ظل مثل الجبل

[نور البدر]

ظل مثل الجبل بالك تطخ الراس
ولو طاح الجبل تتشمت أسفوحه
ظل صاحب مضيف ينومس الخطار
ومن العوز يغدي يكطع بروحه
أدريبك شهم ومعرك بدنياك
ومشجبن نماره وعاليه أسفوحه
وأدريبك أجفوفك مالواهه الظيم
ومن جرح الغميج يضمد أجروحه
شكلك شرد أسولف جابعد وياك
ماظنك بعازة رشد ونصوحه
ياعثك البريم الغافي بسلاه
كل أيد التجيسه يردهه مذبوحه
وياعنبر الديره الماكو بيه أدنان
يل كرصة خبزتك دوم مملوحه
أنته الرافكيت الشات والسرحان
بيام العداوه الكبل مفضوحه
وأنته اسنين لوعه تباهه بيك الجوع
من جانت حصار ولاتصح لوحه

مودتي نور البدر

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[باربي الموصل]

تسلمين اختي العزيزة على الكلمات المعبرة والقصيدة الحلوة

تحياتي ...

[خالد الفراتي]

تعلمين ان هذه القصيدة
قراتها..
وشككت في اول وهلة انها ليست لك..
ولكن بعدما قرات لك الابداع
المستمر من قصيدة لاخرى..
ايقنت
انك شاعرة رائعة فعلا
الف تحية لك نور

اخوك الفراتي