بس وانت غايب .. رائعة

[حسن الساهر]

بس و انت غـايب ...
روحي نـخـلة و عانـِدت قـاع العمـر
بس و انت غـايب ..
روحي توصل للسمـا ...
و تنزل على دْروبك .. تــمــر
كرفة شـَـكـَر..
ارميها عد ثوبك .. و اقول
حـلـِّـي خطوته و لا تخليها تـِطول
و كومة قـهر ..
ترجعلي تمرات الوِفــا ...
و يـنـبـَت على روحي ؛
سـعـَف خـوف وْ جـِفـا
و ابقى أمـِد من قاع عمري لك سنين
و تـِكـثـَر على تـْراب القلب ..
نـخلات متحـمْـله بـْحنين ...
و ابقى اگولن للنخل .. لا تنكسر
وْ غايب تظل انت .. و يظـل
زادي تـمـر ...
وْ يا ويلي من تـمر الجـفا ...
يا ويلي من تمر القـهر


يـل وادعتنـي وْ رايد عيوني سـِتـِر
و ضـلوعـي ضـمـَّة ْ بـيـت
ش استـر إذا يبكي الصـبر؟!
ش احـضن .. إذا حنيـت ....
يل وادعتني .. و ع الجسر
أقسملي صوتك ما يغيب و ينقطع
و انقطعن حبال الجـسر ...
و طاح القسم .. و يا الدمـع
وْ فزيت الـِم ّ ْ صوتك و احلفه ينتظر
و حـزنت علي و بكيت ضـْفاف النهر
و ادريك ناسي صوتك ال بايدي شِـهَـق ْ
و ادريك تتحـلى بـْعسل ..
وْ هم ناسي تمرات العشق ...
و آنـي اللي تـيـَّهت ِ النـفـَس ...
ريـحـة ْ بـخور .. و هــيـل
و قتله بـْدروبك يـِنـحـبـِس ...
بلكن تـِرد و تـْحـِن .....
و آنـي اللي حجـَّـبـْـت ِ الورد؛
خوفي عـبـيـره يـسـيـل ....
و خـوفي تِـشِـمْنـي مْـن الشـهد ..
و الحـسـرة بيك اتـْـون ....
و ادريك عـطرك مو ورِد ...
وْ لا حـتى ريـحة عــود ....
و ادريك تـتنـفـَّس .. بـُـعـُد ...
وْ دربـك يـِشــِم .. صـْدود ...
و ادريها روحي وصلت لآخر مدى
و شدت هواك من العمر
و ظلت تـِـمـِد و تعانده
و ما رجعك دمع النخل ...
وْ لا ظـِل روحي عـْلى السحاب
و لا حـنـنـك تـمر ال نـِزل ..
يشفيك من مـر الغـياب ..
يل وادعتني و في دروبك ...
روحي نخلة ...
يابه اش عجب ؛ فوق النخل..
ما شايـــف الأحــبـــاب ...


نشوى ابراهيم جرار


نشوى شاعرة فلسطينية اكثر من رائعة لها قصائد باللهجة العراقية وحبيت تقرأون هذه القصيده ...
مودتي

[مأسآةشاعر]

مشكووور اخي حسن عالنقل المميز للشاعرة القديرة نشوى ابراهيم حقاً لها كلمات رائعه بلهجه العراقية



تحياتي الك


مأسآة شاعر







http://www.moq3.com/img/uploads/ubq84369.jpg (http://www.moq3.com/img/)

[جوكر البغدادي]

كلمات جدا حلوه
مشكور حبي وتقبل مروري

[حسن الساهر]

شكرا على المرور اصدقائي الاعزاء

مودتي

[مستر جرافيكس]

يا سلام .......... تعبير ممنمق بالروح الراقية

[حسن الساهر]

شكرا مستر جرافيكس على مرورك
منور الصفحة ...

مودتي

[بنت كركوك]

عااااااااشت ايدك خوية حسن
على هذا النقل الرائع
تحياااتي الك

[فراشة كركوك]

شكرا اخويه حسوني علشعر

[انمار علي الدليمي]

الرائع رائع . انت رائع اخي ابو فلاح .
شكرا جزيلا على النقل . للامام اخويه العزيز . وربي يشافيك ويكومك بالسلامه
اخوك انمـــــــــار

[boto iraqi]

شكرا حبيبي حسن على القصيدة الحلوة

بوتو

[حسن الساهر]

شكرا للجميع على مروركم الطيب .. منورين والله
وشكرا نموري على دعائك ربي يحفظك ..

لكم مني كل التقدير والاحترام