مشكلة الفيزياوية الى اين؟

[كيمياء]

تحية الى جميع طلاب كلية التربية
وبلخصوص قسم الكيمياء مرحلة ثالثة
اريد اعرف رايكم باستاذ هدفة اهانة الطالب ؟
والتقليل من قيمته ومستواه العلمي
مع العلم احنه بكلية تربية
الرجاااااااااااااااء اريد رد
وححححححححححححل

[iraq sun]

:014w:

السلام عليكم ورحمة الله وبركاته

والله الحقيقه هي مو بس قسم الكيمياء حتى احنا قسم الانكليزي يقللون من قيمه الطالب على العمو م كل الاقسام تقريبا هيج . مو بس هاي اذا هو موظف الاستعلامات دا يتحكم بلطلاب بقت على الاساتذه ولا شنو رائيكم .

[ENGLAND]

السلام عليكم


الله يحيك كيمياء

اعتقد أ نه حل مشكلةالفيزياوية ان نطبق تعليماتهة وأي شي تكولة
يعني نطبق المثل(أتبع العيار لباب الدار) -الله يوفقك ويوفقني بالأمتحان
الجاي يوم الاربعاء_(england:طالب كلية التربيةقسم الكيمياء م3 شعبةب2)


(جديات طلاب)

[spartcos]

وعليكم السلام ورحمة الله وبركاته

الله ايساعدكم اهل التربيه بس تردون الصدك هيه كل الكليات اكو دكاتره حقراء وماذين الطلاب ........ بس اكثر شي بالتربيه مع العلم طلاب التربيه زين ميسكتوت ...... ولو هيه كله احزاب الله ايكوووووووون بعونه احنه هذا الجيل كله ضدنه اشلون عايشين مدااعرف.........

[سندباد]

وعليكم السلام كيمياء

اولآ الأناء ينضح بما فيه هاي منتهين منهه يعني الطيب طيب والخبيث خبيث
وكلمن يعمل بأصله فالأستاذ اذا موزين فهاي اخلاقه مااعتقد يتغير
لأن من شب على شيء شاب عليه..مستحيل يغير اسلوبه وهذي
الحاله ربما بيها فد غايه ...احتمال يريد رشوه وهذا موجود بكل مكان
يضغط عليكم حتى ادفعون...والحمد لله كله بالورق هسه..بس العتب
على اللجان الاتحاديه الي ما تأدي دورهه بس ملتهين بالكبلات واللبس
وصدكوني اتجمعوا انتم الطلاب وشكوى مرتبه الى رئاسة الجامعه راح
يتعدل شوي .....واذا ماكو فالمشتكى لله .......تقبلو تحياتي للجميع


اخوكم سندبــــــــــــــــــــــــــــــــــــــــاد

[الكيمياء]

هلو سندباد
رايك كلش حلو وعملي
لو عدنه واحد مثلك جان كدرنه نتخلص من هاي المشكلة
بس ويامن تحجي ياهو لتكلة ايكول هي جم سنة وتخلص عله شنو مدوخين روحنه
واكو يكولون الطلاب الي قبلنه ما سوو شي احنه شنسوي

[الكيمياء]

يا اخ ENGLAND
صحيح احنه واجبنه نسمع اوامره بس بلشي المعقول موصح يعني مو كل شوي تهددنه وماقايمة اعتبار لاحد (من الطالب الى رئيس الجامعة)
بس مع الاسف عليك جاي تعتبر الاهانه واجب ولازم تلتزم بيه

[سندباد]

هلو كيمياء

ادري اذا طلابكم مابيهم خير انتو شبديكم؟؟ اصلآ متكدرون تسوون شي

وبعدين عدكم مرشد تربوي (موكل شعبه الهه مرشد)يعني استاذ او معيد

هو يلتقي بالطلاب على الاقل مره بالأسبوع واكو ممثل شعبه يحجي نيابة

عنكم وخلوه يوصل صوتكم للعماده عن طريق رئيس اللجنه الاتحاديه خلال

اجتماع العماده ويكلهم طلاب قسم الكيمياء يطلبون من استاذ فلان ان يعدل

اسلوبه وخلاص فهو شراح يسوي يجيبلكم اسئله اطول من الحصار وتحملوه

لعد شتسوون ..........هههههههههه الله يساعدكم والله هذا قهر فوك قهر.

[ENGLAND]

كبمباء

اتة وباك بس مثل ماكلت انتة اذا رئيس القسم
مايكدر عليهة واذا بيدنة احنة الطلاب نكدر نسوي
جان سوينا-

[الكيمياء]

england

احنه بيدنه اهواي حلول بس انتم كلش ماتشجعون

وبعد ماكو فايده صارلنه 3 سنوات وانتم على وضعكم ماتغير

[ENGLAND]

هلو كيمياء
شلونك بالأمتحان الثاني مجاوب لو مزفت مثل كل مرة
تقبل مروري وتحياتي

[الكيمياء]

هلو engeland

اكيد مامجاوبة مثل كل مرة

ومامجاوبين صار شعار لكل امتحان

اللة كريم

تحيااااااااتي

[salahsport_82]

--------------------------------------------------------------------------------

تحية الى جميع طلاب كلية التربية
وبلخصوص قسم الكيمياء مرحلة ثالثة
اريد اعرف رايكم باستاذ هدفة اهانة الطالب ؟
والتقليل من قيمته ومستواه العلمي
مع العلم احنه بكلية تربية
الرجاااااااااااااااء اريد رد
وححححححححححححل

تحياتي لك ياطيبة أسمعي نظريتي الدراسة حرب بين الطالب والاستاذ والاقوى من يفوز بالنهاية هذا بالنسبة للاستاذ الي مثل استاذك

[ENGLAND]

شخبار الفيزياوية مادرسني بهاي العطلة التعبانة

[الكيمياء]

هلو engeland
صحيح جانت اكو عطلة بس مثل ماكلت كلش تعبانه
وانه كلشي مادرست لان الوضع مايساعد
والكهرباء صارله يومين من اجت
صدك هو اشوكت امتحانه ؟؟؟
وانت مبين قاري فيزياوية

[ENGLAND]

هلو كيمياء

لاوالله مادرست أي مادة بس سويت تقرير عضوية بالنسبة للأمتحان ماأعرف شوكت _بس الله يستر

تقبل مروري

[سندباد]

هلو جماعتنه كلية التربيه
زينين انشاء الله ؟؟
الله يعينكم على اساتذتكم والصدك عدكم كم نموذج اويلي
يسوي نفسه بروفسور
وهو كلشي مايفتهم
وصعب جداً
تحياتي

[رهين المحبسين]

الله يساعدكم يا شباب..


والله ما اعرف شلون اساعدكم وهي حيره اذا واحد يعامل الاستاذ باسلوب حقير وينتهج نفس طريقته راح يتضرر الطالب واذا سكت هم راح يتضرر وظلمه وبس الله يردي بيهه..


اكلكم عندي حلين انتم اخاتروا واحد بس لتكولون هوبي الي كال.. لو تشوفوله عبوه دهن من هاي الحجم العائلي تاخدهه وترتاحون لو انتم تنتمون للاحزاب الي تابعه لطائفه كل واحد بيكم.. وماكو غير هل حلين واني اعرف الاثنين غلط بس همه ديجبرون الطلاب يسون هيج..


تقبلو مروري..

[الكيمياء]

هلو سندباد
اشلونك انشالله بخير
تدري الشي الوحيد الي حصلنا بهاي
العطله هو انو ارتاحينه من البروفسور

شكرا لمرورك

[الكيمياء]

مرحبا hoopy منور الصفحه واهلا بيك

طبعا حلولك كلش بسيطه بس تحتاج الى ايدي عامله

شكرا لمرورك

[الكيمياء]

هلو engeland
اشلونك ؟؟
يوم الاحد رحنه للكليه
وجانت كلش كئيبه لان الطلاب قليلين
والاساتذة ماجايين بس رئيس القسم
انت شنو اخبارك ؟داومت
وماتعرف شي عن الدوام ؟؟؟
تحياتي

[ENGLAND]

هلو كيمياء

لاو الله مارحت للكلية لأن الطرق جانت مقطوعة بس خابرت الطلاب كالو مثل ماكلت انت بلكي الأسبوع الجاي دوام

[الكيمياء]

هلو engeland
اشلونك ؟؟
داومت لوبعدك؟
شنو رايك هليوم بمحاضرة الفيزياويه
اعتقد لو شارحتلنه اهوايه احسن من الحجي البدون فايده
تحياتي لك ..

[ENGLAND]

هلو كيمياء شلون الصحةالأحوال

أي اليوم داومت .بالنسبة لمحاضرة الفيزياوية جانت كلش مو خوش محاظرة لأن كضتهة علينة بس خريط وبدون فايدة مثل ماكلت..والله لو أدري راح تضيع وقتنة جان مادخلت المحاظرة وهية حسبالهة بس هية دخلت بين الأفرع والدرابين يلة وصلت ماتدري انا طالع ب6:45AM...الله كريم

تحياتي ألك
ممكن تعرفني عن نفسك

[الكيمياء]

هلو england
انشالله نتعرف بس نتركها للزمن احسن
وبما انو انه طالبه وياك بنفس المرحله اكيد راح يجي
يوم ونتعرف
ويشرفني ان نكون اخوان واصدقاء ..
تحياتي لك .

[ENGLAND]

هلو كيمياء شلونك شلون الصحة

تصدك انة اعرفك بس انتة ماتعرفني؟؟

كيمياء انتة ولد مو بنية راح أكلك بأول حرف من أسمك بس كون تكلي بكل صراحة صح لو غلط اوكي أول حرف من أسمك (ح) ها صح أكيد صح

شد حيلك الأمتحانات جاية

[الكيمياء]

صباح الخير engeland

اشلونك؟
انت اكيد ماعرفتني والدليل انك توقعتني ولد
وهذا شي مامقبول منك
احنه بالمنتدى علاقتنه مبنيه على اساس الثقه
ولو انه ولد مااعتقد اكو ولد يطعن برجولته اويلغي شخصيته ..
اتمنى ان يكون كلامي واضح
وانت لو تقرا مواضيعي ومشاركاتي راح
تعرف انه بنيه
ولو انه زعلت عليك ..
تحياتي لك

[salahsport_82]

أكوووووووووووووووول ممكن تضيفوني يمكم فد يوم واشوف الفيزياوية مالتكم

تحياتي لكم والله الشغلة مو يمي مال الفيزياوية بس لازم أشاركم الموضوع

نحياتي لك كيمياء

[الكيمياء]

هلو صلاح

اذا تريد تدخل ويانه محاضرة فيزياويه

راح تندم لان محاضرة رعب

تحياتي ......

[ENGLAND]

فد السلام عليكم كيمياء شلونج شلون الصحةوالأحوال


شخبار الأمتحانات النهائية؟؟ ان شالله مجاوبة بالنسبة ألي متوقع بمادتين: الفيزياوية والصناعية

واحتمال العضوية

الله كريم

[الكيمياء]

صباح النور

اهلا وسهلا بيك اشلونك شاخبارك

واالله انه مو كلش زينه بالامتحانات النهائيه

وانه همين متوقعه فيزياويه وعضويه

بس عندي امل بالقرار يكولون 10 درجات

بلكت يرفعنه لان الدور الثاني يخوف وما اريد اجربه

وانشالله يارب النجاح والتوفيق للجميع


صدك يمتى ترحون للنتائج ؟؟

[ENGLAND]

السلام عليكم

هلو كيمياء بالنسبة للنتائج احتمال يوم الأثنين الجاي 21\7\2008 ان شالله القرار موجود.

بالتوفيق لكل طلابنة لان الكل تعب وان شالله ينجحون وانة منهم

[الكيمياء]

هلو انكلاند

بالنسبه للنتائج انشالله يوم الاحد

هسه وصلني خبر اكيد من قسمنه

ياريت تخبر الي تعرفهم

تحياااااااتي

[ENGLAND]

صباح الخير الكيمياء

ان شالله يوم الاحد النتائج ونطلع ناجحين

بلغت كل ألي اعرفهم

تحياتي

[ENGLAND]

السلام عليكم

كيف الصحة والأحوال

ابشرك ياكيمياء انة نجح والحمدلله بتقديرمقبول

من تستلمينالنتيجة بشرينة وان شاء الله ناجحة

تحياتي

[الكيمياء]

هلو انكلاند اشلونك

الف الف مبروك لنجاح وانشالله يوم التخرج

اني ماناجحه واكعه 2 عضويه وفيزياويه ولحد هسه مامصدكه
لان اول مرة راح امتحن دور ثاني وكلش خايفه

ادعيلي

شلونه نسبة النجاح بمرحلتنه وجماعتنه كلهم ناجحين لو اكو رسوب


تحياتي لك وبالتوفيق الدائم

[ENGLAND]

هلو كيمياء

الله يبارك بيج ان شاء الله يوم نجاحج لاتخافين الدور الثاني مايخوف لأن انة العام بالمرحلة الثانية وكعت ب4دروس وعبرت بدون ما أخذ وياي درس عبور بس شدي حيلج وتوكلي على الله اما نسبة النجاح قليلة وبالخصوص بهذني الدرسين الفيزياوية والعضوية لأن هواي طلاب واكعين بيهن_واذا محتاجة مساعدة فأنة خادم


بالتوفيق

[الكيمياء]

هلو انكلاند

مشكور على تواصلك ومواساتك الي
وانشالله من احتاج مساعده اكيد راح اتكون انت اول واحد

بس ادعيلي تجي اسئلة العضوية سهله لان كلش خايفه من (كانيزارو )مايرحم احد

تحياتي لك

[ENGLAND]

هلو الكيمياء كيف الصحة والأحوال

بديتي بالدراسة لوبعد ؟ اذا بعدج مابديتي فأبدي من هسة حتى يكون عندج وقت للمراجعة لأكثر من

مرة _بالتوفيق والنجاح نندعيلج

تحياتي

[الكيمياء]

هلو انكلاند شلونك؟

انه جاي اقرة عضويه وخلصت الفيزياويه
مشكور على سؤالك


شلونه العطله وياك انشالله مرتاح بيه
اني كلش ظايجه من الدراسه

تحياتي

[ENGLAND]

السلام عليكم

كيف الصحة والاحوال كيمياء

ها بشري شلونهة اسئلة الدور الثاني

سمعت ان اسئلة العضوية جايبهة صعبة

والفيزياوية سهلة.ان شاء الله انحلت مشكلتج وية الفيزياوية


بالموفقية والنجاح

[ميثم الرماحي]

هههههههههههه
شكرا كيمياء على هالموضوع والله يعينكم طلاب الكيمياء على الفيزياوية
طبعاً راح انطيج معلومة حلوة
اني طالب بايوو بجامعة القادسية
والله لو تدرين شمسوي أستاذ الفيزياوية بقسم الكيمياء
والله يمثل بيهم بالاسئلة وكله محملة ودور ثاني السنة والله اليستر لأن اظاهر هذا فايروس اختصاصة بس اساتذة فيزياوية هه
ومع ذلك فأني اكول عادي لازم تتحملون لان هو بكل قسم اكو حقير
وأحنة بقسمنة عدنا مادة أسمهه الكيمياء سنتين تضل ويانة ... والله نشبع ضيم بيهن ومع العلم يعني المادة مو ذيج الصعوبة ندرس بيهه(التحليلية والعضوية والسنة الوراهه لا عضوية ) بس أبن امة وأبوه الي ينجح هه
الله كريم والله تتخرجين وكلهه تصير سوالف

[الكيمياء]

السلام عليكم

كيف الصحة والاحوال كيمياء

ها بشري شلونهة اسئلة الدور الثاني

سمعت ان اسئلة العضوية جايبهة صعبة

والفيزياوية سهلة.ان شاء الله انحلت مشكلتج وية الفيزياوية


بالموفقية والنجاح

مرحبــــــــــــــــــا
انكلاند رمضان كريم
كل عام وانت بخير
انه الحمدالله بخير انت شلونك؟
اسئلة الدور الثاني العضوية سهلة والفيزياويه
كلش صعبه وخصوصا 3 اسئلة الاولى
اني نص ونص ادعولي انجح
والله كريم
شنو اخبارك رحت سجلت لوبعدك؟
تمنياتي لك بالتوفيق

[الكيمياء]

هههههههههههه
شكرا كيمياء على هالموضوع والله يعينكم طلاب الكيمياء على الفيزياوية
طبعاً راح انطيج معلومة حلوة
اني طالب بايوو بجامعة القادسية
والله لو تدرين شمسوي أستاذ الفيزياوية بقسم الكيمياء
والله يمثل بيهم بالاسئلة وكله محملة ودور ثاني السنة والله اليستر لأن اظاهر هذا فايروس اختصاصة بس اساتذة فيزياوية هه
ومع ذلك فأني اكول عادي لازم تتحملون لان هو بكل قسم اكو حقير
وأحنة بقسمنة عدنا مادة أسمهه الكيمياء سنتين تضل ويانة ... والله نشبع ضيم بيهن ومع العلم يعني المادة مو ذيج الصعوبة ندرس بيهه(التحليلية والعضوية والسنة الوراهه لا عضوية ) بس أبن امة وأبوه الي ينجح هه
الله كريم والله تتخرجين وكلهه تصير سوالف

ميثم الرماحي
اهلا وسهلا بيك في جامعة البصرة
منور الموضوع
شكرا على مشاركتك الجميله
وقسمكم همين مو سهل بس اهون من عدنه بهواي
تحياتي لك
وانشالله التوفيق والنجاح للجميع