كل واحد يدخل يكتبلنا شسوى باول يوم من طب على الجامعة

[قطر الندى]

السلام عليكم

شلونكم طلاب

يالله كل واحد يحجي شنو سوى من طب على الجامعة اول يوم من راح يقدم

وشنو كان شعورة من طب على الجامعة
وشنو كانت ملا بسة

ومنو اخذ وياه

وشلون راح

وشسوى هناك

وشوكت رجع لبيت

اريد الكل الطلاب يكتبووون

حتى المتخرجين

[حمودي الدليمي]

اهلا ثطر الندى
سؤال صعععععععععععععععععععععععععععععععععععععععب ههه

والله اني اول ما دخلت الجامعة حسيت بخوووووووف مع انوا اني داخل على الجامعة اكثر من مرة
بس كنت خايف علمود القبول
دخلت للجامعة وحدي كنت لابس ملابس جديدة بس مو زي
وبعدين رحت للعمادة التربية وقريت اسمي بقسم علوم حياة بايلوجيا وكيييييييييييييييييييفت
هواية
وبعدين رحت للقسم وسويت مباشرة للمقرر وبعدين استلمت كتب
عاد شلون كتب قديمة مال قبل الميلاد ههههه
وتعرفت على كم واحد ويانة ورجعت للبيت بال2 الظهر
ورة اسبوع داومنة وصرنة هواية بالقسم مرحلة اولى تقريبا 75 طالب وطالبة
اول يوم منعزلين محد يعرف الثاني بعدين اتعرفنة على الطلاب وعلى الاساتذة وبلشنا بالمحاضرات
وبعدها قسمونا كروبات A &B علمود المختبرات لان احنه هواية
نزلت الاسماء اني ما لكيت اسمي لا A ولا B رحت للمقررة القسم كتلها اريد اني بكروب B كتلها لا اني اريد B كالت بلشنة على عنادك اخليك على A كتلها لا اني مااريد عاد كتلها اني اسف واعتذر وبعدين قبلت خلتني B كالت هاي اول يوم وصرت عصبي هههههههههههه
بعدين دخلنا مختبرات ورادم صدرية وقلم رصاص وتعلمانة على المجهر واستخدامه
والدراسة كلش حلوة بالجامعة
لان راح تتعرفون على اصدقاء هواية واتشوف اصدقاء صار هواية مشايفهم
وياربي الكل تدخل الجامعة ووتتفوقون بداستكم الجامعية
وكل الهلا بيكم بجامعة الانبار الحبيبة
شكرا قطر الندى
ولو اني طوووووووووووووووووووووووووووووووووولت عليكم
ههههههههههههههههه

[رهف]

والله طبيت خايف من اول شي الصعوبه بالقرايه وبعدين اخاف بنيه تفشلني واني ما بيه حيل فشله وكنت لابس قاط ابيض كامل وجيت اخويه وصلني لباب الجامعه وطبيت خايف ههههههههههههههه

[قطر الندى]

احمد شكرا على ردك وعلى اجوبتك

خوش متونس والله هنياك احمد


تحياتي لك


رهف

شكرا على ردك منور

تحياتي

[ابن الانبار الوفي]

اهلا وسهلا يا هلا ..

اولا شكرا جزيلا يا قطر الندى الورده على الموضوع
وان شاء الله يجي يوم وتكتبين اشلون انتِ رحتي للجامعه
وتحجينه بالتفصيل هههه.

بالنسبه اليه اني واصدقائي الي كملنه السادس معا
ذهبنا للكليه ذهبنا شنو يابه خلي نحچي بلهجتنه هههههه.

رحنه للجامعه بالكيات الي كانت تشتغل على خط الجامعه
وكانت اكو منشآت بوكتنه وصلنه الجامعه ورحنه للكليه الي طلعتلنه وبقينا نفتر ما نعرف وين انروح لحد ما سمعنه انو اكو قاعه تم تجميع الطلاب الجدد بيها فرحنا الها وكعدنه وبدت المقابله وتقسيمنه على الاقسام ..بعض الاصدقاء اتفرقنا عنهم وبعضنا بقينا لحد التخرج . المهم عرفنه مكان دراستنه وبقينه لوقت متاخر بالجامعه نفتر ونبحبش هههههههههه يعني نتعرف على الاقسام والكليات.

وضربنه الدوام بعد هذا اليوم ورجعنه سوينه مباشره ومن ذاك اليوم
اني ما غبت الا لسبب ضروري جدا جدا لانو كنت ملتزم هواي هههه.

هذا كل الي اتذكره في اول يوم .
وعلى فكره اني متخرج من جامعة الانبار كلية التربيه
وحي الله كل طلابنه المتخرجين والي هسه داخلين
للجامعه وبالتوفيق اعيوني.

http://www.iraqup.com/uploads/Ygi1r-5FC040664.gif (http://www.iraqup.com/viewer.php?id=Ygi1r-5FC040664.gif)

ابن الانبار الوفي

[الاميرة الراوية]

اولا شكرا قطورة لانج ذكريتيني بالجامعة

بالنسبة الي اني من طلعت القبولات جنت مقهورة لان جنت اتامل كلية اعلى لان معدلي عالي

المهم ...طلعتلي جامعة الانبار كلية التربية بالرغم انه ني ماكاتبتها

رحنا اني وبابا للفلوجة حتى ثاني يوم نروح ثاني يوم للكلية

رحنا اني والوالد الله يرحمة واختي ...طول الطريق واني اتخيل الكلية مع العلم اني شايفتها بصور

المهم وصلنا ورحنا للمكان الي يقدمون بيه الطلاب الجدد

رحت ادور على اسمي بالقوائم مال المقبولين اسمي ماكوو ..دورنا عدة مرات هم ماكو

الوالد رزلني كلي غير تتاكدين من قبولج وينة اسمج

اني صفنت وكلنا خل نرجع للبيت ..كتلهم بعد القائمة الاولى كالت اختي ممعقولة بالاولى اسمج

رحنا يم القائمة الاولى طلع اسمي رقم..9.. هههههههه

المهم قدمت اوراقي وقدمت للقسم الي اريده

وبعد اسبوع داومت وستلمت كتب وتعرفت على صديقات من بغداد وفلوجة ورماددي

وديالى وهيت وحديثة..وهم تعرفنا على زملاء كانو اكثر من اخوان الله يذ1كرهم بالخير

وايام حلوة متنسي ابد

واتخرجت ولحد هسة اذكر كل يوم كضيتة بالجامعة

وهاهية
طبعا هذا شي مختصر..لو اريد اكتب جان يبووو شيكفي هههههه

:s(9)::s(9)::s(9)::s(9):

[السراب الغامض]

والله سؤالج بمكانه
اني اول ما طبيت كنت لابس بنطرون جنس اسود وقميص دخلت وشلونها جامعة الانبار تخبل عاد
كنت اكول اهم شي دراستي ومي كالتلي دير بالك من البنات المهم رحت سجلت كنت بوحدي شفت البنات لي ويانه ولاوحده ينطلع بيها بس كانت وحده من فلوجه تخبل من باوعت عليها تذكرت امي وغلست بعدها اجه صديقي اعرفه هم انقبل بايو ويايه ضليت وياه الى ساعه 12 ونص كان ارجع للبيت وشحنونه الامريكان على جسر الورار ساعتين ياله فتنه للرمادجي وصلت البيت 000 بس وراها ما ارح اسولفلكم لي صار بعد ما داومنه هههههه وربي يوفق الجميع وقطر الندى شدعيلج ذكرتينه رجعتيني سنتين ونص وره
تحياتي
ابنك يا عراق
مــ السراب ـحمـ الغامض ــد

[الجراح]

هلو شباب شلونكم,شكرا قطر الندى على الموضوع
كلش حلو وعجبني لان ذكرني باحلى ايام عمري

بالنسبة الية اول سنة الية بالسادس طلعت معدل قليل لان جنت العب بنادي لكرة القدم
والوالد كال عيد السنة لان متامل علية اطلع فد شي عالي, ثاني سنة صارت سنة السقوط
والحمد لله طلعت معدل عالي بس شنو الفايدة جانت القبولات تعبانة,وانقبلت بجامعة بغداد
بس موخوش قسم ومداومت وبعدين حولت مسائي علوم مستنصرية هم مداومت لان ماحب المسائي
وبعدين حولت صباحي مستنصرية علوم حاسبات بس بعد مرور تقريبا شهرين على الدوام
اول داومت بيه لكيت الكل متعارفين وصايرين كروبات واني باقي بوحدي مثل اليتيم
لااحد يعرفني ولااعرف احد بس اتذكر جان الكل يتسأل عني منو هذا ووين جان ؟
اسف على الاطالة
وبالتوفيق لكل طلاب الجامعات

[نورهان]

ثانكيو قطر الندى على هالموضوع الرائع
اني طالبه تخرجت السنه من كليه الهندسه قسم السدود والموارد المائيه
احلى ايام حياتي عشتها بالكليه بحلوها وبمرها
اتذكر من جيت قدمت اجيت ويه بابا وجنت حيييييييييييييييييييييل مستحيه(مطفيه)ههههههههه
قدمت ووره فتره طلع قبولي بالسدود
واول واحد وكعت عيني عليه بصراحه حبيته يعني مو الحب الي هو بمعناه بس اعجبت بيه حيل مع العلم شكله عادي
بس بعدين كمت اعيب على ذوقي هههههههههه
وثاني يوم داومت بيه انطخيت بالمكيف الي جانت موجوده بالكشك لان جنت حيل منزله راسي
هههههههههههههههههههههه
من صدك اشكرك قطر الندى لان موضوعج كولش حلو
اني هسه مشتاقه لصديقاتي وطلابنه والاساتذه وكولشي
واحلى سنه تونست بيها هيه بالرابع
لان كلها اسخت وونسه

[المهند1]

اني ما اتذكر اول يوم مع الأسف لأن كلش قديييييييييييييييييم من سنة 1990 م

بديت بكلية الهندسة

بس حسب ما تبقى من الذاكرة

انه جينه بالباصات المخصصة للجامعة ومجانا جانت طبعا

ومن وصلنه شفنه اسمائنا بكلية الهندسة بس مجان محدد اي قسم وكنه الولد وحد والبنات وحد معزولين((كمش)).

ومن اول يوم سوونه اختبار مفاجيء لتحديد المستوى والأوائل اخذونه للقسم المدني

وجان اختبار لمدة ساعتين وصعب مال فيزياء ورياضيات ومن هالسوالف التعبانه

وفرحنه بالقسم المدني وجانوا ويانه البنات الحلوات ههههههههههههه

وكافي عاد راح ابجي من الأيام والذكريات

[قطر الندى]

شكرا عيني على مشاركتكم والله ايامكم اتخبل طبعا اليوم الي هههههههههههشكرا ابن الانبار شكرا هنودي على ردك خوش جنت متونس هع هع ههههههههههه

شكرا امورة ههههههه خطية وحيل بيج الرزله ههههههههههههه

ومهند1لا مو قديم المهم درسة جامعة وتونست شكرا لك خيوو

نورهان منورة حبيبتي

والسراب الغامض ههههههههه عيني شنتو قابل بس بنات الفلوجة حلوات هئ هئ ههههههه شكرا على المشاركة منور

والجراح شكرا عيني ايامك حلوة

وهلا وسهلا بيكمم

وان شاء الله التوفيق

تحياتي لكم يا ولد ديرتي

[ميدو الملاك]

يالله كل واحد يحجي شنو سوى من طب على الجامعة اول يوم من راح يقدم

وشنو كان شعورة من طب على الجامعة
وشنو كانت ملا بسة

ومنو اخذ وياه

وشلون راح

وشسوى هناك

وشوكت رجع لبيت



اول ماطبيت خايف شويه لكن مو اول مره اروح للجامعه

رحت عالتسجيل وكملت شغلتي يعني بس اداوم وبعدين رحت للكروب مالتنه

اول مدخلت ضايج وبعدها ضايج واجتي بنيه الله يخليها هسه انقلت كالت احنه متقدمين بالمواد

واي شي تحتاج اشرحلك اياه اني حاضره ..


وشعور من دخلت عادي نورمل

وملابسي طاكه وحلوه

ومخلي عطر فيجي

واخذت ويايه اخو نسيبنه وتركته بوحده من كملن الشغله لان هوه استاذ هنا

بس الصعب كان الروحه لكن الله سهل ووصلنه محاجه اشرح الروحه لان الطرق زفت الا عبرنه شط بالبلم المهم وصلنه

تعرفت على كم زميل ويايه وتعبت حيل اول يوم

ومن اجيت سبحت وتغديت بس الغرب ههههههههه

وبعدها نووووووووووووووووووووووووووووووووووووووووووووم

لثاني يوم الساعه 5 الفجر هم رحت للجامعه بس احنه علينه باول يوم


وتحياتي لقطر الندى على هذا اهتمامها بهيج مواضيع


ميدو

[الموسيقار]

سنة الخ اني اجرب وعود اكلج

[الانبارية الوحيدة]

هههههههههههههههههههههههههههههههههههههههه


قطر الندى

اني راحت ونقبلت رابع عام هههههههههه


ان شاء الله تخرجون جميعا ياربي

[قطر الندى]

الموسيقار

ابن خالي شكرا لمروك ماكو داعي تكلي شسويت لان اكيد اني راح اجي وياك هههههههههههههه

الانبارية

حبي ان شاء الله تروحين احسن كلية

[محمد العراقي90]

اول مدخلت كنت كثير خايف بحيث ارتجف لان اذا اتفشل شنو الي ينقذني مره لخ هههههههههه لاكن الحمد لله عبرت سلامات :we5::we5:

[قطر الندى]

ههههههههههههه

شكرا على الرد الجميل خيوو محمد

تحياتي لك

[ابن زيونه]

اول ما دخلت الجامعه حمدت الله لان هذا المكان جدااااااااا احترمه واحبه و اجمل شي اسوي احمد الله الذي وفقني لهذا

[ابن زيونه]

لا يدوم ربيع العمر ولكن (( نظارة)) القلب هي التي تدوم .**

[مهند احسان الخفاجي]

شكرا على الموضوع الحلو
طبعا اني اول ماطلع قبولي بالجامعة كلت حيل شيوديني للرمادي (لان اني من كربلاء)
بس صديقي بالمدرسة طلع مقبول ويايه بكلية التربية واني هندسة كلي خل نروح لأن هو يندله كون اختة كانت تدرس بيها سابقا واجينة بشهر التاسع والجو حار والطريق كان طويل كلش اجينة سجلنه كلمن بكليته بس اني كالولي اله يجي الكفيل ووالدي ضابط بالجيش وشيجيبه كالو ميصير ورجعوني وجبت والدي وره اسبوع وسجلت ولكيت من جماعتي هواية وسكنا بمجمع الوليد مقابيل المحافظة لان قسم فواز بوقته كان مينسكن وتونسنا بالجامعة وبالمجمع وتعرفت بمئات الاصدقاء من الرمادي والفلوجة وهيت وحديثة وراوة وعانة والقائم وزرت كل المناطق ماعدا عانة يعني حيل اتونست وتعرفت بأهل الانبار الطيبين والي اني هسة حيل مشتاق اشوفهم وازور الرمادي بس شنسوي للوكت الصعب
دوختكم بس انتو ذكرتوني بالايام الحلوة

[علاء العبدالله]

شكرا على الموضوع الحلو
طبعا اني اول ماطلع قبولي بالجامعة كلت حيل شيوديني للرمادي (لان اني من كربلاء)
بس صديقي بالمدرسة طلع مقبول ويايه بكلية التربية واني هندسة كلي خل نروح لأن هو يندله كون اختة كانت تدرس بيها سابقا واجينة بشهر التاسع والجو حار والطريق كان طويل كلش اجينة سجلنه كلمن بكليته بس اني كالولي اله يجي الكفيل ووالدي ضابط بالجيش وشيجيبه كالو ميصير ورجعوني وجبت والدي وره اسبوع وسجلت ولكيت من جماعتي هواية وسكنا بمجمع الوليد مقابيل المحافظة لان قسم فواز بوقته كان مينسكن وتونسنا بالجامعة وبالمجمع وتعرفت بمئات الاصدقاء من الرمادي والفلوجة وهيت وحديثة وراوة وعانة والقائم وزرت كل المناطق ماعدا عانة يعني حيل اتونست وتعرفت بأهل الانبار الطيبين والي اني هسة حيل مشتاق اشوفهم وازور الرمادي بس شنسوي للوكت الصعب
دوختكم بس انتو ذكرتوني بالايام الحلوة

حبيبي هنودي
يعني بعدك تذكر الرمادي لو نسيتهة مثل المرشدي وشطري وبهاجي
شلونك أخوية يارب تكون بخير

عذرآ لأني لم أكتب قصتي مع يومي الأول في الجامعة لكنني ساكتبها لاحقآ



علاء العبدالله والله ينتقم منك يا دنيا

[مهند احسان الخفاجي]

والله وانته مامحلفني اول ماقريت اخر مشاركة من العناوين اسم علاء العبدالله كلت شيصير لو هذا علاء الفلوجي صديقي العزيز ومن دخلت وقريت المشاركة ضحكت كلت والله الدنيا بخير واحد يذكر الثاني
شلونك حبيب شخباركم اني الحمد لله زين وتزوجت وعندي حسنين عمره سنة وستة اشهر واخو الثاني بالطريق وعملت بعقد بالصحة قبل سنتين وهسة تثبتت بالصحة والحمد لله انته شخبارك وعبد القادر وشيخ خالد والله حيل مشتاق لاخباركم اني ايميلي muhand001@yahoo.com ضيفي يمك وخلينا على تواصل
طبعا احمد الشطري اني هم من زمان ماسامع اخباره وبهجت ادزله سلام ويه عادل زكي الكربولي وميرد اني طبع يوميا على النت ويا عادل الكربولي اني اعز اصدقائي حيل علاوي
واني هسه حيل فرحان بتواصل وياك

[فائز الراوي]

مشكورين على الموضوع الذي يحمل جميع المعاني الجميله بحد ذاتها والتي تعبر عن الفرح والحزن وكل شي جميل في الحياة الدراسيه

اني قبل ما اطب الجماعه دعمت سيارة العميد وجانت عندي سياره على كد حالي برازيلي خصوصي والمصيبه اذا هسه اكول الكم متصدكون من هو العميد العميد ولله وبدون اي مبالغه يصير خالي الي ماشايفه بحياتي ولاهو شايفني بس من قره السنويه كام يضحك وكلي الحكني وتعرفت عليه والعميد اسمه عادل سعيد الراوي اخو امي الح واني بس اعرف اسمه وبعدين كعدت بالمكتب مالته وقدملي اوراقي وانقبلت وتعرفت على مجموعه اصدقاء اما البنات الي تعرفت عليهم مو من ضمن كليتي جانو من غير كليه وهسه اني مشاق الهم هوايه وياريت الزمان يعود وارجع طالب ولله احسن

اما عن الملابس جنت لابس كابوي من فوك لي جوه وسياره عندي جنت طاك هههههههههه

مع تحياتي للجميع

[مدينة الموت]

شكرا على الموضوع لي اكثر من رائع بل روعة
طبعا اني قبل لا ادخل جامعة الانبار كان طموحي هندسة فالمهم انقبلت هندسة بجامعة الانبار قسم السدود والموارد المائية2003
المهم اول مادخلت الهندسة واول يوم كنت مشفر يعني ضايج لان بصراحة جامعة الانبار تعبانة واول محاضرة لطشت علينة استاذة اسمهه ابتهال شون معقدة واكو وياهه استاذة مساعدة نسيت اسمهه ولله خانتني الذاكرة اخذتنة محاضرة رسم هندسي المهم اني ضايج ولله واجاني ولد ديقي وااعتبرة اخ واكثر من اخ اسمهه ليث وتعرفت علية اني بصراحة كنت خجول نوعا ما ويانة بنات هواية بس لاتخافون كلهن ميطلع بيهن اريد اطلع من المحاضرة هماتين اضوج اكثر لان مااعرف احد كلت خلي امشي بس هاي المحاضرة وبلكي الله يفرجهه نتعرف على بنت حلال هاي عيني اشو كلما اريد اوصل يم وحدة دا اتعرف عليهه اشو ماشاء االله راسا الاسم الثلاثي واللقب والمواليد عبالك اريد اطلعلهه جواز سفر ماشاء الله لا قبضت الفريدو المهم شفت الشغلة تعبانة فتركت هاي الشغلات وفكرت بدراستي وخصوصا اني طموحي الدراسات فاخذت والحمد لله الاول على القسم وتخرجت وكانت الجامعة هية اسوا فترة بحياتي
يلة اني لطشت هواية المهم شباب اني طبعا مشرف قسم هاك الشبكات بمنتدى عراقي اي شي تحتاجون اني حاضر برامج هاكات ايميلات مواقع شبكات
تحياتي الفريدو

[ابن الانبار مصطفى]

مشكوووووووووووووووور قطر الندى على الموضوع وان شاء الله بقالي سنة وحده من انجح باااااااامر

الله ابعث الجوووووووووووووووووواب هههههههههههههههههههههههههههههههه تحياتي لكي

واتمنى لكي الموفقية بالمنتدى ابن الانبار مصطفى مشكووووووووووووور جدااااااااااااااااً على الموضوع

موضوع جميل جداً

[William Blake]

انا اول يوم دخلت بي للجامعه انطردت من القاعه

[William Blake]

شنو لازم ممصدكين انه من اول يوم انطردت تره صحيح بدون شقه
تعرفون ليش لاني ملابس زي موحد
كان كلي الاستاذ الله يذكره بخير اتفضل اطلع بره
كتله يمعود ابو الغيره
بعد ما گلنه يالله
بس من رواها الى حد ما اتخرجت اني ما اذكر خالفت بعدها بالزي
اما بالنسبة الى مرحلة التقديم فكانت صعبه حيل عليه
لان قدمت على كلية مو مثل ما ردت اني من البداية
فرحت بمزاج عكر و ما الي واهس
لكن الحمد لله على كل حال

[حمودي الدليمي]

هههههههههههههههه
خوش والله من اول يوم تنطرد من القاعة غير حظ عندك
هسه احنه
يوم ايدورون زي ويوم لا
اني بس السبت والاحد والاثنين البس زي
والباقي لا الواااااااااااان
تسلم حبي
بالموفقية الك

[هبوشة المنفوشة]

ايييييييلتذكروني باول يوم الي يلة راح احجيلكم

اول يوم داومت طبعا اني مو من سكنة الانبار يعني كعدت قسم داخلي واني واختي ثنيناتنة مرحلة

اولى داومت وياية اول يوم مجان اكو دوام يعني يعني بعد مبدة بس هيج رحنة للكلية شفنة ماكو احد

رحنة على بت عمي بكلية التربية جانت عدهه محاظرة فكعدنة ننتظرهه عالمسطبات طبعا مجموعة ولد

كعدو ورانة وطلعو روحنة وهمة يحجون ويتحارشون(غ88)

واحنة كاعدين بابا خابر شو اني محسيت الادموعي

كامت تنزل ثنيناتنة اني واختي والله لان جنة ضايجييييييين طالعة روحنة لان ممتعودة ابعد عن اهلي

بابا كعد يسكت بيه يكلي اذا ضايجة تريدين باجر اجي اخذكم بعدين حجت ويا بت عمي وكالتلة لا بس

بالبداية يضوجون بعدين يتعودون وصدك بعدين تعودنا بس يعني القسم مزعج ماحبه

ااااااااااخ بابا لو مخليني اقدم على بغداد مقبل علمود الوضـــــــــع :bomb:

يلة دوختكم يمكن اني هيج خلص يومي والباقييييييييين يلة احجولنة

[حمودي الدليمي]

هلا بيكم عيوني منورين

هلا بيج هبوشة
هههههههههههه خوش قصة والله كلش حلوة
الله يساعدج اصعب شي هي الاقسام الداخلية
شكرا جزيلا الج هبوشة على الكلام الحلو
تقبلي تحياتي

[نواره الحزن]

شكرا قطوره
اني اول يوم رحت اني وصديقتي
ولبست قاط كابوي (جنز)
ودخلت وكانت اول مره وشفت طلاب بس حرنه وين نمشي ههههههههههههه
افترينه الجامعه شبر شبر ورجعنه بال3
حسيت اني بوضع جديد وجنت خايفه انهو صعب اتاقلم بس الحمد لله من وصلت للتربيه عرفت مكاني وكدرت اتاقلم
بس من رجعت ماكدرت امشي لمدره 3 ايام من كد ما مشيت هههههههههه
الف شكر حبي موضوعج حلو

[حمودي الدليمي]

شكرا قطوره
اني اول يوم رحت اني وصديقتي
ولبست قاط كابوي (جنز)
ودخلت وكانت اول مره وشفت طلاب بس حرنه وين نمشي ههههههههههههه
افترينه الجامعه شبر شبر ورجعنه بال3
حسيت اني بوضع جديد وجنت خايفه انهو صعب اتاقلم بس الحمد لله من وصلت للتربيه عرفت مكاني وكدرت اتاقلم
بس من رجعت ماكدرت امشي لمدره 3 ايام من كد ما مشيت هههههههههه
الف شكر حبي موضوعج حلو

هلا والله بيج عيني
نورتي الموضوع والمنتدى
اي زين عليج
اي والله اتعب هواية الجامعة من المشي
خاصة كلية التربية شكد بعيدة
نمشي ونرجع ليورة هههههههههه
تسلمين ورد على المرور وعلى الرد

[القيسيه]

شكرا قطرندى على هذا الموضوع اني ماراح احجي على اول يوم دخلت بيه الكليه لان كان كلش صعب لان مارايد الكليه الي اني بيه بس شسوي النصيب بعد بس هسه تعودت عليه والحمد لله

[احباب روحي]

السلام عليكم ورحمة الله وبركاته
والله سوال يخبل اني واول يوم داومت وحدي ورحت على الكليه وما عرفت اسوي شي وحدي فرحت على ولد معرفه نعرفه وهو كملي شنو بس كان يوم مينسي لان بعد اسبوعين صارحني وخطبني وكان احلى يوم بحياتي يوم دخولي للجامعه رغم كانت كليتي مو من اختياري لان ردت اعيد بس الوالد الله يحفظه ما قبل

[سندريلا الهندسه]

اول يوم رحت بيه للكليه ويه اقربائنه وطبيت للكليه واتكئبت ومحبيتها ابدا ابدا
بس هسه تقريبا اتعودت عليها
يسلمو وربي روووووووووووعه الموضوع