الحلم

[خالد الفراتي]

تكلي احلم؟؟
ياحلم قصدك تكلي..!!
وروحي باعت ذكرياتي لغير اسمها
ياحلم ....ياطيف...كلي؟
وهية كل مصباح يجدد ندمها
وضغطت اعلية الليالي.
.وكام يتجسس نجمها؟
وغركتني بطول ليلة....
.....وعطرت ثوب الغفة بلكت اشمها
وباعدت بيني المسافة..
وداست اعلة اذيال فجري..بكل جدمها
وانة من شفت الصبر..يسحب اردانة ويروح ومافهمني
..غطت الروح بحلمها..!!


..............
وياحلمها
وردة تتنطر نداها
وتنطر اجفوف الهدية التكطع وتنطي شذاها
ولنها بين اجفوف سيف
لا كطعها.......لالوها
بس ذبحها بعين خرسة
وطاحت ومافاض دمها؟؟
،،،،،،،،،،،،،،،،،،،،،،،،



وياحلمها.....
.جن كنيسة بيوم احــــــــد..!
فوك متعلك جرسها
ذابل الصوت بجرسها
ساكت الصوت بجرسها
اجدام خرسة...اعيون خرسة
يصعد وينزل نفسها
اجفوف دكت عالكنيسة
انفتح باب الكنيسة..!!
ماكـــــــــــو..احد؟؟




،،،،،،،،،،،،،،،،،،،،،
وياحلمها..؟
حديثة..شوك الشوك اخذها.
وفتحت الباب اعلة امها
يصير اخذ من سمار اخدودي للماعندة بيت..
يصير افك شباج عيني
واعصر الشفة على اشفاف الهويت.؟
يصير يمة انة غويت...!!!
صدك يمة انة انتهيت
صدك يمة الليل يندل بابي لو لحظة غفيت..؟؟
وامها..سدي الباب يمة؟
العين اول ذنب والخد..راضي لوهدروا دمعه
اوالكلب..فك قفص صدره..
العين لو شافت ...سمعها؟؟
وهذا حال امج ييمة.
.ذابل وناحل رسمها
..
امج الحطت كحل..تنطر ابوج
منها جف الموت باكة؟؟
تاهت ومحد يلمها........؟؟



،،،،،،،،،،،،،،،،،،،،
وياحلمها..
هاكثر ياليل ليلك..دخلص وحتى افك عيني..
واذبح بشوفي على اول فجر.
.حتى لاظلن ..اخيط عيني وامشي اعل الجمر
يلله..يمعود دخيلك..ماتمر
ومادريت النجمة مايخلص حلمها.
.وياحلمها..




حبل............
متلولح على اطراف النهر
..ويمة جثة
.وذكريات.
.العجيبة؟؟
الحبل بالمي بي نفس من الحياة..
وبالنهر..غركانة..تتنفس جميع الذكريات..
وعالجرف..شفت اللي مات.
.شلون مات.......؟؟
ليش مات.......؟؟
الصبح فزز سؤالي
والصبح فسر سؤالي..
هذا قانون الحياة...
ــــــــــــــــــــــــــــــــــــــــــــــــــ ـــــــــ

[زياد البصراوي]

خالد الفراتي
اليك ارق تحية من قلب محب
على هذه اللوحة المميزة دائماً
في ذهني
اسمحلي الوطئ قليلاً بديوانك
لأشكرك ليس ألا
قبلاتي لجبينك

[نور البدر]

شكراً للمبدع خالد الفراتي
اسمحلي المرور على ديوانك وترك بصمتي
لكلامك الرائع
مودتي

[رآفت آلحديثي]

الشاعر العملاق خالد

الحقيقه وبدون مجامله عندما أقرء لك

نص من نصوصك وكاني مع ذكريات الامس

القريب مع نسمات حروف شاعرنا واستاذنا الجليل

(( عريان السيد خلف )) انسياب بالحرف وشفافيه

كالجلوس عند جرف الماء وصوت الموج يداعب شواطئ

المخيله لتنقل لك صوره جميله تعيشها باحساس كاتبها


موفق دائما تقبل مروري بديوان ابداعك الجميل

تحياتي من القلب اخي خالد

[تــ على الراس ــاج]

رائع واكثر من رائع

تسلم يمناك اخي

والف مبروك افتتاح الديوان


تقبل مروري

تحياتي

[اياد صادق]

شكرا الك كثير جميل عاشت ايدك على الموضوع

[الشاعر هادي البديري]

شكرا يلفراتي على الاحساس الرائع والله

ياشعر يامتمكن

تقبل مروري

الشاعر هادي البديري

[الوطني]

تعيش على اجمل الكلمات ومني الك هاي :

لعب بيه الوكت شلون العاب
ومشاني اعلى مايه وين ميريد
عيشني بحلم والحلم تعبان
بكيفه يرفعني وينزلني يــــــريد

[MR.MSTAFA AL7SENE]

الله الله عالقصيدة

جميلة حقاً

تحياتي

[الشاعر ليث النعيمي]

الشاعر الرائع الكبير خالد الفراتي

السلام عليكم

تفعيله رائعه لا استطيع ان اضع الرد انيي متوتر تائه امام كلماتك

بارك الله فيك واحسنت

تحياتي واشواقي يا غالي

ليث

[IMAN]

This is not just a poem, but you have created a peice of art which is filled with passion and real emotions .
i hope all your dreams and aspirations come true,
thankyou for sharing this lovely and beautiful poem