المساعد الشخصي الرقمي

مشاهدة النسخة كاملة : جنت مخدوع بعيونك...الجريح

الجريح
08-14-2007, 10:14 PM
اتمنى ولو لحظه تشوف العين
تقره كل سطر مكشوف لو مضموم
تدور بالكتب عيدي الطلع چذاب
وحسراتي الچبيره وصومي عن النوم
حقك مو غشيم بهيچ شغلات
ما تعرف معاني كلمه الملچوم
ما تعرف شني الالام الفراگ
لا شايف ابد دمعات هيه دموم
ما شايف محنه طير من يشتاگ
وعلى عش الحبيب يطير بس يحوم
هم تانيت مره بالعمر محبوب؟
ومن شفته بهلاهل عرست الهدوم
دومك چنت انت بعشرتك ظالم
جرب بس دقيقه تصبح المظلوم
شوف شلون گلبك يحترگ عوده
وعلى رماده تلاكي كلمه المهموم
لا تسأل عليهه شبيك ما مرتاح؟
انا بكاس الغدر اتعذب ومسموم
ازرعلك طريقك نرجس وريحان
گبري تحفره تاليهه جاي تلوم؟
اذا عايش مسيه بالحزن والضيم
انا من سنين حزني عالوجه مرسوم
واذا حسيت انت بالالم ساعات
انا مصادق الم وسط الگلب مختوم
انا الغرگان بأوهامي انا السكران
انا المخدوع بعيونك چنت فد يوم

تحياتي ...الجريح..سرمد الساهر
سفير$$ الحب
08-15-2007, 02:15 PM
كلمات جميلى تقبل مروري
حسن الساهر
08-15-2007, 03:31 PM
الله عليك ياسرمد ... وين جنت يمعود هالغيبة طولت
قصيدة رائعة بكل المقاييس.. ننتظر ابداعاتك على احر من الجمر ..
تقبل مروري
مودتي
مأسآةشاعر
08-15-2007, 04:21 PM
عاشت ايد سرمد من كتب اشعار ~~~~~~ تحجي واقع الي يمر بي كل يوم

رتب هالقصيده وحجيه بي معنى~~~~~~ ومو كل واحد ايرتب حجي بنظوم


تحياتي الك سرمد فرحنه بجيتك منوووورنه والله ونتمنى انشوف الاروع يا روعه


أخوك

مأسآة شاعر






http://www.moq3.com/img/uploads/ubq84369.jpg (http://www.moq3.com/img/)
جوكر البغدادي
08-15-2007, 05:07 PM
مشكور خيو على الابداع الحلو
تقبل مروري تحياتي
بنت ديالى الجريحه
08-15-2007, 07:51 PM
تخبلللللللللللللل عيونى اهوايه حلو
...........................
بنت ديالى الجريحه
الجريح
08-17-2007, 07:08 PM
سفير الحب مشكور اخي العزيز على الرد ومنورنه
اخويه حسن الساهر مشتاقين والله بس الظروف مرات تخلي الواحد يبتعد
ان شاء الله تلكه كل جديد اليه هنا بالمنتدى واتمنى اكون دائما عند حسن ظنكم مشكور يا غالي على الرد الرائع
تقبلو تحياتي
اخوكم الجريح...سرمد الساهر
الجريح
08-17-2007, 07:11 PM
مأساه شاعر
ردكم فرح الدلال وفوكاهه العيون ...وانساهه للكلمات لمن تمرون
ردكم شهاده اعتز بيهه اخي مشكور وما قصرت تقبل مني ارق واعطر تحيه
اخوك الجريح...سرمد الساهر
الجريح
08-17-2007, 07:14 PM
جوكر البغدادي
بنت ديالى الجريحه
منورينه بطلتكم الحلوه وردودكم الاحلى على موضوعي المتواضع
ربي لا يحرمني من ردودكم الرائعه
تقبلو تحياتي
اخوكم ....الجريح...سرمد الساهر
Warda
10-30-2007, 03:52 AM
منور اخوي الغالي الجريح
كلامات اكثر من رائعة
ومتميز دائما ,, وهذا ليس
بجديد على اخوي الجريح
تسلم ,, وربي يرفع عنك الهموم
تقبل احلى الامنيات اختك وردة
the warrior
10-30-2007, 09:37 AM
رائعة ياسرمد الغالي انها فعلا كروعتك قصيدة تعبر عن الحب الصادق وما يكافيء المحب من الطرف الاخير


تحياتي لك اخوك دوما وابدا ااااا .... المحارب
الجريح
10-31-2007, 08:51 PM
ورده اختي الغاليه تحياتي الج اولا وعاش من شاف ردودج
الي دائما تزهي وتنور مواضيعي
شما اكتب اكون مقصر بحقج لان ردودج تخليني عاجز عن التعبير
لك مني اجمل وارق تحيه
اخوج ...الجريح...سرمد الساهر
الجريح
10-31-2007, 08:55 PM
اخي العزيز المحارب انت الاروع واحساسك هو الاروع مو كل واحد يقره يحس
انت سامع بيت قصيد يكول
لا تشكو للناس جرحا انت صاحبه
لا يؤلم الجرح الا من به الم
واعتقد كل واحد مار بتجربه مؤلمه بحياته راح يفهم القصيده
لك مني ارق وتحيه اخوك
الجريح...سرمد الساهر