اجيتج من وسط بغداد

[نور البدر]

أجيتج أنه بنت بغداد أجيتج والجرح ينزف
أجيتج والجروح أكبار وجفوف الوكاحه من الجرح تغرف
مشه ومتنومس الزافوف مايدري بطبل مزروف كام يدف
مشت وبلا شراع أبليل أبتر ورمد اليغرف
يعمي أزلف
تراني موذره من الظيم لاتركب طريجي أزلف
جبتهه من الزغر للحين ألف بيهه وهي تلف
أتاني وأنتظر دنياي بلجي من التعب تنصف
لجن هاي الحقيقة شنحجي للتاريخ إذا جرح السنين وياي ظل ينزف
نكلهم بطلينه من الحقيقة وصرنه جذابين ونزيف
نكلهم سيس وي الماي حجي البلكتب مكتوب مانعرف
نلكهم مات كل أحساس بينه ولاوتر بكلوبنه اليعزف
نكلهم نام ذاك السيف بكرابه وعليه زنجر دماه وماكو اليجلف
نكلهم مايشور حيدر الكرار خله اليحلف بكيفه يظل يحلف
نكلهم زينب الحره بسبيهه ايزيد أظن منصف
نكلهم صح خسرنه الداس بس يرد علمنه يرف

هاي القصيده كتبت لأحد الأخوات العربيات التي قابلتني عند رحلتي إلى مصر

[بغدادي - ابن اليرموك]

والله حقيقة يعني انتي يمكن قلمج وايدج وانتي كلج ذهب

تسلمين يا وردة

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[هدوء]

نور البدر
عاشت ايدج قصيده رائعه
سلمتِ لنا يامبدعه
تقبلي مروري البسيط
تحياتي