ابوذيات تريد الجواب

[علاء الكربلائي]

كلبي الما يحب غيرك ولعباك
زغير جنت اشيلنك ولعباك
حيلكم بعد ما يمشن ولعباك
امشيهن كمت غصبن علية


شتبي سود النوايب شلهة بنة
وعلى نار المواكد شلهبنة
نربي وعض ادينة وشلهة ابنة
نكر طيب الثداية وبدة مية



اشوفك منخط لونك وشل بيك
افك بتوت دلالي وشل بيك
انحنيت ودنكت راسي وشل بيك
وانتة بكل حقد تسحك علية

[عاشقة ابوذنون]

غرامك عشعش بكلبي ومسكول ومس كل الجسد وشفاك توفي ومسكول منك لوتجي رنة ومسكول علمودك لاحط كارت ابو المية

[حيدر العبيدي]

اذا كلبك يحب غيري ولع بي
مثل نار وتاكل الورقه و ولع بي
مو انته الجنت بيه ولهبي
شدارك من ثكل دهري عليه

اذا سود النوايب جت عليكم
درع جسمي يفوز وجت عليكم
تلاكي سيوف بالكونه جت عليكم
علاء وياك انه لحد المنيه


علاء شبيك تسألني وش البيه؟
حجو عنك كلام شكد وشه البيه
هسه عرفت ياخويه وش البيه
اليحجي بيك جن يحجي بيه

مع حبي واعتزازي بكم
الشاعر الشاب
حيدر العبيدي