ماذا افعل ؟؟؟؟؟؟

[ملاك الحب]

؟؟؟؟؟؟؟؟؟اتمنى لوتساعدوني .......................................مااعرف شكول واللة احس اني عايشة بكابوس وفجاة صحيت منه
اني جنت عايشة بحلم وفجأة الانسان الحبيته اكتشفت هوعلى مصلحة من حبي اله خلاني احبه واتعلق بي واكتشفت هو ميستاهل واعرف طريقي صارمستحيل وياه بس اني حبيته شلون ودااحس بلفشل وكرهت روحي لان خدعني بس والله قبل جان يحبني وهسه لاتصرفاته وكلامه اتغير من عرف اني احبه ومااكدر بدونه وتأكدمن حبي اله وحتى يستغلني بكلام جارح ويكول اعوفج وانسيني وماافيدج واني تعبت واريدانساه لان ميستاهلني انصحوني اريدارتاح من هذا الوهم الي دمرني واعرف اني مغلطت بحقه ابد ومقصرت

[يوسف التكريتي]

اختي العزيز كلمتين لا اكثر الي ميريدج حرامات تضيعين لحظات وياه

اذا هو باعج خلاص بيعي لانه ميستاهل هذا الحب الي نطيتي اياه

تحياتي

[ملاك الحب]

يااخي المشكلة احبةحيل ومدااكدرنسيانة صعبة تعلمت علية وفجاة احسة بعيدعني مااعرف شلون

[بنوته]

شوفي حبيبتي الانسان اللي ميستاهلج لاتعذبين نفسج عليه انسيه وعيشي حياتج لان اذا منسيتيه انتي اللي راح تضيعين مو هو لان هو انسان مخادع كدر ينساج بلحظه.نصيحتي الج تنسيه ولاتفكرين بيه مادامج عايشه احسنلج

[صكر اليرموك]

عيني نصيحتي الج ان تبتعدين عنه قدر المستطاع وتحاولين تنسي

وابدي قصة حب جديده ويه ابن حلال يقدرج ويريدج حتى تنسين

هاي نصيحتي الج وانتي ام الاختيار




تحياتي الج صكر اليرموك

[طفولة بريئة]

من عافنه عفناه لو كان غالي
عيني ملاك رددي في قلبك انه مايستاهل حبك
واكيد راح تنسيه
لان الحب لازم مشاعر متبادله بين الطرفين
تحياتي
طفولة بريئة

[**وفائي سر كبريائي**]

السلام عليكم ورحمة الله وبركاته

عزيزتي اللي نساكِ انسيــه
هـذا الانســان ميستـــاهــلكِ ابــدا .. ولا يستــاهل انــك تتعذبيــن علمــوده
ولا يستــاهل دمعـــة منـــكِ

فنصيحتــي لكِ اختــي

تقربــي الى اللــه تعالـــى
وصدقينــي ماكو احد يستحق كل الحب والتقدير
الا الله سبحانة وتعالى ومن ثم الوالدين
عليكــي اختـــي بطاعــة الوالديــن والتقرب من الله تعالى
وان شاء الله سوف ترين نفســكِ احســن بكثيــــر من قبــل

واذكــركِ اختــي كلمــا استعصــى عليـكِ امــراَ
فـإدي صــلاة الاستخـــارة
وان شاء اللــه اللــه يوفقك ويشيل همــك

وان شاء الله الله يزيــل كل هم من قلبــكِ ويبدلـــه بفــرح ان شاء اللـه تعالــى

واســفه عزيزتي على الاطالة
تحياتي
اختك غزززالة

[ممكن نبقى اصحاب انا وانتي]

زين هو كال الج هيج لان يجوز ضروفة ما تسمح الة ان يستمر معك وقال لك هكذا حتى لا تضيعي مستقبلك وانتي قدري ضروفة

تحياتي

[شاكر العراقي]

ممكن نعرف بدون زحمه علاقة الحب هذه
كانت بطريق الصدفه او اقارب او اي نوع منه ؟؟؟
لكي نتمكن من المساعده000
اذا مابيهه احراج0000