عتاب

[نور البدر]

أعاتب من بعد شيفيد الأعتاب
خلصنه الحجي وتيهنه حسبتنه

وجنه نكول غيمة صيف تنزاح
وصدكنه السراب وبيه أمنه

وأملنه المطر ينزل بعد يومين
مامش لانده ولامزنه مرتنه

عمرنه الفات خلصناه صفنات
بين آمالنه وحيرة أمرنه

شبعد يا الماتمر مو طال الغياب
صبرنه وبالصبر خلص عمرنه

جبناهه دفع نتوسل الحسرات
بلجي بليلة ظلمة يشع كمرنه

أشتهيناك أشكثر ما بالروح حسرات
بلجي الطيف لحظة يلم شملنه

ونفز والبال حاظن أحلى الأطيوف
ونتلمس جرح طايب جرحنه

تعال.. العين ذبلهه البجي وي جور الأيام
وكبرنه أعله الصبر كد ماصبرنه

أمس فز الحلم يطلبني ضحكة موت
بيا صورة التجينة وطيفك يسرنه

وتموت الذكريات بطن الافراح
وإذا تطلك فرح ينزل قهرنه

صب تيزاب دهري بنص العيون
ومامش أيد تنمد لوعثرنه

جليلة عكل روحي متانية الحاصود
تشتل بالصبر وبغيضه يحصدنه

شبعد والدنية ظلمة بساعة أغروب
أشو بعد العصر غابت شمسنه

مثل الناس أحنه لو قدر مكتوب
لو كل القدر رافك قدرنه

حرت وياك كلي منين أجلب بيك
إذا أنت خيال أمنين ألزمنه



مودتي
نور البدر

[عيوني ملاك]

شكر يا مبدعتنه ومتألقتنه ومميزتنا الروعه على القصيدة الجميله

الله لايحرمنه من ابداعات أناملج الذهبيه واحساسج وروحج الراقي

عاشت ايدج ويسلم القلم

ارجو ان تقبلي مروري البسيط مع تحياتي

[رآفت آلحديثي]

الله يا نور


كما الحال للابداعات المتواصله

هنا الجمال ينثر بالحروف

متألقه وجميله بكل ما تكتبين

تقبلي مني ارق واجمل تحيه

شكرآ لهذا النزف العطر
والقصيده الرائعه يانور

تحياتي
رافت

[ايات الراوي]

عاشت ايدج اختي على القصيده الرائعه والى ابداع اكثر
تقبلي مروري البسيط
ايات الراوي

[نور البدر]

كل الود بأعذبه
وكل التحايا بارقها
وكل الشكر باجزله
لمروركم في ديواني المتواضع
مودتي

[مرسى الاحزان]

عاشت ايدج اختي نور
وكد ما اقراها احفظتها

[امـــ الحب ــير]

عاشت ايدج نور على القصيده
الجميله والله قصائدج كله رائعه

[نور البدر]

حسن البصراوي
امير الحب

كل الشكر اعزائي لمروكم
بين سطور ديواني
مودتي

[بابلية]

عاشت ايدج نور على القصيده الروووووووووعة

والله قصائدج كله رائعه
__

تحياتي

[شاعر ألاحزان]

لاتعتب بعد باب العتب مرفوض ضم كل السوالف وقفل ابوابك
وانسى انته الهويته ولاتفكر بيه ذيابه اطباعهم صدكني احبابك
زرعت الخوف بيدك هسه منه تخاف مدكلي لعد منهو العليه جابك
اصحابك نفسهم هم غدرو بيك نفس خوان يوسف ذوله اصحابك

بخجل متواضع كتبت ابياتي لكي ايتها الشاعره المبدعه نور البدر تحياتي شاعر الاحزان

[نور البدر]

لاتعتب بعد باب العتب مرفوض ضم كل السوالف وقفل ابوابك
وانسى انته الهويته ولاتفكر بيه ذيابه اطباعهم صدكني احبابك
زرعت الخوف بيدك هسه منه تخاف مدكلي لعد منهو العليه جابك
اصحابك نفسهم هم غدرو بيك نفس خوان يوسف ذوله اصحابك

بخجل متواضع كتبت ابياتي لكي ايتها الشاعره المبدعه نور البدر تحياتي شاعر الاحزان


شاعر الاحزان
سلمت لي على هذا المرور الرائع
مودتي

[! Toota !]

تسلم الايد التكتب الاهات والونة:)

كلش كلش حلو
شكرا قلبي عليه

ينطيج العافية

[حنان الروح]

أشتهيناك أشكثر ما بالروح حسرات
بلجي الطيف لحظة يلم شملنه

ونفز والبال حاظن أحلى الأطيوف
ونتلمس جرح طايب جرحنه

تعال.. العين ذبلهه البجي وي جور الأيام
وكبرنه أعله الصبر كد ماصبرنه

الله الله....عزيزتي::نور البدر::

كلمات روعه عاشت ايدج غاليتي

وهذا موجديد عليج الابدااع

انشالله دوومج في تميز مستمر

تقبلي مني اجمل وارق التحية

[جليل رحيمه]

كلمات جميلة يانور

تمنياتي لك كل الخير

تحياتي

[احمد الصالحي]

حلو نور وربي حلوو


اتقبلي مروري البسيط هناااا

اخوج

ابن البصره

احمد الصالحي

[MARIA]

أعاتب من بعد شيفيد الأعتاب
خلصنه الحجي وتيهنه حسبتنه

وجنه نكول غيمة صيف تنزاح
وصدكنه السراب وبيه أمنه

وأملنه المطر ينزل بعد يومين
مامش لانده ولامزنه مرتنه

عمرنه الفات خلصناه صفنات
بين آمالنه وحيرة أمرنه

شبعد يا الماتمر مو طال الغياب
صبرنه وبالصبر خلص عمرنه



اختي الغالية

سلمت يداك وسلم قلمك المبدع

مشاركة جدااا رائعة


تقبلي مروري المتواضع