نبدأ نبدأ من جديد...حتى نحقق مانريد...

[ملكة الجماجم]

نبدا نبدا من جديد حتى نحقق مانريد"
هذا الشعار الي رفعوه طلبة كلية الطب بأعتصامهم ضد العمادة الموّقرة الي الكل شاف تقرير الحرة عراق من طلعوهم البارحة
لكن السؤال الي يطرح نفسة ويكول وين طلبة جامعة البصرة ؟؟؟وين نخوتهم؟؟؟
غير توكفون ويه اخوانكم ؟؟؟شمعنى طلبة الطبية وياكم بكل الازمات الي تمرون بيها؟؟؟
وين شباب الهندسة ؟؟نسوا وكفة شباب الطبية وياهم سنة 2005"سنة السفرة الغبرة"؟؟؟
وينكم ؟؟؟
كل طلباتهم والي هي مشروعة استقالة العمادة وهذا بس الي يردوه
لان اذا ظلت هذي العمادة معناها كل الطلبة او ما يقارب 90%منهم راح مستقبلهم..وكالعادة رئاسة الجامعة خايفة على كراسيها فما كو عميد راح يوكف ويه الطلبة ...الا اذا انتو وكفتوا وياهم واعتصمتوا لو بس كم ساعة يومية وبس تضامنا وياهم حتى يضغطون على رئاسة الجامعة ويقبلون استقالة العمادة المحترمة
واتمنى منكم ردود ولو تنشرون هذا الخبر بكلياتكم نكون ممنونين الكم

[salahsport_82]

تحياتي للاخت العزيزة بس ماعرفنا اي شيء عن هذا الموضوع ومع ذلك وبآسم طلاب كلية التربية الرياضية معاكم ............ تحياتي

[سندباد]

الاخت ملكة ..اني خريج 2002 بس ارجوا ان يتسع صدرج انتي واخواني لكلامي

ملكه ..عتبج ابمحله بس للأسف الطلبه متذبذبين بين مؤيد للأعتصام وغير مؤيد

وبحسب تقرير قناة الحره الي شفناه عدد الطلبه قليل المفروض طلبه الطب ..

الكل ينتفضون ضد عمادتكم الهزيله ..هو الطالب شنو يريد غير امتحانات بموعد

مظبوط واشئله مرنه شويه تماشيآ مع الوضع الحالي وخصوصآ البصره حقكم

وطلبكم مشروع ....اخواني اخواتي في كل الكليات انصروا اخوانكم في كليه

الطب (انصر اخاك ظالمآ او مظلوما)...وينج روح وعلا وينكم اشو بس خابصينه

[ملكة الجماجم]

وين عمي روح وعلا صف اول بعدهم مشايفين افلام الرعب
بس تقرير الحرة متتسع قاعاتنا ل800طالب لكن بعد ان وافقت العمادة على الاستقالة لعبت الجامعة لعبتها ورفضت الاستقالة حتى من يرجع يعرف شون يتصرف ويه الطلبة
لكن للعلم هاي اشاعة مال عدد قليل لان كل الطلاب ضد العمادة

[ملك الحب]

السلام عليكم

طبعا رجعنا للحروب والمعارك الضاريه
انا متوقع هذا الشي من اول يوم الاحتلال
انه
راح تصير معارضات ويرجع الاعتصام من كل الفئات للشعب
وهذا يذكرنا بعصر الخمسينات والستينات عصر نهضه العراق

المهم

اني عن هذا الموضوع عرفت
اولا

روح العراق البارحه حجتلي عن مشكله الاعتصام
لكن مفهمت تفاصيله بصراحه بس عرفت انه اكو شي

والشي الاخر
عندي صديقه بكليه الهندسه مال بصرة ذكرتلي عن يوم السفرة
وهذا كان قبل سنه وذكرته هسه انه طلعوا سفرة وتعرضولهم المليشات
وخطفوهم من شباب وبنات وبعده اطلقوا صراح بعض الشباب والبنات
واخذوا قسم من الشباب وبيهم انقتلوا حسب ما حجولي

هذا الي اعرفه

لكن اليوم اردد واضم صوتي وياكم ولو كنت اني طالب بهذه الجامعه
كانت وكفت ويه المعتصمين بس غير نعرف همه ليش معتصمين وعلى شنو
حسب ما فهمت انه اكو مشاكل جبيرة بس هي شنو غير توضحولنه

وعلى كل حال اني افهم من روح واجيبلكم التقرير كامل

see you

[حسوني]

ملكة خوية ترى اني وياكم بالاعتصام .. و اجيت للطبية وياكم
و ان شاء الله يستقيل العميد هع
تحياتي

[روح العراق]

هلو شلونكم

سندباد عيني مثل مكالتلك ملكة
احنة مرحلة اولى ما ندري بالي صار من البداية
من عرفنا اعتصمنا وياهم
يعني اني مو بس خبصة اوك


حسوني نورت الكلية
بس احنة النا عتب على اتحاد الطلبة بكلية الهندسة
خليها ورى منكمل الاعتصام

حاليا تم تكوين لجنة طلابية للتفاوض مع ممثلين مجلس المحافظة
وانشاللة يحققون مطالبنا

سلامي للكل

شكرا على تضامنكم ويانة صلاح و ملك

[برنس الطبيه]

شكرا ملكةعلى طرح موضوع الإعتصام الذي صار لزاما على كل الطلبه في العراق أن يسمعوا عنه ويعرفوا دواعيه ومسبباته
هذا الإعتصام الذي بدأ منذ يوم الخميس 24-1-2008
فطبقة راقية في المجتمع الا وهي طبقة الطلاب لايمكن أن تقوم بإعتصام الا لأسباب ودواعي فكيف بطلاب كلية هي من أرقى الكليات في العالم الا وهم طلبة كلية الطب الذين قال عنهم مبعوث مجلس محافظة البصرة بعلماء العلماء ولو أن قوله هذا كان محاوله لكسب ثقة الطلاب(أي طلائهم أو صبغهم بالعاميه)
نعم مالذي دعا للإعتصام: في البدايه أصدرت عمادة كلية الطب قرارات تعجيزية بخصوص إمتحانات نصف السنه مما أدى الى إستياء جميع الطلبه وتقديمهم لمطالب عن طريق ممثيلهم وإتحادهم الى العماده الى النظر ثانية في شأن الإمتحانات ولكن ماكان من الإستاذ الدكتور عميد الكليه هو طرد رئيس الإتحاد والتعدي عليه بالكلام وبكلمات متحديه للطلاب ولم يكتفي بذلك بل أصدر بقرارات بعد ذلك بإحالة عدد من الطلبه الى مجالس تحقيقيه وأصدر بهم غيابيا فصلا وذلك بهدف إخافتهم ومنعهم من القيام بأي شيء قد يؤثر على منصبه.
وما كفى ذلك ثم عندما التقى بهؤلاء الطلبه وحقيقة الأمر هو لم يلتقي بهم بإستدعائهم بل بجلبهم مرغمين بواسطة حمايته الذي كتفوا الطلبه وصعدوا بهم لمكتبه وكأننا في معتقل وفي ذلك اللقاء هدد وتوعد هؤلاء الطلاب بكسر الظهور (مع العلم إنه دكتور كسور) وقال لهم متحديا شتردون تسوون سووا إنتوا طالعين من زرف الحايط ومتكدرولي وغيرها من الشتائم التي من العيب أن تصدر من شخص بحجم عميد كلية الطب.
وماكان من الطلبه الا الإستمرار على إعتصامهم وهم غير خائفين مما تفعله هذه العماده متمثلة بعميدها ومعاون العميد الذي من الممكن أن يطلق عليه مصطلح(سوس البله) والتي من طرقها الجديده والمستحدثه نصب كاميرات لتصوير الطلاب ومراقبة من يقوم بتحريض الطلاب أو من من الطلاب يكون مندفعا ومتحمسا (حتى يعلسوه) ولكن تكاتف الطلبه هو من سيردعهم.
وما يؤلم الطلبه الأن هو أن العميد قال وهو كما قال مسؤول عن كلامه (بأنه لو وجد إن الطلبه لايريدونه عميدا لهم سيستقيل من منصبه) وها هو الأن يرى جموع الطلبه تهتف وتطالب بإستقالته ولكنه لايزال متشبثا بالمنصب الذي في يوم من الأيام قال عنه (بأنه عندما كان يزور الدول الغربيه وبالخصوص بريطانيا إن المنصب هناك عندهم تكليف لا تشريف وإنه لايوجد لديهم عميد كليه يستمر لأكثر من أربع سنين وإنه إستفاد كثيرا من معرفته بتلك الأمور وسفراته الى تلك البلاد) ولكن أين كلامه فها هو الآن تخطى الخمس السنين أو أكثر وهو عميد والطلبه لايريدوه وهو متشبث بالمنصب.
والأن ياطلبة كلية الطب صوتكم يسمع وصداه وصل الى مجلس محافظة البصرة والى رئاسة الجامعه وهذا يعني الكثير فلنثبت على موقفنا مادام الحق معنا ولنكن مثالا في الرقي والتحضر والإستمرار بالإعتصام بشكل حضاري طالما هو من حقنا الى أن تتحقق مطالبنا.


وأقولها وللأسف : (تعودنا من الدكتور العميد أن يجبر الكسور لا أن يكسر الظهور)
أرحل عن العمادة التي أنت متمسك بها كأي مسؤول في العراق عندما يصل الى الكرسي مالذي فعلته لكلية الطب الى أي مستوى تصل تلك الكليه وأنت مستمر بعمادتها وأنت تقول بأن لك الفضل علينا نحن الطلاب وعلى تلك الكليه التي تملؤها النفايات والكلاب السائبه في كل مكان ولايوجد فيها مكتب إستنساخ والقاعات ينقصها الكثير فأين فضلك وأين إهتمامك.
للأسف كلية الطب الأن في حال يرثى لها وهو يقول بأنه متفضل عليها.
ولكن نقول إنا لله وإنا اليه راجعون
وإن شاء الله يحق الحق ويسمع صوته فصوت الحق أعلى من أي صوت

[روح العراق]

هلو برنس

نورتنا بردك الحلو وشرح الي صار

هسة السيد العميد قدم استقالتة بقت مشكلتنة وية مجلس الكلية
الي رافضين يقبلوها

تكونت لجنة للمفاوضات و خلينا شروط للتفاوض وافقو عليها كل الطلاب وهي


1\ تعليق الاعتصام المشروط بتفيذ المطالب المدرجة لاحقا

2\ قبول استقالة الدكتور ثامر الحمداني

3\ يتم استثناء كلية الطب من مدة الامتحانات المقررة من قبل الوزارة

4\ تبدا امتحانات نصف السنة للعام الحالي 14\2 ولغاية 12\3
(وتكون المادة المطلوبة في الامتحان لغاية 13\1 باستثاء المرحلة الاولى لغاية 20\1 )

5\ يتم الغاء جميع قرارات الفصل وترقين القيد التي اتخذت بحق طلبة الاتحاد واغلاق جميع المجالس التحقيقية في هذا الموضوع

6\ يتم تعيين عميد بالنيابة لحين اتمام تعيين العميد الجديد على شرط ان لا يكون اي منهما في منصب مسؤل حالي

7\ نتيجة لتهديد بعض الدكاترة الكرام بالانتقام من الطلبة بان تكون الاسئلة صعبة جدا

تشكل لجنة لتقييم نتائج الطلبة في الامتحانات يحق لها فتح مجلس تحقيق مع اي دكتور تكون نسبة النجاح في مادتة مثيرة للجدل

وانعقد الاجتماع يوم الخميس بس منا عرفنا النتيجة شنو ؟


تحياتي لكم

[سندباد]

السلام عليكم

تحياتي الى كل الطلبه العراقيين وخصوصآ طلبة كليه الطب الابطال

في جامعة البصره تحديدآ ...قولوها بملئ افواهكم (لا للدكتاتوريه)

فعصرها قد ولى ولا رجعة له انشاء الله ولا تخافوا في الحق لومة

لائم ...وايصال صوتكم الى مجلس المحافظه لايكفي ..صدقوني فأن

مثل هذه النماذج (العميد)لهم علاقات في كل مفاصل الدوله وسوف

تطمر قضيتكم وتنتهك حقوقكم وتسلب ..ويضيع مستقبل بعض الطلبه

الابرياء ....نعم هذه هي الديمقراطيه والحريه يا سياده العميد...

اخواني اطرحوا القضيه امام السيد نوري المالكي رئيس الوزراء

وسوف يأتيكم الرد عاجلآ انشاء الله ..حتى لايضيع حقكم..

تقبلوا تحياتي لكم احد شباب العراق
روح اتشاقه وياج ليش زعلتي ..بس اني مقدر ظروفكم sorry

[روح العراق]

هلوووووووووو

شلونكم

سندباد اني مزعلت بس عصبت
هههههههههه

عيني سندباد احنة مخلين هاي الفكرة ببالنا اذا مشفنا نتيجة من التفاوض

بس خلي نشوف شنو القرار الي طلعوا بية من الاجتماع
ولكل حادث حديث

تحياتي الك

[سندباد]

هلوووووووووووووووووووووووو

اي ليش ادفعين روح ؟؟ صدوك جذب هاي شبيج هاي جزاتهه

بس يلا يجيبج الوكت عليه ...بس اذكري وين مكان الجمبر مالتج

مو احنا اتفقنا نتشارك اني وياج ونسوي بزنس سوى؟؟

يمكن قريتي كتابتي مو ؟؟ها شلوني؟ يابه لو بعدني بالوام اويلي

احرك الجو ..قابل مثلكم الناس بالاعصام والبنات ملتهيات بالمكياج

والمسكاره هههههههه والله يالله بابا مستقبلكم هذا يا حمره ياطحين

ويكولن ما عليكم قابل ورانه عسكريه هع هع هع ...على العموم

يجب الاسراع بالقضيه والا !!! على حقوقكم السلام وكلمن يلزم

الاستيج نفسه للسنه الجايه وابو المثل يكول (بالأعاده إفاده) مو؟



تقبلي تحياتي سندبـــــــــــــــاد

[علا الساهر]

السلام عليكم

اشلونكم شباب تمام ان شاء الله
اولا العمييد ثامر الحمداني اللي هو خالي في صغوط ليس فقط من العمييد من الاساتذة انفسهم فاياخواني السالفة فاهميها غلط والعمييد ديصرف بشكل صحيح لان ماعنده غير هل الحل

وفي كلام ان الله اشرحه لاختي روح برسالة

تحياتي

[روح العراق]

عزيزتي علا

المشكلة الي وية السيد العميد انتهت بمجر انة قدم استقالتة

بس بقت المشكلة وية مجلس الكلية ما اعرف اذا قريتي القرار الي نزلوة
خلو الامتحانات 10\2


وهسة المتضررين الوحيدين همة احنة (مرحلة اولى )
لان الاعتصام بعدة مستمر واحتمال محد يمتحن نص السنة

بهاي الحالة تنحسب سنة رسوب

تحياتي الج

[روح العراق]

هلووووووووو

واللة سندباد شكلها صدك راح تصير بالاعادة افادة

لحد هسة مفضت الشغلة مجلس الكلية معاندين ويانة
و جماعتنة عاندو بالزايد

وهسة مندري نمتحن لو لا ؟(طبعا هاي من مصلحتك حتى تغلس عالعزيمة )
حتى الدوام ناس تدواوم وناس لا

طولت الشغلة ولازم تنحل بهاليومين حتى نعرف راسنة من رجلينة
(راسنة فوق ورجلينة جوة هههههههههههههه)

الحمداللة انت مو بعدك بالكلية جان سويت انقلاب هههههههههه

صدك سندباد عود من انتو تعوفون الجل والدهن
(واللة مسوين ازمة بالدهن شــــــــــــكد تحطون متخافون على شعركم واللة يدمر )
احنة نعوف الحمرة

تحياتي الك وباااااااااااااي

[علا الساهر]

ان شاء الله تنحل
بس حقنا انريده افرض الحق ولو على نفسي بالله بيها عليها سنة رسوب

ان شاء الله تنحل