خلف الله عليك فييرا

[The Night Prince]

قصيدة خلف الله عليك فييرا التي القاها الشاعر رياض الوادي في مهرجان الشعر الشعبي الذي بث البارحة على قناة العراقية
و النص منقول للامانة

عمي خلف الله عليكم سباع يهل الغيرة
وعمي خلف الله عليك فييرا

عمي خلف الله على نور العظيم
صدله طوبه گلت صبت باللحيم
غير ربك لطف بشعبة الكريم
چان شهرونه الجماعة شهيرة
وعمي خلف الله عليك فييرا

شفتو باللحظة الاخيرة..شلون چا صارت هدف
انا ابوي الحجي عنده..جلطة من يمه رجف
چان موتو العراق ..ونصها راحت للنجف
وچان عدنا الحجي طفة وهبط امبيرة
وعمي خلف الله عليك فييرا

وين هذا الگال افوزن ...انا وي صحباني
گال اسجل عشرة يمكن ...واحد على الثاني
والله ذبحونه الجماعة بياسر الگحطاني
يالله وينك ما تسجل ..طلع بوخة شيرة
وعمي خلف الله عليك فييرا

شفتو جاسم من اجه لياسر گبل
هيچ لاحة شويه شو هذا انجطل
باگ كلش هوا منه ..يعني ياسر هم عطل
رجعاه يلعب مدافع ..لأن چفه ديرة
عمي خلف الله عليك فييرا

باسم رحيمة ويا حيدر ..ذوله ابطال الدفاع
خط دفاع الموت ذوله... الترتجف منه الگاع
يا شجاع الگابلاهم ..ينهزم هذا الشجاع
اللغز ذوله المحير.من صعب تفسيره
عمي خلف الله عليك فييرا


طول ويا كرار بيهم..طول يابو الموزمة
حيل رگصهم ترگص ..وانت ابن حامي الحمة
فرحت كل العراق ..الارض فرحت والسما
لأن شعب الغيرة احنا ..ومن صعب تغييرة
عمي خلف الله عليك فييرا

قصي وي هوار يركض..وابد ما لحظة تعب
هذا عباس ويا هيثم ..صالح البيهم لعب
ويونس بكلته العجيبة ..الفرحت كل الشعب
نسى كل هموم كلها..ونسى كل تفجيرة
وعمي خلف الله عليك فييرا


الناس يوم اللعبة گعدت ..بال12 يمكن ظبط
نست هم الغاز كله ..والتفخخ والنفط
ولو اول شوط متنا.وصعد عدنا احنا الضغط
المهم جتكم عقود وصعدت التسعيرة
عمي خلف الله عليك فييرا

رغم تفجير وتفخخ ..والبلد ما بيه امان
بكل مكان الناس رگصت ..ورگصو حتى المكان
وانا اتحدى مواطن ..ماشرب تحت اللسان
هيچ من طگها يونس براسه چن تفجيرة
عمي خلف الله عليك فييرا

ومن ركض مهدي كريم ...وغط عليهم چنه ذيب
شفت بس دريس يركض ..چنه هذا البيب بيب
واحنا هم نركض وراهم.. ننخى وينك يا مجيب
فرجنّا على العراق ..وفرح الديرة
عمي خلف اللعه علي فييرا

خو نشأت رگصاهم ..هيچ عالوحدة وربع
گام هيچ يخوط بيهم..داخو گباله الربع
والله لو عدنا امان..ومستقر عدنا الوضع
چان خلينا العراقي ..بالنجم تسعيره
والله خلف الله عليك فييرا

انتو شفتو فييرا لمن..خلصت اللعبة بچى
بقى صافن عالفريق..وكلمه وحده ما حچى
زلمة طاح البخت عنده ...والبخت وياه بچى
گال دوخني العراق..شلون شايل غيرة
عمي خلف الله عليك فييرا

الزلم مو لعبة لعبو ...چنها ساحة معركة
اي فريق اليجي يلعب..عالسريع نچكچكة
استرالي ويا كوري ..وي فريق المملكه
وياهو انكظة نغسله يحظر التأشيرة
عمي خلف اله عليك فييرا

:Iraq::Iraq::Iraq::Iraq::Iraq::Iraq:
و الله يابة خلف الله عليك فييرا
:s(24)::s(24)::s(24)::s(24)::s(24)::s(24)::s(24):: s(24)::s(24)::s(24):

[احمد سعد العباسي]

هههههههههههههههههه قصيدة رائعة فعلا اسود الرافدين اهل الغيرة

شكرا لك اخي الغالي اوراس على مانقلت لنا من قصيدة رائعة

تحياتي لك احمد العباسي

[شيرين البغدادية]

صدك خلف الله عليك فيرا او خلف الله على كل الاعبين الابطال صدك جانو رفعة راس النا
مشكور ذة نايت برنس على القصيدة الحلوة
تحياااااااااااااااااتي

[الفنكوش الاسود]

يابة تره هذا فيييرا صار بطل هوه الى خلانه نجيب الكاس الله يخليه لاهله

[roza]

قصيده حلوه
وخلف الله عليك فييرا
تحياتي

[حسن الساهر]

قصيدة حلوة والله
رياض الوادي شاعر طريف جدا ..
شكرا اوراس على النقل ...
مودتي

[انمار علي الدليمي]

عاشت الايادي
شكرا على النقل

[لــؤلــؤة بــغــداد]

قصــــــيـدة اروع من الرائعـــــة وربي

واللهـ اني واقــــــراهـا دموعــي نزلــــــــت


الف شكــــــــر الك اخي الكبيــــــر
ذه نـايـت بـرنـس


:004:

[$بنت البصره$]

شكرااااااااا على احلى قصيده خلف الله على فييرا عاااااااشووووووووو اسود الرافدين

[تــ على الراس ــاج]

http://www.arabsys.net/pic/bsm/15.gif

اي والله عمي خلف اله عليك فييرا

مشكور اخي على النقل
اختيار رائع

والف مبروك الكاس للشعب العراقي كله

تقبل مروري

[boto iraqi]

شكرا حبي على هذا الشعر وتسلم

بوتو

[مأسآةشاعر]

ههههههههه مشكووووور اخي عالنقل المميز والله رياض ما يجوز من اشعارة الحلوه ينقد الصايب والخايب ههههههههههه عاشت ايدك اوراس عيني



تحياتي الحارة الك



أخوك


مأسآة شاعر






http://www.moq3.com/img/uploads/ubq84369.jpg (http://www.moq3.com/img/)

[بنت كركوك]

هههههههههههههههههههههههههه
قصيدة كللللش حلوة
عاااشت ايدك خيو على النقل
تحياااااااااااااااااتي

[جوكر البغدادي]

مشكور خيو قصيده روعه
تقبل مروري

[يوسف التكريتي]

مشكور اخويه اوراس على النقل للموضوع والكلمات الحلوه للشاعر رياض الوادي