من يحجي العراق

[زمــــــن]

من يحجي العراق ,’،
00000
من يحجي العراق ايسكّت اليحجون000وياهو الجان يحجي وهوه الحجايه

ياهو اللي ايتجرأ عالعراقيين000ياهو الجان يكدر يوصل الثايه

ياكَدها وسبع يكَدر يمد الايد000كصيره اجفوفهم جانت على الرايه

صرتوا اسباع هسه وانتم اهل الزود 000حين اختل وضعنه انكشفت الغايه

نسيتوا اللي جرى من هجمت اسرائيل000جا راحت دمشق وطاحت الرايه

طب جيش العراق وتشهد الجولان 000خلاها الجثث عالغبره دمّايه

غمّك ياوكت خله الغراب ايحوم 000وصكور الوكت نامت يمولايه

اصبر ياوطن نفرك اخشوم اعداك 000وننعل سلفه سلفه الجابلك هايه

خيو اشبدك احنه وشنهو سويناه 000وياكم يناس اشعدنه من سايه

اطيناكم نفط وبخيرنه عشتوا 000وانتم بالمفخخ النه هدايه

عالين احنه نبقى وما يهمنه الموت 000علمنه الحسين انموت وفايه

تشهد للعراق احجاية العشرين 000يا زلم العراق البيها الكفايه

يكفيكم مذله وعار يهل العار 000ما ننسه الفرات من انكطع مايه

اصبر يا وطن نحسمها لابد يوم 000وهيه العافيه بايه اباثر بايه

اصبر يا وطن لتدور اليرمون 000احنه اهل التفك واحنه الها رمّايه

وتحياتي لجميع

[شجون الليل]

الف شكر على الشعر الجميل

تقبلي مروري ننتظر المزيد

[مأسآةشاعر]

الله الله مشكووورة يازمن عاشت ايدشك عالأختيار الرائع


تحياتي الِك وارجو اضافة اسم صاخب القصيدة او أضافة كلمة { منقووول }

مأسآة شاعر

[نوتيلا]

مشكورة حبي على الشعر الحلو

الله يحفظ العراق والعراقيين ويبعد عنهم كل شر ومكروه

[هــــداوي]

الف شكر حبيبتي زمن على هاي القصيده الرائعه


ننتظر منج المزيد


تحياتي

[شمس بغداد]

شكراااااااااااا على القصيده

[شهد التكريتي]

http://www.3hood.orgشكر الج و تحياتي