إلى الأمام الغائب

[نور البدر]

إلى الأمام الحجه عليه السلام
يالمهدي جثيره آلام بكلوب الخلك تسعر
وجثيره أجروح تنزف ظيم من عده الصخر يالمهدي يتفسر
لجن محد يزيح الأه بس أنت العليهه سيدي مكدر
كوم أنهض ولم الطاح يبن الحسن نار الظلم بالدلال تتوجر
أنهض سيدي ومولاي ملينه الصبر والصبر ظل من عدنه يتعذر
غفينه وصرخة الصايح بعد بعد شتفيد إذا وجه الحقيقة أندفن ودثر
وإذا عين العباده الركداهه النوم لاتدمع بعد ياسيدي وتسهر
وكتاب الله تكتر والتراب تلول فوكه ودين أحمد صار وجه أصفر
وإذا يطبل طبلنه بلة الآذان شتظن تفيد يالمهدي خمس جلمات عل المنبر
شتظن يفيد بينه الوعظ والتوبيخ إذا بس بالكشر بالدين نتستر
وحكك سيدي شلت حرب دنياك خلت شيعتك بالخوف تتهطر
ويبسة شجرة الأسلام من فركاك يالمهدي وحك جدك علي الكرار ماظل كتر بيه أخضر
ولاورد وركه الطاح يامولاي لأن دنيانه جفت مابعد تمطر
ولأن ركن الاصول أنهدم بالمحراب من غدروا أبو الحسنين والاسلام ظل يكعر
وشيب دينه وبين عليه الظلم ولسان الصدك بحلوكنه تعثر
مته مولاي تنهض والجروح تهيد ليكم ليل ويه أنهار نتنطر
وليكم نفرش الروح أعله سن الموت وحك القبلة والقرأن والمعشر
جزعنه وحك من خلاك ذخر لهاي دخيل الله ودخيلك سيدي أظهر

مودتي
نور البدر

[safa]

بارك الله بيج اختي نور جعله الله في ميزان حسناتك

اللهم كن لوليك الحجة ابن الحسن صلواتك عليه وعلى ابائه في هذه الساعه وفي كل ساعه وليا وحافظا وقائدا وناصرا ودليلا وعينا حتى تسكنه اهله طوعا وتمتعه فيه طويلا برحمتك يا ارحم الراحمين
http://www.ammer-k.com/up/uploads/44661f3315.gif

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[هدوء]

نور البدر

عشتي يامبدعه قصيده روعه

عاشت ايدك اختي

ويارب دائماً ابداع

تحياتي