سورية / الرقة درة الفرات

[أبو الحسن]

هلك حطوا مرض بي وسلـــــــهـم
ترى وش ما جرى مانسى وسلهم
ياطارش مر على احبابي وسلـــهم
وقلهم يا وكت يردون إلـــــــــــــــي


هجم شيب العمر باصباي علاني
وهمي من زغر شب وعلانــــــي
أنا ارد اصيحاٌ بالسر وعلانـــــــــي
أنا المظلوم ونت اوجرت بـــــــــي



عساكم دايمين اهل العزيـــزة
أهالي بس كرم ونفوس عزيزة
يمرنا طيفكم جيته عــــزيــــزة
وشوفتكم مراودنا بعرسيـــــة




عفن وسط الزلم يشيخ بالمال
وحجيه جن كحل ينجر بالميـــل
أبد لا تعتجب من وكت بالميــل
ترى الصاير مرد بس بالــتــراب




عمامي بالكرم جفهم منـــهال
هلال الليل شهيد إلنا مـنــهال
مطر هم عالفيافي دوم منهال
ترى ان ماعرفتني جرت علـي




شلع حبك نصف قلبي ومردمنه
مرد انا وترى ماكو مردمـــــــــنا
رحل قلبي إلك مامش مردمنـه
وصفيت بلا قلب لـــــــــــــــــي

[ابن ديالى]

خلص كلبي ياهل الوادم من التل
وكمت ماميز النصه من التل
اثاري الصوج مو مني من التيل
تزحزح من مكانه ودعم بيه

الوكت زامطتة كتلة والكواريك
والة بثرى الخيبة والكواريك
عشرتي وياك مرضع والكواريك
ادفعك غاد وترد هم الية

جدمي الغير خلي ابد مجداه
والو حرف الخبز ما يوم مجداه
مو كل من علة يرتفع مجداه
الزبالة بلا مجد ترتفع هية

تحياتي الك ابو الحسن وتقبل مروري المتواضع وعاشت ايديك

[لــؤلــؤة بــغــداد]

مشكـــــــــــور

عاشت ايدك خيو الطيب