الشاعر هادي البديري
01-29-2008, 09:17 PM
قصيده شعبيه باسلوب ( الحسجه ) انشاء الله تعجبكم
شكثر عدنه اشيوخ صارو بالمضيف ---- لاكن اتمنه يصح واحد شريف
---------------------------------------------------------------------
لاكن اتمنه يصح واحد صدك
بلكن ابسنته يخيطله فتك
لا حجينه وياه يشركنه شرك
وحتى تحجي الناس هنياله الرديف
---------------
يعرف امراد الزلم كبل الكلام
ويعدل الغلطان ويعم السلام
موش مثل الجان رابي عل الحرام
متيه الزينات والمنطق سخيف
---------------
متيه الزينات وامنطق دغش
ولوسمع هوسات صاحبنه ركش
عود حل اشكال وادم من دبش
اشلون يكدر وانخلق هوه كفيف
---------------
شيوخ اجتنه اكثير ماتكدر تعد
بكثر مد الشوف لا اكثر تعد
لا هيه اتحله ولا هيه التشد
ظلو ابطرك السفر بس الرفيف
--------------
بس رفيف اجناح طياره يهف
اشما نشدنه اعليه صاحبنه يسف
ابنعيم ايكول شعبي اشكد صلف
هذه ربحي وياك من ذوله الفيف
-------------------------------------------------
ارجو من الله ان تكون وصلت فكرة القصيده يا عراقين
وشكرا الشاعر هادي البديري
شكثر عدنه اشيوخ صارو بالمضيف ---- لاكن اتمنه يصح واحد شريف
---------------------------------------------------------------------
لاكن اتمنه يصح واحد صدك
بلكن ابسنته يخيطله فتك
لا حجينه وياه يشركنه شرك
وحتى تحجي الناس هنياله الرديف
---------------
يعرف امراد الزلم كبل الكلام
ويعدل الغلطان ويعم السلام
موش مثل الجان رابي عل الحرام
متيه الزينات والمنطق سخيف
---------------
متيه الزينات وامنطق دغش
ولوسمع هوسات صاحبنه ركش
عود حل اشكال وادم من دبش
اشلون يكدر وانخلق هوه كفيف
---------------
شيوخ اجتنه اكثير ماتكدر تعد
بكثر مد الشوف لا اكثر تعد
لا هيه اتحله ولا هيه التشد
ظلو ابطرك السفر بس الرفيف
--------------
بس رفيف اجناح طياره يهف
اشما نشدنه اعليه صاحبنه يسف
ابنعيم ايكول شعبي اشكد صلف
هذه ربحي وياك من ذوله الفيف
-------------------------------------------------
ارجو من الله ان تكون وصلت فكرة القصيده يا عراقين
وشكرا الشاعر هادي البديري