ياغريب [الأرشيف] - منتديات عراق السلام

john

08-11-2007, 02:58 AM

ياغريب...
ياغريب اذكر هلك .. والكاله بحجيه يتنكت
هيج جروحه الكلب والعين كت مهموم كتت
ذكروه وعادة اليذكر يحن والروح لهل الروح حنت
آخ ياروحي الكبل جانت عزيزه شلون ذلت
ملت من ونينه وعذااله من اللوم ملت
واصبحت مثل الرشه المتروك من يشله جليبه
وحنت وعاده ويه المحبين لو حن المحب يذكر حبيبه
يالتريدين الولف ولف البعيد منين اجيبه ...
كافي غيبه كافي جلمات العثب عالناس ياروحي الغريبه
يالصفيتي بلا عقل ولعلتج ماتصح طيبه
يالحسرتج حسرة ام ثنين وافاه الكدر واصبحت ليبه
يالمثل دله ستوة بوجاغ مايخمد لهيبه
يالتضنين بعظم بلواج ماصارت مصيبه
هذا سهمج والسم لوعات والخانه الوكت يرضه بنصيبه
وهذا طبع الناس بيهم بدوفه وبيهم وفي جيبه لحليبه
وانتي لاجف الينشف العين لادار التحبيهم جريبه...
يالحسرتج حسرة المجبود ودموعج تبدت
يالعله جروحج اعز الناس من شافج تشمت
يالتظنين الشمل يرجع شمل عزج تشتت...

او تكلي افرح
تكلي افرح..ويكلي افرح وتصيح الناس كله افرح
ودور مالكيت الفرح حته افرح
اوشكيت اودورت موت العفه ولا صح
اوصرخ بيه الصبر وآنه العله المذبح
يمتخطي على موت الكيف مابالموت موت اروح
يغركان الملا مه الماردت تطفح
بديك اجرح جروحك لو ردت تجرح
بديك ولا بدين الغير.. جرح الغير ماينصح...

وروح المن ..وورج من..وحده بروحي الوداد وما دريت المن
رحت..وادري الدرب لوطال بيه جروح مايسلن
اونن ونة المادامن اعله الون
واحنن حنة العايش الغربه وحن
عليك اوكل هفاك اتحمله ولاجن
يفت روح الضمه ونيسان كله مزن
يفت روح الضمه ونيسان كله مزن...

للشاعر عريان سيد خلف
ا

اتمنى تعجبكم هاي الكلمات الجميله
:6:
وتقبلو مني احر التهاني والتبريكات