ساعدوني محتاجه مساعدتكم

[العراقيه]

مساعدتكم اني عمري 16 سنه يعني بعدني ضغيره مثل ميكولون بس اني الحم لله متميزه بالعائله وشاطره اني احب ابن عمي والي هو اكبر مني ب12 سنه حاولت اوصله بس مكدرت لان اني مو بطبيعتي اسوي علاقات هو ما اعتقد ايفكر بيه بس اني حبيته كأنسان ومهتميت الى اي شي ثاني اني اذا اعترف بحبي اله ما اعرف شنو رده وبصراحه اخاف ايفكر بيه غير تفكير بس وصلتله بطريقه اني ما اعرف شلون سويتها ومتندمه لان سويتها اني سويت ايميل وكتبت ايميله وسويت نفسي ما اعرفه واريد اتعرف عليه وطولت هاذي العلاقه تقريبا شهر وهو ايحاول ياخذ رقمي واني ما انطيها واني بعدني على علاقه وياه وهو حبني حييييييل بس ماعرف اني بنت عمه والفرق بيني وبينه هوايه اني اريد حل للمشكله اترجاكم وارجو تكتبون حلكم بكل صراحه واشكركم مقدما][/size]

[الجراح]

السلام عليكم
والله يااخيت مااعرف شكولج
بس اللي اعرفة انه انت اللي سويتيه غلط ,لان كل انسان لازم يؤمن بالقسمة والنصيب
والقسمة والنصيب رب العالمين هو اللي كاتبها لكل انسان ساعة ولادته ومكتوب كل حيات هذا الانسان بقسمتة وبنصية يعني رزقه وحالته الاجتماعية وساعة وفاته والشخص اللي راح يرتبط بيه ,وكل انسان مؤمن لازم يؤمن
بالقسمة والنصيب .واللي كاتبة رب العالمين الج ميصير لغيرج والقسمة يااخيتي هي مو حالها حال
اي حاجة اني اذا اريدها اروح اشتريها وخلص؟؟؟؟
لا طبعا هذا شي مكتوب ومقدر ....
ومن وجهة نظري لازم تنهين العلاقة باسرع وقت قبل لاتكبر المشكلة ..وان شاء الله متكبر
وتتركين الامور على سجيتها .وتتركين الامر الى واحد احد عادل مقتدر
وهو ارحم الراحمين
وشكرا تقبلي بوجهة نظري مع اطيب تحياتي
اخوكم الجــــــــــــــراح

[حسن الساهر]

بالبداية اشكر شجاعتك وصراحتك واسلوبك بطرح الموضوع
انتي الان في عمر الخطر .. وهو فترة المراهقة والي يعانون البنات والشباب بوقتها من الفراغ العاطفي
لذلك يسارعون بملئه بأي حب او علاقه عابرة ... تسمى فيما بعد بالحب الاول
الامر الجيد عندك اختي هو ان الشخص ابن عمك والحمد لله على هذا الشي .. يعني مو غريب
فرق العمر عادي جدا مو مشكلة كبيرة .. المشكله اذا ممكن تصر لا سمح الله هي في موافقة الاهل
وان شاء الله متواجهين هيجي مشكلة
انتي دخلتي بطريق ولازم تكملي .. خلص اعترفي بشخصيتك الحقيقية .. وصارحي بمشاعرك .. وصدكيني مراح يتجاهلك .. لان الي يحب عالايميل بشهر .. هذا انسان عاطفي وحساس جدا ...
توكلي على الله . . واذا هو قسمتك ميصيرلغيرك ..
وفرحينا اذا اكو اخبار حلوة ...
لكِ مني كل الود اختي العزيزة

[حسوني]

السلام عليكم ..
اختي العراقية هسه انتي ليش سويتي هذا الشي كله و اللف و الدوران
عموما هسه خلينا بالمهم ..
اني من رأيي اكو حلين ..
اول حل اتقطعين علاقتج بي بالانترنت فد شهرين او اكثر شويه
و تتقربين منه بالواقع اكثر .. لحد ما اتكسبين حبه مثل مسويتي بالايميل
بس مو تكوليله اني الي كنت على الايميل ،، يعني انسي السالفة هاي و ابدي من جديد

و ثاني حل انو تحجين وياه بالماسنجر و اتصارحينه بالحقيقة انو انتِ بنت عمه او عمته
بس من اتصارحينه فتحي وياه مايك و بأسلوب حلو شويه ..

بس اني افضّل الحل الثاني
و انتي براحتج ..
تحياتي ..

[سماء العراق]

مشكوره ياعراقيه على جراتك لطرح موضوعج
اني برايي انه تصارحيه وتقولي له الحقيقه فماكو احلى منها حتى لو يزعل منك بس بالاخر سوف يتفهم الوضع وتقبلي تحياتي

[مستر جرافيكس]

16 سنة ليس بالعمر المتمعن بامور الحياة .....وهو سن خطر كما بينو الاخوة الك
__________-
اختي العزيزة الحل بيديك هو ان تلتمسي من الله الفرج وصلي ركعتين استخارة بان تهمي الى ان تصارحيه بان يقبل بك زوجة على بركة الله
ولا تهتزي للرد فتقبلي اي رد يخرج منه وان شاء الله خير يا اختاه


دائما تضرعي الى الله بهذا الامر واحسني الظن بالله بانه فاتح الضيق عنك

الامر طبيعي يحصل للكثيرين اختي فلا تهتمي .... اعتقد ان الشهر مش كافي للحب علما ان سنك 16 فللصبر منوال اخر
اذا سد الطريق اليوم فغدا يفتح واذا لم يفتح فبعده وتاملي بالله الخير

[يوسف التكريتي]

عاشت ايدج اختي العرااقيه على هاي الجرءه في عرض الموضوع

اختي العزيزه صارحي ابن عمج واذا تحبي يعني تتحملين اي رده فعل ..........لانه

اكيد الي يحب يتحمل عواقب حبه حزن الم فرح سعاده هذا الحب

تحياتي

[العراقيه]

اشكركم على ردودكم كلش وانشالله تسمعون اخبار حلوه

[مأسآةشاعر]

مشكوووووورة اختي الغالية ع الصراحه والله كلش اعتيادي شنو وعليش رايحه تاخذين ايميله وما اعرف شنو كان من الاول اقول الأخته او الأُمه اي واحد وهذا مو عيب ولا حرام وهو اقرب الِك عيني فاما اتصارحينه وتقوليله الحقيقة وآني افضل انهُ اتقولين لأخته او الاُمه صحيح انتي خطأ سويتيها يعني هسه هو ايريدِك الِك مو غيرِك اقصد الي ع الماسنجر فهو يحب الدور الاول وما يهوى الدور الثاني ولازم الآن تجمعين الدورين بدور واحد فصارحي والله كريم



وانشاء الله الله يجمعكم ياربي بس انريد الحلاوه عيني مو تنسينه ههههههه



تحياتي الِك


مأسآة شاعر



http://www.moq3.com/img/uploads/ubq84369.jpg (http://www.moq3.com/img/)

[ساوين]

اختي انت غلطانه بتصرفج هذا لازم تنتنهين عل حالج وتفتكرين بمستقبلج انت اهتمي بلدراسة احسنلج هسه وبعدين بلجامعة تكدرين تختارين اللي ينسجم وياج لدوخين نفسج ترا الحب
عــــــــــــذاب اوكي حبيبتي

[صانع السلام]

بصراحه ما اعرف شكووووووووول لان سالفتج داجه...... بس انتي هم غلطانه لان سويتي الايميل وصار الي صار ........ بس اعتقد انه من الافضل ان تخلين وحده من المقربات الج واله يعني( انسانه) ضروري بنت تكون مؤثره عليه وتحجيله السالفه بس بالتدريج حتى ما ينصدم وتفهمه انتي ليش سويتي هيج وشنو كان قصدج.. ويصير خير


تحياتي
صانع السلام

[مأساة قلب]

بالبدية احييج على الصراحة والجراة العالية اللي خلتج تكتبين موضوعج

اما بالنسبة للحل احلى شي انه تعترفين بالحقيقة وانتي كلتي ان هو تعلق بيج وبدت قصة حب فما اعتقد انه حيتركج او يبتعد عنج

واحتمال يزيد حبه الج لان انتي اللي بديتي وعبرتي بحبج اله

والقرار الاخير يرجع الج

تقبلي مروري

[شجون الليل]

السلام عليكم مشكوره اختي على الجره او انك طرحتي موضوع او مشكلتك

واني من راي انج تعترفيله بس الي انتي سويتي غلط لو من البدايه حاجيه

لاخته او تشوفين احد قريب اله كلش وكوليلهواني اكول خابريه بس من دون

ماسنجر وكوليله ونشوف اذا الله كتبلك قسمه حلو ويا تقبلي مروري

مو تنسين تفرحينه وياج ننتظرج

[زهرة النرجس]

حبي تسلميين على ثقتج بينه اكيد الي دفعتج ان تأخذيين رأيينه واكيد احنه مراح نخذلك
اني من رأيي ان لتستعجليين لان انتي 16 سنه يعني مااصور بهيج عمر تقدريين تحدديين عواطفج واكيد انتي لجأتي لابن عمج لان مثلا يتميز بشي انتي تحبي بمثل هذا العمر فأعتقد ان الصبر احلى الج وعلى الاقل علمود تتأكديين من حبج اله ..

والمسأله الثانيه دراستج ومستقبلج اولى.. الحب والزواج لاحقه عليهم لانج صغيره بس دراستج اذا فاتتج صعبه تعوضيها وخاصة انتي دكوليين انتي شطوره..هذه من ناحيه


اما اذا كنتي مستعجله ومتعيريين اهميه للكلام الي كلته الج فوق فأني لو بمكانج بهذه الزاويه اكول لاخته او لاخوه حتى او لمرة عمي اذا اكو ميانه بينج وبينها وهذا احسن شي صدكيني لان لو دكوليين لاخته او لاخوه اكيد حيشتغلون الج ويحببوج عنده

بس تبقى فقره وحده انتي لازم تتقربين منه بالواقع كبنت عم لان شوفي وان حبج بالايميل احتمال بالواقع يرفضج لان يكول صغيره مثلا او كأختي اعتبرها ومن هل سوالف بس راوي شخصيتج الي بالايميل بالحقيقه بس بدون حب ومااعرف ايش كأنسانه فعلا كبيره بعقله وتصرفاتها اوكي؟؟؟

اما مسألة العمر اني من رأيي ان هو جبير عليج يعني اني لو بمكانج احتمال مااوجه عواطفي لانسان يكبرني بهلكد الا بظروف استثنائيه ((اقصد اذا توفرت كل الشروط بي فأحتمال اكول الحلو ميكمل والكمال بس لالله واقبل بس ابقى اكول احتمال))بس طبعا هاي مسأله ترجع الج اذا تحبي وهو مثقف ومكمل دراسته وتشوفيين نيناقض تفكيرج فبكيفج بعد حبي بس عموما الاهل هي الخطوه الناجحه اشوفها اني


تقبلي مروري

[اشور]

شكرا ياعراقيه على جرائتج واكولج انت غلطتي ولازم تتحملين نتيجت غلطج هذا وتكوليله الحقيقة هسه احسن قبل ميتعلق بيج اكثر واكولج 16 سنة كلش هواية للعلاقه بين شخصين واتمنالج السعادة والموفقيه بحياتج

[ملاك الحب]

:120103_emTE65_prv::120103_emTE65_prv::120103_emTE 65_prv::120103_emTE65_prv::120103_emTE65_prv:واللة ياحبيبتي الله يساعدج شلون متحملة تكتمين مشاعرج ولوانت صغيرة كان المفروض ان تاخذين نصيحة وحبي السويتي غلط صدكيني على قول اخواني بلمنتدى كلشي قسمة ونصيب واني من راي اعترفي الة واذاحبج من صدك يكمل واذالاينهي كلشي وانت بهاي الحالة رحتعرفين حبة الج وانت شوفي حياتج واهتمي بدراستج وان شاءاللة تلكين الاحسن اتمنالج كل الخيراختج ملاك الحب حبيبتي لتهتمين