الشاعر هادي البديري
01-30-2008, 12:42 PM
نتساجل انا وياك شعر وقوافي
بس مو بعدين يومين وتكلي كافي
الحجامي
-----------------------------------
هادي البديري
حجامي اني وياك نبديها بالحب
بس مو بعد يومين واحدنا يكلب
---------------------
الحجامي
صادق صدقت وياك وفيت وعدي
وامطر وفه واخلاص وابقه على عهدي
------------------------
هادي البديري
كلك وفه واخلاص لامو جديده
وغيرك سبع بظيم محد يفيده
--------------------
الحجامي
حجامي للطيبين ناذره روحه
ومن طيب اهل ذيقار طيب جروحه
--------------------------------------
هادي البديري
حجامي ومن الطيب انخلق دمه
جي لن اهل ذيقار السمو اسمه
-----------------------
الحجامي
حسراتي مو حسرات حسراتي كومه
وين الولف والكاه؟؟عند الحكومه
---------------------
هادي البديري
شنهو الوكت واتكول حسراتي حسرات
هوه الجبل ينهار لو داسته الشاة
--------------
الحجامي
تصفن على اليحجون لاوالله غلطان
هوايه الحجي يسمعوك ويعادل اطنان
-------------------------------------
هادي البديري
الحجي الفارغ دوم لاتصفن اعليه
واكطع السن الجان يتباهه بس بيه
----------------------
الحجامي
الكلب لو ينشال شلت اول العام
من يوم راح الحيد دلالي مانام
----------------------------------
هادي البديري
الكلب من ينشال محد يفيده
بس الله رب الكون هوه اليعيده
-------------------------------
الحجامي
هسه عرفت خوان وتخاف منهم
وخوتهه تمشي بزود ما جنهه اختهم
----------------------------------------
هادي البديري
لا مو قصده الخوف من حجي اهلها
كثر الحجي يفلان ساهم ابذلها
-------------------------------
عاشت ايدك ياشاعرا واستاذنا كريم الحجامي
تقبل ردودي المتواضعه
وشكرا تقبل مروري
اخوك الشاعر هادي البديري
بس مو بعدين يومين وتكلي كافي
الحجامي
-----------------------------------
هادي البديري
حجامي اني وياك نبديها بالحب
بس مو بعد يومين واحدنا يكلب
---------------------
الحجامي
صادق صدقت وياك وفيت وعدي
وامطر وفه واخلاص وابقه على عهدي
------------------------
هادي البديري
كلك وفه واخلاص لامو جديده
وغيرك سبع بظيم محد يفيده
--------------------
الحجامي
حجامي للطيبين ناذره روحه
ومن طيب اهل ذيقار طيب جروحه
--------------------------------------
هادي البديري
حجامي ومن الطيب انخلق دمه
جي لن اهل ذيقار السمو اسمه
-----------------------
الحجامي
حسراتي مو حسرات حسراتي كومه
وين الولف والكاه؟؟عند الحكومه
---------------------
هادي البديري
شنهو الوكت واتكول حسراتي حسرات
هوه الجبل ينهار لو داسته الشاة
--------------
الحجامي
تصفن على اليحجون لاوالله غلطان
هوايه الحجي يسمعوك ويعادل اطنان
-------------------------------------
هادي البديري
الحجي الفارغ دوم لاتصفن اعليه
واكطع السن الجان يتباهه بس بيه
----------------------
الحجامي
الكلب لو ينشال شلت اول العام
من يوم راح الحيد دلالي مانام
----------------------------------
هادي البديري
الكلب من ينشال محد يفيده
بس الله رب الكون هوه اليعيده
-------------------------------
الحجامي
هسه عرفت خوان وتخاف منهم
وخوتهه تمشي بزود ما جنهه اختهم
----------------------------------------
هادي البديري
لا مو قصده الخوف من حجي اهلها
كثر الحجي يفلان ساهم ابذلها
-------------------------------
عاشت ايدك ياشاعرا واستاذنا كريم الحجامي
تقبل ردودي المتواضعه
وشكرا تقبل مروري
اخوك الشاعر هادي البديري