في أول مشاركاتي معكم قصيدة ( دمعة وطـن )

[زياد البصراوي]

في أول مشاركاتي معكم أحبتـي
أضع بين ايديكم قصيدتي للوطن بعنوان
( دمعة وطـن )
مع مقطع بصوتي لهذه القصيده



دموع الاقلام
(1)
يمي دمعه او يمي أم
أو يمي ورقات وقلم
او يمي ناس ..
بكل كتر مليانه هم
جردت كل العواطف
وأدري خايف
بس اجردها العواطف
تنكَلب تصبح عواصف
او ماكو غيم
اوماكو كَمره
ونگّطــت بس ماكو قطرة
وماكو صوت الله واكبر بالمآذن
بس علت الاصوات بحلوگ الزلم

أمان خائـف !!
(2)
أو شفته يمي
وجهه اصفر
ولا بس اسود
صوته يهمس
جاوبيته بكِل براءه
وبيده قرآن وقرآءه
وكَام صلّه وما سمع صوت الآذان
بس عله اصوات القنابل من تفجر باٌلحنان
باوعت شكله غريب
وأسألت وبكل جراءه منهو انته
جاوب وخجلان مني
كَآل يسموني الأمان ...



ذكاء طالب مدرسة
(3)
سألو طالب
واحد وتجمعه ويه الواحد
شكَد الناتج .؟؟
صافن ظل واكَف محتار
باوع يمنه شاف الجنه
وباوع يسره شاف النار
واحد سني أو واحد شيعي
وما يعرف المن يختار
فكر زين وجاوبهم بالناتج يطلع
يمكن مية بلآيه اصفار ...!!!


دراسة في القراءة الخلدونية
(4)
دار داران دور
وين الدار او وين الدور
دار اتهدم فوك اطفاله
او داران الهجروهُ أعياله
والدور ابكل قاطع صارت
مهجورة ونيران تفور
وهاي الحاله
او هذا الدار وهآي الدور
مهجورة ونيران تفور ......


مستحيلات في ارض الواقع
(5)
شايف نجمة تنام بليل .؟
أو شايف فارس ما يعرف يركبها الخيل .؟
لو شايف صبّآر وثمّــر ورد الهيل .؟

شايف نومة تفز من غبشة .!
او شايف حاكم ضيع عرشه .؟
لو شايف عصفور يهدم مرة بعشّه .؟

شايف دمعه تسيل بلا خد .؟
أو شايف ذيب؛ من الشاة أيروح ويشرد .؟
لو شايف عريس ولابس ثوب الاسود .؟

كلشي يصير
وكلشي يصير
وبعده الفلاح بمسحاته
يزرع حنطة ؛؛ ويسكَي شعير
وبعده الطير براحه يطير ؛؛
كلشي يصير



أستمع للقصيدة بصوتـي
(http://upload.9q9q.net/file/gGdTSrSSq/-----------.mp3.html)
زياد البصراوي
16/6/2007
تحياتي

[*الطائر الحر*عماد خليل]

الله الله
حياك الله وبياك اخي العزيز على هاي الكلمات الرائعة
الله يحفظك امي يا رب
تقبل مروري وفائق تقديري

[زياد البصراوي]

اشكرك عزيزي لمرورك الجميل واللائق تقبل حبي

[&&الســــااحرر&&]

بـــــــــاارك اللـــــــه بيك أخي ...فعـلا كلمات رائعه

تحيـــــــــااتي ........

[زياد البصراوي]

شكرآ اختي الغاليه لمرورك الجميل على القصيده

[شيرين البغدادية]

الله الله شنو هل الكلمات الرائعة النابعة من القلب وعذب الكلام يسلمو على الموضوع
تقبلو تحياتي الكم
شيــــــــــــــــــــرين

[لــؤلــؤة بــغــداد]

مشكـــــــــــــــــور





أنـا مش قادر انسى غيابك انسى احلى غرام
أنـا بيعـز عليه بعادك مهما طال الايام .,
دمعـتـي بتشهد على فراقك وعيوني مابتنام ,,
أنـا من دونك عمـــري ذايب .. وفراقـك واللهـ حرام !!

[زياد البصراوي]

الله الله شنو هل الكلمات الرائعة النابعة من القلب وعذب الكلام يسلمو على الموضوع
تقبلو تحياتي الكم
شيــــــــــــــــــــرين


تسلمين شيرين

هذا من ذوقج الرفيع

[دار..دور]

دار داران دور
وين الدار او وين الدور
دار اتهدم فوك اطفاله
او داران الهجروهُ أعياله
والدور ابكل قاطع صارت
مهجورة ونيران تفور
وهاي الحاله
او هذا الدار وهآي الدور
مهجورة ونيران تفور ......


عاشــــت ايدك

[علي الكردي]

حياك الله حبيبي الغالي ونشاء الله الوطن منصور

[زياد البصراوي]

حياك الله حبيبي الغالي ونشاء الله الوطن منصور


ان شاء الله منصورين

اغاتي علي كريدي منور