((بين حانه ومانه ضاعت لحانا ))

[Mahawi]

السلام عليكم ورحمة الله وبركاتهـ
اشلونكم وشلون الاحوال ان شاء الله بكل بخير
اليوم عندي قصهـ للمثل العراقي

(( بين حانه ومانه ضاعت لحانا ))

فد يوم من الايام تزوج رَجال من نسوان اثنين وحدهـ منهم اسمها حانهـ والثانيهـ اسمها مانهـ .
وكانت حانهـ صغيرهـ بالعمر ومتجاوز عمرها 20 سنهـ والثانيهـ مانهـ كانت جبيرهـ بالعمر ويطلع بالخمسين سنهـ والشيب تارس راسهـ المهم

وهذا الرَجال كل من كان يدخل غرفهـ (حانهـ ) تشوف لحيتهـ وتوخر منها الشعر الابيض وتكولهـ : مااتحمل اشوف الشعر الابيض بلحيتك انت بعدك شباب يمعود ليش مكبر روحك

ولمن يروح للثانيهـ (مانهـ ) تلزمهـ هي الخ وتوخر الشعر الاسود من لحيته وتكول : اضوج لمن اشوف الشعر الاسود بلحيتك وانت رجال كبير بالعمر وجليل القدر

المهم ظل الرجال على هذا المنوال الى ان فد يوم شاف روحهـ بالمرايهـ وشاف لحيتهـ صاير بيها تصحر ونقص هواي بيها صعدت عندهـ العصبيهـ ولزمهن بعصبيهـ وكالهن

((بين حانه ومانه ضاعت لحانا ))