لماذا اخطاء الشاب طيش والبنات ؟موضوع مهم جدا

[طفولة بريئة]

بسم الله الرحمن الرحيم
عندي موضوع جدا حرج واتمنى من الكل المشاركه
يعني لايمرون الشباب ويغضون النظر عن الموضوع:h035:
اعتقد ان موضوع مهم للطرفين ارجوكم اريد ردود مو بس شكرا على الموضوع

حتى في ارتكاب الأخطاء !!. نجد ان المجتمع يفّرق بين الشاب والفتاة .
فإذا ما تم ضبط شاب وفتاة في وضع مخل أو وضع غير ذلك في مكان خاص او عام .
نرى الشباب يحصل على البراءة في فترة وجيزة , ويتغاضى المجتمع عن أخطئه ويتناساه .

ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنها مجرمة , أو منحرفة , فهي أخطأت في حق نفسها ,أسرتها ومجتمعها , ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب يسعى الزواج .

فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل مايحلو له من ذنوب بعد توبته .....
فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاه - وحدها - هذا الوزر,وتدفع الثمن خطئها طوال عمرها .............................؟؟؟
وهل نطلق العنان للشاب لكي يجرب .
لكي يخطئ بحجة "الطيش " والنزوات ....؟ و ما هي مسئولية المجتمع

اريد اجوبه منطقيه تقنع المقابل
مو كل الي يمر يكول مجتمعنا العربي
تحياتي
طفولة بريئة

[شيرين البغدادية]

والله حبي طفولة صح كلامج

[احلى عراقية]

كلامج صحيح واحنا بصراحة مظلومين بالمجتمع
ولكن هذا واقع وما اعتقد انه احنا نكدر نغيره
والحياة مو دائما عادلة

[علي الكردي]

كلامج صح لاكن الله فضل الرجل على الماة الرجل خطئه يغفر له مهما كان لاكن خطء الامراة لا يغفر لعدة اسباب اهمها ان المراة محكومه تحت امر زوجها والدليل ان الله جعل العصمه بيد الرجل والمراة لايمكن لها ان تخطاء لان الخطء يكون بمردود على اهلها ايضا وهذا ليس بالضلم على المراة بل هوه لكي تتجنب الخطء والدليل على عدم ضلم المراة وجود المراة بالبرلمان وكوزيرة وفي جميع مجالات الحيات لاكن يبقى الرجل هوه السلطى العليا وتبقى المراة سيدة محترمه لها واجبات ويجب على الرجل ان يقدسها ويحترمها لان هيه مثال الرقه والاحساس في هذه المعمورة وان لايتلاعب بمشاعرها ويجعلها اسيرة الخطء واليكون بحقو وفي وشكرا على هذا الموضوع واتمنه كلامي مابي ازعاج

[يوسف التكريتي]

شكرا طفوله على الموضوع احاول الخص كلامي واكول انه من زمن الرسول (ص) الى حاضرنا هذا هاي تقاليدنا الي توارثنا


من اجدادنا يعني اكيد من يصير غلط راح ترجع الاسباب على البنت لانه اهلها ما ربوها تربيه صحيحه اما الشاب فاكيد ايضا


مخطيء بس محاسبته اقل من البنت لانه رجل واكيد الرجل لا يعاقب كما تعاقب المراه

[طفولة بريئة]

شكرا شيري على المرور
نورتي الصفحه
بس احنه كلنه نتناقش
يعني مو بس مرور
تحياتي
طفولة بريئة

[طفولة بريئة]

كلامج صح لاكن الله فضل الرجل على الماة الرجل خطئه يغفر له مهما كان لاكن خطء الامراة لا يغفر لعدة اسباب اهمها ان المراة محكومه تحت امر زوجها والدليل ان الله جعل العصمه بيد الرجل والمراة لايمكن لها ان تخطاء لان الخطء يكون بمردود على اهلها ايضا وهذا ليس بالضلم على المراة بل هوه لكي تتجنب الخطء والدليل على عدم ضلم المراة وجود المراة بالبرلمان وكوزيرة وفي جميع مجالات الحيات لاكن يبقى الرجل هوه السلطى العليا وتبقى المراة سيدة محترمه لها واجبات ويجب على الرجل ان يقدسها ويحترمها لان هيه مثال الرقه والاحساس في هذه المعمورة وان لايتلاعب بمشاعرها ويجعلها اسيرة الخطء واليكون بحقو وفي وشكرا على هذا الموضوع واتمنه كلامي مابي ازعاج

ماكو هيج حجي علي
اعطيني ايه بالقرأن او حديث يقول خطأ الرجل يغفر بينما البنت لا
ولاتدخل بشغلات ثانيه انما رب العالمين جعل العصمه بيد الرجل لاسباب
وهي ان المرأة تحكمها العاطفه فتكون متسرعه بعض الشيء
واني وياك كل واحد منهم عليه حقوق واله واجبات
بس الحساب يوم الحساب واحد
كل واحد يغلط ياخذ جزاءه
تحياتي
طفولة بريئة

[طفولة بريئة]

شكرا يوسف على المرور
نورت الصفحه
اني النقطه الي اريده يوم القيامه نتحاسب نفس الحساب
لعد ليش مجتمعنه يظلم المرأة
يعني المجتمع حكمه اعدل من رب العالمين واعوذ بالله من هذا الكلام
اكيد المرأة لازم تكون اكثر حرص لانه ماتكدر تدافع عن نفسه تحت اي طارئ
بس اكول هم الحساب واحد
فلازم من نكول لرجل هذا طيش ونطيه التبرير
اكيد حتى المرأة هم لازم نعطيه قليل من التبرير حتى تكمل حياته
تحياتي
طفولة بريئة

[سماء العراق]

منوره دايما ياطفطف بمواضيعج

احيانا حينما افكر في هذا الموضوع انصف المجتمع باباحته طيش الشباب وهفواته وظلمه للمراة ولكني اعتقد حينما تخطىء البنت فهي لاتخطىء في حق نفسها فقط بل في حق اسرة كاملة تعبت كثيرا لاجلها ..لذلك فقبل وقوعها في الخطأ يجب ان تضع هذا الامر نصب عينيها.

المجتمع اباح هكذا امور للشاب ومنعها على المراه وهذا الامر لا يعتبر ظلم للمراه فبالعكس انه صيانه وانصاف لها لكنه يعتبر افساح الخطأ للشاب وهذا امر لا اعتقد سيكون له نهاية

وبصورة اوضح
المراه كقطعة القماش البيضاء اقل شائبة تفقدها جماله

وتفبلي مروري

[حسوني]

السلام عليكم ..
طفولة موضوع مهم ..
الحقيقة بعد مقريت الموضوع تبادر سؤال بذهني .. شنو نوع الخطأ الي تتكلمين عنه ؟
جاوبيني حتى اعرف شنو المطلوب

[طفولة بريئة]

شكرا على المرور سماء
بس الشاب لمن يخطأ هم يحاسب مو بس البنت
اني هذا المضمون الي اريده
ليش الشاب تنغفر الخطيئه اله والبنت لا
وكله تأثر على العائله ان كان شاب او شابه
نورتي الصفحه تحياتي
طفولة بريئة

[حسوني]

خطيئة !!
اذا خطيئة اتقصدين طبعاً المجتمع يحاسب البنت اكثر
لان البنت تبقى آثار الخطيئة عليها بينما الشاب يكدر يسوي هوايه اشياء و محد يدري
بس الله سبحانه و تعالى ..
هي هاي التقاليد مجتمعنا و منكدر انغيرها ..
البنية اي شي تخسره بعد متكدر اتعوضه ..
ابسط شي اذا طلع جزء من جسمها تعتبر خسارة .. بينما الشاب عادي يعني باريس ههههه :s(5):
طفولة موضوعج مهم بس والله ما ادري شلون اقنعج ..
بس هاي تقاليدنا ..

نقطة مهمة .. ادكولين الله سبحانه يغفر و البشر لا .. طبعا طفولة ايش اتريدين اتقارنين الله سبحانه ويه البشر ؟
الله غفور رحيم ..

تحياتي ..

[توتة2007]

حبيبتي طفولة كلامج صحيح ولكن المجتمع عرفاناه ونرعرعنا احنا واهلنا واجدادنا ان الولد يخطي ويصلح غلطتة يعني عيبة بجيبة ، اما البنت فهي ضحية للزمن والقدر والمجتمع انها تحمل اخطائها الى ان تموت ، ولا اعتقد ان هناك حل لهذا الموضوع حبوبة/ وشكرا واتمنى من المجتمع العربي ان يعطي الفتاه حقها في الحياه وشكراَ

[طفولة بريئة]

شكرا لمرورك حسوني مرتين
بس ماكدرت ارد المره الاولى لان كنت مشغوله
بس هسه راح ابدي اوضح الموضوع
اعتقد ان رب العالمين من يحاسب اي انسان يحاسبه على افعاله
مايحسب هذا ولد وهذه بنت
انا اقصد بالغلط مثلا اذا البنت تريد تسوي علاقه مع شاب
يكون ممنوع عليه وراح تضطر تسويه من غير علم الاهل
بينما الولد عادي وممكن كل اهله يعرفون هاي نقطه
بمجتمعاتنه الرجل من يذهب لخطبة فتأة حتى لو كانت لديه مساوءه
يقولون طيش شباب
بينما البنت محاسبه على اي غلطه مهما كانت صغيره
اني النقطه الي اريد اوصلله رب العالمين من يحاسب مايحسب على اساس بنت وولد
يحاس سواسيه
بس مجتمعنه يقول هذا ولد وهذه بنت
تحياتي
طفولة بريئة

[طفولة بريئة]

شكرا عهلى مرورك توته
نورتي الصفحه
كلامك صحيح
بس ابقى اكول ليش وليش وليش
لازم المجتمع يحكمه الاسلام
والاسلام يكول كله نفس الحساب
اني من اكول هذا الكلام مو قصدي ماكو فرق بالتصرفات
اقصد بالحكم ماكو فرق
تحياتي
طفولة بريئة

[ابن ديالى]

السلام عليكم ورحمته الله

عزيزتي طفوله اذكرك بالمقولة او المثل وراء كل رجل عظيم امراة وبما انه المراة مسؤلة عن تربية مجتمع ناضج واعي فانها مسؤلة عن كل تصرف تقوم به وانها تكون مراقبة من جميع شرائح المجتمع يعني اي غلطة راح ايكون مردودها على نصف المجتمع مو صحيح الان هي مسؤلة عن تربية جيل ناضج واعي متحضر وارجو ان يكون كلامي مفهوم ولو قصير وشكرا الك . تحياتي ابن ديالى

[حسوني]

هسه نجي ناخذها من جانبين طفولة ..
اذا تتكلمين على الاسلام .. فالعلاقة بين الشاب و البنت حرام على الشاب و البنت ..
مو صح ؟
الاسلام مكال العلاقات حلال .. مهما اتكون نوع العلاقة .. الا علاقة زواج يعني علاقة شرعية ..
و ما اريد اخوض اكثر بهذا الموضوع لان قوانين المنتدى متسمح ..

اما بالنسبة للمجتمع .. خلي تسوي البنية علاقة ويه شاب ..
بس منو راح يخسر ؟ الشاب شنو الخسارة الي يتحملها ؟
كل شي يصير بينهم فالبنية هي الخسرانه ,

و كلام اخوي ابن ديالى صحيح .. المرأة نصف المجتمع و هي الي تربي النصف الاخر ..
فلازم اتكون :20:

و اذا عندج تعليق اني موجود :h035:

[طفولة بريئة]

اكيد كلامك مفهوم وواضح
ايضا الرجل يلعب دور في الحياة الزوجيه
ولهو تأثير قوي على العائله
يعني الاثنين منهم اي غلط يغلطوه
راح يهدمون عائله كامله
ورب العالمين راح يحاسبهم اثنينهم نفس الحساب
تحياتي
طفولة بريئة

[حسوني]

يعني نتفق انو خسارة البنت اكثر .. و دورها بالتربية اكبر ..
لهذا تتحاسب اكثر من الشاب ..
و هذا رأيي المتواضع ..

[طفولة بريئة]

هسه نجي ناخذها من جانبين طفولة ..
اذا تتكلمين على الاسلام .. فالعلاقة بين الشاب و البنت حرام على الشاب و البنت ..
مو صح ؟
الاسلام مكال العلاقات حلال .. مهما اتكون نوع العلاقة .. الا علاقة زواج يعني علاقة شرعية ..
و ما اريد اخوض اكثر بهذا الموضوع لان قوانين المنتدى متسمح ..

اما بالنسبة للمجتمع .. خلي تسوي البنية علاقة ويه شاب ..
بس منو راح يخسر ؟ الشاب شنو الخسارة الي يتحملها ؟
كل شي يصير بينهم فالبنية هي الخسرانه ,

و كلام اخوي ابن ديالى صحيح .. المرأة نصف المجتمع و هي الي تربي النصف الاخر ..
فلازم اتكون :20:

و اذا عندج تعليق اني موجود :h035:

اوكي اخذ وياك وحده وحده
اعتقد ان كانت علاقه شريفه مبنيه على الاحترام المتبادل والمحافظه على التعاليم الاسلاميه فهي مو حرام
بس مجتمعنه يحللها للرجل ويحرمه على البنت
بالحقيقه البنت تخسر بالمجتمع اي
بس يوم القيامه الولد يحاسب نفس حساب البنت مو اقل
وهذا الي اني اريد اتوصله
اني مو اكول نسمح لبنت بالغلط
بس اكول لازم نفس الحساب بالمجتمع
ليش نغفر للرجل ومانغفر للبنت بغض النظر عن الغلط
البنت مهما غلطه بسيط تحاسب
الرجل مهما غلطه كبير يسامح
هذه النقطه اليدور حوله نقاشي
تحياتي
طفولة بريئة

[عمر الساهر]

السلام عليكم و رحمة الله و بركاته ..
موضوع رائع ..فعلا شد انتباهي ..
و نقاش بديع ..
انا لي رأي اخر ..
لكن لن اعرضه الان ..
بانتظار اراء الاخرين ثم اناقشكم .. :D

لي عودة ..

تحياتي لك ِ طفولة

[حسوني]

طفوله .. اذا حلال حلال على الاثنين .. و اذا حرام حرام على الطرفين .. انتهينه من الاسلام
المجتمع .. الرجل مهما خطأ ميخسر شي نظرياً ..
البنت اي خطأ لو مهما يكون بسيط راح تخسر ..
ماكو تساوي بهاي الناحية بين الرجل و المرأة مستحيل ..
صحيح المرأة مظلومة بالمجتمع الشرقي .. بس بهاي الناحية ما اشوفها مظلومة ..
تحياتي ..

[طفولة بريئة]

شكرا على مرورك عمر نورت الصفحه
تدلل في اي وقت
اشكرك على الرأي الجميل
تحياتي
طفولة بريئة

[عمر الساهر]

السلام عليكم و رحمة الله و بركاته ..
عدنا من جديد ..

أبدأ كلامي بتحية للجميع ..
أنا من رأيي , فعلا هناك ظلم كبير للمرأة في مجتمعنا ..
و اختلف مع الاخ حسوني قليلا ً ...و مع علي الكردي كثيرا ً ..
و اقول .. ليس هناك خاسر و رابح ...فعندما تكون المراة في علاقة غير شرعية سوف تخسر شرفها نعم ..
و سوف ينظر لها نظرة المذنبة و لكن هو هذا الخطأ بعينه ..
المنطق يقول ان الاثنين خاسران ... الرجل ايضا لديه سمعة و شرف ... تتلوث حينما يدخل في هكذا علاقات ..
لكن نعلم نحن ُ نظرة المجتمع - المتخلفة - لهذا الموضوع ...
ابدا لا يوجد اي فرق ...الجنسين متساويين تماما ً ... هذا هو العدل ...

لي عودة ..

تحياتي

[:*:*FULA*:*:]

مشكورة طفوله على الموضوع واني اتفق مع كلام عمر الساهر


لان اذا اكو خسارة راح يتحملها الطرفين مو بس البنت لان الرجل بمجتمعنا ايضا اله سمعته
مو بس البنت فالخسارة تقع على الجميع

تحياتي

[حسوني]

عموري و زينة .. كلنا نعرف العدل و ندري بان المرأة مظلومة ..
بس دانفسر نظرة المجتمع و ليش ديحاسب البنت اكثر من الشاب ..
انت هسه تحجي هيج ، بس اذا شفت بنية تحجي ويه ولد و كاعدين بمكان وحدهم اول متحجي على البنت
و اتكول شبيها هاي ؟!! مو صح ؟ بس متحجي على الولد .. و حتى لو تحجي ترجع و اتكول بس هي صوجها الي نطته مجال ..
مو صح ؟؟

[عمر الساهر]

اهلا حسوني من جديد ..
لا و الله مو صح ..
أبدا مو صح ..
تدري ليش ... ؟؟
اول ما افكر بيه مباشرة ً اكول ...يقبل هذا الولد احد يسوي هيجي باخته ؟..
هذه اول عبارة تجي ببالي ..
هو ميقبل الناس تسوي اي من هاي الامور باخته ...و هو يسويها ويه بنات العالم ..
ذرة عدل ماكو و سببه تراكم السنين ...

تحياتي

[roza]

نقاش جميل حقا
واراء مختلفه والنتيجه كل انسان لديه رايه الخاص به
نعم البنت هيه الخاسره ومع الاسف والسبب المجتمع الذي نحنُ من نكونه انا وانتَ وانتِ
تحياتي طفوله

[طفولة بريئة]

احنه نصب بهاي النقطه
ليش المجتمع قاسي
ترى كله تخسر سواء البنت او الولد
وخصوصا الالم النفسي
اكيد راح يصير الم نفسي لطرفين
هاي مابيه لاولد ولابنت
الكل يتأثر اكيد البنت نفسيته تتأثر اكثر
بس هم الولد يتأثر
يله ياشبابنه
خلي نشوف اراكم
تحياتي
طفولة بريئة

[حسوني]

عموري كلامك صحيح جداً ..
خلينا نفرض فرضية بعيدة عن الواقع ..
لنفرض انو عندك اخت و اخ ..
و صدفة بيوم اكتشفت انو اختك عدها علاقة ويه شاب ،، و اخوك عنده علاقة مع بنت ..
منو اكثر شي يعصبك و تضوج ؟ و منو تحاسبه اكثر ؟
خلي نفسك بالموقف و جاوب ..
يلا :s(15):

[طفولة بريئة]

راح اجاوب قبل عمر
ليش اخويه من يحب غير يحب بنت
ليش يعني بنات الناس عادي
واخته ممنوع اللمس
كل الاحوال اكو طرفين بنت وولد
هي اكيد اهله نفس الشي
اني هم انتظر جواب عمر
تحياتسي
طفولة بريئة

[AHYH]

السلام عليكم
في البداية احب ان اوضح ان كلا الطرفين اذا ما فعلوا اي فعل او تصرف مشين كلاهما مسؤل امام المجتمع ولكن التركيز على البنت لان البنت باعتقادي جوهرة ثمينة وتحفظ باماكن امنة منعا للسرقة او التلف وهي ملك لاهلها في البدايه و من ثم الى رجلها في النهاية و يكفي المراه فخرا ان اعطيت هذه المنزلة في المجتمع و الدين الاسلامي الحنيف فاذا ما اصبحت هذه الجوهرة رخيصة و كثيرة الاستخدام من قبل الغير ( وهي للعلم للاستخدام مرة واحدة فقط ) سوف ترخص امام مشتريها و محبيها .. هذا رايي بكل تواضع و اتمنا لجميع بناتنا العفة و الصلاح اخوكم من البصرة .

[حسوني]

طفولة .. كلامج صحيح بس الناس كلمن عليه بنفسه ..
تبقى اي بنت تتحاسب اكثر من الشاب ..
و انتظر جواب عموري ..

اما بالنسبة الك AHYH كلامك مضبوك 100%
شكرا الك و لمناقشتك و فكرتك الجميلة ..
تحياتي ..

[عمر الساهر]

اهلا من جديد
طبعا اعذروني بالبداية ... غصبا ً عني ما اكدر افوت ..
يا حسوني .. انت َ تعرف عمر الساهر زين ... و الله شاهد عليه ...
ما تفرق عندي ...ابدا ً ...انا شخص ما افرق اطلاقا ..اللي يريد احد من المجتمع يلغي براحته ..
ما دام اني مؤمن بفكرة معينة ...لازم امشي عليها ... و الا ّ اكون منافق ...

تحياتي ...

لي عودة لازم ..

[عاشق عيون حبيبتي]

الســـــلام عــــليكم

أول شي أحب اوجه تحيه لكاتبة الموضوع الاخت طفولة ومشكوورة على جهودكِ الرائعة ..

وفعلاًً نقاشكم جذب انتباهي .. وكل واحد واله رائية الخاص .. بس اني عن نفسي رأيي تقريباًً مقارب لرأي اخي حسوني من عدة نواحي ..

وأني برأيي طبعاًً الولد والبنت بالنسبة لهيج مواضيع صعبة انو يتحاسبون نفس الحساب وخصوصاًً بتقاليدنا الشرقية

لان غلطة البنت (عار) وصعبة تتصلح بينما الرجل غلطته ممكن تتصلح بس هذا لا يعني انو احنه ما نعاقب الرجل ...

لا نعاقبة علمود ما يتكرر هذا الشي ..... وهذا كلامي اني اقصد على الدنيا بالنسبة للأخرة الله تعالى طبعاًً ما يفرق

بين الولد بالبنت الكل راح تتحاسب سواسية ... وبعدين ما يصير انتي تريدين عدالة من البشر مثل عدالة الله عز وجل وما يصير تقارنينهم سوه (أن الله غفور رحيم )

ولي عودة طبعاًً ...

micheal prince

[حجي حشاش]

مو كل الي يمر يكول مجتمعنا العربي.. ماادام متريدين اكلج هاي اعراف وتقاليد المجتمعات العربيه

راح اردج رد ثاني

اولاً.. من كلتي انتي دائماً الخطأ تتحاسب علي بس البنات من قبل منو تقصدين حسب مفتهمت .. من قبل مجتمعنا ..فمتكدرين تكولين لتكول هذا مجتمعنا العربي

ثانياً..اذا الشاب سوه خطأ يتحاسب واذا البنت سوه كذلك ..بس من قبل الباري عز وجل.. وماكو اي تفرقه


**************
وحسب اعتقادي طرحج متناقض وبي ازدواجيه

من ناحية تريدين تعرفين الناس ليش هيجي اسوي ومتريدين بالرد نكتبلج صوج المجتمع

وانشالله يعجبج طرحي

تحياتي
اخوج حجي حشأش

[حسوني]

حبيبي عموري اتمنى كل الناس اتفكر مثلك .. جان صرنا بخير ..
تفكيرك مثالي ..

بس اعتقد الاغلبية العظمى من المجتمع متفكر مثلك .. للأسف ..
طفولة بريئة من طرحت الموضوع كانت تقصد الطبقة العظمى و الاكثرية بالمجتمع
لان هم الي يقودون المجتمع .. لهذا وضحنا شنو سبب التفرقة الي اتصير بين البنت و الشاب
من ناحية الخطأ ..

تحياتي ..

[طفولة بريئة]

السلام عليكم ورحمة الله وبركاته
التعليق الي راح اقوله موجه لحجي حشاش
اني أسال ليش مجتمعنه قاسي بس ويه البت
وكلامي مابيه اي ازدواجيه
اني الي اعرفه بعهد الرسول
الي يغلط سواء بنت او ولد
يقومن عليه الحد
يعني على الاثنين مو على البنت بس
ولاازيد من كلامي اكثر
لاننا نتبع سنة النبي عليه الصلاة والسلام
تحياتي
طفولة بريئة