قصيدة للعراق " يخيروني عله حب الكون "

[الشاعر حسين المالكي]

يخيرونــــي علـه حـــــب الكــــون
وعلى حبـك ابــيـعك كـوة يــردوني

ولك انــــــت النـبـض بــ الـــــروح
وشرايني التســــــــــــري بضنوني

على حزنك على قهرك على فركاك
تحـير العـيـن تبـجي بدمـعة عيوني

متانين الفــــــرج نرجعلك ازحـوف
واغرف مـــن تـرابك واخـبط بلوني

لان كاعـــك دوه لجروح لمصابــين
تـــرد الــروح والله تـرابــة سئلوني

افــــديـلك عمر يــــاوطـــن مـنــذور
وابيعن روحــــي لجلك والله بيعوني

ترة بعـدك عليـه زيدنـــــي بجروح
وفــركتـك والله ذلـــة وبيهة ذلــوني

بس جدم انة واكف صـــدك اكبــالك
لان صوت الفرح من عندة حرموني

وتعبنة من الهجر والقهر زاد هواي
ويـــاصبر اليــــداوي الجرح دلـوني

اتمنـــــــة مثــــل هليـوم انــة هنـاك
وعلى ضفاف النهر يم دجلة ودوني

شـايف مــن تطيح بكَاعك شمحلاك
تضل طايــــــح تكلــهم لاتـــشيلوني

ومــــــاضنــه حلم ويــــداور الأفكـار
لان هذا الحلم مـــن عنــدة كـعدوني

وذا اصبح حلم وانـــــة لمصدك بي
لحــد لايمســني وبـ الــــحلم خـلوني

تحياتي الشاعر
حسين المالكي

[انثى بقلب طفلة]

قصيدة روعه..عاشت الايادي
ارق تحياتي

[حميد الكاثالوني]

قصيدة جميله جدا بارك الله بيك

http://www2.0zz0.com/2008/02/05/08/622775656.jpg

[رياح]

السلام عليكم ورحمته الله وبركاته

عاشت ايدك حبيبي المالكي على هذه القصيده الجميله الرائعه ......


مو من مرض ونيت من شوكي الكم ***** لو بيدي احط الروح يم باب اهلكم


عاشرت كل الناس بس مو مثلكم ***** كل ساعه احس بالموت لوما شفتكم

كل يوم اگول اليوم باجر يمرون ***** من كثر دمعي السال ماضلت عيون




مع تحياتي . وشكرا

[ابن الانبار الوفي]

كلمات جميله
وتعبير صادق عن حب العراق الغالي
مشاعر ترجمتها الكلمات وجاد الوصف والتصوير ونقل الاحساس ..

شكرا جزيلا لك اخونا العزيز حسين المالكي
على كتابة هذه الكلمات الرائعه وصح لسانك وعفيه عليك كلك حلو .




ابن الانبار الوفي

[الشاعر حسين المالكي]

الله يسلمك يلغالي واشكر كل من مر في الديون
نورتوني اخواني بلكماتكم ومروكم الجميل
تحياتي لكم يلأعزاز ....

[طائر الحب]

كلام حلوو ورائع وهنيك على هذا الشيئ الجميل والراقي
وعلى ذوقك بختيار الصور الرائعة للكلمات وان شاء الله نحو التقدم
عونك ياوطن يابو الحضرات احضنك لو صرت كلك سجاجين
تقبل مروري عبد الرحمن الدليمي طائر

[sayoufe]

لان كاعـــك دوه لجروح لمصابــين
تـــرد الــروح والله تـرابــة سئلوني

افــــديـلك عمر يــــاوطـــن مـنــذور
وابيعن روحــــي لجلك والله بيعوني

[لــؤلــؤة بــغــداد]

وتعبنة من الهجر والقهر زاد هواي
ويـــاصبر اليــــداوي الجرح دلـوني



.......


افــــديـلك عمر يــــاوطـــن مـنــذور
وابيعن روحــــي لجلك والله بيعوني


شكرآ موضوعك روووووووعــة وكلام جميل جدآ بحق وطنا الغالـي ..
اكيد بنتـظار مزيدك ,,

[lanos]

شـايف مــن تطيح بكَاعك شمحلاك
تضل طايــــــح تكلــهم لاتـــشيلوني


وذا اصبح حلم وانـــــة لمصدك بي
لحــد لايمســني وبـ الــــحلم خـلوني




كلام يفيض بالمشاعر
عاشت ايدك يامبدع

[الشاعر حسين المالكي]

شكرا على المرور الجميل
نورتو الديوان