مصطفى الحديثي
11-30-2007, 04:59 PM
هي / عشر تيام ..
مرن وانت ماجيت ..
تعال الحگلي .. گلبي من الهجر طاگ ..
تره الفرگه حبيبي ..
اتصير من يوم .. ويوم ايجرله يوم ..
ايصير الفراگ ..
اگول اليوم .. باچر .. بلكت تعود ..
عفيه اشخلگ عندك ..
لسه ماظاگ ..
جبتهه وياك سچه ..
وريل تعبان ..
خلص عمري اعله مودك ..
امشي عالراگ ..
هو / وأنه .. بنار احترگ .. وشيحمل النار ..
ما تطفه وحياتچ .. نار الاشواگ ..
وأنه بعيني مطر .. ما شالته غيوم ..
وبگلبي حمامه .. مشبگه شباگ ..
هي / تعال الصبر خلص ..
والحچي هواي ..
اخاف احچي ويه روحي ..
وحچيي ينباك ..
چنت تشتاگلي ابكل لحظه يهواي ..
اشو مرت ايام .. اشوكت تشتاگ ..؟
هو/ واضح من كلامچ ..
آنه ما مشتاگ ..
هاي ظنون كلها ..
ومو صحيح الظن ..
باقي وياي رسمچ ..
بالعيون ايبات ..
وسوالف محبتچ .. مني ما يرحن ..
انتي أول حبيبه العلمتني الشوگ ..
وعلى طرواچ ..
هاي اعيوني من يغفن ..
مو قصدي الفراگ .. منبتعد والله ..
بس هي الظروف وياي ما يصفن ..
هي / بظروفك تعتذرلي ..
وآنه بيه النار ..
صرت ويه الليالي ..
البيه ميرحمن ..
تدري ابشوفتك ..
ما يبقى هم بالروح ..
وثگال الهموم ..
بجيتك ايسهلن ..
عطشانه ..
الصبر شيسوي للعطشان ..
سواجي الصبر كلهن ..
بيه مَيرَوّن ..
هو / زين اشلون لو ابعد عليچ اشهور ..؟
ذني ايام عشرة ..
وصبرچ اتفرهد ..
صحيح آنه احبچ ..
بس ظروفي اتريد
وصدگيني الظروف ..
وياي تتعمد
هي / بس آنه بشر ..
والگلب حفنه اهموم ..
ونار البيه كبره ..
وما اظن تبرد ..
احچيها بصراحه ..
وآني ماشك بيك ..
مرات الظنون ..
اتهزني يمحمد ..
للشاعر محمد الطائي
\
/
..
.
وهذا الرابط
http://www.soqalshiyookh.com/mrt/Eiam.mp3
تحياااااااااتي
ولا تنسون الردود
مرن وانت ماجيت ..
تعال الحگلي .. گلبي من الهجر طاگ ..
تره الفرگه حبيبي ..
اتصير من يوم .. ويوم ايجرله يوم ..
ايصير الفراگ ..
اگول اليوم .. باچر .. بلكت تعود ..
عفيه اشخلگ عندك ..
لسه ماظاگ ..
جبتهه وياك سچه ..
وريل تعبان ..
خلص عمري اعله مودك ..
امشي عالراگ ..
هو / وأنه .. بنار احترگ .. وشيحمل النار ..
ما تطفه وحياتچ .. نار الاشواگ ..
وأنه بعيني مطر .. ما شالته غيوم ..
وبگلبي حمامه .. مشبگه شباگ ..
هي / تعال الصبر خلص ..
والحچي هواي ..
اخاف احچي ويه روحي ..
وحچيي ينباك ..
چنت تشتاگلي ابكل لحظه يهواي ..
اشو مرت ايام .. اشوكت تشتاگ ..؟
هو/ واضح من كلامچ ..
آنه ما مشتاگ ..
هاي ظنون كلها ..
ومو صحيح الظن ..
باقي وياي رسمچ ..
بالعيون ايبات ..
وسوالف محبتچ .. مني ما يرحن ..
انتي أول حبيبه العلمتني الشوگ ..
وعلى طرواچ ..
هاي اعيوني من يغفن ..
مو قصدي الفراگ .. منبتعد والله ..
بس هي الظروف وياي ما يصفن ..
هي / بظروفك تعتذرلي ..
وآنه بيه النار ..
صرت ويه الليالي ..
البيه ميرحمن ..
تدري ابشوفتك ..
ما يبقى هم بالروح ..
وثگال الهموم ..
بجيتك ايسهلن ..
عطشانه ..
الصبر شيسوي للعطشان ..
سواجي الصبر كلهن ..
بيه مَيرَوّن ..
هو / زين اشلون لو ابعد عليچ اشهور ..؟
ذني ايام عشرة ..
وصبرچ اتفرهد ..
صحيح آنه احبچ ..
بس ظروفي اتريد
وصدگيني الظروف ..
وياي تتعمد
هي / بس آنه بشر ..
والگلب حفنه اهموم ..
ونار البيه كبره ..
وما اظن تبرد ..
احچيها بصراحه ..
وآني ماشك بيك ..
مرات الظنون ..
اتهزني يمحمد ..
للشاعر محمد الطائي
\
/
..
.
وهذا الرابط
http://www.soqalshiyookh.com/mrt/Eiam.mp3
تحياااااااااتي
ولا تنسون الردود