المساعد الشخصي الرقمي

مشاهدة النسخة كاملة : ابـ 7 ـوذيات .. لشاعر الحب محمد رحيمه

MR.MSTAFA AL7SENE
08-18-2007, 12:42 AM
شلون الحبايب يارب مرتاحين
اليوم حبيت اهديلكم 7 ابوذيات
لشاعر الحب محمد رحيمه الطائي

عشرتك روحــي صَـــــــــدگ .. ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟

لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه ؟

لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم ابغيض وك تزعل عليه ؟
لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
اريد اليـــوم احضنـــــــــك .. واشتمنك
واشوفك هم تذب روحك عليه ؟

لو رأساً تگلـــــــي ارجـوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه
مريض آنه تعال اسأل عليه ؟
وشوف اشلون حالـــــي .. منتسلنـي
ولكن سيف صًّــــــــــدگ .. منتسلني
الدمع يغلب جوابـــــــــي .. منتسلني
اضحك بالچذب غصبن عليه ؟
لأن ماريــد اشوفك يـــوم .. حزنــــي
وتدري ابسيف هجرك ولك .. حزني
گلبك انت وحدك الـــــــــــي .. حزني
و ( حيازة وحمل ) سلمتك بديه

===
==
=
الف تحيه
مأسآةشاعر
08-18-2007, 04:16 PM
مشكوووور اخي مستر ع النقل المميز للشاعر محمد رحيمة المبدع في كتابة الابوذيات




تحياتي الك

مأسآة شاعر



http://www.moq3.com/img/uploads/ubq84369.jpg (http://www.moq3.com/img/)
MR.MSTAFA AL7SENE
08-18-2007, 05:30 PM
هلا بيك حبي
نورت الموضوع

تحياتي الك
$بنت البصره$
08-19-2007, 12:39 AM
مشكور عاشت الايادي كلش حلوات
لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه ؟
هنو
08-19-2007, 01:28 PM
عاشت ايدك
اختيار موفق ورائع
والى تألق وابداع وتميز

تقبل ردي والمرور

هنو
عباس الماني
08-19-2007, 04:20 PM
مشكو حبيبي مصطفى
وهاذي ابوذيه مني لكم

العشك منه استراحينه وهدنه
واخذنه من الدمعه راحه وهدنه
ياحلو الطول فك ياخه وهدنه
عجزنه من الهوا ونار السريه




تحياتي
عـــــــــــبــــ الماني ــــأس
MR.MSTAFA AL7SENE
08-20-2007, 05:00 PM
الف هلا بيك حبي
وعاشت ايدك على الابوذيه الجميله
نورت موضوعي
تحياتي الك