كم بيت من الابوذيه بلكي يطلعن حلوات

[الشاعر هادي البديري]

لسلام عليكم ورحمة الله


عيني من الدمع جفت وشالت

ويدي من الطم عابت وشالت

على العافت منازلها وشالت

اعزاز ولا عرفنه اليا نويه

--------------------------

بيش الحك زماني بعد والحك

ابرجال الما تميز البطل والحك

سطرني الوكت باليافوخ والحك

علي طكات حيل اوجرن بيه

------------------------

علامج دومج اطحنين يرحاي

ولا ساعة توكف نزف يرحاي

نفذ صبرج شلج من راي يرحاي

انكسارج ورج الشمات بيه

--------------------------------

موحن من بيابي العين ينهار

ابسبب كل التنصحه عكس ينهار

الوكت مثل الجرف لحظات ينهار

علامك ماخذت منه سجيه

----------------------------------

على راسي لدك ابصخر هدماي

ركد حيلي وبعد ما شيل هدماي

من مثلي على كاع البور هد ماي

دمع مو ماي فاض اعلى الوطيه

---------------------------------


منقول من ديوان المرحوم الحاج تكليف الصكبان