رد على الشاعر الدكتور فلاح الزيدي

[نور البدر]

واقع حال مايحتاج أضمه وأستر عليه
حرامي أصبح يبوك القوت من قوته

احنه أرواحنه بكل لحظة تطلع روح
صار أسنين بعيون المكابر ننحسب موته

لان صوت الفشك صار بمجان الناي
يعزف لحن موت وصورة ومنحوته

ولأن هيبة زلمنه أنداست اعله الكاع
من طاح الوطن ويحشم بصوته

وصل صوت الفزع والناس ركضت وين
ركضت على النهب وتفرهد ابيوته

وردنه اليزهي جان بكل صبح نلكاه
صار الدم عطر بثياب فتوته *


كبل عدنه الخشب نرسم اشكال ألوان
وقف صار الخشب دكتور للموته

يهنياله اليموت ويخلص أمن الموت
ويهنياله اليموت ويلكه تابوته

ويهنياله التزفه احشود المشيعين
وعيون الأحبه تصير زاتوته

مامش ناس باجر كلنه خلصانين
تهجير وقتل واصوات مكبوته

يدكتور الفشل يستحي وظل خجلان
ظل ينكط خجل ظل ينزف أبتوته

لأن خوان كامو رضعو الغيض
ولزمو سيف يذبح ياهو اليفوته

شسولفلك بعد شحجيلك من الظيم
مطبوعه السوالف كلهه منحوته

القهر والظيم فوك الهم تراهم
ومتى الخوان ياعيني تراهم
شحذو سيف غيض الهم تراهم
وكصدهم ترد لينه الجاهليه



* (( فتوته )) شابه جرفتها رياح الدم النازف في مجزرة المستنصرية

تحياتي نور البدر

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[@@@]

لقد تالقتي في هذه الكلمات الجميله جداا
ونتمنى الخير للوطن وننتظر مزيدكي
تقبلي مروري اختي العزيزه

[نور البدر]

شكراً والف شكر لمروركم
أحبائي

[نوفل الدليمي]

يهنياله اليموت ويخلص أمن الموت ويهنياله اليموت ويلكه تابوته
احسنت ومشكورة على هاي القصيدة الحلوة وان شاء الله الابداع والنجاح المستمر
واتمنى قبول مروري البسيط مع تحياتي

[نور البدر]

شكراً لمرورك عزيزي الفاضل نوفل
مودتي

[رحــال]

عاشت الايادي

يا مبدعه شعرك جميل جداً جداً

الابداع لا يتكرر الابداع يتراكم

تقبلي مروري المتواضع

مودتي ...


اخوكِ


:: يــــــــــونــــــــــس الساهــــــــــــــر ::

[نور البدر]

شكراً لمرورك يونس الساهر
كل الود

[شاعر ألاحزان]

لاتلوم الخشب لوم ليفصله بيه لان طبع الخشب ثابت على اوزانه ولاتلوم الوطن عمي الوطن مبيوع لوم الباع كاعه ولوم جيرانه ولاتلوم الزلم تبقى الزلم عنوان لوم لعاف ربعه وترك صحبانه شسولف والسوالف تريد مني افعال الشريف بهل زمن يستر على لسانه يوسف من رحل ولداه يفكر بيه لان يعرف يضيع ابين خوانه تعتب ليش تعتب وانته ما مسموع ولا تهيج جرح ضل باقي نيشانه بعد عندي امل جنه العراق يصير لان ابطاله لسه واحنه شجعانه اكتب عل ظلم لاتبقى خايف دوم خلي الحق امامك وانته عنوانه تحياتي شاعر الاحزان

[احمد الذهبي]

كلام جميل رغم الأخطاء الوزنيه
عاشت الانامل وارجو ملاحضة
الوزن في كتاباتك القادمه
وارجو قبول مروري
,,,,,,,,,,,,,,,,
احمد الذهبي
,,,,,,,,,,,,,,,

[نور البدر]

الف شكرا لشاعر النجوم
احمد الذهبي
شكراً للملاحظات
مع ارق المنى
نور البدر