متحبني .. متحبني

[MR.MSTAFA AL7SENE]

سـلام عليكم
قصيدة عشكيه رووعه شوفوا بنفسكم

متحبني

بيني وبين نفسي
اشكد افكر بيك
واكول اشمعنى انت.. الشاغل اضنوني
مو اول عشك خاطر
تشل الحال
ولا اول جمال اتشوفك.. عيوني
****
شجاها الروح
يمك ذبت اسرار
وليش ارجف عليك ..وينخطف لوني
وحتى الناس
كامت تعرف بهل الحال
وما اعرف.., شكلهم من يسألوني
يطبون بصفنتي
وعنك ايدورون
ويلكوني افكر بيك... يلكوني
****
وصاحت كلها صاحت
انت بكت افلان
وما عندي لكوك.. وبيك تهموني
تهموني
بمحبتك والله لو يدرون
على ضيم العلي.. ايضل يواسوني
****
ما يدرون عايفني
بمهب الريح
وانه وياك.. عفت الما يعوفوني
****
يحبوني اشكثر
والجيتي ايتانون
واخجل من كثر ما كام... يتانوني
وانت الما تحبني
اشلون بالله وياك
امرن بيك...، ما امر باليحبوني
****
عفت الي شروني
ومن ارد اشلون
هم اسوة بعد... والنوب يشروني
حبيتك شجاني
وما حسبت احساب
خيعونك علي... مو انة خيعوني
****
متحبني.. واحبك..
والمصيبة انوب
اريدك وانهزم.. من اليريدوني
ومن دونك صرت
ما اعيش وي الناس
وانت بكل سعاده... تعيش من دوني
باحزانك
اودي دموعي تبجي وياك
وبافراحك
ابد ماتذكر اسنوني
****
من سمعو اهلنة
العشك دك الباب
ما خلوك اهلك ...واهلي خلوني
ما خلوك اهلك
حكهم يخافون
بس اهلي المحبتك ..شلع باعوني


الف تحيه مني لكم

[الفنكوش الاسود]

شكرا أخوية مصطافي

[حجي حشاش]

متحبني.. واحبك..
والمصيبة انوب
اريدك وانهزم.. من اليريدوني

شكراً حبي على القصيدة رووعه

تحياتي

[MR.MSTAFA AL7SENE]

الف هلا بالفنكوش والاسود وحجي حشاش

منورين موضوعي

تحياتي لكم

[اهاااات]

الله عليك على هالكلمت الحلوه وعاشت ايدك ..

[جوكر البغدادي]

مشكور خيو على الكلمات الحلوه
كلك ذوووووووووق

[MR.MSTAFA AL7SENE]

هلا بيهم
منورين
الف تحيه

[حسن الساهر]

حلوة .. تسلم ايدك اخوية العزيز

ننتظر مشاركاتك ..

[عباس الماني]

مصطفى اشناوي علينه اتريد اتمنتنه
راحمه لبيك
تسلم حبي على هل اختيار الراعه
تحياتي عباس الماني

[MR.MSTAFA AL7SENE]

هلا بيكم
حسن وعباس
شكراً على ردودكم الجميله
تحياتي لكم