي والمي من اثر الافتراقِ
اصبحت انظم شعرا سياسيا لن يخرج قط من اعماقي
واصبحت مدمننا للقوى وهذا ليس من اخلاقِ
هاي الي خطر على بالي حاليا هههههه كتبتها بخلال الجواب اسفه اذا محلوه
•[• كـم تـقـيــمين نفسك بالــ%؟•]•
•[•العصبية ؟•]• 95% عصبيه هوايه:s(22):•
[•المزاجيه ؟•]•10% مو مزاجيه اني
•[•الهدووء ؟•]• 10%اني بطبيعتي مو هدائه بس بالمنتدى :s(22):
•[• شنو يعني لكـِ ـ%؟•]•
•[• البحـر؟•]• مشايفته مع الاسف
•[• الفجـر؟•]• اجمل اوقات اليوم
•[• الغـروب؟•]• جميل لكنه يخيفني

•[• اذكرى اربع اعضاء يعجبك اختيارهم بطرح المواضيع؟•]•
طفوله ،،اموره ،، حسوني ،،فله ،، ساره ((ساد انجل ))
•[• شــنــو اكـــثــر شــي تـمنيـتيه يــصــيــر فـ الـمــنــتــــدى ؟؟؟ •]•
ما اتمنى شي بي فقط انو يصير اهم منتدى عراقي
•[• ما هي اقرب وسيله من وسائل الاعلام ؟وهل برأيك تم استخدامها استخدام ينفع ام يضر في هذه الايام؟ •]•
القنوات الفضائيه بس مستخدمت بشكل جيد
•[• كلمه تهدينها لجميع من في منتدانا الغالي؟•]•
الله يوفقكم ويحقق كل الي بالكم ويسعدكم يارب
هسه كملت الاسئله ويمكن اكدر ارجع اذا اكو وكت اتمنه هاي الاسئله القليله تكون خفيفه عليج وتحياتي
نورت يا يوسف انت واسئلت
اسئله جميله
ثقافيه ، خفيفه ،طريفه
هذا يدل على ثقافه صاحبها
تحياتي لك

ابن الانبار الوفي

11-11-2007, 01:50 AM

يا هلا ويا مرحبا منورين اعيوني .

بالحقيقه اني اسف جدا لانو النت كان معلوس هاليومين
واسف لانو ما دخلت على هذا اللقاء الرائع والجميل والحلو.

يعني مبادره من الانسه الورده والطيبه والغاليه باخلاقها
احلى عراقيه ان تستضيف المقدمه وشي حلو انو روزا
هي الضيفه هههههههه كانت كاسره ظهر الضيوف.هع.

لقاء جميل ومقدمه متميزه وقادره على ادارة اللقاء
وما شاء الله على الضيفه منوره كل الارجاء بطلتها واجاباتها الجميله.
ممنون منكم ومن كل الي يدخلون للقاء ويسألون.حياكم الله اعيوني.

بالنسبه لاحلى عراقيه خلي بالج المعامله مالتج
ما كامله مال التعيين كمقدمه للبرنامج هههههه.

0000000000000000000
هسه نجي للاسئله ..
http://www.iraqup.com/uploads/1j5it-KUF583741.gif (http://www.iraqup.com/viewer.php?id=1j5it-KUF583741.gif)
**انتِ كلتي انو نسبة 95 بالميه عصبيه ؟ طيب على اي شيء تتعصبين
لو على الطخات ههههههههه؟

** من يقوم بعمل البيت اكثر شي؟

** اشقد اتقعدين ـ بالمصلاوي هههه ــ على الحاسبه او بالاحرى النت ؟

**صورة ما تتذكريها ولحد الان .يعني اي صوره شفتيها سواء بالتلفزيون
او النت او باي مكان.واذا عندج الصوره نزليها ههههههه.

** ايهما اسهل عليك جرح اليد ام جرح اللسان؟

** كم رساله خاصه عندج؟

** متى تترك روزا المنتدى ؟!

** بصراحه لو واحد من المنتدى ارسل رساله وبيها كلمات اعجاب
شو را ايكون الجواب ؟

** موضوع اعجبكِ كثيرا سواء اكان لكِ ام لغيركِ .ماهو ؟
http://www.iraqup.com/uploads/1j5it-KUF583741.gif (http://www.iraqup.com/viewer.php?id=1j5it-KUF583741.gif)
بصراحه الاسئله بسيطه ادري بيها
بس كنت مستعجل على اساس اروح للمدرسه ههههههههه.
يلا السعيد من اكتفى بغيره .

ابن الانبار الوفي

roza

11-11-2007, 03:51 AM

ورجعنا بعد الفاصل ويا مجموعة اخرى من الاسئلة
يا هلا..
نبدي
نبدي 1_\
هل حبيتي من قبل؟ واذا الجواب اي هل هذا الحب مستمر ام انتهى واذا انتهى فليش ؟؟ (بصراحة)
واذا متريدين تجاوبين بكيفج حياتي
ممكن ترك
2-هل تشعرين بالفراغ العاطفي؟وهل تحتاجين لاحد بحياتج يعني هل تشعرين حياتج ناقصة فد احد او فد شي؟؟
لا ما اشعر بالفراغ العاطفي
3-هل تبحثين عن نصفك الأخر؟لو تكولين بعد وكت ؟؟ وشنو العمر المناسب للزواج برايج؟؟
معرف شجاوبك بس كل شي قسمه ونصيب يمكن اكول بعد وكت بس اذا نصيب يحسم امره راح امشي مع النصيب
وشكم جاهل مفكرة تجيبين (هههه)؟؟4-هل أنتي مزاجيه؟
هاي بيد رب العالمين والله ممفكره:s(22):
5_هل انتي عصبية ؟؟
اي هوايه
6-هل تشعرين بالملل؟
في بعض المرات نعم
7-هل لديك ذوق بأختيار ملابسك؟
مو هوايه :s(22):
8-هل تحبين شخص بالمنتدى (اكيد لا هههه)؟؟
هههههههه وليش متاكده لا هههههههه
9-ماذا تصفين شكلك العام؟
عاديه
ما الصفه التي تطلق عليك غالباً؟
حنونه ،،طيوبه بس اني مشوفها بنفسي
11-من هو العضو اللي مزهقك فى المنتدى؟
ماكو شخص مزهقني والله بس في اعضاء يضيفون مواضيع مزعجه وتزهق :006:
12-هل أنتي مغروره وشايفه نفسك؟
لا الحمد لله
13-هل أنتي حنونه؟
يكولون
14-هل انتي انسانة متفائلة؟؟
في بعض المرات وفي بعض المواقف اكون متفائله
15-هل ندمتي على قرار أتخذتيه بحياتك؟
لا الحمد لله لحد الان مندمت
-هل تحسين أنك مظلومه؟
كل انسان يحس بالظلم بس هنا يختلف من ظلم الى ظلم اني كعراقيه احس نفسي مضلومه من قبل ...
17_ شنو الهدف الساسي من دخولج للمنتدى واقصد المنتديات بشكل عام ؟؟
قضاء الوقت واكتساب بعض المعلومات ((يعني داخله افيد واستفيد))
18_هل تدخلين جات واذا اي فشنو السبب وهل تحسين بيه فائدة؟؟
مدخل شات اني لانه تضيع للوقت من غير فائده
19_ شنو تعنيلج الحياة ؟ وهل انتي راضية عن نفسج ؟؟
الحياه رحله نسير بها الذكي من يربح الحياه ويكسب الاخره والفاشل من يضيهعهما كلاهما
20_ اذا رجعتي بحياتج شنو الشي اللي تتمنين تعدليه او متسويه من الاساس؟
ما ادخل منتدى موقع العراق !!
شكرا على الاسئله
واسفه لان اتاخرت بلاجابه بس المنتدى مكان يفتح يمي :004:

roza

11-11-2007, 04:07 AM

هلا والله بمشرفتنه الغاليه
هلا بيج اميره منوره:s(23):
عندي كم سؤال :-
اي تفضلي

نتعرف عليك اكثر
1)ماذا تكرهين
الكذب

2)ماذا تحبين

الرحمه
3)الشيء الذي يشعركِ بالخوف
المستقبل

4)الشيء الذي يشعركِ بالامان
وجود اهلي حوليه

5)موقف اضحككِ
ههههههه والله ميخطر بالي

6)شخصيه اثرت في حياتكِ
امي

7) حكمتكِ المفضله في الحياة
ما عندي حمكه عندي مقوله او مثل اامن به ((المكتوب ما منه مهرب ))

والان كيف تصفين هذه الكلمات .........
8)الموت:نهايه المشوار

9)الحياه:الوجود

10)التعاون: الايد الوحده متصفق بالتعاون تنحل امور كثيره

11)الصداقه: شي مقدس

12)الحب: ملح الحياة

13)الغيره: لها ايجابياتها وسلبياتها مدمره

14)النفاق: صفه الفاشل

15)الصدق: منجا

16)الكذب: سبب المشاكل

17)الخيانه: مدمره بكل انواعها

18)المرأه: سر السعاده

19)الطفل: ملاك

20)الرجل : مسير امور الحياة

الف شكر مقدما حبيبتي .....
العفووووووو اني اشكرك على هذه الاسئله اللطيفه .....

roza

11-11-2007, 04:26 AM

في البداية ارحب بالوردة((( روزا)))

واريد اسلم عليها لان صار هواية محاجية وياااهااا هههه

شلونج عيني ...شلون الصحة

مبروك عليج الاسئلة

اني بخير الحمد لله
انت شلونج اخبارج
الله يباركلج يوم الج ههههههههه
يالله وياية مع قافلة الاسئلة مالتي

يا عيني ليش لا صارت قوافل :s(22):

1\\ هل تعرضت لموقف في المنتدى اغضبك او جرحك من احد الاعضاء؟
اي

2\\ما هي اصعب المواقف التي وقفت عاجزه امامها ؟

هوايه والله واكيد منها اخبار سيئه اقف صامته امامها

3\\من اقرب الاشخاااص لفكرك في المنتدى؟
اموره الي هي انت :icecream:

4\\ما الموقف الذي تتوقعين ان مر بك من الممكن ان يجرحك طوول عمرك؟

خيانه شخص اعتبره عزيز على قلبي

5\\ماذا...تعنيلك هذه الكلمات في حياتك الخاصه..
الحب؟ ملح الحياة

الخيانه؟ مدمره بكل انواعها

الهدوووووؤ؟ السكون والراحه

القمر؟ منضر لا تمل عيني من مطالعته

الدمووع؟ منها ما تنزل لفرح واغلبها تسقط لحزن

الالم؟ شيء لا احتمله

الفراق؟ اصعب الامور بالنسبه لي

6\\جاوبي بصراحة المن تكولين الكلمات التالية؟

احبك: اموره اشوفج بالمسنجر هههههههه

ابعد عني يا ابن الناس: ماكو

مكانك خالي: انت

الله ينتقم منك: الي دمر العراق

وين هالغيبة: اذا احد يغيب عني

الأماكن كلها مشتاقة لك : للمشتاقتلهم

من قال ماحبك من قال مابيك : للي احبهم وعبالهم اني محبهم ههههه

اشوف الحب مع كل الحبايب خيانة في خيانة : ماكو
مانسيتك .. الج

أبسئلك هو انااااااااا استاهلك .. بس اريد اعرف منين جايبتها ههههههه

7\\ ثلاثة اعضاء تتمني يكونو معك برحله ..؟
انت ،،طفطوف ،،ميسو

8\\ عضو اعجبك اسلوبة وتتمنى الجلسة والحديث معه ..؟
انت هاي ان شاء الله من ازورج

9\\اخر سؤال

تحبين تكونين ملكة جمال الكون
لالالالا هههههههه هوه لو سائلتني تحبين تكونين ملكة جمال الشارع مالتكم مو الكون :s(22):

او تحبين تكونين زوجة؟
ماكو بنت ما تفكر بان تكون زوجه وام هاي فطره والي تكول لا تكذب

او تحبين تكونين ام ؟
مثل جواب السؤال الي قبله

زين وبالمنتدى

تحبين تكونين مشرفه عامة بالمنتدى
لالالالالالالالا

او مشرفة سوبر
لالالالالالالا

او تبقين برازيلي هههههه اقصد مشرفة اقساام
اموره انت تدرين شمقرره اني حتى البرازيلي ....

هسة هاهيه

خاف تطفى الكهرباء
لا الكهرباء اليوم زينه ههههههههه اليوم احد
وليي عوووووووووووووودة
تنورين والله

roza

11-11-2007, 04:31 AM

roza

11-11-2007, 04:40 AM

هسه نجي للاسئله ..
اي يلا ابن الانبار
**انتِ كلتي انو نسبة 95 بالميه عصبيه ؟ طيب على اي شيء تتعصبين
على الطخات هههههههههه؟
هههههههه على الطخات
** من يقوم بعمل البيت اكثر شي؟
:s(9): اني

** اشقد اتقعدين ـ بالمصلاوي هههه ــ على الحاسبه او بالاحرى النت ؟
والله مو سوه اذا اكو نت واكهرباء جوز 6 او8 ساعات بلا حسد:s(22):

**صورة ما تتذكريها ولحد الان .يعني اي صوره شفتيها سواء بالتلفزيون
او النت او باي مكان.واذا عندج الصوره نزليها ههههههه.
والله ماكو اني اشوف منا انسه منا :icecream:
** ايهما اسهل عليك جرح اليد ام جرح اللسان؟

اليد واللسان بس اللسان اقسى
** كم رساله خاصه عندج؟
حاليا الرسائل بنسبه 47%

** متى تترك روزا المنتدى ؟!
خوش سؤال :s(22): اتركه بعد هذا اللقاء

** بصراحه لو واحد من المنتدى ارسل رساله وبيها كلمات اعجاب
شو را ايكون الجواب ؟
عادي اقراها واحذفها بعدين ومرد عليها :s(22):
** موضوع اعجبكِ كثيرا سواء اكان لكِ ام لغيركِ .ماهو ؟
هوايه مواضيع بس اكثر موضوع حاليا لعمر الساهر
بصراحه الاسئله بسيطه ادري بيها
بس كنت مستعجل على اساس اروح للمدرسه ههههههههه.
وبعدين مراح اتروح ؟!!
علمود الطلاب يصير عدهم عيد ههههههه
احنا من تغيب مدرسه نكعد ندعيلها الله يوفقها ويسعدها :s(22):
يلا السعيد من اكتفى بغيره .
منور يا ابن الانبار وكل الهلا بيك

ابن الانبار الوفي

صوفي العراقي

11-11-2007, 04:52 AM

ولله صحيح وكلش حلو وعاشت ايدج يا بطلة

احلى عراقية

11-11-2007, 10:58 AM

مية هلا بالجميع منورين واشكركم عالمرور
واشكر روزا الوردة عالاجابات
وهنودي ادري المعاملة مو كاملة بس والله جنت مستعجلة
يعني ملحكت
هههههههههههه

احلى عراقية

11-11-2007, 11:02 AM

ورجعنا بعد الفاصل
حتى نكمل لقائنا ويا ضيفتنا المميزة جدا روزا
ها روزا حياتووو
ان شاء الله ما تعبتي:icecream:
يلا جيبولها كلاص ماي
ونبدي
اكشن ..

لو احترق منزلك (لا قدر الله )فجأة وكان جميع من فيه خارجة وأصبحت لديك الفرصة لإنقاذ شيء من أشياءك بالداخل ..ماذا سيكون؟

2.لو أخبرت إنسان عن 3 أشياء يقوم بها يوميا وستكون حياته سعيدة بم تنصحه؟

3.لو أعطيت جائزة نوبل ففي أي مجال تحب أن تكون الجائزة؟

4.لو أرغمت على العيش في الزنزانة (السجن) لمدة سنتين مع شخص واحد .. من ستختار هذا الشخص؟

5.من أحب الناس إليك؟

6.ما الذي يغضبك؟

7.ما الذي لا تحبه إطلاقا؟

8.متى تشعر بالسعادة؟

9.متى بكيت أخر مرة ؟

10.لو كان لديك الوقت الكافي ماذا ستفعل؟

11.هل لديك أمنية حياة؟

12.ما هي أهم ثلاث عيوب فيك؟

13.ما الهدية التي ترغب بها بشدة؟

14.هل تظن أن الحياة بعد 100 سنة أسوأ أم أفضل ؟

15.ما هو الشيء الذي لا تقبل المزاح به أبدا ؟

16.ما هي الميزة التي تمتلكها ولا يعرفها عنك معظم الناس؟

17.ما هي أسعد لحظة تتذكرها بحياتك؟

18.من هو الشخص الذي تتمنى أن تصادقه؟

19.من الصديق الوفي برأيك؟

20.ماذا تريد أن تشتري مكافأة لصاحب الموضوع ؟

21.باقة ورد لمن تهديها ؟

22.هسه غمضي عيونج واتخيلي نفسج بعد عشر سنوات ؟؟ شنو شفتي ؟؟

احلى عراقية

11-11-2007, 11:07 AM

طبعا اني مدا انطيج مجال ترتاحين
ليش ما ادري
هههههههه
يلا هسه نجي على اسئلة الاعضاء

1\العضو اللي تتمنى تشوف شكله هو ........

2\العضو اللي امنيتك تنطي راشدي مزح ........

3\العضو اللي امنيتكتنطي راشدي(((مو))) مزح .......

4\عضو تلقبه بسوبر ستار شباب المنتدى......

5\عضوه تلقبها بسوبر ستار بنوتاااات المنتدى.........

6\عضو تكله (ياغايب ليه ماتسأل).........

7\عضو تكوله(والله العظيم اشتاقينالك).........

8\عضو تقوله الله يجازيك خير وينطيك العافيه.......

9\عضو تكله ما تخيلتها منك ويجي منك اكثر.......

10\عضو تكله (خير انشا ءالله)..........

11\عضو تكله الله يسهل لك .........

12\عضو ارتاحيتله من اول ماشفت اسمه بالمنتدى.......

13\عضو اول من شفته ماكنت تطيقه ويوم عرفته زين حبيته......

14\عضو تتخيل شكله وتقول شنو مواصفاته الي تخيلته بيها تتخيل .......

15\عضو تحسه حلوووو....

16عضو طيب على نياته......

17\عضو شعبيته كبيره ومحبوب عند غالب الاعضاء........

\18عضو تحسه برييء براءه اطفال........

19\(الثقل والركاده والرزانه والهدوء والوناسه)تجتمع في العضو........

20\عضو روومنسي.....

21\عضو مثقف.....

22\عضو مرح ....

23\عضو شاعر......

24\عضو ذووووق.........

:

25/ عضو تحب تهديه هديه منو وشنو هي الهديه .........

26/ عضو تحب تهديه اغنيه منو وشنو الاغنيه .............
27/ عضو تحب تهديه بيت شعر منو وشنو هو بيت الشعر ...............

28 /عضو دلـــوع ....

لــؤلــؤة بــغــداد

11-11-2007, 11:22 AM

مســاء الخيــر
هلا وغلا بالغاليـة روزا منـورة اللقـاء ياوردة

شكرآ لـ كلامك الـى لؤلؤة بغداد يسلمو ياطيبـة !!

وطبعآ اني ماعندي ولا سؤال اكتفــي بـ القراءهـ
لان ماشاءالله ممخلين سؤال مسائلـي الكِ

ومشكـورة لـ صاحبة البرنامج الرائعـة
خوش اختيــار اختاريتي عاشت ايدك ياوردة

تحياتي لكـــــم !!

roza

11-11-2007, 01:44 PM

ورجعنا بعد الفاصل
حتى نكمل لقائنا ويا ضيفتنا المميزة جدا روزا
ها روزا حياتووو
ان شاء الله ما تعبتي
يلا جيبولها كلاص ماي
هلا بيج من جديد عيوني
لا ماتعبت تعبكم راحه
ونبدي
يلا...
اكشن ..

لو احترق منزلك (لا قدر الله )فجأة وكان جميع من فيه خارجة وأصبحت لديك الفرصة لإنقاذ شيء من أشياءك بالداخل ..ماذا سيكون؟

هسه وكت انقاذ افلت بنفس :s(25):

2.لو أخبرت إنسان عن 3 أشياء يقوم بها يوميا وستكون حياته سعيدة بم تنصحه؟

مفهمت السؤال زين بس راح اجاوب شلون افتهمته
انصحه انو يقوم بهاي الاشياء حتى يعثر على السعاده
3.لو أعطيت جائزة نوبل ففي أي مجال تحب أن تكون الجائزة؟
جائزه نوبل للسلام

4.لو أرغمت على العيش في الزنزانة (السجن) لمدة سنتين مع شخص واحد .. من ستختار هذا الشخص؟

تجين ويايه احلى عراقيه :s(4):5.
من أحب الناس إليك؟
اهلي

6.ما الذي يغضبك؟

كل شي مزعج
7.ما الذي لا تحبه إطلاقا؟
النفاق والكذب

8.متى تشعر بالسعادة؟

من اشوف ابتسامه اخوتي الصغار اكون بقمه السعاده
9.متى بكيت أخر مرة ؟
ما يفوت يوم ما ابكي بس اخر مره البارحه

10.لو كان لديك الوقت الكافي ماذا ستفعل؟
شنو افعل بشنو قصدك؟ اسفه مفهمت السؤال :s(3):

11.هل لديك أمنية حياة؟

كل انسان لديه امنيه امنيتي اكمل دراستي على الصعيد الشخصي والعامه امنيه كل عراقي ان يتحرر العراق
12.ما هي أهم ثلاث عيوب فيك؟
:s(22): اممممم
عصبيه ،، ما يعجبني الشي بسهوله ،، اضحك هوايه :s(25):13.
ما الهدية التي ترغب بها بشدة؟

اي هديه اريدها
14.هل تظن أن الحياة بعد 100 سنة أسوأ أم أفضل ؟

طبعا اسوء لان اكون عجوزه واكعه سنوني ههههه
15.ما هو الشيء الذي لا تقبل المزاح به أبدا ؟
الدين ما اقبل المزاح فيه

16.ما هي الميزة التي تمتلكها ولا يعرفها عنك معظم الناس؟
لا اني عندي هوايه مميزات ههههههههههه
ما عندي مميزه ما يعرفها احد

17.ما هي أسعد لحظة تتذكرها بحياتك؟
قبل سنه وشهرين اقل شويه كانت اسعد لحضه بحياتي على الصعيد الشخصي

18.من هو الشخص الذي تتمنى أن تصادقه؟
كندريزا رايس ههههه
لا شقه طبعا ماكو شخص اتمنه اصادقه

19.من الصديق الوفي برأيك؟

الي يكتم اسرارك وينصحك
20.ماذا تريد أن تشتري مكافأة لصاحب الموضوع ؟
اشتريلج سبع وردات حمر

21.باقة ورد لمن تهديها ؟

الج لان تستاهليها تعبتي هواي بهذا اللقاء

22.هسه غمضي عيونج واتخيلي نفسج بعد عشر سنوات ؟؟ شنو شفتي ؟؟
شفت روز معجزه هههههههه وحلوه وهيه عجوزه
اسئله جميله ولطيفه
يا احلى عراقيه
تحيااااتي

roza

11-11-2007, 02:14 PM

طبعا اني مدا انطيج مجال ترتاحين
ليش ما ادري
هههههههههههه تحبيني غير
هههههههه
يلا هسه نجي على اسئلة الاعضاء
اوكي ولو يمكن راح ازعل هوايه بس الاسئله محتاجه اجوبه صريحه

1\العضو اللي تتمنى تشوف شكله هو ........ انت احلى عراقيه

2\العضو اللي امنيتك تنطي راشدي مزح ........مزح هوه مو هههههههه نوتيلا

3\العضو اللي امنيتكتنطي راشدي(((مو))) مزح ....... هاي من تعارك مع احد حاليا ممتعاركه :s(22):

4\عضو تلقبه بسوبر ستار شباب المنتدى......ابن الانبار الوفي

5\عضوه تلقبها بسوبر ستار بنوتاااات المنتدى......... باربي

6\عضو تكله (ياغايب ليه ماتسأل)......... هوه عضو ترك المنتدى من زمان اسمه ((مصطفى البغدادي )) مكانه خالي بالمنتدى
7\عضو تكوله(والله العظيم اشتاقينالك)......... الي يغيب عنا

8\عضو تقوله الله يجازيك خير وينطيك العافيه....... يوسف التكريتي

9\عضو تكله ما تخيلتها منك ويجي منك اكثر....... ماكو

10\عضو تكله (خير انشا ءالله).......... ههههههه شلون يعني ؟

11\عضو تكله الله يسهل لك ......... الي تركونا

12\عضو ارتاحيتله من اول ماشفت اسمه بالمنتدى....... ابن الانبار الوفي لان ارتبط اسمه بالوفاء

13\عضو اول من شفته ماكنت تطيقه ويوم عرفته زين حبيته...... شخص ما اريد اذكر اسمه

14\عضو تتخيل شكله وتقول شنو مواصفاته الي تخيلته بيها تتخيل ....... اموره اتخيلها نعومه وضعيفه ووووو هاي هيه
15\عضو تحسه حلوووو.... احسه فله

16عضو طيب على نياته...... الطيبن هوايه بس على نياته !!

17\عضو شعبيته كبيره ومحبوب عند غالب الاعضاء........ محبوب الجماهير

\18عضو تحسه برييء براءه اطفال........ طفوله بريئه

19\(الثقل والركاده والرزانه والهدوء والوناسه)تجتمع في العضو........عمر مون

20\عضو روومنسي..... حسوني

21\عضو مثقف..... عمر الساهر

22\عضو مرح .... نوتيلا

23\عضو شاعر...... مأساة شاعر

24\عضو ذووووق......... هوايه عدهم ذوق

:

25/ عضو تحب تهديه هديه منو وشنو هي الهديه ......... هنو لو عندي وسام يعني الهدوء انطيها يا

26/ عضو تحب تهديه اغنيه منو وشنو الاغنيه .............((اكدر اتحمل كل شي يوكف دمي وما يمشي خل عيني تزعل رمشي خل كل شي بيه يصير .....)) اهديها طفوله لانها تحب هاي الاغنيه
27/ عضو تحب تهديه بيت شعر منو وشنو هو بيت الشعر ...............
ويسال في الحوادث ذو صواب ..... فهل ترك الجما له صوابا
هذه من قصيده سلو قلبي لـ احمد شوقي
اهديها لميسو

28 /عضو دلـــوع .... توته
جاوبت مو
ان شاء الله محد زعل مني
تحياتي

انمار الراوي

11-11-2007, 07:34 PM

اويلي الله يكون بعونك روزا
اني تعبت من قرائة الاسئلة ههههههههههه

طبعا في البداية احب اشكر الاخت احلى عراقية على استضافة روزا والكل يريد ياخذ الثأر منهة هههههههه

وما عندي اسئلة لان ما شاء الله الاخوة ما مقصرين بارك الله بيهم هههههه

لكن
20_ اذا رجعتي بحياتج شنو الشي اللي تتمنين تعدليه او متسويه من الاساس؟
ما ادخل منتدى موقع العراق !!
ليش ما تدخلين على منتديات موقع العراق !!

وفي اي جامعة كان قبولك
وهل اكملتي المرحلة الاولى في الاداب

خلصت الاسئلة فاصل اعلاني

بما ان الموضوع يزهو بالورد وروائحة نقدم لكم عطر روز

المستخلص من كلمات المُضيّفة والمُستضافة والضيوف

عطر فرنسي في الجودة
عراقي في الاصالة وطيب

http://leqatar.org/files/5/014.jpg

زورونا تجدو ما يسركم
خخخخخخ
:icecream::b045::icecream:

طفولة بريئة

11-11-2007, 08:42 PM

لقاء مميز احلى اتمنى الك التوفيق
وشكرا حبي روز على الاغنيه
تحياتي للجميع
طفولة بريئة

* فتـى ألاحلام *

11-12-2007, 06:52 AM

السلام عليمكم بالصراحه اني بعد الشباب والبنات ما شاء الله عليهم ماقصرو بالاساله

وراح اكتفي بقرائة البرنامج الرائع والجميل

وكلمه اخيرة اكولها للمبدعه روز انتي فناه بمواضيعج واخلاقج كلش حلوة واخت غاليه علينا

ونتمنالج التوفيق بحياتج يا وردة

وانشالله ربي ينور طريقج بالحياة السعيده

تحياتي لمقدمة البرنامج والمخرج ابن الانبار الوفي

تحياتي لضيفتنا العزيزة روز

والسلام عليكم

احلى عراقية

11-12-2007, 11:41 AM

اشكرج حياتي روزا عالاجوبة الحلوة مثلج
متتصورين شكد فرحانة اني باللقاء
واي عيوني اجي وياج للسجن ليش ما اجي
ههههههههههه
واشكر انمار الراوي وطفولة بريئة وعلاء الفلوجي عالمرور
نورتوا عيوني
واشكركم عالكلمات الحلوة
وان شاء الله روزا تجي بعد شوية على اسئلتك عيوني انمار
تحياتي...

احلى عراقية

11-12-2007, 11:49 AM

هلو حياتي وهسه نجي عالاسئلة الفرفوشة يعني السهلة والخفيفة
هاي تذكرين ال 150 سؤال اللي سئلتهم للؤلؤة وتوتة
هذوله نفسهم
هههههههه

هههههونبدي
. شلونج
2. اخبارج
3. امورج
4. شلونج ويا العطله
5. صديقاتج شلونهم
6. الجو شلونه يمكم
7. لو كالولج يغيرون اسمج شنو تتمنين يكون الاسم
8. 4+4_4*4+=(ما ادري ليش حطيت هذا السؤال هع هع )
9. اي شهر ولدتي واي يوم واي ساعه
10. من يا منطقه انتي
11. شنو برجج
12. شكد طولج
13. شكد وزنج
14. شنو لون عيونج
15. شنو مواصفاتج
16. اي نوع مشط تمشطين
17 .كل شكد تمشطين شعرج
18. كم مره بالاسبوع تغسلين
19. تليفين بالليفه؟
20. تمشين حافيه بالبيت؟
21. شنو نوع الشمبو لي تستخدميه
22. شنو نوع الصابونه لي تستخدميهة
23. وكعتي فد يوم من لابسه حذاء عالي
24. كم حذاء عندج
25. شنو لونج المفضل
26. شنو لون بشرتج
27. هل انتي محجبه ام سافره (اذا محجبه صارلج كم سنه واذا سافره هل ناويه على الحجاب)
28. شنو عطرج المفضل
29. شنو نوع المخده مالتج
30. اي نوع قلم تفضلين بالكتابه
31. كم ساعه تقرين باليوم
32. تغشين بالامتحانات؟
34. مترزله من الاستاذ فد يوم ؟ وعلى شنو
35. تحبين الظلمه
36. تلبسين اكثر شي حذاء عالي لو ناصي
37. كم مره ضربتي ولد بوري
38. بشنو تروحين للجامعه
39. كم اخ عندج
40. كم اخت عندج
41. سافرتي خارج العراق وكم دوله
42. تحبين الطرشي
43. تحبين تمن عدس
44. تحبين البرياني
45. تحبين شوربة حامض شلغم
46. تحبين الباجه
47. تحبين المشروبات الساخنه
48. اي مشروب ساخن تفضلين
49. تحبين الببسي
50. تحافظين على رشاقتج؟
. شوكت اخر مره سقتي الحجله مالتج
51. شوكت عفتي المميه
52. كم مره مكتوله من ابوج
53.تحبين علج بوبي
54. شوكت اخر مره مصيتي المصاصه
55. من تكعدين من النوم شعرج مكفوش
56. شنو نوع مو باليج
57. كم مره بدلتي الموبايل
58. شنو نوع خطج
59. تلبسين ساعه من تطلعين
60. كم مره جذبتي على اهلج
61. ماهو الموقف المضحك لي كل متتذكريه تضحكين عليه
62. هل بكيتي يوما ؟وما كان السبب
63. هل تندمتي يوما على كلمة قلتيها او عمل فعلتيه
64. اي دولة تتمنين تروحيلهة
65. ماهي مواصفات فارس احلامج
66. اذا جنتي نعسان ومتكدرين تنام شتسويين
67. ليش من تنامين تحلمين
68. تحبين افلام الرعب
69. شنو فلمج المفضل
70. اي قناة تتفرجين اكثر
71. شنو نظريتج للزلد
72. buenas tardes شنو معناة هذه الجمله (اسبانيه الجمله)
73. تحبين النهار او الليل
74, لاحكج جلب فد يوم
75. تخافين من البريعصي

احلى عراقية

11-12-2007, 11:51 AM

تكملة الاسئلة
شنو عبالج خلصتي
لا عيوني لا
ههههههههه

76.تحبين الدببه
78. لو شخصِ ما طلب منكِ المساعده وانتِ لاتستطيع ماذا تفعلين
79. اوصفي نفسكِ ب3 كلمات
80. غنيلي اغنيه على ذوقج
81. اي شخص من المنتدى تحسيه قريب على فكرج
82. كم واحد ضايفه على الياهو
83. كم رساله بموبايلج
84. اكتبيلي اخر مسج اجاج
85. كم ساعه تنامين باليوم
86. هل انت عصبيه
87. ماهو اكثر شيء يغضبكِ
88. تفرجين سنونج قبل متنامين
89. تستخدمين جل لشعرج
90. شوكت اخر مره وكعتي
91. ماهو الموقف المحرج لي صار بيج
92. تعرفين تجقلين عينج
93. كم ساعه تكعدين على النت
94. تتفرجين كارتون
95. لو ربحتي سياره اخر موديل شتسوين بيهة
96. لو صرتي مديرة وزارة التربيه والتلعيم شنو اول قرار تصدريه
97. شوكت اخر مره لعبتي بخشمج
98. تعرفين تقلبين جقلمبه
99. تعرفين توكفين على ايديناتج بس
100. شنو الفرق بين العراق وامريكا
101.جم مره مصارح بحياتج ؟؟
102. هل عشتي علاقة حب
103. كلمه او موقف جرحج كلش وما كدرتي تنسيه ؟؟ من منو ؟؟ وشوكت ؟؟ وشنو جان هالموقف ؟؟
104. لو جان عندج مدفع ..تحطين بيه شخص وتشمره للمريخ .. منو هذا الشخص؟؟
105. شخص تتمنين تصيرين مثله ؟؟ وشخص لاخ تعتبريه نموذج سيئ للاقتداء بي ؟؟
106. كلمه تتمينه تسمعيها من شخص معين .. شنو هاي الكلمه ؟؟ ومنو هذا الشخص ؟؟
107. تحبين رحت الجكاير
108. اكثر بيت شعر تحبين تردديه
109. منو الشخصيه لي تتمنين تقابليه
110. شنو الرياضه المفضله عندج؟
111. شنو الاشياء لي تريدين تغيرهية بشخصيتج؟
112. شنو الاغنيه لي تحبين تسمعيهه دائما
113. شوكت تحسين انج انظلمتي
114. من تبجيين وين تروحين
115. يوم متنسيه طول عمرج
116. انسان مر بحياتج وتمنيتي لو انج ماعرفتيه؟ وليش
117.منو الشخص لي تلجأين اله من تكونين متضايقه
118. ثلاث امنيات تتمنين تتحقق
119. اول متدخلين للمنتدى وين تروحين
120. ليش اختاريتي هذا النك نيم
121. لو وصلتج رساله خاصه من ولد يريد يتعرف شتسوين
122. اكو احد بالمنتدى استغربتي من رده وليش؟
123. شنو اكثر اسم عجبج بالمنتدى؟
124. شلون عرفتي منتدى ؟
125. تصلين
126. شكد رصيد بموبايلج هسة
127. لو دك عليج هسة التلفون من منو تتمنين يكون
128. لو وصلج صندوق مغلق دون عنوان واسم راح تفتحيه؟
129. تساعدين امج بالبيت
130. شنو الرقم لي تحبيه وتتفائلين بيه
131. شنو حكمتج بالحياة
132. شنو هواياتج
133. شنو شعورج وانتي ظيفت الحلقه
134. شنو اغلى هديه حصلتي عليهة
135. باقة ورد لمنو تهديهة
136. منو أعز انسان عندج؟
137.شنو اكثر مكان ترتاحين بيه
138.ماذا يعني لكِ
النت
الطلعه
الدمعه
الخيانه
الغرور
الفراش
البك
الحب
الدراسه
السياره
الشمس
القمر
139. لو انته دتمشين ويا زميلج بالكليه وكاشخه وتزحلكتي بالطين شيكون موقفج؟
140. اول متكعدين من النوم شتسوي
141.شنو نظريتج للعراق
142. لو جان عندج مسدس منو تقتل اولا
143. شنو رايج بمنتدى الرجل
144.بكم منتدى مشتركه
145. شنو رأيج بأسئلتي هع هع
146. هل بكاء الرجل يقلل من رجولته ...ماهي وجهة نظرج
147. ماذا يكون شعورك عندما.. شــــخص طلب منكِ العون في مشكلة بعدين وقف ضدج ...وما سيكون تصرفكِ
148. لمن تهدين هذا بيت الشعر
وما كنت ممن يدخل العشق قلبهُ... لكن من يبصر جفونك يعشقُ
149. هل تحبين الخيال
150. لو صرختي عالياً وناديتي من تريدين ان تنادي ولايسمعك احد من حولك ماذا سيكون شعوركِ

السفير الحزين

11-12-2007, 12:45 PM

مساء الخير

سلام الى الاخت العزيزة روزة

واعتذر عن عدم طرح الاسئلة بس حبيت اكون حاظر

بالاقاء لان بعدني مو بكامل صحتي بعد العمليه وان شاء الله

اكدر ارجع مرة ثانيه وانزل اسئله

واكول الله ايساعدج وية احلى عراقية على هاي الاسئله اني من القرايه

تعبت اشلون رح اتجاوبين هههههههههههههههههههههههههه

roza

11-12-2007, 01:58 PM

اويلي الله يكون بعونك روزا
اني تعبت من قرائة الاسئلة ههههههههههه

طبعا في البداية احب اشكر الاخت احلى عراقية على استضافة روزا والكل يريد ياخذ الثأر منهة هههههههه

وما عندي اسئلة لان ما شاء الله الاخوة ما مقصرين بارك الله بيهم هههههه

لكن

ليش ما تدخلين على منتديات موقع العراق !!

وفي اي جامعة كان قبولك
وهل اكملتي المرحلة الاولى في الاداب

خلصت الاسئلة فاصل اعلاني

بما ان الموضوع يزهو بالورد وروائحة نقدم لكم عطر روز

المستخلص من كلمات المُضيّفة والمُستضافة والضيوف

عطر فرنسي في الجودة
عراقي في الاصالة وطيب

http://leqatar.org/files/5/014.jpg

زورونا تجدو ما يسركم
خخخخخخ
:icecream::b045::icecream:

نورت الموضوع بمرورك يا انمار
انت اخ عزيز والله شاهد
وشكرا على العطر
بالنسبه لاسئلتك
** ليش ما كنت اريد اسجل بالمنتدى لان اتعرفت على ناس حبيتهم هوايه وتعلقت بيهم جدا وصار وقت فراقهم فهذا الشي ضوجني جدا فدائما الانسان من يتعرف على ناس ويبعد عنهم يتمنى انو معارفهم !!

** قبولي موصل انمار اداب فرع فرنسي مدرست ومع الاسف الشديد بسبب الضروف
وماعرف وين راح ادرس اخر شي معرف انبار او موصل بس الاكثر السنه ان شاء الله ادرس
نورت اخويه
وهلا بيك اشوكت متجي
تحياتي

اسفه لان هسه يلا كدرت ادخل للمنتدى واجاوب

roza

11-12-2007, 02:49 PM

لقاء مميز احلى اتمنى الك التوفيق
وشكرا حبي روز على الاغنيه
تحياتي للجميع
طفولة بريئة

نورتي طفطوف بمرورك
تحياتي

roza

11-12-2007, 02:56 PM

انمار الراوي

11-12-2007, 02:59 PM

واني اعزك اكثر خيتو الغالية

اتمنالك الموفقية

وان شاء الله ربي يكتبلك الي فيه الخير

انا يمكن رح اداوم بالرمادي

والله كريم المكتوب ما منة هروب

roza

11-12-2007, 03:38 PM

هلو حياتي وهسه نجي عالاسئلة الفرفوشة يعني السهلة والخفيفة
هاي تذكرين ال 150 سؤال اللي سئلتهم للؤلؤة وتوتة
هذوله نفسهم
هههههههه
كل الهلا بيج وباسئله الفرفشه
ولو شلون انسه هههههههههههههه
يلا اجاوب :icecream:
هههههونبدي
نبدي...
. شلونج
بخير انت شلونج اخبارج خوما تعبانه من اللقاء :s(25):
2. اخبارج
توب
3. امورج
ماشيه
4. شلونج ويا العطله
ههههه اني صار سنتين عطله عندي اتاقلمت معها
5. صديقاتج شلونهم
بخير بس كلهم متزوجات هههههه مشوفهم هوايه
6. الجو شلونه يمكم
النهار حلو بس الليل بارده
7. لو كالولج يغيرون اسمج شنو تتمنين يكون الاسم
اختار روز
8. 4+4_4*4+=(ما ادري ليش حطيت هذا السؤال هع هع )
شنو هذا مساله رياضيه لو شنو ؟ههههههههه
9. اي شهر ولدتي واي يوم واي ساعه
الشهر السادس اليوم 16 الساعه الواحده ظهرا يوم الخميس :s(22):اتذكر كلش زين هذا اليوم
10. من يا منطقه انتي
راوه اي راويه
11. شنو برجج
الجوزاء
12. شكد طولج
160
13. شكد وزنج
53
14. شنو لون عيونج
يمكن بني
15. شنو مواصفاتج
موصفاتي بنيه
16. اي نوع مشط تمشطين
المشط العادي
17 .كل شكد تمشطين شعرج
حسب المزاج
18. كم مره بالاسبوع تغسلين
يوميا
19. تليفين بالليفه؟
هههههههههه اي
20. تمشين حافيه بالبيت؟
لا معرف ابد
21. شنو نوع الشمبو لي تستخدميه
والله ماكو نوع محدد اي شامبو اشوفه اغسل بي :s(22):
22. شنو نوع الصابونه لي تستخدميهة
ما خلي صابون على وجهي
23. وكعتي فد يوم من لابسه حذاء عالي
لا الحمد لله
24. كم حذاء عندج
اروح اعدهم ههههههههه
25. شنو لونج المفضل
وردي
26. شنو لون بشرتج
مو بيضه ولا سمره
27. هل انتي محجبه ام سافره (اذا محجبه صارلج كم سنه واذا سافره هل ناويه على الحجاب)
اي الحمد لله من كنت اول متوسط
28. شنو عطرج المفضل
ما كو عطر مفضل لان احب التغير هوايه اني
29. شنو نوع المخده مالتج
ههههههه مخده عاديه
30. اي نوع قلم تفضلين بالكتابه
جاف
31. كم ساعه تقرين باليوم
بعد مبت الدراسه ماتي
32. تغشين بالامتحانات؟
ههههههههه لا الله يبعدنا عن الغش
34. مترزله من الاستاذ فد يوم ؟ وعلى شنو
من استاذ العربي لان اضل ساكته بدرسه خجوله يعني هيه مو رزاله بس كال ليش ما تشاركين بعصبيه :s(7):
35. تحبين الظلمه
لالالالالا اخاف منها
36. تلبسين اكثر شي حذاء عالي لو ناصي
عالي
37. كم مره ضربتي ولد بوري
ولا مره الحمد لله
38. بشنو تروحين للجامعه
بعد مرتبت اموري بخصوص الروحه للجامعه
39. كم اخ عندج
2
40. كم اخت عندج
2
41. سافرتي خارج العراق وكم دوله
لا مسافرت
42. تحبين الطرشي
اي
43. تحبين تمن عدس
شنو هذا ؟؟؟؟
44. تحبين البرياني
اكله
45. تحبين شوربة حامض شلغم
مماكلتها
46. تحبين الباجه
لالالالالالالالالالا
47. تحبين المشروبات الساخنه
اي
48. اي مشروب ساخن تفضلين
شاي
49. تحبين الببسي
اي
50. تحافظين على رشاقتج؟
اي لعد شلون
. شوكت اخر مره سقتي الحجله مالتج
ههههههههههههههه يمكن من عمري 10 اشهر لان مشيت بشهر 11:20:
51. شوكت عفتي المميه
معرف والله هاي مساله امي من قبل عنها
52. كم مره مكتوله من ابوج
هههههههه والله معديتها
53.تحبين علج بوبي
لا محبه لانه حلو زايد
54. شوكت اخر مره مصيتي المصاصه
جوز قبل شهر
55. من تكعدين من النوم شعرج مكفوش
لا اتمنى ينكفش بس :s(7): متحققت هاي الامنيه
56. شنو نوع مو باليج
ماكو خدمه مبايل يمنا
57. كم مره بدلتي الموبايل
58. شنو نوع خطج
59. تلبسين ساعه من تطلعين
لا
60. كم مره جذبتي على اهلج
لا ما اكذب لان محب الكذب
61. ماهو الموقف المضحك لي كل متتذكريه تضحكين عليه
بالمدرسه كان اكو حانوت بس الحانوت يمنا حانوت كماليات هههههههه يعني ملابس واكسسوارت هههههه صديقتي ضايجه من درس الاقتصاد سادس اعدادي احنا كالت لاستاذ الماده استاذ ورده دايخه واني مبيه شي اصلا ولا دايخه ولا شي كال لا طلعوها وطلعي كعدي يمها ورحنا للحانوت الى ان خلص الدرس رجعنا هههههههه
62. هل بكيتي يوما ؟وما كان السبب
ماكو يوم ما ابكي وهوايه اسباب تخليني ابكي
63. هل تندمتي يوما على كلمة قلتيها او عمل فعلتيه
كلمه يمكن بس عمل لا
64. اي دولة تتمنين تروحيلهة
اسبانيا
65. ماهي مواصفات فارس احلامج
ماريد فارس هههههههههه لان انتهى زمن الفرسان
66. اذا جنتي نعسان ومتكدرين تنام شتسويين
نعسانه ومكدر انام !! ممصادفتني هيج حاله بس اذا مو نعسانه اكعد على النت او على التلفزيون او اصفن:s(22):
67. ليش من تنامين تحلمين
لان افكر بلي احلم بيهم قبل لا انام هههههههههههه
68. تحبين افلام الرعب
مشوف افلام هوايه
69. شنو فلمج المفضل
ماكو فلم مفضل
70. اي قناة تتفرجين اكثر
mbc،،والناس ،،والشرقيه
71. شنو نظريتج للزلد
شنو يعني الزلد؟
72. buenas tardes شنو معناة هذه الجمله (اسبانيه الجمله)
معرف والله
73. تحبين النهار او الليل
الليل لان متطفا الكهرباء بي هههههههههههه
74, لاحكج جلب فد يوم
لا الحمد لله
75. تخافين من الب