ابوذيات ليونس محمود

[شمس]

ابوذيات ليونس محمود


--------------------------------------------------------------------------------

يونس كال عن خوفه هدفنة
ونصول بزود ونكوّل هدفنه
اسعاد الشعب هوة اكبر هدفنه
نفرحة وثم نفرحلة سوية


ابد ماهام برد الجو وحرة
واسود المنتخب حلوة وحرة
يونس من ضرب ضربة وحرة
صاروخ انفجر بالمرمى هية



النهائي اشكد سهل بيكم وصولة
يل فن اللعب عدكم وصوله
اذا صحت بعد فرصة وصولة
يصير الكاس النة اجمل هدية

[احمد سعد العباسي]

شكرا لك شموسة على الكلمات الحلوة بحق ابطال الرافدين


تحياتي لك احمد العباسي

[يوسف التكريتي]

شكرا اخت شموسه على الابوذيات الحلوه وصدك يونس البطل يستاهل وعاشت ايدج

[شمس]

شكرررررررررررررا لتواجدكم ع صفحتي
تشرفت بمروركم
شمس

[ملاك وبجمالي هلاك]

عاشت ايدج شموسة وشكرا على الابوذيات الحلوة
الي اعتقد هي قليلة بحق يونس ورفاقة حماهم اللو

[سيرين]

شكرا وده والله يونس يستاهل
بس شنو يعني الابوذيات؟؟؟؟؟

[بنت كركوك]

مشكووووووورة خيتو
ابوذياات كلللش حلوة
عاااشت ايدج

تحياااتي