مسابقة اجمل قصيده وطنيه ..

[انمار علي الدليمي]

http://www.arabsys.net/pic/bsm/10.gif (http://www.arabsys.net/pic/index.php)

شلونكم شباب ان شاء الله زينين . اليوم ارتأيت انه نسوي مسابقة اجمل قصيده وطنيه ...
والمسابقه عباره عن قصائد تنشر داخل منتدى القصيده الوطنيه بشرط ان تكون بقلم العضو .يعني غير منقوله ..
وتستمر المسابقه وبكل شهر يتم التصويت على القصائد من قبل حضراتكم وذلك بأضافة رد (اصوت لقصيدة العضو ..... بعنوان .........) ..اوكي عيني عرفتو. وبنهاية كل شهر نختار قصيده واحده وهي الي تفوز فقط ...

الجوائز للقصيده الفائزه
الجائزه رح تكون وسام يوضع تحت اسم صاحب القصيده الفائزه بالاضاقه الى تثبيتها داخل المنتدى ...

نريد تفاعل ويه الموضوع .. وحاولوا تخدمون وطنكم ولو بالكلمات ..

اخوكم انمــــــــــــــــار


ملاحظه\\ كل الحب والاحترام للمشرف القدير الاخ اوراس(ذه نايت برنس) الي ساعدني في اكمال واتمام المسابقه ...شكرا جزيلا


http://www.arabsys.net/pic/thanx/10.gif (http://www.arabsys.net/pic/index.php)

[MR.MSTAFA AL7SENE]

http://www.arabsys.net/pic/bsm/13.gif

شكراً حبي نموري وعاشت ايدك على هذا المبادرة
حتى اشجع الاعضاء على المشاركه وكتابة القصائد

* بس احبب اذا اتكون المسابقه كل 15 يوم لان شهر هوايه اعتقد

وشكراً مرة ثانيه

تحياتي

[مأسآةشاعر]

السلام عليكم اخي انمار

منور اخي شلونك انشاء الله زين

والله نشكر اخونه اوراس على هاي المسابقة الوطنيه يا الله بلكي آني آخذ الوسام بس اريد الكل ياخذ اوسمه يعني اريد من الاعضاء والمشرفين ايضا قصائد أكثر من روعه الخاطر هالبلد الجريح والبطل وانشاء الله الى الامام ياربي الكل ايفوزون




تحياتي الحارة اخي نموري الك والأوراس مشكوووورين



مأسآة شاعر





http://www.moq3.com/img/uploads/ubq84369.jpg (http://www.moq3.com/img/)

[عمر الساهر]

فكرة رائعة اخي انمار ..
لكن هل هي خاصة بالشعر الشعبي ؟
الشيء الاخر ...انا من رأيي شهر مدة طويلة جدا ً ..
اسبوعين يكفي..

تحياتي الحارة

[سفير$$ الحب]

فكره لطيفه وعاشت اديكم اخوان وحب اهدي هل القصيده المتواضع ,,,,,,,,,,,بس مو تعيبون نتعلم اهم شي المشارك ولو مو شاعر انا هاوي *******ههههههه تحياتي الكم والله العراق شنكتب بحقه مقصرين,,,,,,,,


((((طبع كل عراقي))))


صحيح الطيبه طبعي وكلها تعرفني,,,,,,,,,,لاكن بلغضب بركان ما ارد,,,,,

وصيرن لليوديني جسر لطيب,,,,,,,,,,,,,,,,,,وحزام الشدايد عل الظهر انشد,,,

ارحب بلحزن ولوكته جار عليه,,,,,,,,,,,,,,,,,,,,وبفيض المحنه بحضني يتوسد,,,,,,,

اناغيله بهداوه ومسح اجروحه,,,,,,,,,,,,,,,,,,وصيرله مرهم بيه يتضمد,,,,,,,,,,,,

وحذر من جهلني مني يحذر زين,,,,,,,,,,,,,,,,اذى بلحق تراني سيف ما اغمد,,,,,

لاتحسب كلامي اتفاخر انا عليك,,,,,,,,,,,,,,,وغرور وتكبر لاتظن اقصد,,,,,,,,,,,,,

لاكني عراقي وتعرفني كل الناس,,,,,,,,,,,,,,وتاريخ المضه واليجي يشهد,,,,,,,

ونه ابن العراق المايذل بيوم,,,,,,,,,,,,,,,,,,,ويا ارض الدسته بورد تتورد,,,,,,,,,,,,

شكد مرت عليه ايام ظيم وجور ,,,,,,,,,,تحديت المصاعب وما نخيت احد,,,,,,,,,

لان طبع العراقي الغيره بلراس,,,,,,,,,,,,ولومره الفرح ادموعه فوك الخد,,,,,,,,,,,ادموعه فوك الخد,,,,,,,,

تحياتي ,,,,,,,,,,انا سفير الحب

[انمار علي الدليمي]

السلام عليكم ..... تحيه طيبه
اخواني الاعزاء المسابقه تختص بالشعر الشعبي فقط ..
اما بالنسبه للمده . اخواني المده الي يسغرقها الاعضاء بتنزيل المواضيع اقل شي 10 او 15 يوم حتى ينزل فد عدد كافي من القصائد .. والتصويت على القصائد يرادله فد 10 او 15 يوم .. بالاضافه الا انه اصل المسابقه شهريه مثل ما مكتوب جوه مسابقة القصيده الوطنيه (مسابقه شهريه ) ..
الي احب ان اكوله اليوم انه القصائد الي رح ينزلوهه الاخوان والاخوات اتمنى ان تكون بخط ولون واضحين حتى يتسنى للقارئ مشاهدة القصيده بجماليتها ...
وايضا اود ان اعلم جميع الاخوان الشعراء الي يحبون يشاركون بالمسابقه اود ان اعلمهم ان المسابقه انطلقت من يوم تنزيل الموضوع .. وعليه الي يحب ينزل قصيدته ينزلهه حتى يلحكون يقروهه الاعضاء ويسوطون عليهه ... الرجاء الاعتناء بجمالية الموضوع رجاءاا ..... ولكم مني فائق الحب والتقدير ...


ملاحظه|| من اليوم لا تقبل في هذه الصفحه اي ردود ومشاركات .. فقط للقصائد المشاركه بالمسابقه .. حتى تكون القصائد الواحده تلوه الاخرى مما يسهل قراءتها من قبل الاعضاء .وخلاف ذلك يتم حذف المشاركه.. وبالنسبه للتصويت اني انطيكم خبر واكول بده التصويت من اشوف نزل عدد كافي من القصائد ...
اي استفسار او سؤال آني حاضر ارسل رساله خاصه الي وآني حاضر ...
مع حبي واحترامي ... اخوكم انمــــــــــــار

[الشاعر جيفارا]

سئلو عل وطن كلت الوطن تعبان
ولتعب وطنة احزاب لبحضنة
وكم حزب بحزب مر عل عراق اليوم
وياحزب اليجينة يفكر بطنة
جيتونة سند كلتو الشعب تعبان
اشو زاد التعب وتولدت فتنة
وسئلو عشب كلت الشعب خلصان
ضل تفكيرة بس الشيعة والسنة
شمالك ياشعب نايم على البيبان
مو ذاك العراقي الجان مو جنة
جان اسمك رمز بين الدول والله
وهسة انتة اصبحت بين الدول ونة
وسفة اعلى الوكت خلة العراق ينوح
ولمن ناح محد شاركة بحزنة


تحياتي لكم

[*الطائر الحر*عماد خليل]

نمــــــــــوري فــــــــــــــــون
مبادرة جميله ومشكور حبي على هذا الموضوع
--------------
سفيـــــــــــر الحـــــــــــــــــــب
حياك الله وبياك كلمات روعة وجميلة جداً
-----------
الشاعـــــــــــــــــــــــــر جيفــــــــــــــــــــــــــارا
اقف اجلالاً واكباراً على هذه الكلمات الرائعة
وعاشت ايدك وعاشت الانامل التي سطرت هذا الكلام
الله يحفظكم كلكم امين يارب ويستر عليكم.

[منال]

فكره حلوه بجد....
يسلمووووووو

[انمار علي الدليمي]

شكرا على الرد والمرور اختي الفاضله.
طبعا هذا كله الخدمة بلدنا العراق. وهذا اقل شي نقدمه للعراق.
شكرا مره ثانيه .
اخوكم انمــــــــــار

[انمار الراوي]

عندي قصيدة بقلمي لكن فصيح وليس شعبي وان شاء الله عن قريب تكمل اكدر اشارك بيهة

تحياتي

[انمار علي الدليمي]

والله يا اخي ما يصير تشارك بيها مع شديد الاسف.
لأنك انت عضو عزيز وغالي علينا.
بس تكدر تشارك بيها وتنشرها بمنتدى الشعر الفصيح .
هذا ولك مني فائق الحب والتقدير