حفلات التعارف

[روح العراق]

هلووووو


بما انة احنة بمنتدى جامعة البصرة

فاكيد كلكم رايحين حفلات التعارف بالكلية

شنو احلى شي بحفلات التعارف؟

و شنو كان رايكم باول حفلة تعارف حظرتوها ؟

وكل عام وانتم بخير

وانشاللة تحقيق الاماني



انتظر ردودكم

[حسوني]

هلووووو

بما انة احنة بمنتدى جامعة البصرة
فاكيد كلكم رايحين حفلات التعارف بالكلية
شنو احلى شي بحفلات التعارف؟
و شنو كان رايكم باول حفلة تعارف حظرتوها ؟
وكل عام وانتم بخير
وانشاللة تحقيق الاماني

انتظر ردودكم



هلوات روح العراق ..
مشكورة على الموضوع ..
اي كلنا رايحين حفلات ولو بالنسبة الي هي حفلة وحدة اول ما دخلت هندسة سووها ..
بس ما اريد احجي عليها .. هي بالحقيقة مو حفلة تعارف .. حفل تأبيني :)
كعدنا لحد ما ضجنا و بعدين افترينا بالكلية و اخر شي اجه العميد و رحّب بالطلبة .. طبعاً محد سمع شي .. لان الصوت كان مواضح .. المهم و بعدين رجعنا نفتر و هاي هيه ..
لان منكدر لا نشغل اغاني و لا شي ..
و البنات همينه راحو وحدهم .. المهم يعني مو حفلة ..

طبعاً احلى شي بحفلات التعارف هو اجواء الحفلة هاي اذا اكو اجواء حفلة .. بس بحالة الهندسة .. احلى شي بحفلة التعارف المهزلة و الخوف من الوضعية ههههه

و رأيي بأول حفلة حضرتها طبعا واضح .. ماكو داعي اكرر ..
بس شنو نكول غير الله كريم ..

شكرا مرة ثانية على الموضوع روح العراق ..
تحياتي ..

[اثير يعقوب]

شششششششلللللللللللللونكم شباب http://www.3hood.org

[روح العراق]

هههههههههههه

واللة حسوني هو صدك حفل تابيني

مو بس بالهندسة بكل الكليات

تقبل تحياتي

[علا الساهر]

شكرا روح العراق على الموضوع

حبيبتي كولي حضرتي عزاء لان حفلات التعارف اللي حضرتها قراية فاتحة ههههههه
واحد ايباوع للاخ بس مرة حضرت حفلة تخرج لاختي بكلية الصيدلة كلش حلوة اما احنة حفلتنا مو كلش
لان الولد اللي هم زملائي ماشاء الله عليهم هم خمسة ههههه ك؟كأنهم قوس قزح بالاراء خلي اسكت لايعرفون روح انت هماتين مو تحجين اتفضحينه ههههههه

[عيد الغدير]

كل كام ونتم بالف خير

[روح العراق]

شكرا على مرورج علا

بس ترى هي الحفلة ليكول بس للولد

احنة حاطينة عالرف

ههههههههه

بس انا سامعة انة حفلات تعارف العلوم كلش حلوة

[ملكة الجماجم]

هههههههههههههههههههه هو يا كلية بيها حفل من صدوك؟؟
بس والله الطبية هالسنة خوش سواا حفلة جابوا دي جي

[روح العراق]

ههههههههه

ملكة ضحكتيني

انتي دخلتي الحفلة لو سمعتي عنها ؟

اكيد بس سمعتي

[علا الساهر]

لا جنها سامعة مو داخلة

تحياتي

[روح العراق]

لج علا شفتي حفلة السادس ؟

هاي الحفلة الصدك مو حفلتنا

اللة يهنيهم بالتخرج ويوم الالنا

[علا الساهر]

اي والله اتخبل بس سمعت مدخلت لان محد عزمني هههههه وداعتج بتخرجنا انسوي حفلة لا صارت ولا استوت هههههههههه

[سندباد]

مرحبآ..........أهوووووووووو هم سندباد اجه (هاي روح وعلا هيج يكولون)يلا فضهه شتريد...؟؟؟ يابه كلشي ماعندي بس احب اكول حفلات الزراعه مالهه مثيل حتى اسألوا حسوني ..واول حفلة تعارف سويناهه بالنادي الطلابي (مكتبه مركزيه حاليآ)واحيت الحفله فرقة الشيراتون ...بس مو طبيعيه هي انتهت الحفله وتركت السنه كلهه ....بيني وبينكم ردت احول بس ماحولت وظليت بالزراعه غصبآ عليه...وخلاص .....هاي شبيكم يلا باي.

[علا الساهر]

ياهلة اي عيني الحفلاتالتعارف اغلبها حلوة حسب الطلبة

تحياتي

[روح العراق]

شنو قصدج علا ليش احنة شبينة ؟

واللة نخبل بس همة الولد سوو الحفلة بس الهم

سندباد انت تنور وين متدخل

تحياتي

[علا الساهر]

لا حشاكم وحشانه ليش اني مو منهم
لاتفهمونه غلط اعتذر روح اذا افمتني غلط

تحياتي

[سندباد]

النور نورج روح ورده...بس لاتتعاركون تره افلت منا
لا هي قصدهه حسب الطلاب الي يسوون الحفله
يعني هم الترتيب عليهم دجي وهاي الشغلات
يمكن هيج.
:s(1):

[ملك الحب]

كل عام وانتي بالف خير

اني عندي حفله تعارف اليوم


خلي اشوف شلونه
مو لو مو مو؟

تسلمين على ذوقج بالموضوع الحلو

[روح العراق]

شكرا على مرورك الحلو ملك

بس مكلتنة انت بيا كلية ؟

تحياتي الك
وانشاللة تتونس بالحفلة

[ملك الحب]

هلو روح العراق

اني بالجامعه التكنلوجيه

اوكي روووووووووووووووووووووووووووووح
العراق والوطن العربي والعالم كله



دمتي النه يا غاليه

[HASSANTHREE]

هو اكو حفلا بهل الزلك(طين ومطر).وين الثقافه الموجوده عدنه.اشو بس تسال بنيه عن حياتها العاطفيه تصير بسرعه عصبيه عليك.ولا كانها طالبه ومثقفه والمفروض الطالب او الطالبه يكون اكثر انفتاحيه على حريه الكلام.لان طبقه الطلاب مثقفين مو صحيح لو لا؟؟؟؟؟؟؟؟؟؟؟؟؟؟؟

[salahsport_82]

انتوا طبعا راح تبكوني ليش احنا ماعدنا حفلات تعارف اهي :006::s(7):اهي :s(19):اهي بس انتوا ليش ها ها :(

تقبلوا مروري البسيط

[روح العراق]

هلووووووووو

صلاح الدنيا متسوى تبجي

السنة الجاية عود اعزمك على حفلتنة

طبعا هي الحفلات فد حلوة وونسة مو تنقهر ههههههههههههههه


عيني حسوني هسة انت عفت كل المواضيع الي بالدنيا وركضت عالحياة العاطفية هي حفلة تعارف يعني البنية بعدها متعرفك تريدها تكعد تحجيلك حياتها العاطفية

صح البنات مسويها ماصخة زايد عن اللزوم وميحجون وية ولد ليش ما ادري بس على كيفكم ويانة شوية شوية نتعود عليكم بعد شنسوي ؟؟؟؟؟؟؟؟؟

تسلم على مرورك الحلو

[salahsport_82]

تحياتي لك موضوع حفلات التعارف بالنسبة النا للاسف ماكوا حفلات تعارف في كليتنا ( التربية الرياضية ) واتمنى تنصير بالنسبة الكم هي اسمها حفلة يعني عادي ( ياريت تصير عدنا حتى لو تآبين هههههههههههههههه

تقبلي مروري .

[روح العراق]

هههههههههههههه

اسم اللة عليكم من التابين

يا جماعة واللة كليتنا قريبة بنص البصرة
تعالو عدنة ونسويلكم احلى حفلة

[spartcos]

هههههههه الحمدلله كليتنه صغيره وحلوه وحفلته مالتعارف حلوه بس هي مو للاوله صارت للمرحله الثالثه ........ بس لويخلونه انجيب ديجي جان صارت احلى .......

[روح العراق]

هاي المرحلة الثالثة بكل الكليات همة المسيطرين

حتى احنة حفلتنة كانو اغلبهم مرحلة ثالثة

بس احنة جابولنة دي جي هههههههه على عنادكم

تسلم عالمرور الحلو

بااااااااااااي

[iraq sun]

والله لو نريد نحجي على حفله التعارف فهي مو حفله عدنا بلعراق لان الخوف هو الي مسيطر اني اذكر حتى مخلونا نغير ملابسنا يعني ظلينا بلزي اكو هيج حفله وخاصه احنا بلتربيه ماعدنا حفل

[spartcos]

اي البصره امسيطره عليه الاحزاب بس الله كريم كلشي يتغير انشاء الله التربيه زينه حلوه ........ بس صارت عدكم حفله بس مو حفله معنى الكلمه

[كيمياء]

هلو
حفلات التعارف كلهه مو حلوة
بس اكو اهواية يتعرفون بدون اي حفلة
مووووووووووو صح
حفلات التعارف ماله داعي

[ملاك الهندسه]

كل حفلات التعارف بصفحه والهندسه بصفحه يمعود الطب احسن من عدنه بحفلاتهم احسن من ماكو

[((*همسة وفـــاء*))]

والله حرام عليكم ليش احنة من دون الاوادم ماعدنة حفلة تعارف مادري ليش يلة عزموني والله اجي ترة بس يعجبني اشوف حفلة وحدة يلة بعد من اسون دزو علية هاااااا

[spartcos]

ليش بنت الاعظميه شنو اداومين والله حفلتنه صارت حلوه اشويه الحزاب اماثره علينه بس عموما حفله راقيه........

[روح العراق]

هلو

بنت الاعظمية هلا بيج بمنتدانا

ويمتة متردين حفلة بس كليلي واني اسويلج احلى حفلة

جماعتنة ميصدقون ترى لو بيدهم يكضوها كلها حفلات هههههه

هلو ملاك

شنو لازم جاية لحفلة الطبية ؟؟؟؟؟؟؟؟
هي صدك حفلاتنة كلش حلوة
بس مو المرحلة الاولى (يلا خيرها بغيرها )
انشاللة السنة الجاية نعوضها


تسلمون على مروركم الحلو

[ENGLAND]

هلوووووووووووو

حفلة التعارف صارت بس أكل كيك وببسي وأول مايطلع
رأيس القسم يطلعن البنات ويا وتبقة القاعة فارغة بس
ولد

:46:

[((*همسة وفـــاء*))]

السلام عليكم
اني مشكورة والله عل العزيمة بس اني اصلا مو بالعراق والبلد الاني بي اصلا ميسون حفلة تعارف يلة انشاء الله بس ارجع اجيكم مو بس اسون حفلة ترة ماجي
يسلمو مرة ثانية علة ترحيبكم بية
تحايتي ومودتي

[** الورده الماسيه **]

هلو شباب وبنات شونكم ؟؟؟

والله بصراحه فرحتوني عبالي بس كليتي حفلة تعارفهم فواتح هم زين طلعتوا انتوا هم لان اني كلما اتذكرها روحي تطلع وازيدكم من الشعر بيت بما انو اني تخرجت لو شايفين حفلة التخرج جان بجيتوا على حالنا مو فاتحه ملطم خخخخخخخخخخخخخخخ


عالعموم تخرجت ومحيت هاي الذكريات السودا

يسلموووووووو عالموضوع تحياتي

[روح العراق]

هلوووووو

نورتو الموضوع بمروركم

england

كلامك صحيح هية الحفلة بس للولد

بنت الاعظمية

عيني تعالي ونسويلج احلى حفلة

الوردة الماسية

مبروك التخرج
بس ليش مسوولكم حفلة
احنة حفلة التخرج هالسنة حتى حصان جابوا بنص الكلية
خطية ممصدقين تخرجوا ههههههه

تسلمون عيني

تحياتي الكم

[** الورده الماسيه **]

تسلمين روح قلبي


لا عود على اساس سوولنا واحتفلنا وسووا زفة عرب وصالوا وجالوا بالكليه كلها طبعا الولد احنا بس كاعدين وشفناهم من افتروا بالكليه زين و سووا الزفه رادوا ايجيبون تابوت ويخلون بي واحد من الطلاب

خخخخخخخخخخخخخخخخخخ

[القديس العراقي]

السنة حفلة التعارف مال الهندسة شي مو طبيعي
جابوا حسام الرسام وقيس هشام وحتى سعدي الحلي
والراقصات شاحجيلكم...
عبالك فيديو كليب البرتقالة مو حفلة
والحفلة ظلت مستمرة للفجر والامنية همين دخلوا احتفلوا ويانة
خو ماكو شي؟؟؟؟؟؟؟؟؟؟؟
هي هم اكو حفلات؟؟ اخر مرة سوينا حفلة بقسم المعماري قبل سنتين وهم ما تتسمى حفلة لان البنات تركونا وراحوا يموتون عالنكد بنات الهندسة

[روح العراق]

شكرا على مرورك قديس

تعالوا احتفلو عدنة مو مشكلة

اني شكد عزمت ناس على حفلة التعارف !!!!!!!!!!!!!

هههههههههه

تالي ماكو احد من كليتنا كلها الناس الي اني عازمتهم


تحياتي للكل

[المحب البصراوي]

مرحبا

عاشت الايادي

يسلمواااااااا على الموضوع الرائع

بس احنة بالنسبة لكليتنة كانت حفلة التعارف حلوة لان معروف على كلية العلوم حفلات التعارف حلوة

وكذلك حفلة التخرج كانت جميلة

ان شاء الله يوم الكم و تسون حفلات حلوة

تحياتي

[ENGLAND]

السلام عليكم

حفلة التعارف من المظاهر الجميلة بالكلية الي من خلالهة الطلاب راح يتعرفون على بعضهم البعض

بالنسبة ألنة اقصد كلية التربية_قسم الكيمياء_حالآ المرحلة الرابعة لمن سوينة حفلة التعارف

بسنتنة2005_2006 كانت مو على المستوى المعهود عليهة او اللي جنة نسمع بحفلات التعارف

لأن ماكو تعاون من قبل بعض الطلاب والطالبات وبالأخص الطالبات ماأدري ليش؟؟؟ هذا الشي ادى الى

ان تكون حفلة التعارف محصورة بين عدد من الطلاب والطالبات ولكن هسة والحمد لله الطلاب والطالبات

الكل واحد يعرف الثاني وان شاء الله هاي الحالة ماتصير وية الأجيال القادمة

تحياتي

[ميثم الرماحي]

والله الصدك أرقى حفلة دخلتهه هية الحفلة مالتنة والله مو شغلة يعني لأن تخصني بس هية من الله صارت حلوة لأن أظاهر الله ما راد يفشلني
بحيث حتى بيوم الحفلة أخذوو مني القاعة الي حاجزهه . وسويتهه بالحديقة بس والله صارت حفلة رهيبة لأن جنت محسب حسابي وخلي يكون بعلمج البنات تونسن أكثر من الولد
بس الشي الي مو حلو بيهه هو من عرفت نفسي لأن سألوني أسئلة ما أعتقد اكو طالب مرحلة أولى وصايرلة شهرين بالجامعة يجاوبهن بصراحة
ولو طولت عليكم
بس عاشت أيدج والله ذكرتيني

[روح العراق]

شكرا على مروركم الجميل


محب وميثم وانكلاند


نورتو الموضوع


محب وميثم
اهلا وسهلا بيكم بمنتدى جامعه البصره


يمكن مصار مجال ارحب بيكم


تحياتي للجميع

[المحب البصراوي]

شكرا على مروركم الجميل


محب وميثم وانكلاند


نورتو الموضوع


محب وميثم
اهلا وسهلا بيكم بمنتدى جامعه البصره


يمكن مصار مجال ارحب بيكم


تحياتي للجميع


مرحبا

الف هلا فيكي

مشكورة يالغالية النور نورك يا عيني

تحياتي