اثكل اثكل

[نور البدر]

السلام عليكم

أثكل أثكل ومشي مشي اليستحون
ولاتصيح أصياح يل الجرحك غميج

ولاتطيح الكاع جرمد والعيون
تحشم أعليك الشماته أعله الطريج

الذيب يغدر لو بدت منه السنون
ويضحك بوجهك جذب طبع الصديج

ولاتظن أعداك من عدهم يخون
الخيانه الي تجيك من الرفيج

أزرع يخضر عرد مو زيزفون
وأشتم بعطرك جذب موللأريج

الناس عشرة وصارت العشرة تهون
شموعي لمن تنتهي تحس بحريج

وسفة خلاني الوكت حفنه ديون
وباعني الخليته يسوه وي العتيج

اليبيع أيبيع كلشي من يهون
ومن تنشده يكلج أحنه بيوم ضيج

زين يوسف قد قميصة من المتون
أحنه صبح كلشي عدنه بلايه زيج


مودتي


نور البدر

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[زياد البصراوي]

قصيدة محبكة ورائعة
احسنتي وابدعتي يا نور
شكرا لمنحك ايانا هذه النصوص مجاناً

[نور البدر]

كل الود لمن مر وترك بصمه في ديواني

مع اجمل المنى وأعذب التحايا

[بنت ديالى الجريحه]

شكراااا عيونى

عاشت ايدج حبي

[نور البدر]

شكراً لمروك بنت ديالى الجريحه
مودتي
لك

[رآفت آلحديثي]

الناس عشرة وصارت العشرة تهون
شموعي لمن تنتهي تحس بحريج

وسفة خلاني الوكت حفنه ديون
وباعني الخليته يسوه وي العتيج



اي والله يانور
وباعني الخليته يسوه وي العتيج


بيض الله وجيهج
هذا البيت لوحده قصيده


تحياتي يا مبدعه الشعر الشعبي

[نور البدر]

رافت الحديثي
الف شكر لمرورك في ديواني
مع كل الود

[فياض مخلف الطوفي]

الله يانور البدر

مبدعة والله ,,, حلو ه هذه القصيدة واكثر من الروعة كلها

تسلم ايدج اختي ودام تالقك

تقبلي مروري وتحياتي

فياض مخلف الطوفي

[امير مدينة الغرام]

احرف مميزة ممزوجه بالابداع تنثرها لنا عزيزتنا نور البدر
سلمت يمناكِ نور
لكِ تحيتي

[عازف العود]

مشكورهـ الغاليهـ و بيض اللهـ وجهجـ

[نور البدر]

شكراً عازف العود
على المرور الجميل
مودتي

[فن السماء]

نور البدر بدون تعليق ميحتاج كلاماتج الى تعليق
نتمنا من شعرائنا ان يكتبو مثل كلامج
تياتي الج

[فن السماء]

ابدون تعليق يانور البدر
اتمنى لكي الافضل

[نونه الحنونه]

السلام عليكم ورحمة الله وبركاته


ذآائقه فيها من الرحيق مايجعل القلب يغرق في تلك الكلمآات التي اختآارها لنا ذوقكـِ
(
)

رآائع بكل ماتحمله الكلمة من معنى
دمتِ ودام ذوقكـِ لنا
\\
تقبلي أحترآامي وتقديري

/الحنونه

[يوسف التكريتي]

الله الله وصح لسانج يا شاعرتنا المبدعه نور البدر


الذيب يغدر لو بدت منه السنون
ويضحك بوجهك جذب طبع الصديج

ولاتظن أعداك من عدهم يخون
الخيانه الي تجيك من الرفيج

ننتظر جديدك وما ينبض به قلمك بكل مميز

تحياتي

[نور البدر]

نور البدر بدون تعليق ميحتاج كلاماتج الى تعليق
نتمنا من شعرائنا ان يكتبو مثل كلامج
تياتي الج


شكراً فن السماء
اسم جميل ومرورك اجمل
بي اوراق ديواني
شكراً بكل اللغات

[نور البدر]

السلام عليكم ورحمة الله وبركاته


ذآائقه فيها من الرحيق مايجعل القلب يغرق في تلك الكلمآات التي اختآارها لنا ذوقكـِ
(
)

رآائع بكل ماتحمله الكلمة من معنى
دمتِ ودام ذوقكـِ لنا
\\
تقبلي أحترآامي وتقديري






/الحنونه




نونه الحنونه
الف شكراً لمرورك الرائع
بي صفحات ديواني
سلمتي لي
كل الود

[نور البدر]

الله الله وصح لسانج يا شاعرتنا المبدعه نور البدر


الذيب يغدر لو بدت منه السنون
ويضحك بوجهك جذب طبع الصديج

ولاتظن أعداك من عدهم يخون
الخيانه الي تجيك من الرفيج

ننتظر جديدك وما ينبض به قلمك بكل مميز

تحياتي



يويو
شكراً اقولها بكل اللغات
لمرورك الذي شرفني بين سطور ديواني
كل الود
بارق المعاني