حوار دارمي بين " حبيب وحبيبتة "

[الشاعر حسين المالكي]

السلام عليكم
حسين المالكي يقدم الكم حوار صار بين حبيب وحبيبية
تعالو نتابع الحوار ,,



الحبيب
مزدودة كــل الطرق صبات واســلاك
عبوة تحــط بلدرب صدكني اتعنــــاك


الحبيبة
عبــوة احطلك بلـدرب وازرعهة انـي
تدري شوكت تنفجر من كلبي ينسانـي


الحبيب
الكلب ماينســاك جيـف انــت دمـة
الجرح لو بـــي فاض ياهو اليلمـة


الحبيبة
الجرح لو بـي فاض اضمادة ادية
والجــرح لـــو ينشـــال انكلة بية



الحبيب
شتنكل جرح عاكول وتحطة يمـك
ربع العلي لو بيك يتلاشـة جدمـك


الحبيبة
فدوة تـروح اشلاي صدكنـي لجلك
لو انت سـل بلروح هــم مــا أمـلك


الحبيب
ادري تحبني هواي بس اني اكثـر
بلحلم شفتك طيف وخايــف لتعثـر


الحبيبة
بلحلم انت هـــواي خايف عليـة
اشحـــال لــو بلعين تلمس اديـة


الحبيب
لو شفتـــك انــة اليــــوم ثــــق مااعوفك
ساعة اصفن عله العين وساعة بوصوفك


الحبيبة
اشدعوة ساعـة هــواي تصفن علعيـون
من توصل الخدين .. والحاجب شلــون


الحبيب
بلوصف حــاير ليــش .. وصفــك يتعب
هذا انة حالــــي اعليك بلوصــف داحب


الحبيبة
عـــوف الوصــف يهـواي صدكني احبـك
مــــن كثـر ماانــــــــة اهواك مرات اسبك


الحبيب
سبني شتسب اهـــواي انــــي اريـــدك
اتمنة انــــــة دمـــــاك ومعيش وريـدك




اخر شي ملت الحبيبية وكلتلة
عله اهلي يمتة تمر وتخطبني فضهة
كل مـا تمر ايـــــــام ايــدي اعضـــهة


الحبيب
لتعضعض ايــــدك ليش جايـلك اني
بزفتنة احنة الكــون .. يطرب اغاني




وعـــــــــاشــــــــوا عيــــــــشة سعـيــــــــــــــــــــــدة



تحياتي لكم
حسين المالكي

[تــ على الراس ــاج]

روعه

تسلم يمناك خويه
وياريت دائما ما تستخدم اسلوب المحاورة بين اثنين بالشعر
لانه يجعل الشعر سلسل ومفهوم اكثر

وننتظر جديدك

تحياتي

[ابن الانبار الوفي]

حلوه وكلش جميل
حوار حبايب ويا عيني عليه .
شكرا جزيلا لك اخي الكريم وشاعرنا العزيز حسين المالكي.
منتظرينك مع كل جديد وقديم من نتاجك الحلو ..



ابن الانبار الوفي

[الشاعر حسين المالكي]

الف شكر مشرفتنة العزيزة على المرور الجميل
والف شكر للاخ العزيز والخالي الوفي
تحياتي لكم على المرور والكلمات الجميلة
واني خادم بكل ماهو جديد
تحياتي ,,,

[بمبوني]

عاشت ايدك على الدارميات الروعة والله انت روعة يسلموووووووووووو

[الشاعر حسين المالكي]

الف شكر بمبوني على المرور الجميل
نورتنا ...

[حلوة بس المشكلة كلش خبيثة]

عاشت ايدك خيوووووووووو روعة والله
تقبل مروري وردي المتواضع
اختك حلووووة

[الشاعر حسين المالكي]

الف هلة بيج وردة ويسعدني مرورج الجميل
تحياتي لك ِ ...