خاص لطلاب كلية الزراعة

[هدوء]

شلونكم...........................
حبيت نسولف شويه على كليتنا وليش هاي النظرة الماخذيه علينا بان احنه اقل مستوى من بقية الطلاب في الكليات الاخرى على الرغم ان هناك عقول لا يستهان بها
احب اخذ ارائكم......................................

[سندباد]

السلام عليكم

عفيه عليج هدوء رفعتي راسي ..طبعآ جنت بوحدي والجماعه ماخذينه حاصل
فاصل بس هسه لا تغير الوضع وايد وحده متصفك (صرنه اثنين) هدوء تستعمل
وياكم الــــــــ.....:h035: واني استعمل الـــــــــ ...:box2: وهلا بيكم

بالنسبه لدراستنه طبعآ جانت صعبه وعلميه بحته درسنه كيمياء وبأنواعها
عامه وحيويه و(كيمياء فيزياويه بقسم التربه) وعضويه ..ودرسنه فيزياء
وتحليل واحصاء ورياضيات واقتصاد .....وغيرها من المواد العلميه الي
تخص دراستنه فالمسأله مو سهله اما العقول الي عدنه فعلآ عقول
جباره د.نجم قمر الدهام (بقسمي)واعتقد صار بروفيسور..د.غياث
د.علاء (الوقايه)د.اميره (الانتاج)د.صباح (التربه)وغيرهم .....

واكو ملاحظه احنه بدراستنه (الي هي نظام الكورسات)متعبه يعني كتاب
كامل لازم مطلوب كله بالأمتحان النهائي واحنه درسناه خلال 3 أشهر
والمفروض ندرسه خلال سنه كامله ....بس يلا كوه نجحنه بالدفرات

هذا هو استبياني لكم ...ودمتم بخير وموده ...شكرآ هدوء

[روح العراق]

هاي منو هيج يكول ؟

يابة انتو الخير والبركة

[iraq sun]

السلام عليكم ورحمة الله وبركاته

ليش عيني هدوء تكولين هيج اصلا الطلاب الجامعه كلهم نفس المستوى لان الكل راح يتخرج بكلوريوس ......بقت كلو واحد واختصاصه يعني اني تربيه مطلوبه بلمجتمع وانتي زراعه وهم مطلوبه بلمجتمع يعني كل الاختصاصات وكل الكليات مطلوبه بلمجتمع وبنقص وحده منهم يصير خلل بلنسبه اليه هذي وجهة نظري..........شكرا وتقبلوا مروري http://www.arabsys.net/pic/wrod/18.gif (http://www.arabsys.net/pic/index.php)

[سندباد]

خطيه روح خافت :s(25): اي تره احنه مو شويه

شموسه اني اتفق وياج بالرأي لأن الحياة موبس طب وهندسه

الحياة كافة الأختصاصات مطلوبه بيها ..يعني ماممكن الطبيب

يربي نحل او يروح يدرس بالمدرسه الابتدائيه او يصمم جسر

لكن بعلاج المرضى راح نلكاه متميز والبقيه بالعكس(وصلت

الفكره) فالجميع مترابطين واحد يكمل الثاني .

وتسلمون سلامي الكم

[تاجرالاحزان]

هدوء أنالو منج أبدل أسمي لان بعد محد يكدر يحجي المشاركات كلها لسندباد

[سندباد]

وانته ليش منزعج اخي؟ يعني بس مشاركاتي ازعجتك ..وبعدين متشارك
منو لازمك كدامك المنتدى كله وشارك باليعجبك محد لازم سيف عليك.
كلنه هنا اخوان وماكو فرق من البصره من دهوك كلنه واحد.. مع الاسف


تاجر رأيك اتقبلك برحابة صدر بس اسلوبك مو منطقي اوكي.. وشارك براحتك

اني راح اترك التعقيب لأخواني على ردك على مشاركاتي

اخواني اريد تعقيبكم على رد تاجر الاحزان على مشاركتي

الكم الكلمه .............باي

[هدوء]

اخي تاجر الاحزان ليش جاي تحارب سندباد
يااخي كلمن يعبر عن رايه بلطريقه الي تعجبه
مو لو مو موووووووووووووووووو

[روح العراق]

هلو

الاخ تاجر الاحزان
هو الموضوع عن كلية الزراعة
وسندباد خريج زراعة
فمن الطبيعي ان تشوف مشاركتة هواي بالموضوع

وبعدين سندباد ينور وين ميروح
البيت بيتة

تحياتي

[iraq sun]

اوكي سندباد انسى الي فات واتركه وراك اصلا المنتدى منوربيك وخلينا كلنا اخوه داخل المنتدى بدون شي ياثر انتو حبايب اوكي ..... تحياتي الك وللجميع

http://www.arabsys.net/pic/zkarf/108.gif (http://www.arabsys.net/pic/index.php)

[spartcos]

هلوووووووووووووو
الصدك اشلون انسوي زلاطه وانتو مموجودين انتو الخير والبركه وهيه كله تتخرج وماكو تعين ونكعد بالبيت بعد كل واحد وشطارته ............ هههههههههههههااااااااااااااي بس والله مو شقه اهم شي الزلاطه شكرا الكم حبايب منورين طلاب الزراعه

[سندباد]

السلام عليكم

اني اشكركم هدوء وروح وشموسه الورود على اطرائكم الجميل الي هو اكيد مو احلى واجمل منكم .. بس عادي هو الاناء ينضح بما فيه هذا مثل اعتز بيه واحنه
مو افضل من النبي (ص) بنفسه حجوا عليه فمابالكم احنه ؟؟المهم ولا شي صار
واهم شي كسبنه معرفتكم ومعرفة الاخوان وكلكم خير وبركه .

تقبلوا تحياتي وامنياتي الكم بالتوفيق

[ENGLAND]

صباح الخير

ولو انة مو من طلاب كلية الزراعة بس راح أعطي رأيي
بالموضوع وأعتذر على تطفلي:عيني هدوء بالنسبة للدراسة
الكليات كلهة نفس المستوى ويمكن احنة التربية والزراعة اصعب
من بقية الكليات وأذا أحد كلج انتو كليتكم اقل مستوى من كليتنة
كليلة:
(لاتعلة علي يا(فلان)لو شفتني بهالحال....
قبلك علة جم نهر بس نزلة الشلال.....)

[spayder]

بالتاكيد الزراعه لاتعني انسوي زلاطه لان الامم الاخرى تهتم بعلم الزراعه وتطورها وادخال المكننه والعلم بالحقل ليس من اصل الزلاطه او اشباع البطون ولكن لفرض سيطرتها وهيمنتها على العالم ولاجبار الاخرين على الركوع اليها ولكن هنا لمن تسمع صوتك ولمن تتكلم

[روح العراق]

مرحبا شلونكم

تحياتي الك spayder

بما ان spartcosمموجود فاسمحولي ارد بمكانة

اخي هو اكيد مجان يقصد انة اهمية الزراعة سواية الزلاطة بس كانت للضحك
واعتقد ماكو علم مو مهم كل العلوم تعتمد على بعض

يعني مثلا اغلب الادوية المصنعة تعتمد على نباتات بالاصل والمسؤؤل عنها همة طلاب كلية الزراعة وطلاب كلية الصيدلة يصنعون هاي الادوية وتوصل لطلاب كلية الطب يشخصون المن ينطوها فماكو احد يكدر يعمل من دون الاخر يعني الشغلة عبارة عن سلسلة وكل شخص لازم يكون كد المسؤلية الملقاة على عاتقة

هيج تتطور الامم اذا كان العمل بيها بصورة جماعية
وبعدين احنة منريد نتطور حتى نجبر العالم يركع النا
احنة نريد نتطور حتى كل العالم يوقف النا احتراما وتقديرا

تقبل تحياتي

واتمنى اذا كنت احد طلاب او خريجي جامعة البصرة
تزور موضوع تعارف جامعة البصرة وتعرفنا بنفسك
والكلية الي تدرس بيها

وكل الهلا بيك




sorry هدوء كان المفروض انطيج المجال تردين
بس انتي صار فترة ماكو

تقبلي تحياتي

[روح العراق]

صباح الخير

ولو انة مو من طلاب كلية الزراعة بس راح أعطي رأيي
بالموضوع وأعتذر على تطفلي:عيني هدوء بالنسبة للدراسة
الكليات كلهة نفس المستوى ويمكن احنة التربية والزراعة اصعب
من بقية الكليات وأذا أحد كلج انتو كليتكم اقل مستوى من كليتنة
كليلة:
(لاتعلة علي يا(فلان)لو شفتني بهالحال....
قبلك علة جم نهر بس نزلة الشلال.....)



مرحبا england

اني هم مو من الزراعة بس اتطفل عليهم عادي مو مشكلة
هدوء وسندباد يرحبون بينة مو لو مومو ؟؟؟؟؟؟؟

اني راح احجي شي وادري هسة كلكم
تكلبون الدنيا على راسي بس يلا احجي واللة كريم

بس ممكن تفهمني شلون التربية والزراعة اصعب من بقية الكليات ؟؟؟؟؟؟

اذا اكول الطب صعبة تكلولي لان انتي بالطبية
زين الهندسة اني اشوف اصعب دراسة هي الهندسة

للعلم صعوبة الدراسة ما الها علاقة بمستوى الكلية
لان كل الكليات نفس المستوى بس مو نفس الصعوبة


تقبل تحياتي

[هدوء]

السلام عليكم
شلونكم؟
واعتذر عن غيابي لظروف خاصة


المهم اهلا وسهلا بكل اصدقائنه من مختلف الكليات والفئات لان انه اريد اعرف رأيهم بصراحة
وعلعموم ماكو شي سهل كلشي يحتاجلها دراسه ومتابعه يلله يصير سهل

وشكرا ياروح على رأيج الحلو
وتحياتي للجميع

[سندباد]

السلام عليكم

تحياتي للجميع وانشاء الله تكونون بخير كلكم
لا عيني روح انتي تعطرين المكان التدخلينه والاخوان هم
بالنسبه للدراسه كلهه صعبه اكيد...ماكو كليه اسهل من كليه
بس اكو فرق بالنظام ..نظام الكورسات(احنه) مغدورين لأنه ماده
بسنه ماتخلص مطالبين بيها خلال 3 اشهر يعني شوكت نكملها ؟؟
بالفعل روح الهندسه صعبه الله يعينهم والبقيه كذلك
تحياتي الج هدوء نورتي

[spayder]

شكرا على ردك روح العراق انا احد خريجي كلية الزراعه /جامعة البصره تركت تخصصي وتعينت كمهندس زراعي في دائره اخرى قريبه بعض الشيء لتخصصي لااريد للعالم ان يركع لنا او يقف احتراما ولكن كلنا نريد ان يقف مسؤولي البلد احتراما لنا وان نتساوى بالكليات الاخرى حتى في مجال الراتب والمخصصات وما استهزاء صديقك spartcos الا هو تعبير عن مايعبر عنه المجتمع العراقي . اسعدني تعارفي بك

[salahsport_82]

السلام عليكم
تحياتي للجميع

حبيت اعقب على مشاركة الاخ سندباد على جواب الاخ تاجر الاحزان واولا انت تعرف تاجر الاحزان اله كلمته المسموعه في المنتدى يعني هو من يتكلم مايقصد الاساءة الك او لغيرك بس الظاهر الاشكال صار عندك لان هو يقصد الشقى لا اكثر ولا اقل واكيد هو راح يجاوبك وانتوا لو تشاهد كل مشاركاته راح تشوف نفس الاسلوب تحياتي لكم جميعا


وانا بالنيابة عن الاخ تاجر الاحزان اقدم لك اعتذاري لانه شخص يستحق الاحترام

اسف على الاطالة

تحياتي

[سندباد]

السلام عليكم
اهلآ اخويه صلاح ....اولآ اني مو زعلان على الاخ تاجر لأن في مقوله تكول(إحمل اخاك على
سبعين محمل) .... ابدآ ماظنيت بيه ظن سوء لكن كل الشباب من يحب يمزح او يجامل يكتب
جوه الرد مالته لاتزعلون تره اتشاقه او امزح وياكم او اي شي يدل على ان الكلام مزاح..
لكن الاخ تاجر كان الكلام موجه الي شخصيآ وما مخلي اي شي يدل على انو كلامه شقى
مع حب واعتزازي لكل اخواني واخواتي بالمنتدى واكنّ الهم كل الاحترام .. ولاتعتذر ولاتتأسف
الموضوع عادي ولاكأنما حصل شي وصدكني مافرق بينك وبينه وبين اي شخص كلنه اخوان
اخويه صلاح اااااااافه عليك احنه ولد الملحه .... احنه اكبر من هذا الشي
تقبل ودي واحترامي الك وللأخ تاجر الاحزان ولكل الشباب

سندباد

[تاجرالاحزان]

يابه سويته طويله هههههههههههههه

عمي والله أشاقه ولوما صلاح مجان أعرفت بهذا الكلام
عمي أعذرني أنا أسف تحياتي لك ياورد

[سندباد]

مرحبآ.... عمي منو كلك اني زعلان؟؟
حبيبي اسفك مرفوض لأن اصلآ اني مو زعلان على شنو تتأسف
عمري انت انشاء الله حبايب تحياتي الك
وللجميع

سندبــــــــــــــــــــــــــــــــــــــــــــــ اد

[علي العراقي 88]

مرحبا اخواني طلاب كلية الزراعة ممكن تخلوني اشارك وياكم لان اني ابن جيرانكم
ههههههههههههههههههههههههه اني طالب تربية رياضية
تقبلو مروري

[علي العراقي 88]

مرحبا اخواني اخواتي طلاب كلية الزراعة ممكن تخلوني اشارك وياكم لان اني ابن جيرانكم
ههههههههههههههههههههههههه اني طالب تربية رياضية
تقبلو مروري

[سندباد]

اهلاً علي العراقي .. حياك الله منور كليتنه وممكن تشارك براحتك حبيبي
شلونك ابن جيرانه .. يلا يوم علينه اللفات ويوم عليك ... خوووش عمي؟
تحياتي الك

[ENGLAND]

بصراحة حسب رأيي ماكو فرق بين كلية وكلية كلهم نفس المستوى

[علي العراقي 88]

مرحبا شباب وصبايا شلونكم شخباركم انشاء الله مرتاحين

[هدوء]

اهلا اصدقائنه

شلونكم ؟؟

واهلا بالاخ علي العراقي

تحياتي

[علي العراقي 88]

هلا بيج هدوء شلونج شخبارج انشاء الله مرتاحه
وشلونه الدوام وياج
اكول هو يمته الدوام ؟؟؟؟؟؟؟؟؟؟؟؟؟

[هدوء]

هلو علي العراقي

اني الحمد لله بخير

والدوام ماادري يمته بالضبط لان اني تخرجت

وابشرك ماكو تعيين ولله الحمد

تحياتي الك وان شاء الله ترجعون للدوام باقرب وقت

لان اكيد ضجتو من كعدة البيت

سلامي

[علي العراقي 88]

على الخير على التخرج صارلج شكد من تخرجتي ؟؟؟
هدوء الله يساعدج ماااااااااكو تعيين وهسه انتي كاعده هااااااا ؟؟؟؟
انشاء الله الدوام يوم الاحد يوم 13/4

[علي العراقي 88]

شكراً على الترحيب الرائع هدوء
صارلج كم سنة من متخرجة
والله يساعدج ماكو تعين
يوم الاحد انشاء الله الدوام

[هدوء]

هلو علي

مشكور ويوم ألالك ان شاء الله

واني خريجة 2006 - 2007

وطبعا كعدة البيت تضوج بس تقريبا تعودنه عليها شنسوي

لان ماشاء الله يامكان نروحله ونقدم تعيين بي بس يسمعون زراعة مادري شيصير بيهم

وراسا يكلونه ما محتاجين وماكو درجات وظيفية......الخ

المهم ماريد اضوجك وانشاءالله تتخرج وتتعين

وتصير سوالف بعدين

[سندباد]

هلو هدوء شخبارج؟؟
خلي ايمانج بالله قوي كله فد اربع خمس سنوات وينفتح التعيين
لالا انشاء الله خير... اكو امل كبير راح تجي تعيينات للزراعه
خبر اكيد ... لأن تحركنا عالوزاره واملونا خير
يلا تحياتي للجميع

[هدوء]

هلو سندباد

الحمد الله بخير

انت شخبارك؟؟

والحمدلله لو ما ايمانه قوي بالله ماكدرنه نصبر على هواي شغلات مو بس التعيين

لان الحياة محطات وكل محطة بيها صعوبة

والله كريم

تحياتي الك

[سندباد]

هلو هدوء شكراً الله يخليج
اني بخير الحمدلله
اكيد ولاتنسي الصبرمفتاح الفرج ..ازمة وتعدي
انشاء الله
اتمنالج كل الخير وللأخوان جميعاً
وهلا بيهم بمضيف كليتنا
كليـــــــــة الزراعه
شكراً

[IraqCanada]

اعزائي مرحبا" بكم..اني خريج قديم لكلية زراعة البصرة وحبيت اسال سؤال يا ريت تكدرون تساعدوني.. اساتذتي القدماء في كلية الزراعة وخصوصا" قسم التربة ما زالوا موجودين مثل د. مهدي ابراهيم واستاذ داخل واستاذ جمال ناصر السعدون واستاذ حسن رحيم ابو المايكرو و د. راضي كان رئيس القسم على ايامي وبالمناسبة سمعت د. كاظم مشحوت ابو كمياء التربة اغتالوه الارهابيين هل هذا صحيح ؟؟...رجاء" اذا لديكم معلومات على الاساتذة الموجودين اكون ممتن لكم اذا تخبروني بيها مع جزيل شكري.

[سندباد]

اهلاً وسهلاً بيك اخ عراقي نورتنا وصدفه حلوه انه تكون من خريجي كلية الزراعة ونتشرف بمعرفتك .. بالنسبة للأساتذه الي تسأل عنهم راح احجيلك بأيام دراستي لأن عاصرتهم هاي سنة
2002/2003 دكتور ابراهيم واستاذ داخل كانوا موجودين البقيه ما اعرفهم وكان رئيس القسم
الدكتور صباح الشافي ... وخبر دكتور كاظم مشحوت للأسف صحيح اغتالوه بساحة سعد حسب ما سمعت ...بس ما كتلنه بيا سنة تخرجت من الكليه ... ؟ ومن درست بالكليه بمكانها الحالي بالكرمه لو من جانت بالتنومه ؟؟ وحالياً العميد شاكر حنتوش رئيس قسم المكننه سابقاً
اتمنى اكدر اخدمك بشي اخي عراقي لأن طلعنه صنف ههههههههههههه
تحياتي الك ولكل الشباب الموجودين بجامعة البصره الحبيبه

[IraqCanada]

حبيبي سندباد شكرا" جزيلا" على هذه المعلومات وعذرا" على التأخير .. الحقيقة انا درست سنتين في التنومة على ما اذكر وبعدين تحولنا الى باب الزبير الى ان انتقلنا الى الكرمة تخرجت سنة 1987 واتمنى اعرف ربعي وين صاروا بعد الغربلة اللي بهذلتنا وخلتنا كل واحد بديرة..صباح الشافي لا اتذكره..على ايامي كان العميد هو الدكتور نزار احمد شكري الله يذكره الخير..كذلك كان هناك الدكتور محمد عبد الله النجم استاذ الري والبزل من الناس الذين تركوا في نفسي كبير الائر ولم التق بشخص مثله بعدها ابدا" هل سمعت بهؤلاء الاساتذة يا سندباد؟؟ وبالمناسبة هل بالامكان الحصول على ايميل او تلفون استاذ داخل او د. مهدي ابراهيم ابو فيزياء التربة؟ اكون في غاية الشكر اذا كنت مازلت في البصرة وتلتقي بيهم..مع خالص شكري على ردك وترحيبك الحار.

[سندباد]

اهلاً وسهلاً اخ عراقي تحياتي الك
اي بلي اخي الكريم سمعت بيهم الاستاذه الي ذكرتهم د.نزار و دكتور مهدي بس للأسف ما اعرف اخبارهم تعرف الوقت شلون صار هسه ....الاخ ما يسأل على اخوه بس الحمد لله متواصلين وي جماعتنه واكو اتصالات وانشاء الله بس
احصل رقم دكتور داخل او دكتور مهدي راح انطيكياه وتأمرني أمر .... وياربي يعود الامان وترجعون للبلد لأن حرام هاي
العقليات خارج العراق... والله يعينكم عالغربه
لك كل الاحترام والتقدير ..... سلامي للجميع

[IraqCanada]

يا رب آمين انشاء الله ترجع الامور مثل ما كانت ايام الخير ونعود لبلدنا الغالي.. والله الشوق للعراق لا يضاهيه شوق برغم الفرق الشاسع في مستوى المعيشة بين كندا والعراق ولكن يبقى تراب العراق اشرف واحن ولا يمكن ان تقارن اي بقعة في هذا العالم بالعراق.. ادعو الله ان يخلص العراقيين الشرفاء من يراثن الاميركان الذين احتلوا بلدنا عسكريا" وبراثن الايرانيين الذين احتلوه سياسيا".. تصور يا أخ سندباد اني قبل يومين التقيت بفتاة وهي اصلها من روسيا ومازالت تتحدث الانكليزية بلهجة روسية تصور سالتني ان كنت مسلما" فاجبتها بنعم فكان سؤالها التالي هو سني ام شيعيّّّ!!!! والله استوقفني سؤالها هذا وسالتها ومن قال لك ان هنالك فرق بين السنة والشيعة؟؟ وهل تعرفين عن الاسلام شيئا" آخر غير كون امسلم شيعي او سني حاولت ان تبرر سؤالها اولا" بانها تعرف عم تتحدث ولكن اخيرا" اعتذرت وقالت بانها لن تستطيع معرفة الامور اكثر مني انا المسلم العراقي..كل الدول الان تسعى لبفاء الوضع في العراق على ما هو عليه فالكل رابح ما عدا العراقيين.. عسى ربي يرفع هذه الغمة ونعود الى احضان الوطن وتعود ليالي العراق الجميلة و تمثال السياب الشامخ على الكورنيش يتغنى بالعراق ويقول: الشمس اجمل في بلادي من سواها والظلام حتى الظلام هناك اجمل فهو يحتضن العراق.تحياتي لك اخي سندباد والى كل العراقيين في هذا المنتدى الرائع الذي يجمعنا باخوتنا في الوطن ويعيد حنين الذكريات الجميلة وربي يسلمكم اخوتي من كل شر.

[سندباد]

السلام عليكم

اخي عراقي ....العراق للأسف وضعه من سيء الى اسوء لايغرك الاعلام ..وحتى الاعلام العراقي
دعك من الامن ... ولكن انظر الى الوضع الاقتصادي للفرد... الحكومه للأسف فعلنا كذا وكذا والنتيجه
صفر على سبيل المثال التعيينات (ههههههه) شر البلية مايضحك ..من بداية السنة ولحد اليوم خصصنا
وخصصنا وخصصنا ....الخ من خصصنا ولكن اين الفعل ؟؟؟ شباب راقي وعقليات فذه وطاقات كامنه
للأسف لا تجد فرصه للتعيين بين حيتان الجهل والتخلف من الاحزاب الغبيه ..ز واتحدى اي شخص ينزه
اي حزب.. اخي عراقي تصور موافقه على عقد (خبلوني) 9 أيام وما حصلت موافقه .. شتترجى بعد ؟؟
على العموم اخي في القلب لوعه ..لكن نصيحتي إلك ..لا ترجع للعراق الوضع فوضى في فوضى.

[هدوء]

مرحبا اخي الكريم عراقي
نورت المنتدى ونورت صفحتي المتواضعة.... ويارب ترجع للعراق
لان فعلا ماكو اغلى من الوطن
طبعا اني هم خريجة كلية زراعة يعني هم صنف ( مثل ماكال سندباد ) هههههههه
تقبل تحياتي

[هدوء]

مرحبا سندباد

طبعا اكيد منور الصفحة بوجودك وبردك هذا شي منتهين منه

بس حبيت اعلق شويه على ردك بكلمات بسيطة....
يعني الي طلع خارج العراق ورتب اموره على المعيشة هناك كلنه نتمناله التوفيق اكثر
ونتمنى ان يرجعون لبلدهم لان بالنهايه هو اولى بيهم....
بس الي موجودين هنا ليش يفكرون بهذا الشي راح تكول فوضى وماكو تعييين و.............الخ
بس اريد اسألك سؤال اذا طلعت كل الناسالزينه الي تحمل مثل فكرك الراقي ماتكلي من يبقى ويبني
وشلون نصير ايد وحدة اذا ماكلنه نبقى ببلدناونتحمل الحلوة والمرة سوية....

طبعا يمكن طولت عليك ولكن هي وجهة نظر مو اكثر
اتمنالك التوفيق ولك كل الاحترام وخالص المودة

[salahsport_82]

السلام عليكم

شلونكم أخوان شخباركم يارب بخير سلامي لكم

[سندباد]

اهلاً صلاح حبيبي الغالي الزراعة منوره بيك تحياتي إلك

سلامي للجميع وامنياتي لهم بالتوفيق
هدوء .. اشكرج جزيل الشكر للتواصل اولاً ولرأيج ثانياً
الموضوع واسع ومتشعب ...بس لا تتصورين السفربالوقت الحالي شي هين بالعكس اصعب بهواي
من قبل .. كل الطرق مسدوده بوجه العراقي الحمد لله ...ما اعرف هذاالانسان شنو سوه بحياته حتى
ينكره من كل الدول ؟؟ شي غريب ومحير والله..ابتداءاً من مدينة القزم ومن مهلكته الهاشميه الى كل
دول الجوار.. هدوء... دفعنه ضريبه من عمرنا تكفي ماكو صبر بعد.. لكل انسان طاقه تحمل وفد امل زغير
يعيش من اجله وللأسف بهذا الوقت حتى الامل أظن انتهى وبقى ايمانه برب العالمين والتوفيق من الله
آسف للأطاله .. بس توضيح بسيط جداً مو اكثر واحترم رأيج هدوء وتقبلي تحياتي ..

[IraqCanada]

أعزائي سندباد والاخت الغالية هدوء شكرا" جزيلا" على ردودكم الحلوة..والله كاني اسمع من اخوتي حين اسمع منكم..يؤسفني ان اسمع ان اوضاع البلد تسير من سيء الى اسوء فقد كانت الامال كبيرة ولكن للاسف لم يتحقق شيء حتى اصبح الناس يتحسرون على ايام النظام السابق حيث الامان الذي ذهب معه والدخلاء الذين اتوا الان من وراء الحدود وخربوا البلاد..أعتذر لتاخري فالدنيا هنا ركضة والوقت يطير بسرعة اكبر بكثير منه في بلدنا..المهم ديروا بالكم على نفسكم فالعراق عراقكم وليس عراق الدخلاء والمرتزقة والمستقبل انشاء الله افضل من الحاضر..من جديد تحياتي لكم وشكر خاص لك يا سندباد على مساعدتك مقدما".

[cpa_asca]

السلام عليكم

طبعا حبيت ابارك لطلاب كلية الزراعه للحفله الي سووها على قاعة معهد النفط وجانت حفله كلش حلوه وياريت الكل يبارك الهم لانهم يستحقون التهنئه

[هدوء]

اهلا وسهلا cpa

منور الصفحة

والف الف مبروك لكلية الزراعة تخرجهم طبعا التهنئه تشمل

كل الاقسام دون استثناء

تحياتي

[salahsport_82]

الف مبروك عليكم هدوء ولكل الزراعة

تحياتي

[هدوء]

مرحبا اخي صلاح

شلونك؟؟

وشكرا الك

والف مبروك لكل المتخرجين(ك000)

والف الف مبروك فوز المنتخب العراقي :ar:

ويارب دائما ايامنه افراح

تحياتي

[من البصرة]

[size=3][font=Arial]مرحبا انا عضوة جديدة واتمنى تقبلوا مشاركتي

[من البصرة]

مرحبا انا عضوة جديدة اتمنى تتقبلوا مشاركتي معكم تحياتي

[هدوء]

اهلا وسهلا بيج من البصرة

نورتي الصفحة والمنتدى

واهلا بكي صديقة جديدة

تحياتي لكي

[سندباد]

الف هلا بيج صديقتنه الجديدة نورتينا
انشاء الله تستمتعين ويانا وخصوصاً كلية الزراعه
اي شي تحتاجيه موجود طماطه تفاح خوخ .. معلبات سمك ..مربى كلشي
موجود هنا بس الدفع مقدماً .......ههههههههههه
تحياتي لكِ مره ثانيه ونتشرف بمعرفتج يا ( من البصره)

سلامي للجميع

[من البصرة]

كلية الزراعة كلية حلوة حالهة حال الغير يعني ماكوا داعي لهلنضرة المستوى مو بلشهادة المستوى اللي نتمناه انه نفرح اهلنة بشهادتنة ونحقق احلامنا وطموحاتنة واني والدي دكتور جامعي وبروفيسور خريج كلية الزراعة فما في داعي انكم يا طلاب الزراعة

[هدوء]

اهلا سندباد


شلونك؟؟

وشنو هاي من هسه الدفع مقدما
اني ماادفع راح اجيبلك مربى وانت انطيني بداله سمج ( تبادل منغعه هههههه)
ولو اني مااحب السمج عود اذا هاي جيب احواض زينه وبيع كلها راح تشتري

تحياتي الك ونورت الصفحة

[هدوء]

هلو من البصرة

شلونج؟؟

واكيد ماكو فرق بين الكليات وبالعكس احنه نفتخر بأن احنه متخرجين من كلية الزراعة
وكل شيء في الحياة اساس علمي لايمكن الاستهانه به او تجاهله

اما النظرة فهذه المجتمع هو الي وجدها وهي لاوجود لها اساسا بس بعد شنسوي نتحمل
ونورتي الصفحة يااختي الغالية

لكم كل الود

[من البصرة]

بلعكس اختي اني احترم جميع طلاب الكليات وعلى جميع المستويات بس احنا العراقيين عودونة انه لبنية مكانها البيت معروف هالشي ولو كنت حاصلة على اعلى الشهادات نضرة جاهلية شنسوي

[هدوء]

بلعكس اختي اني احترم جميع طلاب الكليات وعلى جميع المستويات بس احنا العراقيين عودونة انه لبنية مكانها البيت معروف هالشي ولو كنت حاصلة على اعلى الشهادات نضرة جاهلية شنسوي

من البصرة مرحبا شلونج؟؟

صحيح المعروف عن البنية بالبيت بس اصور هذا الشي
قل خصوصا بالوقت الحاضر واحنه نكدر نغير هذه الفكرة الجاهلية مو تمام؟؟

والبنيه تكدر تثبت وجودها بأي مكان بالبيت او العمل وهذا يعتمد ع قوة شخصيتها
وبعدين مو شرط نحصل ع الشهادة حتى نتعين بيها لا بالعكس هذا مو هدف اساسي
الشهادة لها دور كبير في اكمال ثقافة الانسان وتعزيز شخصيته ومكانته بالمجتمع سواء امرأة او رجل

وان شالله نتعين وليش هذه النظرة التشائميه يا من البصرة

وتحياتي الج وشكرا لمشاركتك

[سندباد]

مرحبا شباب شخباركم ؟؟
هلو هدوء آسف ما رديت عليج لأن النت تعبان صدكيني
وشكراً جزيلاً على سؤالج
من البصره : منوره الزراعه يا ورد الورود شخبارج ؟؟
بس شويه توضيح لأن ماشاء الله هدوء كفت أوفّت

بلعكس اختي اني احترم جميع طلاب الكليات وعلى جميع المستويات بس احنا العراقيين عودونة انه لبنية مكانها البيت معروف هالشي ولو كنت حاصلة على اعلى الشهادات نضرة جاهلية شنسوي

شوفي من البصره آني ويه كلامج .. بس اكو عوائل تحترم الشهاده وتنطي الفرصه للبنيه
أنه تمارس عملها وبكل ثقه .. وابسط دليل على ذلك (إنتي) لأن فهمنا من كلامج أنه تعملين
بمجال الصيدله .. فهمتي قصدي ؟بس فعلاً اكو عوائل ماتحب تشوف بناتهم يعملون وهذا شي
يرجع الهم ...بس وجود النساء ضروري ابعض الوظائف مثلاً طبيبة نسائيه .. وغيرها ..... تمام ؟؟

يلا تحياتي إالكم منورين

[هدوء]

اهلا وسهلا بيك سندباد

منور كعادتك بردك الوافي وتوضيحك للامور

شكرا لك واسعدني مرورك

تحياتي

[salahsport_82]

عساكم على القوه طلاب الزراعه والله يساعدكم

امتحانات وحر والله صعبه الله يوفق الجميع أنشالله

تحياتي لكم أصدقائي

[هدوء]

اهلا وسهلا اخي صلاح

منور الصفحة اخي والله يساعد الجميع على الحر

تحياتي

[ENGLAND]

إخت هدوء بشرينة ناجحة لو.....

ان شاللة الكل تنجح

تحياتي

[هدوء]

هلو انكلاند

بالبداية منور برجعتك للمنتدى

واني ناجحه من العام ( هههه )( في قائمة المتخرجين بلا تعيين )

تحياتي لك

[سندباد]

هلو صلاح
هلو انكَلاند
هلو هدوء
هلـــــــــــو للكـــــــل

انكَلاند وين جنت ؟ كَاعد بالبدي ؟؟ ماتدري هدوء متخرجه من العام ؟؟
وهم كَول اني ماتدري بيه متخرج من خمس سنين ؟؟؟
لالا يرادلك إدامــــه توب (بالهراوات)ض100
حبايب منورين كليــــة الزراعة وراح نقدملكم شربت نومي بصره
بمناسبة زيارتكم إلنــــــــــــه ... اجيب الشربت من رخصتكم

بــــــاي

[ENGLAND]

أهلآ هدوء

يعني انت مثل اخوي :حب جكاير علج ههههههههههههه

الله يساعدكم الكعدة بالبيت تأذي ..ما أريد أطول عليج

مثل ماكال سندباد المجتمع محتاج للنساء بكل فروعة وجوانبة

هاج هذة المثل (لو خليت قلبت) ولو ما حواء جان لا انة ولا انتي

تحياتي

[هدوء]

انكَلاند وين جنت ؟ كَاعد بالبدي ؟؟ ماتدري هدوء متخرجه من العام ؟؟
وهم كَول اني ماتدري بيه متخرج من خمس سنين ؟؟؟
لالا يرادلك إدامــــه توب (بالهراوات)ض100
حبايب منورين كليــــة الزراعة وراح نقدملكم شربت نومي بصره
بمناسبة زيارتكم إلنــــــــــــه ... اجيب الشربت من رخصتكم

بــــــاي
.................................................. .............................................

هههههه

مرحبا سندباد منور الصفحة

ويلا انتظر شربت النومي لان كلش احبه

تحياتي لك

[هدوء]

مرحبا انكلاند

واهلا وسهلا بيك منور

وصحيح المرأة هي نصف المجتمع

وشكرا الك

تحياتي

[سندباد]

مرحبا

شلونكم جميعاً ...امنياتي الكم بالخير

عمي ندري المرأه نصف المجتمع ..زين الرجال شنو موقعه من الاعراب ؟

شنو ماله مكان بالمجتمع ...؟

شنو هالعنصريه هاي كلمن يتحيز لجنسه

تحياتي الكم

[هدوء]

اهلا ومرحبا بك سندباد

ولاتزعل علينه

واذا كنا احنه نصف المجتمع فانتو النصف الاخر

وماكو اي عنصريه بالعكس الله خلق المراة باحتياج دائم الى الرجل

فهو مصدر قوتها......

والرجل ايضا يستمد حنانه وعاطفته من المرأة

اذا فنحن متفقون بان كلانا يكمل الاخر


وشكرا لتواجدكم هنا

[salahsport_82]

السلام عليكم

جيرانه انتوا ومن حقكم علينا ان نسلم عليكم

أنشالله تكون الزراعه بخير

تحياتي ألكم

[هدوء]

اهلا وسهلا بيك اخي صلاح

ونكولك وعليكم السلام واحنه بخير ونسأل عنكم ؟؟

تحياتي لكم جميعا

[ENGLAND]

أهلآ هدوء

الله عليج ماشتاقيتي للكلية

تحياتي

[هدوء]

اهلا بيك انكلاند

اكيد اشتاق للكليه لان ماكو احلى من ايام الدراسه
واحساس الطالب ..

بس الحياة مراحل وكل مرحلة لازم تنتهي حتى تبدي غيرها

وانت ان شاء الله يوم تخرجك يارب

حتى تصير في قائمة المتخرجين

[سندباد]

السلام عليكم
رمضان كريم عليكم يا اهلنا الطيبين

حبيت امر هنا واسلم على جميع الاخوان ونكَلهم اخوانكم بكلية الزراعه
يرحبون بيكم واي استفسار او سؤال الاخت هدوء وآني اخوكم
موجودين وإدللو .....زين ليش ما تفطرون ويانه اليوم ؟
شنو رأيكم ؟

الاخوان الي يدخل لهذا الموضوع... غير كاتب الموضوع
ممكن نعرف رأيك بكلية الزراعه ؟ مع العلم دراستها علميه بحته

تحياتي الكم
آعتذر من كاتب الموضوع للتجاوز ....لكن حبيت الموضوع يكون متجدد

[هدوء]

مرحبــــــــــــا

سندباد منور الموضوع .. وبالعكس ماكو اي تجاوز وخصوصا انت احد طلاب هذه الكليه

والك مطلق الحريه في التعبير واضافه الى ذلك خبرتك الحلوة الي ممكن ان نستفاد من عدها

بس للاسف انتظرت هواي من اللاعضاء ان يدخلون وينطون رائيهم بس الظاهر ماكو ؟؟

يلا على كلا الف شكر الك وللجميع

تحياتي

[سندباد]

شكراً لكِ سيّدتي الكريمه وهذا من كرمك

اعتقد الاعضاء منشغلين بالدراسه او العمل او ماشابه

امنياتي للجميع بالتوفيق

[روح العراق]

مرحبا

شلونكم طلاب كليه الزراعه ؟

اول شي اني اطلب اللجوء الى كليه الزراعه

لان ماكو احد من الطبيه هنا

هي جانت بس علا وراحت
وبقيت لوحدي هئ هئ هئ

هدوء وسندباد تقبلون اللجوء مالتي ؟؟؟؟؟؟؟

حبابين وافقوا

ثاني شي وهو المهم

الاخت العزيزه بنت البصره

منو هاي اللي راح تكعد بالبيت اول وتالي ؟؟؟؟؟؟؟

اكيد مو اني

يعني احنه ندرس ونتعب وتاليتها نكعد بالبيت ؟
ليش درسنا من البدايه لعد؟؟؟؟؟

اثناء الدراسه احنه نكتسب خبره وثقافه ولازم نفيد المجتمع منها

يعني عمل المراه ضروري جدا
ومن الاساسيات بالنسبه الي عالاقل

وشكرا الج ولرايج اختي منوره المنتدى

هسه نجي للاهم

منو قال المرأه نصف المجتمع ؟؟؟؟؟؟؟؟؟؟

المرأه كل المجتمع

خلي الحق افلت قبل لتلزموني ههههههههه

باي

[سندباد]

هلووووووووووو

روح لا تبجين كافي راح نتشاور اني وهدوء ونشوف نقبل لو لا

اذا قبلنا راح ندخلج ويانه بمنظمة الزراعه المتحده لرعاية المتضررين

بالنسبة لكلامج على عمل المرأة اكيد المجتمع يحتاج المرأه وخصوصاً اختصاصج انتي

ياحبذا لوكان نسائي ..لأن اكيد راح تفيدين الكثير من النساء

وبعدين لا تنغرون المرأه نصف المجتمع قبلنا اوكي حكم القوي عالضعيف شنسوي

بس مال تكولين كل المجتمع لا عيني اعذريني .. سالفه تفيدكم هاي

انهزمتي مع الاسف ملحكَنا نكمشج .. اوكي الجايات هووواي

سلامي ... هدوء ردي عليها

[هدوء]

مرحبـــــــــا

اني اگول الموضوع منور .. طلع نور الاعضاء المتواجدين بيه

اهلا وسهلا بيكم ياروح وسندباد

نجي لروح بالبدايه ..نورتي الموضوع واهلا وسهلا بيج

وياستي احنه نصف المجتمع والرجل النصف الاخر واحدنا يكمل الاخر .. هاسندباد لاحكم قوي ولاضعيف وكلمن حسب كفائته وقدراته تمام؟

احنه نعترف بيكم شئنا ام ابينا..لاتزعلون

ولله ياروح موضوع اللجوء فكرنا بي اني وسندباد(( طبعا بعد التشاور هههه))

وبصراحه ماكو اي اعتراض ههههههه

تنورينا ولله وكلش سعداء بأنضمامكِ الى منظمة الزراعة المتحده

وسندباد لازم تجي حتى نتفق على توزيع المهام هههههه

يلا اني اروح هسه واترك توزيع المهام لسندباد بس ها اذا ماعجبنه نعترض

(حكم القوي على الضعيف مو هههههه)

يلا سلامي .. ولي عـــــــــودة

[سندباد]

ِ السلام عليكم

شخباركم ؟

هسه يلا وصلت النت ضعيف تعبني ...دكَيتها مشي
على العموم شخباركم ؟ هدوء شخبار الزراعه الشتويه ؟؟ راح تبدي هسه
اكو ناس طلبوا لجوء انساني مو سياسي للزراعه وافقنه عليهم بشرط مايسوونه مشاكل
ويه الكليات البقيه ... هسه نبدي تقسيم المهام :

المتحدث يعني آني : رئيس المنظمه لأن بوحدي ماكو منافس:coffee:

هدوء : نائب الرئيس عن حزب اليمين :{girl}:

روح العراق : نائب الرئيس عن حزب اليسار :n200633:

طبعا احنه نرحب بأي عضو جديد يحب ينظم لهاي المنظمه يدلل بس يدفع اشتراك شهري
حتى نطور منظمتنا .. ويجوز نكتسح منظمة الامم الملتحمه smile2

اذا اكو اعتراض على وظائفكم الجديده نسمع منكم

يلا نشوفكم بخير ...... باااااااي

[هدوء]

مرحبا

سندباد منور .. والحمد لله على سلامتك لش كلفت نفسك
اكو رئيس منظمه بهل الوگت يدگها مشي .. بس يلا التواضع حلو

بالنسبه للوظيفه اني موافقه وماعندي اي مانع
بس بقت روح لازم توافق حتى نوقع وتصير الشغله رسميه

يلا روح ننتظرج
سلامي

[روح العراق]

مرحبا

تاخرت بالرد عليكم

بس كنت ادرس المسأله
وقررت بالأخير القبول بالمنصب المعروض عليه

سندباد وقع على القرار وبعدين تعال كمل قرايه الرد

ها بس ترى اكو تحذير
سندباد لازم تصير خوش رئيس منظمه
وتودينه اني وهدوء ايفادات للخارج
مو تاخذها كلها الك

و إلا ترى اني وهدوء منسكت
ونسوي انقلاب
مدا اهدد بس توضيحا للامور

ههههههههه

هسه انطرد

مودتي

[هدوء]

هلوووووووووووو

روح منورة ولله
يعني نكول مبروك على توقيع الاتفاقيه ههههههه

وبالنسبه للايفادات سندباد لازم توزعها بالتساوي
ولو ماكو نروح كلنه سوى حتى العدل يسود مو هههههه
والمنظمه تبقى تايهه لان كلنه ايفاد.......

يلا تحياتي الكم

[سندباد]

اني بااااااااااااااااك

شلونكم شخباركم ؟؟ خو الشباب ولا واحد يدخل هنا

خلونا هسه ... شخبار المناصب الجديده ؟؟ تمام مو ؟

عيني بالنسبه للبعثات ... نرسل روح العراق للصومال معايشه 3 أشهر

حتى تتعرف على ثقافتهم وطرق اكل الجراد وصيد العقارب

وعلى اثر ذلك تم الايفاد .. مع شرط اتقان اللغه (وي العبي بيها روح)


هدوء ايفادج الى لبنان (عدها واسطه) هههههههههه بس شهرين ها

لأن ماكو كادر ... اهم شي سمعة منظمتنا ما نريد نخسرها بالسوق

واني اروح لفرنسا عندي شغل مهم

يلا باي

[روح العراق]

هلوووووووو

سندباد اثبتت انك الشخص المناسب في المكان المناسب

وانك تمتلك عقليه فذه في اداره الامور

حتسال ليش ؟ واني راح راح اجاوب

اولا \ قرار حكيم جدا انو تدزني ايفاد للصومال
لان راح اكدر اعرف تاثير اكل الجراد والعقارب على الجسم
واحتمال اكدر اكتشف تاثيرات مهمه لهذا النوع من الاكل على بعض الحالات المرضيه

واصير دكتوره معروفه عالميا واخذ جائزه نوبل بالطب

ولتخاف من اسوي مؤتمر صحفي بعد استلام الجائزه
راح اقول ان الفضل يرجع لسندباد اللي دزني ايفاد للصومال

ثانيا \قرار ايفادك انت وهدوء الى باريس ولبنان

اني من اكثر المستفيدين منه. ليش؟

تدري انت انو الشتا جاي و موسم الاعياد على الابواب
عيد الاضحى والكرسمس ويستمر لغايه عيد الحب واعياد الربيع

ومستحيل افوت الفرصه انو اخواني الاكبر مني رايحين لباريس وبيروت
اللي همه عواصم الموضه بالعالم وبالوطن العربي
وما اوصيهم على تشكيله ملابس شتويه تكفيني الشتا كله كل يوم البس جديد ههههه

واكيد مراح انسى العطور اللي راح تجيبها انت من باريس
بس ذكرني ادزلك الماركات اللي اريدها

وبالتاكيد مراح تاخذ مني فلوس لان اني اختكم الصغيره
وعيب تاخذون مني فلوس وبعدين اني طالبه

وبالنهايه اني اعلن موافقتي على قراراتك
واؤكد انه المنظمه تسير بخطى واثقه للاستفاده من العقول الجباره
والخبرات القياديه المميزه لتحسين الوضع الحالي

نائبه رئيس منظمه الزراعه المتحده عن حزب اليسار

د.روح العراق

19\11\2008

[هدوء]

اني بااااااااااااااااك

هدوء ايفادج الى لبنان (عدها واسطه) هههههههههه بس شهرين ها

لأن ماكو كادر ... اهم شي سمعة منظمتنا ما نريد نخسرها بالسوق

واني اروح لفرنسا عندي شغل مهم

يلا باي

ولكم سندباد

منور .. يارئيس المنظمهض.21
شلونك ؟ انشاء الله ماتعبان من المسؤوليه مو ؟:big_boss[1]:
طبعا بالنسبه لقرار الايفاد كلش فرحت لان راح اروح للبنان بسو لو شهرين قليله بس
يلا ميخالف الجايات اكثر
واكيد طبعا سمعة المنظمه فوق كل شيء
اكول قبل لا ينتهي الداوم اليوم واطلع اشو ليهسه ماكو رواتب شنو القصه ؟؟
يلا سلامي:eh_s(8):

[هدوء]

هلوووووووو


قرار ايفادك انت وهدوء الى باريس ولبنان

اني من اكثر المستفيدين منه. ليش؟

تدري انت انو الشتا جاي و موسم الاعياد على الابواب
عيد الاضحى والكرسمس ويستمر لغايه عيد الحب واعياد الربيع

ومستحيل افوت الفرصه انو اخواني الاكبر مني رايحين لباريس وبيروت
اللي همه عواصم الموضه بالعالم وبالوطن العربي
وما اوصيهم على تشكيله ملابس شتويه تكفيني الشتا كله كل يوم البس جديد ههههه

واكيد مراح انسى العطور اللي راح تجيبها انت من باريس
بس ذكرني ادزلك الماركات اللي اريدها

وبالتاكيد مراح تاخذ مني فلوس لان اني اختكم الصغيره
وعيب تاخذون مني فلوس وبعدين اني طالبه

وبالنهايه اني اعلن موافقتي على قراراتك
واؤكد انه المنظمه تسير بخطى واثقه للاستفاده من العقول الجباره
والخبرات القياديه المميزه لتحسين الوضع الحالي

نائبه رئيس منظمه الزراعه المتحده عن حزب اليسار

د.روح العراق

19\11\2008

هلوووووووو روح منورة

ههههههههههه ولله عفيه عليج خوش حللتي الموقف المهم احنه نتمنى نستفاد من ايفادج لعد على شنو دازيج
غير حتى تصيرين مشهورة
وبالنسبه للملابس الشتويه لاديرين بال ولاتشيلين هم للفلوس سندباد راح يدفعها كلها اي لعد شلون غير ايفاد مدفوع الثمن اطمئني ....... وانتي اصلا موصيته على العطور .. خطيه هسه يمكن توترت اعصابهك3 بس لاهو كريم ميكول شي
يلا يارب نتوفق
سلاميbye1